<p>ಶುಭಂ ಎಂದಾಗ ತೆರೆಯ ಮೇಲಿನ ಕತೆ ಮುಗಿವುದು<br />ಈಗ ಅದು ಹೇಳದೆಯೂ ಮುಗಿಸುವುದನ್ನು ಕಲಿತಿರುವರು<br />ಇರಲಿ, ತೆರೆಯ ಮೇಲಿನ ಕತೆ ಮುಗಿದೊಡನೆ<br />ಮನದೊಳಗಿನ ಕತೆ ಏಳುವುದಲ್ಲ<br />ಅದು ಮುಗಿವುದು ಹೇಗೊ</p>.<p>ಎದುರು ಬದುರು ನಿಂತ ಅವರಿಬ್ಬರು ಮದುವೆಯಾದರೋ<br />ಬೇರೆಯಾಗದೆ ಬಾಳಿದರೋ ಮಕ್ಕಳಾದರೋ<br />ಕಣ್ಣು ಹಾಕಿದ್ದ ಗೆಳೆಯ ಆಮೇಲೆ ಸುಮ್ಮನಿದ್ದನೋ<br />ಕ್ಷಮೆ ಕೇಳಿದ ಕೇಡಿಗಳು ಮತ್ತೆ ಗನ್ನು ಹಿಡಿದಲ್ಲಿ<br />ನಿಟಿಕೆ ಮುರಿದ ಚಿಕ್ಕಮ್ಮ ಮತ್ತೆ ಹುಳಿ ಹಿಂಡಿದಲ್ಲಿ</p>.<p>ಹೀಗೆ ಮುಗಿದ ಮೇಲೂ ಇರುವ ಕತೆಯ ಸುಳಿವು ಬಿಚ್ಚಿಟ್ಟಿದ್ದೇ ತಡ<br />ಮುಂದೇನಾಯಿತು ಎಂದು ಅನೇಕರು<br />ಮುಗಿಸಿದ ಕತೆಗಳಿಗೆಲ್ಲ ಜೀವ ಕೊಟ್ಟು ಕೊಟ್ಟು<br />ಟೈಟಾನಿಕ್ ಹಡಗು ಮತ್ತೆ ಮೇಲೆದ್ದು<br />ರಾಮಾಚಾರಿ ಮಕ್ಕಳು ತ್ರೀ ಈಡಿಯಟ್ಸ್ಗಳಾಗಿ<br />ಫಣಿಯಮ್ಮನ ಮರಿಮಕ್ಕಳೇ ಕಿರಗೂರಿನ ಗಯ್ಯಾಳಿಗಳಾಗಿ</p>.<p>ಮುಗಿಯುತ್ತಲೇ ಇಲ್ಲ ಮುಗಿಯುವುದೂ ಇಲ್ಲ<br />ಕತೆಗೆ ನೂರು ಕತೆ ಹುಟ್ಟಿ ಕಾಬೂಲಿವಾಲ ಇಲ್ಲೇ ಸಂಸಾರ ಹೂಡಿ<br />ಅಡಗೂಲಜ್ಜಿ ಗುಳೆ ಹೋಗಿ<br />ಕರಟಕ ದಮನಕ ವಂಶಾವಳಿ ಬೆಳೆದು<br />ಎಷ್ಟು ಚಂದ ಅನ್ನುವಲ್ಲಿ ಇಲ್ಲೀ ಕತೆ ಕಾಶ್ಮೀರಕ್ಕೆ ಹೋಗಿ<br />ಹಿಂದಿ ಕತೆ ಬೆಂಗಾಲಿಯಾಗಿ ಅಸ್ಸಾಮಿ ಮಲೆಯಾಳಾಗಿ<br />ಪಾತ್ರಗಳು ಹರಡಿ ಹಂಚಿ ಹೆಣೆದು ಒಂದಾಗಿ ಬೇರೆಯಾಗಿ<br />ಎಡವಾಗಿ ಬಲವಾಗಿ ಮಧ್ಯಮವಾಗಿ<br />ಎಲ್ಲವೂ ಮೀರಿ ಅವರೂ ಅವರ ಮೀರಿ</p>.<p>***</p>.<p>ಆಯಾ ಕತೆ ಅಲ್ಲೇ ಮುಗಿಸಬೇಕಂತೆ<br />ಪಾತ್ರ ಮುಗಿದ ಮೇಲೂ ಅದೇ ಆಗಿರಬೇಕಂತೆ<br />ಇಲ್ಲಿ ಸಂಭವಿಸಬೇಕು ಇಲ್ಲಾ ಅಲ್ಲಿ ಸಂಭವಿಸಬೇಕು<br />ಶುರುವಾದ ದನಿ ಬೆಳೆಬೆಳೆದು ಏರಿ ಒಂದೇ ಸಮ<br />ಮುಟ್ಟಲಾಗದು ಯಾರು ಯಾರನ್ನೂ ಅಪ್ಪಣೆಯಿಲ್ಲದೆ</p>.<p>ಈಗ ಪಾತ್ರಗಳನ್ನು ವಾಪಸು ಕಳಿಸುವ ಕೆಲಸ<br />ತೆಕ್ಕೆಗೆ ಬಿದ್ದವರನ್ನು ದೂಡಿ ಎಷ್ಟು ಗಡಿ ದಾಟಿಸುವುದು<br />ಪ್ರತಿ ಗಡಿಗೂ ನಾಕು ಗಡಿ<br />ಕಟ್ಟಿಕೊಂಡಿದ್ದನ್ನು ಕಳಚುವ ಪಾತ್ರ<br />ಎಂಬ ಪಾತ್ರದಲ್ಲಿ ಯಾರನ್ನು ಕೇಳಬೇಕೋ<br />ಒಪ್ಪಿಸಬೇಕೋ ಎಂದು ಒಪ್ಪಿತವಾಗದಿರುವಲ್ಲಿ<br />ಮನೆಯೊಂದು ಮೂರು ಬಾಗಿಲು<br />ತೆಗೆದು ಹಾಕಿ ಹಾಕಿ ತೆಗೆದು ಸಾಕಾಗಿ<br />ಕತೆಯೇ ಬೇಡ ಎನ್ನುವಲ್ಲಿ<br />ನಮ್ಮ ಕತೆಯೆಂತಲೂ ಒಂದಿರುವುದಲ್ಲ</p>.<p>ಮುಗಿದ ಕತೆಯಿಂದ ಬಂದುದೋ<br />ಇರುವ ಕತೆಯಿಂದ ಹೋದುದೋ<br />ನನ್ನ ಪಾತ್ರ ನನ್ನ ಹುಡುಕುವ ಮೊದಲು...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಶುಭಂ ಎಂದಾಗ ತೆರೆಯ ಮೇಲಿನ ಕತೆ ಮುಗಿವುದು<br />ಈಗ ಅದು ಹೇಳದೆಯೂ ಮುಗಿಸುವುದನ್ನು ಕಲಿತಿರುವರು<br />ಇರಲಿ, ತೆರೆಯ ಮೇಲಿನ ಕತೆ ಮುಗಿದೊಡನೆ<br />ಮನದೊಳಗಿನ ಕತೆ ಏಳುವುದಲ್ಲ<br />ಅದು ಮುಗಿವುದು ಹೇಗೊ</p>.<p>ಎದುರು ಬದುರು ನಿಂತ ಅವರಿಬ್ಬರು ಮದುವೆಯಾದರೋ<br />ಬೇರೆಯಾಗದೆ ಬಾಳಿದರೋ ಮಕ್ಕಳಾದರೋ<br />ಕಣ್ಣು ಹಾಕಿದ್ದ ಗೆಳೆಯ ಆಮೇಲೆ ಸುಮ್ಮನಿದ್ದನೋ<br />ಕ್ಷಮೆ ಕೇಳಿದ ಕೇಡಿಗಳು ಮತ್ತೆ ಗನ್ನು ಹಿಡಿದಲ್ಲಿ<br />ನಿಟಿಕೆ ಮುರಿದ ಚಿಕ್ಕಮ್ಮ ಮತ್ತೆ ಹುಳಿ ಹಿಂಡಿದಲ್ಲಿ</p>.<p>ಹೀಗೆ ಮುಗಿದ ಮೇಲೂ ಇರುವ ಕತೆಯ ಸುಳಿವು ಬಿಚ್ಚಿಟ್ಟಿದ್ದೇ ತಡ<br />ಮುಂದೇನಾಯಿತು ಎಂದು ಅನೇಕರು<br />ಮುಗಿಸಿದ ಕತೆಗಳಿಗೆಲ್ಲ ಜೀವ ಕೊಟ್ಟು ಕೊಟ್ಟು<br />ಟೈಟಾನಿಕ್ ಹಡಗು ಮತ್ತೆ ಮೇಲೆದ್ದು<br />ರಾಮಾಚಾರಿ ಮಕ್ಕಳು ತ್ರೀ ಈಡಿಯಟ್ಸ್ಗಳಾಗಿ<br />ಫಣಿಯಮ್ಮನ ಮರಿಮಕ್ಕಳೇ ಕಿರಗೂರಿನ ಗಯ್ಯಾಳಿಗಳಾಗಿ</p>.<p>ಮುಗಿಯುತ್ತಲೇ ಇಲ್ಲ ಮುಗಿಯುವುದೂ ಇಲ್ಲ<br />ಕತೆಗೆ ನೂರು ಕತೆ ಹುಟ್ಟಿ ಕಾಬೂಲಿವಾಲ ಇಲ್ಲೇ ಸಂಸಾರ ಹೂಡಿ<br />ಅಡಗೂಲಜ್ಜಿ ಗುಳೆ ಹೋಗಿ<br />ಕರಟಕ ದಮನಕ ವಂಶಾವಳಿ ಬೆಳೆದು<br />ಎಷ್ಟು ಚಂದ ಅನ್ನುವಲ್ಲಿ ಇಲ್ಲೀ ಕತೆ ಕಾಶ್ಮೀರಕ್ಕೆ ಹೋಗಿ<br />ಹಿಂದಿ ಕತೆ ಬೆಂಗಾಲಿಯಾಗಿ ಅಸ್ಸಾಮಿ ಮಲೆಯಾಳಾಗಿ<br />ಪಾತ್ರಗಳು ಹರಡಿ ಹಂಚಿ ಹೆಣೆದು ಒಂದಾಗಿ ಬೇರೆಯಾಗಿ<br />ಎಡವಾಗಿ ಬಲವಾಗಿ ಮಧ್ಯಮವಾಗಿ<br />ಎಲ್ಲವೂ ಮೀರಿ ಅವರೂ ಅವರ ಮೀರಿ</p>.<p>***</p>.<p>ಆಯಾ ಕತೆ ಅಲ್ಲೇ ಮುಗಿಸಬೇಕಂತೆ<br />ಪಾತ್ರ ಮುಗಿದ ಮೇಲೂ ಅದೇ ಆಗಿರಬೇಕಂತೆ<br />ಇಲ್ಲಿ ಸಂಭವಿಸಬೇಕು ಇಲ್ಲಾ ಅಲ್ಲಿ ಸಂಭವಿಸಬೇಕು<br />ಶುರುವಾದ ದನಿ ಬೆಳೆಬೆಳೆದು ಏರಿ ಒಂದೇ ಸಮ<br />ಮುಟ್ಟಲಾಗದು ಯಾರು ಯಾರನ್ನೂ ಅಪ್ಪಣೆಯಿಲ್ಲದೆ</p>.<p>ಈಗ ಪಾತ್ರಗಳನ್ನು ವಾಪಸು ಕಳಿಸುವ ಕೆಲಸ<br />ತೆಕ್ಕೆಗೆ ಬಿದ್ದವರನ್ನು ದೂಡಿ ಎಷ್ಟು ಗಡಿ ದಾಟಿಸುವುದು<br />ಪ್ರತಿ ಗಡಿಗೂ ನಾಕು ಗಡಿ<br />ಕಟ್ಟಿಕೊಂಡಿದ್ದನ್ನು ಕಳಚುವ ಪಾತ್ರ<br />ಎಂಬ ಪಾತ್ರದಲ್ಲಿ ಯಾರನ್ನು ಕೇಳಬೇಕೋ<br />ಒಪ್ಪಿಸಬೇಕೋ ಎಂದು ಒಪ್ಪಿತವಾಗದಿರುವಲ್ಲಿ<br />ಮನೆಯೊಂದು ಮೂರು ಬಾಗಿಲು<br />ತೆಗೆದು ಹಾಕಿ ಹಾಕಿ ತೆಗೆದು ಸಾಕಾಗಿ<br />ಕತೆಯೇ ಬೇಡ ಎನ್ನುವಲ್ಲಿ<br />ನಮ್ಮ ಕತೆಯೆಂತಲೂ ಒಂದಿರುವುದಲ್ಲ</p>.<p>ಮುಗಿದ ಕತೆಯಿಂದ ಬಂದುದೋ<br />ಇರುವ ಕತೆಯಿಂದ ಹೋದುದೋ<br />ನನ್ನ ಪಾತ್ರ ನನ್ನ ಹುಡುಕುವ ಮೊದಲು...</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
