ಬೆಂಗಳೂರು: ಮಹೀಂದ್ರ ಆ್ಯಂಡ್‌ ಮಹೀಂದ್ರ ಕಂಪನಿಯು ತನ್ನ ಹೊಸ ಸುಪ್ರೊ ಪ್ರಾಫಿಟ್‌ ಟ್ರಕ್‌ ಎಕ್ಸೆಲ್‌ ಸರಣಿಯನ್ನು ಗುರುವಾರ ಬಿಡುಗಡೆ ಮಾಡಿದೆ.
ಈ ಟ್ರಕ್‌ಗಳು ಡಿಸೇಲ್‌ ಮತ್ತು ಸಿಎನ್‌ಜಿ ಡ್ಯುಯೋ ಮಾದರಿಯಲ್ಲಿ ಲಭ್ಯವಿವೆ. ಇದರ ಬೆಲೆ ಬೆಂಗಳೂರಿನಲ್ಲಿ (ಎಕ್ಸ್ ಷೋ ರೂಂ) ಕ್ರಮವಾಗಿ ₹6.61 ಲಕ್ಷ ಮತ್ತು ₹6.93 ಇದೆ. ಬಿಳಿ, ನೀಲಿ ಮತ್ತು ಕೆಂಪು ಬಣ್ಣದಲ್ಲಿ ಟ್ರಕ್‌ ದೊರೆಯಲಿದೆ.
ಬಿಡುಗಡೆ ಕಾರ್ಯಕ್ರಮದಲ್ಲಿ ಕಂಪನಿಯ ದಕ್ಷಿಣ ವಲಯದ ಮುಖ್ಯಸ್ಥ ಅರುಣಾಂಗ್ಶು ರಾಯ್, ಕಮರ್ಷಿಯಲ್‌ ವಾಹನದ ಉತ್ಪಾದನಾ ಯೋಜನೆಯ ಮುಖ್ಯಸ್ಥ ಸತೀಶ್‌ ಕರಂಡಿಕರ್‌ ಮತ್ತು ಉತ್ಪಾದನಾ ವಿಭಾಗದ ಮುಖ್ಯಸ್ಥ ವೆಂಕಟ್‌ ಶ್ರೀನಿವಾಸ್‌ ಹಾಜರಿದ್ದರು.
