<p>ಸ್ತ್ರೀವಾದಿ ಚಿಂತನೆ ಸ್ಪಷ್ಟವಾಗಿ ರೂಪುಗೊಳ್ಳುವಲ್ಲಿ ಮಹಿಳಾ ಅಧ್ಯಯನದ ಪಾತ್ರ ಮಹತ್ವದ್ದು. ಸ್ತ್ರೀಯರ ಸಾಮಾಜಿಕ ಬದುಕನ್ನು ಸುಸ್ಥಿರವಾಗಿಸುವ ಆಶಯವುಳ್ಳ ಮಹಿಳಾ ಅಧ್ಯಯನ ಮತ್ತು ಸ್ತ್ರೀವಾದವನ್ನು ಅರ್ಥೈಸಿಕೊಳ್ಳಲು ಪರಿಕಲ್ಪನೆಗಳು ಅಗತ್ಯ. ಈ ಪರಿಕಲ್ಪನೆಗಳನ್ನು ಸುಲಭವಾಗಿ ಅರ್ಥೈಸಿಕೊಳ್ಳಲು ‘ಸ್ತ್ರೀವಾದ’ ಪದ ವಿವರಣ ಕೋಶ ಕೃತಿ ದೀವಿಗೆಯಂತಿದೆ.</p>.<p>ಕನ್ನಡ ಮಹಿಳಾ ಅಧ್ಯಯನಕಾರರಲ್ಲಿ ಮುಂಚೂಣಿಯಲ್ಲಿರುವ ಎಚ್.ಎಸ್. ಶ್ರೀಮತಿ ಅವರ ಪರಿಶ್ರಮದಿಂದ ಮೂಡಿಬಂದಿರುವ ಈ ಕೃತಿ ಸ್ತ್ರೀವಾದಕ್ಕೆ ಕನ್ನಡಿಯಂತಿದೆ. ಸ್ತ್ರೀವಾದಿ ಅಧ್ಯಯನದಲ್ಲಿ ತೊಡಗಿರುವವರಿಗೆ, ಅದನ್ನು ಬೆಳೆಸುವ ಹಾದಿಗಳನ್ನು ಶೋಧಿಸುವ ಮಾದರಿಯಂತಿದೆ ಈ ಕೃತಿ.</p>.<p>ಕನ್ನಡ ಜ್ಞಾನ ಲೋಕದಲ್ಲಿ ಇದುವರೆಗೂ ಬಂದಿರುವ ಸ್ತ್ರೀವಾದಿ ಪರಿಕಲ್ಪನೆಗಳನ್ನು ಸರಳ ಮತ್ತು ಸ್ಪಷ್ಟ ಅರ್ಥ ಕೊಡುವ ಈ ಪದ ವಿವರಣಾಕೋಶ, ಕನ್ನಡ ಮಹಿಳಾ ಸಂಕಥನ ನಿರೂಪಿಸುವವರಿಗೆ ಮಾರ್ಗದರ್ಶಿಯಂತಿದೆ. ಹೆಣ್ಣು ಏಕೆ ಗಂಡಿಗಿಂತ ಭಿನ್ನವಾದ ಪರಿಭಾಷೆಗಳಲ್ಲಿ ಮಾತನಾಡುತ್ತಾಳೆ? ಅವುಗಳ ಹಿಂದಿರುವ ಸ್ತ್ರೀಸಂವೇದನಾ ಅರ್ಥೈಸುವಿಕೆಗಳೇನು? ಮುಖ್ಯವಾಗಿ ಸ್ತ್ರೀಸಂವೇದನೆಯ ನೆಲೆಗಳಾವುವು ಎಂಬುದನ್ನು ಈ ಕೃತಿ ಸರಳವಾಗಿ ಹೇಳುತ್ತದೆ.</p>.<p>ಈ ಕೋಶವು ಒಂದೇ ಓದಿನಲ್ಲಿ ಮುಗಿಸುವ ಕೃತಿಯಲ್ಲ. ಬದಲಿಗೆ ಅಗತ್ಯವೆನಿಸಿದಾಗ ಬಳಸಬಹುದಾದ ಒಂದು ಪರಾಮರ್ಶನ ಕೃತಿಯಾಗಿದೆ. ಇಲ್ಲಿ ಪದ ವಿವರಣೆಯನ್ನು ಅ ಕಾರಾದಿಯಾಗಿ ನೀಡಲಾಗಿದೆಯಾದರೂ ವಿಷಾಯಾನುಸಾರ ಅಕಾರಾದಿಯಾಗಿಲ್ಲ ಎಂಬುದು ಗಮನೀಯ. ಸ್ತ್ರೀವಾದಿ ಚಳವಳಿಯ ತಾತ್ವಿಕ ನೆಲೆಯ ಪಠ್ಯದಂತಿರುವ ಈ ಕೃತಿ ಜ್ಞಾನಮೀಮಾಂಸೆಯ ಹಲವು ದಾರಿಗಳನ್ನು ಪ್ರವೇಶಿಸಲು ಅನುವು ಮಾಡಿಕೊಡುವಂತಿದೆ. ಸ್ತ್ರೀವಾದಿ ಮತ್ತು ಮಹಿಳಾ ಅಧ್ಯಯನಕಾರರಿಗಷ್ಟೇ ಅಲ್ಲ, ಸಮಾಜ–ಸಂಸ್ಕೃತಿಯ ಬಗ್ಗೆ ಆಸಕ್ತಿ ಇರುವವರಿಗೂ ಈ ಕೃತಿ ಅಧ್ಯಯನ ಸಾಮಗ್ರಿ ಒದಗಿಸುತ್ತದೆ.</p>.<p>ತಮ್ಮ ಶೈಕ್ಷಣಿಕ ಬದುಕಿನಲ್ಲಿ ಬೋಧನೆಯ ಸಂದರ್ಭದಲ್ಲಿ ಗ್ರಹಿಸಿದ ಸ್ತ್ರೀವಾದವನ್ನು, ಅಧ್ಯಯನದ ಮೂಲಕ ಕಂಡುಕೊಂಡ ಹೂರಣವನ್ನು ಕೃತಿಯಲ್ಲಿ ಲೇಖಕಿ ನಿರೂಪಿಸಿದ್ದಾರೆ.ಇಂಗ್ಲಿಷ್ನಲ್ಲಿ ಹೇರಳವಾಗಿ ದೊರೆಯುವ ಸ್ತ್ರೀವಾದ ಭಾಷೆಯ ಕೋಶಗಳು ಕನ್ನಡದ ಮಟ್ಟಿಗೆ ಅಪರೂಪವೇ. ಅಂಥ ಕೊರತೆಯನ್ನು ಸ್ತ್ರೀವಾದ ಪದವಿವರಣಾ ಕೋಶ ಅಲ್ಪಮಟ್ಟಿಗಾದರೂ ನೀಗಿಸಿದೆ ಎನ್ನಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸ್ತ್ರೀವಾದಿ ಚಿಂತನೆ ಸ್ಪಷ್ಟವಾಗಿ ರೂಪುಗೊಳ್ಳುವಲ್ಲಿ ಮಹಿಳಾ ಅಧ್ಯಯನದ ಪಾತ್ರ ಮಹತ್ವದ್ದು. ಸ್ತ್ರೀಯರ ಸಾಮಾಜಿಕ ಬದುಕನ್ನು ಸುಸ್ಥಿರವಾಗಿಸುವ ಆಶಯವುಳ್ಳ ಮಹಿಳಾ ಅಧ್ಯಯನ ಮತ್ತು ಸ್ತ್ರೀವಾದವನ್ನು ಅರ್ಥೈಸಿಕೊಳ್ಳಲು ಪರಿಕಲ್ಪನೆಗಳು ಅಗತ್ಯ. ಈ ಪರಿಕಲ್ಪನೆಗಳನ್ನು ಸುಲಭವಾಗಿ ಅರ್ಥೈಸಿಕೊಳ್ಳಲು ‘ಸ್ತ್ರೀವಾದ’ ಪದ ವಿವರಣ ಕೋಶ ಕೃತಿ ದೀವಿಗೆಯಂತಿದೆ.</p>.<p>ಕನ್ನಡ ಮಹಿಳಾ ಅಧ್ಯಯನಕಾರರಲ್ಲಿ ಮುಂಚೂಣಿಯಲ್ಲಿರುವ ಎಚ್.ಎಸ್. ಶ್ರೀಮತಿ ಅವರ ಪರಿಶ್ರಮದಿಂದ ಮೂಡಿಬಂದಿರುವ ಈ ಕೃತಿ ಸ್ತ್ರೀವಾದಕ್ಕೆ ಕನ್ನಡಿಯಂತಿದೆ. ಸ್ತ್ರೀವಾದಿ ಅಧ್ಯಯನದಲ್ಲಿ ತೊಡಗಿರುವವರಿಗೆ, ಅದನ್ನು ಬೆಳೆಸುವ ಹಾದಿಗಳನ್ನು ಶೋಧಿಸುವ ಮಾದರಿಯಂತಿದೆ ಈ ಕೃತಿ.</p>.<p>ಕನ್ನಡ ಜ್ಞಾನ ಲೋಕದಲ್ಲಿ ಇದುವರೆಗೂ ಬಂದಿರುವ ಸ್ತ್ರೀವಾದಿ ಪರಿಕಲ್ಪನೆಗಳನ್ನು ಸರಳ ಮತ್ತು ಸ್ಪಷ್ಟ ಅರ್ಥ ಕೊಡುವ ಈ ಪದ ವಿವರಣಾಕೋಶ, ಕನ್ನಡ ಮಹಿಳಾ ಸಂಕಥನ ನಿರೂಪಿಸುವವರಿಗೆ ಮಾರ್ಗದರ್ಶಿಯಂತಿದೆ. ಹೆಣ್ಣು ಏಕೆ ಗಂಡಿಗಿಂತ ಭಿನ್ನವಾದ ಪರಿಭಾಷೆಗಳಲ್ಲಿ ಮಾತನಾಡುತ್ತಾಳೆ? ಅವುಗಳ ಹಿಂದಿರುವ ಸ್ತ್ರೀಸಂವೇದನಾ ಅರ್ಥೈಸುವಿಕೆಗಳೇನು? ಮುಖ್ಯವಾಗಿ ಸ್ತ್ರೀಸಂವೇದನೆಯ ನೆಲೆಗಳಾವುವು ಎಂಬುದನ್ನು ಈ ಕೃತಿ ಸರಳವಾಗಿ ಹೇಳುತ್ತದೆ.</p>.<p>ಈ ಕೋಶವು ಒಂದೇ ಓದಿನಲ್ಲಿ ಮುಗಿಸುವ ಕೃತಿಯಲ್ಲ. ಬದಲಿಗೆ ಅಗತ್ಯವೆನಿಸಿದಾಗ ಬಳಸಬಹುದಾದ ಒಂದು ಪರಾಮರ್ಶನ ಕೃತಿಯಾಗಿದೆ. ಇಲ್ಲಿ ಪದ ವಿವರಣೆಯನ್ನು ಅ ಕಾರಾದಿಯಾಗಿ ನೀಡಲಾಗಿದೆಯಾದರೂ ವಿಷಾಯಾನುಸಾರ ಅಕಾರಾದಿಯಾಗಿಲ್ಲ ಎಂಬುದು ಗಮನೀಯ. ಸ್ತ್ರೀವಾದಿ ಚಳವಳಿಯ ತಾತ್ವಿಕ ನೆಲೆಯ ಪಠ್ಯದಂತಿರುವ ಈ ಕೃತಿ ಜ್ಞಾನಮೀಮಾಂಸೆಯ ಹಲವು ದಾರಿಗಳನ್ನು ಪ್ರವೇಶಿಸಲು ಅನುವು ಮಾಡಿಕೊಡುವಂತಿದೆ. ಸ್ತ್ರೀವಾದಿ ಮತ್ತು ಮಹಿಳಾ ಅಧ್ಯಯನಕಾರರಿಗಷ್ಟೇ ಅಲ್ಲ, ಸಮಾಜ–ಸಂಸ್ಕೃತಿಯ ಬಗ್ಗೆ ಆಸಕ್ತಿ ಇರುವವರಿಗೂ ಈ ಕೃತಿ ಅಧ್ಯಯನ ಸಾಮಗ್ರಿ ಒದಗಿಸುತ್ತದೆ.</p>.<p>ತಮ್ಮ ಶೈಕ್ಷಣಿಕ ಬದುಕಿನಲ್ಲಿ ಬೋಧನೆಯ ಸಂದರ್ಭದಲ್ಲಿ ಗ್ರಹಿಸಿದ ಸ್ತ್ರೀವಾದವನ್ನು, ಅಧ್ಯಯನದ ಮೂಲಕ ಕಂಡುಕೊಂಡ ಹೂರಣವನ್ನು ಕೃತಿಯಲ್ಲಿ ಲೇಖಕಿ ನಿರೂಪಿಸಿದ್ದಾರೆ.ಇಂಗ್ಲಿಷ್ನಲ್ಲಿ ಹೇರಳವಾಗಿ ದೊರೆಯುವ ಸ್ತ್ರೀವಾದ ಭಾಷೆಯ ಕೋಶಗಳು ಕನ್ನಡದ ಮಟ್ಟಿಗೆ ಅಪರೂಪವೇ. ಅಂಥ ಕೊರತೆಯನ್ನು ಸ್ತ್ರೀವಾದ ಪದವಿವರಣಾ ಕೋಶ ಅಲ್ಪಮಟ್ಟಿಗಾದರೂ ನೀಗಿಸಿದೆ ಎನ್ನಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
