<p>ಯಾರದೋ<br />ಪರಿಚಿತ ದನಿ ಕರೆದಂತಾಗಿ<br />ಮಗ್ಗುಲು<br />ಬದಲಿಸಿ ಎದ್ದರೆ <br />ಹೊರಗೆ ನಕ್ಷತ್ರಗಳ ಹೊಳಪು<br />ರಾತ್ರಿ ಬೆಂದ ಬಿರಿಯಾನಿ<br />ಸಾಲದೇ <br />ಹುರಿದುಪ್ಪು ಹಾಕಿದ ಬಾದಾಮಿ ಗೋಡಂಬಿ<br />ಒಳಗಿಳಿದು <br />ನಾಲ್ಕೇ ನಾಲ್ಕು<br />ರಖಾತು<br />ನಿಂತು ಬಗ್ಗಿ ಕುಳಿತು<br />ಎಡಕ್ಕೂ ಬಲಕ್ಕೂ ಕತ್ತು ಹೊರಳಿಸಿ<br />ಅಂಗೈ ಹೊಸೆದು<br />ಮುಖಕ್ಕೊರೆಸಿದರೆ ಅಲ್ಲಿ ಅದೆಂಥದೋ ತಣ್ಣಗೆ ತೀಡಿತು<br />ಆಕಾಶದಗಲಕ್ಕು<br />ಬಿತ್ತಿದ ತಂಪು ಕಾಡಿತು<br />ಚಂದ್ರ ತಾರೆ ನಕ್ಕವು!</p>.<p><br />ಆಗೀಗ<br />ಚೌಕಾಸಿ ಬಿಸಿಲು ಕಾಲೂರಿದ್ದೇ<br />ತಡ<br />ಮತ್ತದೇ<br />ಉಂಡುಡುವ ಬೆಂಬಿಡದ ಕರ್ಮದ ನಿಟ್ಟೋಟ <br />ಎಳೆಮುದಿಗಳೆಲ್ಲ ಒಟ್ಟಿಗೆ <br />ಇಕ್ಕಟ್ಟು<br />ಇಳಿಜಾರು ದಾಟಿ<br />ಗುಜರಿ ಹೊಗೆ ಧೂಳು ಸೇದಿ ಎದೆ ಉರಿದು <br />ಮೂಗೊಳಗೆ<br />ಕಪ್ಪಾದ ಸಿಂಬಳದ ಕತೆ ಕಾಣುವುದಿಲ್ಲ<br />ಹೊರಗೆ<br />ತೂತು <br />ತೂತಾದ ಟೋಪಿ<br />ಬಣ್ಣ ತುಂಬಿದ ದಾಡಿ<br />ಕಾಮಾಲೆ <br />ಕಣ್ಣು ಚುಚ್ಚುತ್ತವೆ<br />ಬಿಸಿಲಿಗೆ ನಶೆಯೇರಿ ಬೆಂಕಿಗೆ ಬೆದೆ ಬಂದು<br />ಬೆದರಿಸುತ್ತದೆ <br />ಕರುಣೆ ಕರುಳನು ಕತ್ತರಿಸಿ<br />ತಾರಾಡುತ್ತದೆ<br />ಸುಟ್ಟ ಬೂದಿಯ ನಡುವೆ<br />ಸೋದರ ಪ್ರೇಮದ ನಾದ ಗುನುಗುತ್ತದೆ.</p>.<p><br />ಕೂಗು ಕಿರುಚಾಟಗಳ<br />ನಡುವೆ<br />ಒಳಗೂ ಹೊರಗೂ ಖಾಲಿಯಾದ ತಲೆ<br />ಹಿಡುಕ<br />ಬಂದ <br />ಬೆಂಗಾವಲು ಪಡೆ ಸುತ್ತ <br />ಕುಂಟುತ್ತ<br />ಗಂಡಲ್ಲದ ನಡೆಗೆ ಹೆಣ್ಣಲ್ಲದ ನುಡಿ ತೊಡಿಸಿ<br />ತುಟಿನಡುಕ ತಡೆದು<br />ಜೇನು ಕಾರಿದ <br />ಏನಿವನ ಗತ್ತು <br />ಗೈರತ್ತು!<br />ಹೊಲಸಲ್ಲಿ ಮಿನುಗೆದ್ದ ಕುರುಡು ನೊಣಗಳ ಹಿಂಡು!<br />ಇವನು ಪದವಿಟ್ಟಲ್ಲೆಲ್ಲ<br />ಪರಿಮಳಯುಕ್ತ <br />ಭಕ್ತಗಣ <br />ಧ್ವಜಸ್ತಂಭ<br />ಕೆನ್ನೀರು <br />ಸಾಲು ಸಮಾಧಿಗಳ ಸಮ್ಮೋಹಕ ನಗೆಬಳಗ!</p>.<p><br />ಈಗಷ್ಟೆ <br />ಯಾರದ್ದೋ ಕ್ರೂರ ಕರೆ ತಾಗಿತು <br />ಮುನ್ನೋಟಕ್ಕೆ<br />ಕನಸುಗಳು ಕವಿದವು <br />ವರುಷಕ್ಕೊಮ್ಮೆ<br />ಉತ್ತುತ್ತಿ<br />ಕಲ್ಲುಸಕ್ಕರೆ ಬಾದಾಮಿ ನೆನೆದು ಕುಳಿತವು<br />ಮೆಲ್ಲುವ ನಾಲಿಗೆ ಬಂದಾಗಿ<br />ಕಣ್ಣಾಲಿ ಕರಗಿ<br />ಮತ್ತದೇ ನಾಲ್ಕು ರಖಾತು<br />ಎದ್ದು ಬಗ್ಗಿ ಕುಳಿತು ಅಂಗೈ<br />ಹೊಸೆದು<br />ಮುಖಕ್ಕೊರೆಸಿದರೆ<br />ಬಾನಿಗೊಡ್ಡಿದ ಬೊಗಸೆ ತುಂಬ <br />ನಾಳೆಗಳ ನಾಕ <br />ನೆರೆ ಹೊಯ್ದು ಹರಿದಾಡಿ <br />ಬರಿಗೈಯ ಗೆರೆಗಳಲಿ ಭರವಸೆ ತುಂಬಿ<br />ಜನ್ನತಿನ ಸುಂದರ ಚಿತ್ರ ಬಿಡಿಸಿತ್ತು!</p>.<p><br />ಇವತ್ತುಗಳ ಸುಟ್ಟು<br />ನಾಳೆಗಳ ಬಿತ್ತುವವರ ಬಾಯೊಣಗಿ<br />ನೆಲವೆಲ್ಲ<br />ಬಿಸಿಲು<br />ಬೆಳದಿಂಗಳು <br />ಚೆಲ್ಲಿ <br />ಚಿಗುರು ಹೂ ಹಣ್ಣು ಮೊರೆವಂತೆ<br />ಹದ ಮಳೆಯ ನಾದ ಸದಾ<br />ಸದಾ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಯಾರದೋ<br />ಪರಿಚಿತ ದನಿ ಕರೆದಂತಾಗಿ<br />ಮಗ್ಗುಲು<br />ಬದಲಿಸಿ ಎದ್ದರೆ <br />ಹೊರಗೆ ನಕ್ಷತ್ರಗಳ ಹೊಳಪು<br />ರಾತ್ರಿ ಬೆಂದ ಬಿರಿಯಾನಿ<br />ಸಾಲದೇ <br />ಹುರಿದುಪ್ಪು ಹಾಕಿದ ಬಾದಾಮಿ ಗೋಡಂಬಿ<br />ಒಳಗಿಳಿದು <br />ನಾಲ್ಕೇ ನಾಲ್ಕು<br />ರಖಾತು<br />ನಿಂತು ಬಗ್ಗಿ ಕುಳಿತು<br />ಎಡಕ್ಕೂ ಬಲಕ್ಕೂ ಕತ್ತು ಹೊರಳಿಸಿ<br />ಅಂಗೈ ಹೊಸೆದು<br />ಮುಖಕ್ಕೊರೆಸಿದರೆ ಅಲ್ಲಿ ಅದೆಂಥದೋ ತಣ್ಣಗೆ ತೀಡಿತು<br />ಆಕಾಶದಗಲಕ್ಕು<br />ಬಿತ್ತಿದ ತಂಪು ಕಾಡಿತು<br />ಚಂದ್ರ ತಾರೆ ನಕ್ಕವು!</p>.<p><br />ಆಗೀಗ<br />ಚೌಕಾಸಿ ಬಿಸಿಲು ಕಾಲೂರಿದ್ದೇ<br />ತಡ<br />ಮತ್ತದೇ<br />ಉಂಡುಡುವ ಬೆಂಬಿಡದ ಕರ್ಮದ ನಿಟ್ಟೋಟ <br />ಎಳೆಮುದಿಗಳೆಲ್ಲ ಒಟ್ಟಿಗೆ <br />ಇಕ್ಕಟ್ಟು<br />ಇಳಿಜಾರು ದಾಟಿ<br />ಗುಜರಿ ಹೊಗೆ ಧೂಳು ಸೇದಿ ಎದೆ ಉರಿದು <br />ಮೂಗೊಳಗೆ<br />ಕಪ್ಪಾದ ಸಿಂಬಳದ ಕತೆ ಕಾಣುವುದಿಲ್ಲ<br />ಹೊರಗೆ<br />ತೂತು <br />ತೂತಾದ ಟೋಪಿ<br />ಬಣ್ಣ ತುಂಬಿದ ದಾಡಿ<br />ಕಾಮಾಲೆ <br />ಕಣ್ಣು ಚುಚ್ಚುತ್ತವೆ<br />ಬಿಸಿಲಿಗೆ ನಶೆಯೇರಿ ಬೆಂಕಿಗೆ ಬೆದೆ ಬಂದು<br />ಬೆದರಿಸುತ್ತದೆ <br />ಕರುಣೆ ಕರುಳನು ಕತ್ತರಿಸಿ<br />ತಾರಾಡುತ್ತದೆ<br />ಸುಟ್ಟ ಬೂದಿಯ ನಡುವೆ<br />ಸೋದರ ಪ್ರೇಮದ ನಾದ ಗುನುಗುತ್ತದೆ.</p>.<p><br />ಕೂಗು ಕಿರುಚಾಟಗಳ<br />ನಡುವೆ<br />ಒಳಗೂ ಹೊರಗೂ ಖಾಲಿಯಾದ ತಲೆ<br />ಹಿಡುಕ<br />ಬಂದ <br />ಬೆಂಗಾವಲು ಪಡೆ ಸುತ್ತ <br />ಕುಂಟುತ್ತ<br />ಗಂಡಲ್ಲದ ನಡೆಗೆ ಹೆಣ್ಣಲ್ಲದ ನುಡಿ ತೊಡಿಸಿ<br />ತುಟಿನಡುಕ ತಡೆದು<br />ಜೇನು ಕಾರಿದ <br />ಏನಿವನ ಗತ್ತು <br />ಗೈರತ್ತು!<br />ಹೊಲಸಲ್ಲಿ ಮಿನುಗೆದ್ದ ಕುರುಡು ನೊಣಗಳ ಹಿಂಡು!<br />ಇವನು ಪದವಿಟ್ಟಲ್ಲೆಲ್ಲ<br />ಪರಿಮಳಯುಕ್ತ <br />ಭಕ್ತಗಣ <br />ಧ್ವಜಸ್ತಂಭ<br />ಕೆನ್ನೀರು <br />ಸಾಲು ಸಮಾಧಿಗಳ ಸಮ್ಮೋಹಕ ನಗೆಬಳಗ!</p>.<p><br />ಈಗಷ್ಟೆ <br />ಯಾರದ್ದೋ ಕ್ರೂರ ಕರೆ ತಾಗಿತು <br />ಮುನ್ನೋಟಕ್ಕೆ<br />ಕನಸುಗಳು ಕವಿದವು <br />ವರುಷಕ್ಕೊಮ್ಮೆ<br />ಉತ್ತುತ್ತಿ<br />ಕಲ್ಲುಸಕ್ಕರೆ ಬಾದಾಮಿ ನೆನೆದು ಕುಳಿತವು<br />ಮೆಲ್ಲುವ ನಾಲಿಗೆ ಬಂದಾಗಿ<br />ಕಣ್ಣಾಲಿ ಕರಗಿ<br />ಮತ್ತದೇ ನಾಲ್ಕು ರಖಾತು<br />ಎದ್ದು ಬಗ್ಗಿ ಕುಳಿತು ಅಂಗೈ<br />ಹೊಸೆದು<br />ಮುಖಕ್ಕೊರೆಸಿದರೆ<br />ಬಾನಿಗೊಡ್ಡಿದ ಬೊಗಸೆ ತುಂಬ <br />ನಾಳೆಗಳ ನಾಕ <br />ನೆರೆ ಹೊಯ್ದು ಹರಿದಾಡಿ <br />ಬರಿಗೈಯ ಗೆರೆಗಳಲಿ ಭರವಸೆ ತುಂಬಿ<br />ಜನ್ನತಿನ ಸುಂದರ ಚಿತ್ರ ಬಿಡಿಸಿತ್ತು!</p>.<p><br />ಇವತ್ತುಗಳ ಸುಟ್ಟು<br />ನಾಳೆಗಳ ಬಿತ್ತುವವರ ಬಾಯೊಣಗಿ<br />ನೆಲವೆಲ್ಲ<br />ಬಿಸಿಲು<br />ಬೆಳದಿಂಗಳು <br />ಚೆಲ್ಲಿ <br />ಚಿಗುರು ಹೂ ಹಣ್ಣು ಮೊರೆವಂತೆ<br />ಹದ ಮಳೆಯ ನಾದ ಸದಾ<br />ಸದಾ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>