<p>ಆ ಪಾಳು ಬಿದ್ದ ಮನೆಯ<br />ಬೀಳದೆ ಉಳಿದ ನಡುಗಂಬ ನೀನು<br />ನನ್ನದೇ ಆತ್ಮದ ಬೆನ್ನ ಹುರಿ</p>.<p>ಕತ್ತೆ ಎನ್ನಲಿಲ್ಲ ಕುದುರೆ ಎನ್ನಲಿಲ್ಲ<br />ಗಂಡ ಮಕ್ಕಳು ಮೊಮ್ಮಕ್ಕಳನ್ನೂ ಸೇರಿಸಿ<br />ಹೊತ್ತು ತಿರುಗಿದೆ<br />ಸೆರಗಿನ ಸಿಂಬಿ ಸುತ್ತಿದ ನೆತ್ತಿಯಲಿ ಅದೆಷ್ಟೋ ಗಂಟುಗಳ<br />ಊರಿನಿಂದ ನೀರಿದ್ದಲ್ಲಿಗೆ<br />ನೀರಿನಿಂದ ಮತ್ತೆ ಶಾನುಭೋಗರ ಮನೆಗಳಿಗೆ</p>.<p>ಗುಲಗಂಜಿ ಸುಖ ಸಮೃದ್ಧ ದುಃಖ<br />ಅದಲು ಬದಲು ಮಾಡಿ ಬದುಕಿ ಹೋದ ನಿನ್ನ ಮುಂದೆ<br />ದೇಶಾನೆಲ್ಲ ಸುತ್ತಾಡಿ<br />ತಲೆ ಅನ್ನೋ ಹಗೇದಾಗ ಸಿಕಿದ್ದೆಲ್ಲಾ ತುಂಬಿಕೊಂಡು<br />ಸಿಕ್ಕಾಪಟ್ಟೆ ಒದ್ದಾಡೋ ನಾನು<br />ಏನೇನೂ ಅಲ್ಲಾ<br />ನೀ ಮನುಷ್ಯಾಳು ಮಾತ್ರ ಆಗಿರಲಿಲ್ಲ</p>.<p>ಒಡಕಿನ ಹಳ್ಳದ ಹನಿಯಲ್ಲಿ<br />ನೀನು ಸುರಿಸಿದ<br />ಬೆವರ ರುಚಿ ಇನ್ನೂ ಕಡಿಮೆ ಆಗಿಲ್ಲ<br />ಮೊನ್ನೆತಾನೆ ಒರೆಸಿದ ನಿನ್ನ ಫೋಟೋದಲ್ಲಿ<br />ಸದಾ ತೇವವಾಗಿಯೇ ಇರುವ ನಿನ್ನ ಕಣ್ಣು<br />ಬಿದ್ದಿರುವ ಶಾನುಭೋಗರ<br />ಮನೆಯ ಕಂಡು ಏನೋ ಹೇಳಿತು</p>.<p>ಇಡೀ ಊರನ್ನೇ ಬಳಸಿದ್ದ<br />ಎಲೆಬಳ್ಳಿ ತೋಟದ ತೋಳಬಂಧಿ ನೀನು<br />ಹುಡುಕುತ್ತಿದ್ದೇನೆ<br />ಎಲೆ ಬಳ್ಳಿ ತೋಟ<br />ಮೂಗು ಮುಚ್ಚಿಕೊಂಡೇ ಓಡಾಡಬೇಕೀಗ<br />ಊರು ನೆನಪಾಗಿ ವಿಮಾನ ಇಳಿದು ಬಂದ ಗೆಳೆಯ<br />ಸ್ವಚ್ಛ ಹಸಿರು ಬೋರ್ಡು ತಂದಿರುವ<br />ಪ್ರಚಾರಕ್ಕೆ ಬೇಕಾದ್ದೆಲ್ಲಾ ಇದೆ<br />ಬೇಡಾದ್ದು ಈಗ ಯಾವುದೂ ಉಳಿದಿಲ್ಲ</p>.<p><br />ಕೌದಿಯಾಗಿರುವ ನೀನುಟ್ಟಿದ್ದ ಸೀರೆಯ ಘಮದಲ್ಲಿ<br />ಯಾರಿಗೂ ಕಾಣಿಸದಂತೆ ನಾನು ಬಿಕ್ಕಳಿಸುತ್ತಿದ್ದೇನೆ<br />ಮಾರಣಾಂತಿಕ ಖಾಯಿಲೆಗೆ ಬಿದ್ದಂತೆ</p>.<p>ಅಲೈ ಕುಣಿತಕ್ಕೆ ಹಗಲು ರಾತ್ರಿ ದಣಿದು<br />ದಣಿದೇ ದಣಿವಾರಿಸಿಕೊಳ್ಳುತ್ತಿದ್ದ ನನ್ನೂರು<br />ಮೊಹರಂ ಪದಗಳ ಲಾಲಿಯಲಿ ನಿದ್ದೆ ಮರೆಯುತ್ತಿದ್ದ ನನ್ನೂರು<br />ಈಗ ದೂರ ದರುಶನದ ಅಪರಾಧ ಸರಣಿಗಳಲಿ<br />ಮಿರ ಮಿರ ಮುಂಚುತ್ತಿದೆ</p>.<p>ಬೆವರು ರಕ್ತ<br />ಕೈ ಕೈ ಮಿಲಾಯಿಸಿರುವ ಈ ವೇಳೆ<br />ಜಗದ ಕಣ್ಣೇಕೋ ಮಂಜು ಮಂಜು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಆ ಪಾಳು ಬಿದ್ದ ಮನೆಯ<br />ಬೀಳದೆ ಉಳಿದ ನಡುಗಂಬ ನೀನು<br />ನನ್ನದೇ ಆತ್ಮದ ಬೆನ್ನ ಹುರಿ</p>.<p>ಕತ್ತೆ ಎನ್ನಲಿಲ್ಲ ಕುದುರೆ ಎನ್ನಲಿಲ್ಲ<br />ಗಂಡ ಮಕ್ಕಳು ಮೊಮ್ಮಕ್ಕಳನ್ನೂ ಸೇರಿಸಿ<br />ಹೊತ್ತು ತಿರುಗಿದೆ<br />ಸೆರಗಿನ ಸಿಂಬಿ ಸುತ್ತಿದ ನೆತ್ತಿಯಲಿ ಅದೆಷ್ಟೋ ಗಂಟುಗಳ<br />ಊರಿನಿಂದ ನೀರಿದ್ದಲ್ಲಿಗೆ<br />ನೀರಿನಿಂದ ಮತ್ತೆ ಶಾನುಭೋಗರ ಮನೆಗಳಿಗೆ</p>.<p>ಗುಲಗಂಜಿ ಸುಖ ಸಮೃದ್ಧ ದುಃಖ<br />ಅದಲು ಬದಲು ಮಾಡಿ ಬದುಕಿ ಹೋದ ನಿನ್ನ ಮುಂದೆ<br />ದೇಶಾನೆಲ್ಲ ಸುತ್ತಾಡಿ<br />ತಲೆ ಅನ್ನೋ ಹಗೇದಾಗ ಸಿಕಿದ್ದೆಲ್ಲಾ ತುಂಬಿಕೊಂಡು<br />ಸಿಕ್ಕಾಪಟ್ಟೆ ಒದ್ದಾಡೋ ನಾನು<br />ಏನೇನೂ ಅಲ್ಲಾ<br />ನೀ ಮನುಷ್ಯಾಳು ಮಾತ್ರ ಆಗಿರಲಿಲ್ಲ</p>.<p>ಒಡಕಿನ ಹಳ್ಳದ ಹನಿಯಲ್ಲಿ<br />ನೀನು ಸುರಿಸಿದ<br />ಬೆವರ ರುಚಿ ಇನ್ನೂ ಕಡಿಮೆ ಆಗಿಲ್ಲ<br />ಮೊನ್ನೆತಾನೆ ಒರೆಸಿದ ನಿನ್ನ ಫೋಟೋದಲ್ಲಿ<br />ಸದಾ ತೇವವಾಗಿಯೇ ಇರುವ ನಿನ್ನ ಕಣ್ಣು<br />ಬಿದ್ದಿರುವ ಶಾನುಭೋಗರ<br />ಮನೆಯ ಕಂಡು ಏನೋ ಹೇಳಿತು</p>.<p>ಇಡೀ ಊರನ್ನೇ ಬಳಸಿದ್ದ<br />ಎಲೆಬಳ್ಳಿ ತೋಟದ ತೋಳಬಂಧಿ ನೀನು<br />ಹುಡುಕುತ್ತಿದ್ದೇನೆ<br />ಎಲೆ ಬಳ್ಳಿ ತೋಟ<br />ಮೂಗು ಮುಚ್ಚಿಕೊಂಡೇ ಓಡಾಡಬೇಕೀಗ<br />ಊರು ನೆನಪಾಗಿ ವಿಮಾನ ಇಳಿದು ಬಂದ ಗೆಳೆಯ<br />ಸ್ವಚ್ಛ ಹಸಿರು ಬೋರ್ಡು ತಂದಿರುವ<br />ಪ್ರಚಾರಕ್ಕೆ ಬೇಕಾದ್ದೆಲ್ಲಾ ಇದೆ<br />ಬೇಡಾದ್ದು ಈಗ ಯಾವುದೂ ಉಳಿದಿಲ್ಲ</p>.<p><br />ಕೌದಿಯಾಗಿರುವ ನೀನುಟ್ಟಿದ್ದ ಸೀರೆಯ ಘಮದಲ್ಲಿ<br />ಯಾರಿಗೂ ಕಾಣಿಸದಂತೆ ನಾನು ಬಿಕ್ಕಳಿಸುತ್ತಿದ್ದೇನೆ<br />ಮಾರಣಾಂತಿಕ ಖಾಯಿಲೆಗೆ ಬಿದ್ದಂತೆ</p>.<p>ಅಲೈ ಕುಣಿತಕ್ಕೆ ಹಗಲು ರಾತ್ರಿ ದಣಿದು<br />ದಣಿದೇ ದಣಿವಾರಿಸಿಕೊಳ್ಳುತ್ತಿದ್ದ ನನ್ನೂರು<br />ಮೊಹರಂ ಪದಗಳ ಲಾಲಿಯಲಿ ನಿದ್ದೆ ಮರೆಯುತ್ತಿದ್ದ ನನ್ನೂರು<br />ಈಗ ದೂರ ದರುಶನದ ಅಪರಾಧ ಸರಣಿಗಳಲಿ<br />ಮಿರ ಮಿರ ಮುಂಚುತ್ತಿದೆ</p>.<p>ಬೆವರು ರಕ್ತ<br />ಕೈ ಕೈ ಮಿಲಾಯಿಸಿರುವ ಈ ವೇಳೆ<br />ಜಗದ ಕಣ್ಣೇಕೋ ಮಂಜು ಮಂಜು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
