ನಂದಿನಿ ಹೆದ್ದುರ್ಗ ಅವರ ಕವಿತೆ: ನಮ್ಮವರು

ಮಣ್ಣ ಬಣ್ಣದವರೇ ಎಣ್ಣೆ ತೊಗಲಿನವರೇ ಹಣ್ಣುಗಳ ಬರಿ ಕಣ್ಣಲ್ಲೇ ಕಂಡವರೆ ನಮ್ಮವರು ನಿಮ್ಮವರು ಎಂಬರ್ಥದ ಸಾಲು ಬರೆದು ರಾಗ ಬೆರೆಸಿದವರೆ

. ನಿಮ್ಮ ಅಂಗಳದ ಕಳ್ಳಿ ಜಾಲಿಗಳನ್ನು ನೀವೇ ಕತ್ತರಿಸಿಕೊಳ್ಳಿ ತಗ್ಗಿದ ತಪ್ಪಲೆ ಮುಸುರೆ ಬಟ್ಟೆ ಹರಿದ ಅರಿವೆಯ ಚೂರು ಕ್ಯಾಕರಿಸಿದ ತೊಂಟೆ ನೀವೇ ಗುಡಿಸಿಕೊಳ್ಳಿ ನಿಮ್ಮ ಕೆಂಪನೆ ನಾಲಿಗೆ ಇಳಿವ ಕರಸೋಟೆ ಕೊರಳ ದನಿಪೆಟ್ಟಿಗೆಗಳ ನೀವೇ ಮೀಯಿಸಿ ಹಸನಾಗಿಸಿಕೊಳ್ಳಿ ಹತಾಸೆ ನಿರಾಸೆ ಸುಟ್ಟದ್ದು ಕೆಟ್ಟದ್ದುಗಳ ಇತಿಹಾಸ ಪುರಾಣ ಚರಿತ್ರೆಗಳ ನೀವೇ ತಿದ್ದಿಕೊಳ್ಳಿ

. ನಿಮ್ಮ ಎದೆ ಬಗೆದರಷ್ಟೇ ಕೆಂಪು ಹರಿಯುವುದಿಲ್ಲ ಬೆಳ್ಳಗಿರುವವರೆಲ್ಲ ನೆರಳಲ್ಲಿ ಬೆಳೆದ ಜೀವಗಳಲ್ಲ

. ನೋಡಿ ಒಮ್ಮೆ

. ಹಾದಿಬೀದಿಯಲಿ ತುಳಸಿ ಬೆಳೆದಿರುತ್ತಾಳೆ ಬನ್ನಿ ಬಿಲ್ವ ಅತ್ತಿ ಆಲ ಹಲಸು ನಂದಿ….ಯಾವುದಾದರೂ ಸೈಯೆ , ಬಿತ್ತಿಕೊಳ್ಳಿ ಬೆಳೆಸಿಕೊಳ್ಳಿ ನೀರುನಿಡಿ ನೀಡಿ ನೆರಳಡಿಗೆ ಒಂದು ಹೊಸ ಬೆಂಚನಿರಿಸಿಕೊಳ್ಳಿ ನಿಮ್ಮದೇ ಕಾಲು ನಿಮ್ಮದೇ ಹಿತ್ತಿಲು ಫರ್ಮಾನು ಬೇಕಿಲ್ಲ ಕಾಲು ಬೆಳೆಯುವಷ್ಟು ನೀಳಕ್ಕೆ ನೀಡಿಕೊಳ್ಳಿ, ಕೇಳುವವರಿಲ್ಲ

. ಕಿಚ್ಚು ಹಾದು ಬಂದು ಎಚ್ಚರಗಳ ಅಡ ಇಟ್ಟು ಪೆಚ್ಚಾದಿರಾ ಹುಚ್ಚರ ಸಂತೆಯಲ್ಲಿ ಹರಿವ ಬೆವರೊರೆಸಿಕೊಂಡು ಬೆಚ್ಚಿದ್ದೀರಾ ಯಾರೋ ಬಿತ್ತುವರೆಂದು ಇನ್ನೂ ಎಷ್ಟು ಕಾಲ ನಚ್ಚುಗೆ ನಿಮ್ಮದು

. ನಿಮ್ಮ ಜನಿವಾರವನ್ನು ನೀವೇ ಸುತ್ತಿಕೊಳ್ಳಿ ಕಲ್ಲುಂಡೆಯಾದರೂ ಸೈಯೆ ನಿಮ್ಮ ಅಂಗದ ಮೇಲೆ ಲಿಂಗವೊಂದ ನೀವೇ ಕಟ್ಟಿಕೊಳ್ಳಿ ಸತ್ಯನಾರಾಯಣದ ಸಜ್ಜಿಗೆ ಶಿವರಾತ್ರಿಯ ತಂಬಿಟ್ಟು ಯುಗಾದಿಗೆ ಒಬ್ಬಟ್ಟು ನಗುವ ಬುದ್ದ ಅರೆ ಬೆತ್ತಲ ಗಾಂಧಿ ಏನಾದರೂ ಸರಿಯೇ.. ನೀವೇ ಅರಸಿಕೊಳ್ಳಿ

. ಖುಷಿಯಾಯಿತೇ ನಿಮ್ಮ ಶಿಲುಬೆಯನ್ನೂ ನೀವೇ ಹೊತ್ತುಕೊಳ್ಳಿ

. ಆಟ ಬೇಸರ ಬಂದರೆ ಮಾರೆಮ್ಮಬೇಸ್ತಮ್ಮ ಪುರದಮ್ಮ ಸೋಂಕಮ್ಮ ಅಜ್ಜೋರು ಅಯ್ಯೋರ ಕಲಶಗಳಿಗೆ ಜಲಭಾಗ್ಯ ಯೋಜನೆಯಲಿ ಗಂಗೆಯನು ತುಂಬಿಕೊಳ್ಳಿ ಗಂಗೇಚ ಯಮುನೇಚಾ… ಹೊಸದಾಗಿ ಹಾಡಿಕೊಳ್ಳಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಂದಿನಿ ಹೆದ್ದುರ್ಗ ಅವರ ಕವಿತೆ: ನಮ್ಮವರು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!