<p><strong>ನವದೆಹಲಿ:</strong> ‘ಕಾರಿನ ಸನ್ರೂಫ್, ಸೌಂಡ್ ಸಿಸ್ಟಂ ಹಾಗೂ ಹಿಂಬದಿಯ ಕ್ಯಾಮೆರಾದಲ್ಲಿನ ದೋಷವನ್ನು ದುರಸ್ತಿಗೊಳಿಸುವ ವಿಷಯದಲ್ಲಿ ನಾನು ಮಾನಸಿಕ ಹಿಂಸೆ ಅನುಭವಿಸಿದ್ದು, ಇದಕ್ಕೆ ಪರಿಹಾರ ರೂಪದಲ್ಲಿ ತನಗೆ ₹50 ಕೋಟಿ ಪರಿಹಾರ ನೀಡಬೇಕು‘ ಎಂದು ಬಾಲಿವುಡ್ ನಟಿ ರಿಮಿ ಸೆನ್ ಅವರು ಜಾಗ್ವಾರ್ ಲ್ಯಾಂಡ್ರೋವರ್ ಕಂಪನಿಗೆ ನೋಟಿಸ್ ನೀಡಿದ್ದಾರೆ.</p><p>2020ರಲ್ಲಿ ಮುಂಬೈನಲ್ಲಿರುವ ಜಾಗ್ವಾರ್ ಲ್ಯಾಂಡ್ರೋವರ್ನ ಅಧಿಕೃತ ಶೋರೂಮ್ನಿಂದ ನಟಿ ರಿಮಿ ಅವರು ₹92 ಲಕ್ಷ ನೀಡಿ ಲ್ಯಾಂಡ್ ರೋವರ್ ಕಾರು ಖರೀದಿಸಿದ್ದರು. ಕಾರಿನ ವಾರೆಂಟ್ 2023ರ ಜನವರಿವರೆಗೆ ಮಾತ್ರ ಇತ್ತು. ಕೋವಿಡ್ ಹಾಗೂ ಲಾಕ್ಡೌನ್ನಿಂದಾಗಿ ಕಾರು ಅಷ್ಟಾಗಿ ಬಳಕೆಯಾಗಿರಲಿಲ್ಲ. ನಂತರ ಬಳಸಲಾರಂಭಿಸಿದರೂ, ಕಾರಿನಲ್ಲಿ ಕೆಲವೊಂದು ಸಮಸ್ಯೆಗಳು ಎದುರಾದವು. ಈ ಸಂಬಂಧ 2022ರ ಆ. 25ರಂದು ಅವರು ದೂರು ನೀಡಿದ್ದೆ ಎಂದು ರಿಮಿ ಹೇಳಿದ್ದಾರೆ. </p><p>ಹಿಂಬದಿಯ ಕ್ಯಾಮೆರಾ ಸರಿಯಾಗಿ ಕೆಲಸ ಮಾಡದ ಕಾರಣ, ಕಾರು ಪಿಲ್ಲರ್ಗೆ ಡಿಕ್ಕಿ ಹೊಡೆದಿತ್ತು. ಇವೆಲ್ಲವನ್ನು ವಿತರಕರ ಗಮನಕ್ಕೆ ತಂದರೂ, ಅವರು ವಿಷಯವನ್ನು ಗಂಭೀರವಾಗಿ ಪರಿಗಣಿಸಲಿಲ್ಲ. ಜತೆಗೆ, ಈ ಎಲ್ಲಾ ಸಮಸ್ಯೆಗಳಿಗೂ ಸಾಕ್ಷ್ಯ ಒದಗಿಸಿ ಎಂದಿದ್ದರು. ನಿರಂತರವಾಗಿ ದೂರು ನೀಡಿದ ನಂತರ, ದುರಸ್ತಿ ಕಾರ್ಯ ನಡೆಸಿದರೂ, ಒಂದನ್ನು ಸರಿಪಡಿಸುವಾಗ ಮತ್ತೊಂದು ಸಮಸ್ಯೆ ಹುಟ್ಟುಕೊಂಡಿತು ಎಂದು ನಟಿ ಹೇಳಿದ್ದಾರೆ ಎಂದು ಎನ್ಡಿಟಿವಿ ವರದಿ ಮಾಡಿದೆ.</p><p>ಈ ಎಲ್ಲದರ ಕುರಿತು ತಮ್ಮ ವಕೀಲರ ಮೂಲಕ ನೋಟಿಸ್ ಜಾರಿಗೊಳಿಸಿರುವ ನಟಿ ರಿಮಿ ಸೇನ್, ‘ತನಗೆ ದೋಷಪೂರಿತ ಕಾರನ್ನು ನೀಡಲಾಗಿದೆ. ಜತೆಗೆ ನಿರ್ವಹಣೆಯನ್ನೂ ಸರಿಯಾಗಿ ಮಾಡಿಲ್ಲ. ಹತ್ತಕ್ಕೂ ಹೆಚ್ಚು ಬಾರಿ ದುರಸ್ತಿಗೆ ಕಳುಹಿಸಿದರೂ ಪರಿಹಾರ ಸಿಕ್ಕಿಲ್ಲ. ಇದು ಮಾನಸಿಕ ಕಿರುಕುಳವಾಗಿದೆ. ಇದಕ್ಕಾಗಿ ₹50 ಕೋಟಿ ಪರಿಹಾರವನ್ನು ನೀಡಬೇಕು. ಕಾನೂನು ಸಂಘರ್ಷಕ್ಕೆ ತಗಲುವ ವೆಚ್ಚವಾಗಿ ₹10 ಲಕ್ಷ ನೀಡಬೇಕು. ತನಗೆ ಹೊಸ ಕಾರನ್ನು ನೀಡಬೇಕು ಎಂದು ತಮ್ಮ ನೋಟಿಸ್ನಲ್ಲಿ ಬೇಡಿಕೆ ಇಟ್ಟಿದ್ದಾರೆ.</p><p>ಪಶ್ಚಿಮ ಬಂಗಾಳ ಮೂಲದ ನಟಿ ರಿಮಿ ಸೇನ್ ಹಿಂದಿ, ತೆಲುಗು ಸೇರಿದಂತೆ ವಿವಿಧ ಭಾಷೆಗಳ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ. ಹಂಗಾಮಾ, ಪಿರ್ ಹೇರಾಫೇರಿ, ಧೂಮ್ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ‘ಕಾರಿನ ಸನ್ರೂಫ್, ಸೌಂಡ್ ಸಿಸ್ಟಂ ಹಾಗೂ ಹಿಂಬದಿಯ ಕ್ಯಾಮೆರಾದಲ್ಲಿನ ದೋಷವನ್ನು ದುರಸ್ತಿಗೊಳಿಸುವ ವಿಷಯದಲ್ಲಿ ನಾನು ಮಾನಸಿಕ ಹಿಂಸೆ ಅನುಭವಿಸಿದ್ದು, ಇದಕ್ಕೆ ಪರಿಹಾರ ರೂಪದಲ್ಲಿ ತನಗೆ ₹50 ಕೋಟಿ ಪರಿಹಾರ ನೀಡಬೇಕು‘ ಎಂದು ಬಾಲಿವುಡ್ ನಟಿ ರಿಮಿ ಸೆನ್ ಅವರು ಜಾಗ್ವಾರ್ ಲ್ಯಾಂಡ್ರೋವರ್ ಕಂಪನಿಗೆ ನೋಟಿಸ್ ನೀಡಿದ್ದಾರೆ.</p><p>2020ರಲ್ಲಿ ಮುಂಬೈನಲ್ಲಿರುವ ಜಾಗ್ವಾರ್ ಲ್ಯಾಂಡ್ರೋವರ್ನ ಅಧಿಕೃತ ಶೋರೂಮ್ನಿಂದ ನಟಿ ರಿಮಿ ಅವರು ₹92 ಲಕ್ಷ ನೀಡಿ ಲ್ಯಾಂಡ್ ರೋವರ್ ಕಾರು ಖರೀದಿಸಿದ್ದರು. ಕಾರಿನ ವಾರೆಂಟ್ 2023ರ ಜನವರಿವರೆಗೆ ಮಾತ್ರ ಇತ್ತು. ಕೋವಿಡ್ ಹಾಗೂ ಲಾಕ್ಡೌನ್ನಿಂದಾಗಿ ಕಾರು ಅಷ್ಟಾಗಿ ಬಳಕೆಯಾಗಿರಲಿಲ್ಲ. ನಂತರ ಬಳಸಲಾರಂಭಿಸಿದರೂ, ಕಾರಿನಲ್ಲಿ ಕೆಲವೊಂದು ಸಮಸ್ಯೆಗಳು ಎದುರಾದವು. ಈ ಸಂಬಂಧ 2022ರ ಆ. 25ರಂದು ಅವರು ದೂರು ನೀಡಿದ್ದೆ ಎಂದು ರಿಮಿ ಹೇಳಿದ್ದಾರೆ. </p><p>ಹಿಂಬದಿಯ ಕ್ಯಾಮೆರಾ ಸರಿಯಾಗಿ ಕೆಲಸ ಮಾಡದ ಕಾರಣ, ಕಾರು ಪಿಲ್ಲರ್ಗೆ ಡಿಕ್ಕಿ ಹೊಡೆದಿತ್ತು. ಇವೆಲ್ಲವನ್ನು ವಿತರಕರ ಗಮನಕ್ಕೆ ತಂದರೂ, ಅವರು ವಿಷಯವನ್ನು ಗಂಭೀರವಾಗಿ ಪರಿಗಣಿಸಲಿಲ್ಲ. ಜತೆಗೆ, ಈ ಎಲ್ಲಾ ಸಮಸ್ಯೆಗಳಿಗೂ ಸಾಕ್ಷ್ಯ ಒದಗಿಸಿ ಎಂದಿದ್ದರು. ನಿರಂತರವಾಗಿ ದೂರು ನೀಡಿದ ನಂತರ, ದುರಸ್ತಿ ಕಾರ್ಯ ನಡೆಸಿದರೂ, ಒಂದನ್ನು ಸರಿಪಡಿಸುವಾಗ ಮತ್ತೊಂದು ಸಮಸ್ಯೆ ಹುಟ್ಟುಕೊಂಡಿತು ಎಂದು ನಟಿ ಹೇಳಿದ್ದಾರೆ ಎಂದು ಎನ್ಡಿಟಿವಿ ವರದಿ ಮಾಡಿದೆ.</p><p>ಈ ಎಲ್ಲದರ ಕುರಿತು ತಮ್ಮ ವಕೀಲರ ಮೂಲಕ ನೋಟಿಸ್ ಜಾರಿಗೊಳಿಸಿರುವ ನಟಿ ರಿಮಿ ಸೇನ್, ‘ತನಗೆ ದೋಷಪೂರಿತ ಕಾರನ್ನು ನೀಡಲಾಗಿದೆ. ಜತೆಗೆ ನಿರ್ವಹಣೆಯನ್ನೂ ಸರಿಯಾಗಿ ಮಾಡಿಲ್ಲ. ಹತ್ತಕ್ಕೂ ಹೆಚ್ಚು ಬಾರಿ ದುರಸ್ತಿಗೆ ಕಳುಹಿಸಿದರೂ ಪರಿಹಾರ ಸಿಕ್ಕಿಲ್ಲ. ಇದು ಮಾನಸಿಕ ಕಿರುಕುಳವಾಗಿದೆ. ಇದಕ್ಕಾಗಿ ₹50 ಕೋಟಿ ಪರಿಹಾರವನ್ನು ನೀಡಬೇಕು. ಕಾನೂನು ಸಂಘರ್ಷಕ್ಕೆ ತಗಲುವ ವೆಚ್ಚವಾಗಿ ₹10 ಲಕ್ಷ ನೀಡಬೇಕು. ತನಗೆ ಹೊಸ ಕಾರನ್ನು ನೀಡಬೇಕು ಎಂದು ತಮ್ಮ ನೋಟಿಸ್ನಲ್ಲಿ ಬೇಡಿಕೆ ಇಟ್ಟಿದ್ದಾರೆ.</p><p>ಪಶ್ಚಿಮ ಬಂಗಾಳ ಮೂಲದ ನಟಿ ರಿಮಿ ಸೇನ್ ಹಿಂದಿ, ತೆಲುಗು ಸೇರಿದಂತೆ ವಿವಿಧ ಭಾಷೆಗಳ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ. ಹಂಗಾಮಾ, ಪಿರ್ ಹೇರಾಫೇರಿ, ಧೂಮ್ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
