<p><strong>ನವದೆಹಲಿ (ಪಿಟಿಐ/ಐಎಎನ್ಎಸ್): </strong>ಸ್ಪಾಟ್ ಫಿಕ್ಸಿಂಗ್ ಪ್ರಕರಣದಲ್ಲಿ ಬಂಧನದಲ್ಲಿರುವ ಕೇರಳದ ವೇಗಿ ಎಸ್.ಶ್ರೀಶಾಂತ್ ಅವರ ಐಷಾರಾಮಿ ಜೀವನದ ಕೆಲ ಅಂಶಗಳು ದೆಹಲಿ ಪೊಲೀಸರ ವಿಚಾರಣೆ ವೇಳೆ ಬಹಿರಂಗಗೊಂಡಿದೆ.<br /> <br /> ಬಟ್ಟೆ ಖರೀದಿಸಲು ಸುಮಾರು 1.95 ಲಕ್ಷ ರೂಪಾಯಿ ಖರ್ಚು ಮಾಡಿರುವ ಶ್ರೀಶಾಂತ್, ತಮ್ಮ ಗೆಳತಿಗೆ 42 ಸಾವಿರ ರೂ. ಮೌಲ್ಯದ ಬ್ಲ್ಯಾಕ್ಬೆರಿ ಮೊಬೈಲ್ಯೊಂದನ್ನು (ಝೆಡ್ 10) ಉಡುಗೊರೆಯಾಗಿ ನೀಡಿರುವುದು ತಿಳಿದುಬಂದಿದೆ. `ಈ ಹಣ ಸ್ಪಾಟ್ ಫಿಕ್ಸಿಂಗ್ನಿಂದ ಬಂದಿದ್ದು. ಅದನ್ನು ಬೇಗನೇ ಖರ್ಚು ಮಾಡಲು ಅವರು ಮುಂದಾಗಿದ್ದರು' ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.<br /> <br /> ಜೈಪುರದಲ್ಲಿರುವ ಶ್ರೀಶಾಂತ್ ಅವರ ಸ್ನೇಹಿತನ ನಿವಾಸದ ಮೇಲೆ ದಾಳಿ ನಡೆಸಿದಾಗ 1.95 ಲಕ್ಷ ರೂ. ಮೊತ್ತದ ಬಟ್ಟೆಗಳು ಪತ್ತೆಯಾಗಿವೆ. ಇವುಗಳನ್ನು ಮುಂಬೈನ `ಡೀಸೆಲ್ ಶೋರೂಮ್'ನಿಂದ ಒಂದೇ ದಿನ ನಗದು ನೀಡಿ ಖರೀದಿಸಿರುವುದು ತಿಳಿದುಬಂದಿದೆ.<br /> <br /> `ಶ್ರೀಶಾಂತ್ ತಮ್ಮ ಗೆಳತಿಗೆ ದುಬಾರಿ ಮೊತ್ತದ ಮೊಬೈಲ್ವೊಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ. ವಿಚಾರಣೆ ವೇಳೆ ಈ ಕ್ರಿಕೆಟಿಗ ನೀಡಿದ ಮಾಹಿತಿ ಮೇರೆಗೆ ನಾವು ಆ ಯುವತಿ ನಿವಾಸಕ್ಕೆ ತೆರಳಿ ಮೊಬೈಲ್ ವಶಪಡಿಸಿಕೊಂಡಿದ್ದೇವೆ' ಎಂದು ಪೊಲೀಸರು ನುಡಿದಿದ್ದಾರೆ.<br /> <br /> ಈ ನಡುವೆ, ಭಾರತ ದಂಡ ಸಂಹಿತೆ 409 (ನಂಬಿಕೆ ಉಲ್ಲಂಘಿಸಿದ ಅಪರಾಧ) ಸೆಕ್ಷನ್ ಅಡಿಯಲ್ಲಿ ಶ್ರೀಶಾಂತ್ ಅವರನ್ನು ವಿಚಾರಣೆಗೆ ಒಳಪಡಿಸಲು ಪೊಲೀಸರು ಮುಂದಾಗಿದ್ದಾರೆ. ಆರೋಪ ಸಾಬೀತಾದರೆ ಜೀವಾವಧಿ ಶಿಕ್ಷೆ ಅನುಭವಿಸಬೇಕಾಗುತ್ತದೆ.<br /> <br /> <strong>ಪೊಲೀಸ್ ಕಸ್ಟಡಿ ವಿಸ್ತರಣೆ: </strong> ಶ್ರೀಶಾಂತ್, ಅಜಿತ್ ಚಾಂಡಿಲ ಹಾಗೂ ಅಂಕಿತ್ ಚವಾಣ್ ಅವರ ಪೊಲೀಸ್ ಕಸ್ಟಡಿ ಅವಧಿ ಮಂಗಳವಾರ ಕೊನೆಗೊಂಡಿದೆ. ಆದರೆ ಹೆಚ್ಚಿನ ವಿಚಾರಣೆಗಾಗಿ ಮತ್ತೆ ಐದು ದಿನ ಸಮಯಾವಕಾಶ ಕೋರಿದ್ದ ದೆಹಲಿ ಪೊಲೀಸರ ಮನವಿಯನ್ನು ನ್ಯಾಯಾಲಯ ಪುರಸ್ಕರಿಸಿದೆ.<br /> <br /> <strong>ಜೈಪುರಕ್ಕೆ ಶ್ರೀಶಾಂತ್:</strong> ರಾಜಸ್ತಾನ ರಾಯಲ್ಸ್ ವೇಗಿ ಶ್ರೀಶಾಂತ್ ಅವರನ್ನು ಹೆಚ್ಚಿನ ವಿಚಾರಣೆಗಾಗಿ ಪೊಲೀಸರು ಮಂಗಳವಾರ ಜೈಪುರಕ್ಕೆ ಕರೆದುಕೊಂಡು ಹೋಗಿದ್ದರು. ಅವರನ್ನು ನಗರದಲ್ಲಿರುವ ಮೇರಿಯಟ್ ಹೋಟೆಲ್ಗೆ ಕರೆದುಕೊಂಡು ಹೋಗಲಾಗಿತ್ತು ಎಂದು ಮೂಲಗಳು ತಿಳಿಸಿವೆ.<br /> <br /> <strong>ಅಮಾನತು:</strong> ಮಾರುಕಟ್ಟೆ ವ್ಯವಹಾರ ವಿಭಾಗದಲ್ಲಿ ಸಹಾಯಕ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಶ್ರೀಶಾಂತ್ ಅವರನ್ನು ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ (ಬಿಪಿಸಿಎಲ್) ಅಮಾನತುಗೊಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ/ಐಎಎನ್ಎಸ್): </strong>ಸ್ಪಾಟ್ ಫಿಕ್ಸಿಂಗ್ ಪ್ರಕರಣದಲ್ಲಿ ಬಂಧನದಲ್ಲಿರುವ ಕೇರಳದ ವೇಗಿ ಎಸ್.ಶ್ರೀಶಾಂತ್ ಅವರ ಐಷಾರಾಮಿ ಜೀವನದ ಕೆಲ ಅಂಶಗಳು ದೆಹಲಿ ಪೊಲೀಸರ ವಿಚಾರಣೆ ವೇಳೆ ಬಹಿರಂಗಗೊಂಡಿದೆ.<br /> <br /> ಬಟ್ಟೆ ಖರೀದಿಸಲು ಸುಮಾರು 1.95 ಲಕ್ಷ ರೂಪಾಯಿ ಖರ್ಚು ಮಾಡಿರುವ ಶ್ರೀಶಾಂತ್, ತಮ್ಮ ಗೆಳತಿಗೆ 42 ಸಾವಿರ ರೂ. ಮೌಲ್ಯದ ಬ್ಲ್ಯಾಕ್ಬೆರಿ ಮೊಬೈಲ್ಯೊಂದನ್ನು (ಝೆಡ್ 10) ಉಡುಗೊರೆಯಾಗಿ ನೀಡಿರುವುದು ತಿಳಿದುಬಂದಿದೆ. `ಈ ಹಣ ಸ್ಪಾಟ್ ಫಿಕ್ಸಿಂಗ್ನಿಂದ ಬಂದಿದ್ದು. ಅದನ್ನು ಬೇಗನೇ ಖರ್ಚು ಮಾಡಲು ಅವರು ಮುಂದಾಗಿದ್ದರು' ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.<br /> <br /> ಜೈಪುರದಲ್ಲಿರುವ ಶ್ರೀಶಾಂತ್ ಅವರ ಸ್ನೇಹಿತನ ನಿವಾಸದ ಮೇಲೆ ದಾಳಿ ನಡೆಸಿದಾಗ 1.95 ಲಕ್ಷ ರೂ. ಮೊತ್ತದ ಬಟ್ಟೆಗಳು ಪತ್ತೆಯಾಗಿವೆ. ಇವುಗಳನ್ನು ಮುಂಬೈನ `ಡೀಸೆಲ್ ಶೋರೂಮ್'ನಿಂದ ಒಂದೇ ದಿನ ನಗದು ನೀಡಿ ಖರೀದಿಸಿರುವುದು ತಿಳಿದುಬಂದಿದೆ.<br /> <br /> `ಶ್ರೀಶಾಂತ್ ತಮ್ಮ ಗೆಳತಿಗೆ ದುಬಾರಿ ಮೊತ್ತದ ಮೊಬೈಲ್ವೊಂದನ್ನು ಉಡುಗೊರೆಯಾಗಿ ನೀಡಿದ್ದಾರೆ. ವಿಚಾರಣೆ ವೇಳೆ ಈ ಕ್ರಿಕೆಟಿಗ ನೀಡಿದ ಮಾಹಿತಿ ಮೇರೆಗೆ ನಾವು ಆ ಯುವತಿ ನಿವಾಸಕ್ಕೆ ತೆರಳಿ ಮೊಬೈಲ್ ವಶಪಡಿಸಿಕೊಂಡಿದ್ದೇವೆ' ಎಂದು ಪೊಲೀಸರು ನುಡಿದಿದ್ದಾರೆ.<br /> <br /> ಈ ನಡುವೆ, ಭಾರತ ದಂಡ ಸಂಹಿತೆ 409 (ನಂಬಿಕೆ ಉಲ್ಲಂಘಿಸಿದ ಅಪರಾಧ) ಸೆಕ್ಷನ್ ಅಡಿಯಲ್ಲಿ ಶ್ರೀಶಾಂತ್ ಅವರನ್ನು ವಿಚಾರಣೆಗೆ ಒಳಪಡಿಸಲು ಪೊಲೀಸರು ಮುಂದಾಗಿದ್ದಾರೆ. ಆರೋಪ ಸಾಬೀತಾದರೆ ಜೀವಾವಧಿ ಶಿಕ್ಷೆ ಅನುಭವಿಸಬೇಕಾಗುತ್ತದೆ.<br /> <br /> <strong>ಪೊಲೀಸ್ ಕಸ್ಟಡಿ ವಿಸ್ತರಣೆ: </strong> ಶ್ರೀಶಾಂತ್, ಅಜಿತ್ ಚಾಂಡಿಲ ಹಾಗೂ ಅಂಕಿತ್ ಚವಾಣ್ ಅವರ ಪೊಲೀಸ್ ಕಸ್ಟಡಿ ಅವಧಿ ಮಂಗಳವಾರ ಕೊನೆಗೊಂಡಿದೆ. ಆದರೆ ಹೆಚ್ಚಿನ ವಿಚಾರಣೆಗಾಗಿ ಮತ್ತೆ ಐದು ದಿನ ಸಮಯಾವಕಾಶ ಕೋರಿದ್ದ ದೆಹಲಿ ಪೊಲೀಸರ ಮನವಿಯನ್ನು ನ್ಯಾಯಾಲಯ ಪುರಸ್ಕರಿಸಿದೆ.<br /> <br /> <strong>ಜೈಪುರಕ್ಕೆ ಶ್ರೀಶಾಂತ್:</strong> ರಾಜಸ್ತಾನ ರಾಯಲ್ಸ್ ವೇಗಿ ಶ್ರೀಶಾಂತ್ ಅವರನ್ನು ಹೆಚ್ಚಿನ ವಿಚಾರಣೆಗಾಗಿ ಪೊಲೀಸರು ಮಂಗಳವಾರ ಜೈಪುರಕ್ಕೆ ಕರೆದುಕೊಂಡು ಹೋಗಿದ್ದರು. ಅವರನ್ನು ನಗರದಲ್ಲಿರುವ ಮೇರಿಯಟ್ ಹೋಟೆಲ್ಗೆ ಕರೆದುಕೊಂಡು ಹೋಗಲಾಗಿತ್ತು ಎಂದು ಮೂಲಗಳು ತಿಳಿಸಿವೆ.<br /> <br /> <strong>ಅಮಾನತು:</strong> ಮಾರುಕಟ್ಟೆ ವ್ಯವಹಾರ ವಿಭಾಗದಲ್ಲಿ ಸಹಾಯಕ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದ ಶ್ರೀಶಾಂತ್ ಅವರನ್ನು ಭಾರತ್ ಪೆಟ್ರೋಲಿಯಂ ಕಾರ್ಪೊರೇಷನ್ ಲಿಮಿಟೆಡ್ (ಬಿಪಿಸಿಎಲ್) ಅಮಾನತುಗೊಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
