<p>‘ಈ ಬಸ್ಗಳಲ್ಲಿ ಈಗೀಗ ಬರೋಕೇ ಆಗಲ್ಲ ರೀ, ಬರೀ ಜಗಳ’ ವಟಗುಡುತ್ತಾ ಒಳಗೆ ಬಂದಳು ಹೆಂಡತಿ.</p><p>‘ಏನು ಗಲಾಟೆ, ಯಾರ ನಡುವೆ ಜಗಳ’ ಕೇಳಿದೆ ಶಾಂತವಾಗಿ.</p><p>ಸೀಟಿಗಾಗಿ ಯಾರೋ ಇಬ್ಬರು ಜಗಳ ಮಾಡ್ತಿದ್ರು, ಆಗ ಒಬ್ಬ ಇದ್ದಕ್ಕಿದ್ದಂತೆ ಎದ್ದು, ಓಯ್, ಯಾರೂ ಮಾತಾಡೋ ಹಾಗಿಲ್ಲ, ಇದು ನಮ್ಮಪ್ಪನ ಬಸ್ ಅನ್ನೋದಾ?’</p><p>‘ಸರ್ಕಾರಿ ಬಸ್ನಲ್ಲೂ ಹಾಗಂದ್ರಾ?’</p><p>‘ಹ್ಞೂಂ ರೀ, ಅವನು ಆ ಬಸ್ ಡ್ರೈವರ್ ಮಗನಂತೆ’.</p><p>‘ಬಸ್ನಲ್ಲಿ ಪ್ರಯಾಣಿಕರು ಏನೂ ಹೇಳಲಿಲ್ವ?’</p><p>‘ಕ್ವಶ್ಚನ್ ಮಾಡಿದ್ರು, ರಾಜಕಾರಣಿಗಳ ಮಕ್ಕಳು ಇದು ನಮ್ಮಪ್ಪ ಮಾಡಿದ ರಸ್ತೆ ಅಂತೆಲ್ಲ ಹೇಳಿದ್ರೆ ಸುಮ್ನಿರ್ತೀರಿ, ಈ ಬಸ್ ನಮ್ಮಪ್ಪಂದು ಅಂದ್ರೆ ಸಿಟ್ಟು ಬರುತ್ತಾ ಅಂತ ಕೇಳಿದ, ಆಗ ಎಲ್ಲರೂ ಗಪ್ಚುಪ್’.</p><p>‘ಇದೊಳ್ಳೆ ಆಯ್ತಲ್ಲ, ನಾಳೆ ಸಿಎಂ, ಮಾಜಿ ಸಿಎಂ, ಮಿನಿಸ್ಟರ್ ಮಕ್ಕಳೆಲ್ಲ ವಿಧಾನಸೌಧ ನಮ್ಮಪ್ಪಂದು, ಯಾರೂ ಬರೋ ಹಾಗಿಲ್ಲ ಅಂದ್ರೆ ಏನ್ ಮಾಡೋದು’ ಎನ್ನುತ್ತಾ ನಕ್ಕೆ.</p><p>‘ತಲೆ ಕೆಟ್ಟುಹೋಗಿದೆ ರೀ, ಸಾಹಿತ್ಯ ಸಮ್ಮೇಳನ ನಡೆಯಲಿರೋ ಮಂಡ್ಯಕ್ಕಾದರೂ ಸುಮ್ಮನೆ ಹೋಗಿ, ಸಿದ್ಧತೆ ಹೇಗಿದೆ ನೋಡ್ಕೊಂಡ್ ಬರ್ತೀನಿ’ ಎಂದಳು ಹೆಂಡತಿ.</p><p>‘ಹುಷಾರು, ನೀನು ಮಧ್ಯೆ ಚನ್ನಪಟ್ಟಣದಲ್ಲಿ ಇಳಿದುಬಿಟ್ಟರೆ, ನಮ್ಮಪ್ಪ–ನಮ್ಮ ಅಜ್ಜನ ಹೆಸರೇ ನನಗೆ ಮುಳುವಾಯಿತು ಅಂತ ಒಬ್ಬರು ಅಳ್ತಿರ್ತಾರೆ, ಮತ್ತೆ ನಿನ್ ಮೂಡ್ ಹಾಳಾಗುತ್ತೆ’ ಎಂದೆ.</p><p>‘ಕಣ್ಣೀರ ಕಥೆ ಕೇಳೋಕೆ ನನಗಿಷ್ಟ ಇಲ್ಲ ರೀ... ಅಲ್ಲೆಲ್ಲೂ ನಾನು ಇಳಿಯೋದಿಲ್ಲ. ನೇರವಾಗಿ ಮಂಡ್ಯದಲ್ಲಿಯೇ ಇಳಿತೀನಿ’.</p><p>‘ಅಲ್ಲಿಯೂ ಕರುಳ ಸಂಬಂಧ ಸಾಹಿತ್ಯದ ಬಗ್ಗೆ ಹೇಳೋರಿದಾರೆ’.</p><p>‘ಹೌದಾ, ಅಂಥವರು ಯಾರಿದ್ದಾರೆ, ಏನಂತಾರೆ?’</p><p>‘ಅವರು ಮಾತು ಶುರು ಮಾಡೋದೇ ನಾನು ಇಂಥವರ ಮರಿ ಮೊಮ್ಮಗ ಅಂತ’ ಎಂದೆ. ಹೆಂಡತಿಗೆ ನಗು ತಡೆಯಲಾಗಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಈ ಬಸ್ಗಳಲ್ಲಿ ಈಗೀಗ ಬರೋಕೇ ಆಗಲ್ಲ ರೀ, ಬರೀ ಜಗಳ’ ವಟಗುಡುತ್ತಾ ಒಳಗೆ ಬಂದಳು ಹೆಂಡತಿ.</p><p>‘ಏನು ಗಲಾಟೆ, ಯಾರ ನಡುವೆ ಜಗಳ’ ಕೇಳಿದೆ ಶಾಂತವಾಗಿ.</p><p>ಸೀಟಿಗಾಗಿ ಯಾರೋ ಇಬ್ಬರು ಜಗಳ ಮಾಡ್ತಿದ್ರು, ಆಗ ಒಬ್ಬ ಇದ್ದಕ್ಕಿದ್ದಂತೆ ಎದ್ದು, ಓಯ್, ಯಾರೂ ಮಾತಾಡೋ ಹಾಗಿಲ್ಲ, ಇದು ನಮ್ಮಪ್ಪನ ಬಸ್ ಅನ್ನೋದಾ?’</p><p>‘ಸರ್ಕಾರಿ ಬಸ್ನಲ್ಲೂ ಹಾಗಂದ್ರಾ?’</p><p>‘ಹ್ಞೂಂ ರೀ, ಅವನು ಆ ಬಸ್ ಡ್ರೈವರ್ ಮಗನಂತೆ’.</p><p>‘ಬಸ್ನಲ್ಲಿ ಪ್ರಯಾಣಿಕರು ಏನೂ ಹೇಳಲಿಲ್ವ?’</p><p>‘ಕ್ವಶ್ಚನ್ ಮಾಡಿದ್ರು, ರಾಜಕಾರಣಿಗಳ ಮಕ್ಕಳು ಇದು ನಮ್ಮಪ್ಪ ಮಾಡಿದ ರಸ್ತೆ ಅಂತೆಲ್ಲ ಹೇಳಿದ್ರೆ ಸುಮ್ನಿರ್ತೀರಿ, ಈ ಬಸ್ ನಮ್ಮಪ್ಪಂದು ಅಂದ್ರೆ ಸಿಟ್ಟು ಬರುತ್ತಾ ಅಂತ ಕೇಳಿದ, ಆಗ ಎಲ್ಲರೂ ಗಪ್ಚುಪ್’.</p><p>‘ಇದೊಳ್ಳೆ ಆಯ್ತಲ್ಲ, ನಾಳೆ ಸಿಎಂ, ಮಾಜಿ ಸಿಎಂ, ಮಿನಿಸ್ಟರ್ ಮಕ್ಕಳೆಲ್ಲ ವಿಧಾನಸೌಧ ನಮ್ಮಪ್ಪಂದು, ಯಾರೂ ಬರೋ ಹಾಗಿಲ್ಲ ಅಂದ್ರೆ ಏನ್ ಮಾಡೋದು’ ಎನ್ನುತ್ತಾ ನಕ್ಕೆ.</p><p>‘ತಲೆ ಕೆಟ್ಟುಹೋಗಿದೆ ರೀ, ಸಾಹಿತ್ಯ ಸಮ್ಮೇಳನ ನಡೆಯಲಿರೋ ಮಂಡ್ಯಕ್ಕಾದರೂ ಸುಮ್ಮನೆ ಹೋಗಿ, ಸಿದ್ಧತೆ ಹೇಗಿದೆ ನೋಡ್ಕೊಂಡ್ ಬರ್ತೀನಿ’ ಎಂದಳು ಹೆಂಡತಿ.</p><p>‘ಹುಷಾರು, ನೀನು ಮಧ್ಯೆ ಚನ್ನಪಟ್ಟಣದಲ್ಲಿ ಇಳಿದುಬಿಟ್ಟರೆ, ನಮ್ಮಪ್ಪ–ನಮ್ಮ ಅಜ್ಜನ ಹೆಸರೇ ನನಗೆ ಮುಳುವಾಯಿತು ಅಂತ ಒಬ್ಬರು ಅಳ್ತಿರ್ತಾರೆ, ಮತ್ತೆ ನಿನ್ ಮೂಡ್ ಹಾಳಾಗುತ್ತೆ’ ಎಂದೆ.</p><p>‘ಕಣ್ಣೀರ ಕಥೆ ಕೇಳೋಕೆ ನನಗಿಷ್ಟ ಇಲ್ಲ ರೀ... ಅಲ್ಲೆಲ್ಲೂ ನಾನು ಇಳಿಯೋದಿಲ್ಲ. ನೇರವಾಗಿ ಮಂಡ್ಯದಲ್ಲಿಯೇ ಇಳಿತೀನಿ’.</p><p>‘ಅಲ್ಲಿಯೂ ಕರುಳ ಸಂಬಂಧ ಸಾಹಿತ್ಯದ ಬಗ್ಗೆ ಹೇಳೋರಿದಾರೆ’.</p><p>‘ಹೌದಾ, ಅಂಥವರು ಯಾರಿದ್ದಾರೆ, ಏನಂತಾರೆ?’</p><p>‘ಅವರು ಮಾತು ಶುರು ಮಾಡೋದೇ ನಾನು ಇಂಥವರ ಮರಿ ಮೊಮ್ಮಗ ಅಂತ’ ಎಂದೆ. ಹೆಂಡತಿಗೆ ನಗು ತಡೆಯಲಾಗಲಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
