<p>ಸಿಂಗಪುರ (ಪಿಟಿಐ): ಸತತ ಎಂಟನೇ ಬಾರಿಯೂ ವಿಶ್ವದ ಅತ್ಯಂತ ಸಿರಿವಂತ ಭಾರತೀಯ ಎಂಬ ಶ್ರೇಯಕ್ಕೆ ಮುಂಬೈ ಮೂಲದ ರಿಲಯನ್ಸ್ ಉದ್ಯಮಗಳ ಸಮೂಹದ ಮುಖ್ಯಸ್ಥ ಮುಕೇಶ್ ಅಂಬಾನಿ ಪಾತ್ರರಾಗಿದ್ದಾರೆ.<br /> <br /> ‘ಫೋಬ್ಸ್’ ನಿಯತಕಾಲಿಕೆ ಬಿಡುಗಡೆ ಮಾಡಿರುವ ಭಾರತದ 100 ಮಂದಿ ಶ್ರೀಮಂತರ ಪಟ್ಟಿಯಲ್ಲಿ ಮುಕೇಶ್ ಮೊದಲಿಗರಾಗಿದ್ದಾರೆ.<br /> ದಿಲೀಪ್ ಶಾಂಘ್ವಿ, ಅಜೀಂ ಪ್ರೇಮ್ಜಿ , ಪಲ್ಲೋಂಜಿ ಮಿಸ್ತ್ರಿ , ಲಕ್ಷ್ಮಿ ಮಿತ್ತಲ್ ನಂತರದ ಸ್ಥಾನದಲ್ಲಿದ್ದಾರೆ.<br /> <br /> ಮುಕೇಶ್ ₨1,43,960 ಕೋಟಿಗಳಷ್ಟು (23.6 ಶತಕೋಟಿ ಡಾಲರ್) ಆಸ್ತಿ ಹೊಂದುವ ಮೂಲಕ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ.<br /> ಸನ್ ಫಾರ್ಮಾ ಸಮೂಹ ಕಂಪೆನಿಗಳ ಒಡೆಯ ದಿಲೀಪ್ ಶಾಂಘ್ವಿ ₨1,09,800 ಕೋಟಿ ಸಂಪತ್ತು ಹೊಂದುವ ಮೂಲಕ ಎರಡನೇ ಸ್ಥಾನದಲ್ಲಿದ್ದಾರೆ.<br /> <br /> ವಿಪ್ರೊ ಅಧ್ಯಕ್ಷ ಅಜೀಂ ಪ್ರೇಮ್ಜೀ ಅವರು ₨1,00,040ಕೋಟಿ ಸಂಪತ್ತು ಹೊಂದುವ ಮೂಲಕ ಮೂರನೇ ಸ್ಥಾನಕ್ಕೆ ಜಿಗಿದಿದ್ದಾರೆ.<br /> ಷಪೂರ್ಜಿ ಪಲ್ಲೋಂಜಿ ಸಮೂಹದ ಅಧ್ಯಕ್ಷ ಪಲ್ಲೋಂಜಿ ಮಿಸ್ತ್ರಿ ಅವರು ₨96,990ಕೋಟಿ ಮೌಲ್ಯದ ಸಂಪತ್ತಿಗೆ ಒಡೆಯರಾಗಿದ್ದು, ನಾಲ್ಕನೇ ಸ್ಥಾನದಲ್ಲಿದ್ದಾರೆ.<br /> <br /> ಉಕ್ಕು ತಯಾರಿಕೆ ಲೋಕದ ದಿಗ್ಗಜ ಎನಿಸಿಕೊಂಡಿರುವ, ಆರ್ಸೆಲರ್ ಮಿತ್ತಲ್ ಕಂಪೆನಿಯ ಮಾಲೀಕ ಲಕ್ಷ್ಮಿ ಮಿತ್ತಲ್ ₨96,380 ಕೋಟಿ ಮೌಲ್ಯದ ಸಂಪತ್ತು ಹೊಂದುವ ಮೂಲಕ ಐದನೇ ಸ್ಥಾನದಲ್ಲಿದ್ದಾರೆ.<br /> <br /> ಉಳಿದಂತೆ ಹಿಂದುಜಾ ಸೋದರರು ₨81,130 ಕೋಟಿ ಶಿವ ನಾಡಾರ್ ₨75 ಸಾವಿರ ಕೋಟಿ, ಆದಿ ಗೋದ್ರೆಜ್ ಮತ್ತು ಕುಟುಂಬ ₨70,760 ಕೋಟಿ, ಕುಮಾರ್ ಬಿರ್ಲಾ ₨56,120 ಕೋಟಿ ಹಾಗೂ ಸುನೀಲ್ ಮಿತ್ತಲ್ ಮತ್ತು ಕುಟುಂಬ ₨48,068 ಕೋಟಿ ಮೌಲ್ಯದ ಸಂಪತ್ತು ಹೊಂದಿದ್ದಾರೆ.<br /> <br /> <strong>ಮಲ್ಯ ಹೊರಕ್ಕೆ</strong><br /> ಸಿಂಗಪುರ (ಪಿಟಿಐ): ಫೋಬ್ಸ್ ನಿಯತಕಾಲಿಕ ಪ್ರಕಟಿಸಿರುವ ಭಾರತದ 100 ಸಿರಿವಂತರ ಪಟ್ಟಿಯಿಂದ ಯುನೈಟೆಡ್ ಬ್ರಿವರೀಸ್ ಸಮೂಹದ (ಯುಬಿ) ಅಧ್ಯಕ್ಷ ವಿಜಯ ಮಲ್ಯ ಹೊರಬಿದ್ದಿದ್ದಾರೆ.<br /> <br /> ಸಾಲ ಮರುಪಾವತಿಸದ ಕಾರಣಕ್ಕಾಗಿ ಬ್ಯಾಂಕುಗಳು ‘ಉದ್ದೇಶ ಪೂರ್ವಕ ಸುಸ್ತಿದಾರ’ ಎಂದು ಘೋಷಿಸಿರುವುದರಿಂದ ಮಲ್ಯ ಅವರು ಫೋಬ್ಸ್ ಸಿರಿವಂತರ ಪಟ್ಟಿ ಸೇರಲು ಸಾಧ್ಯವಾಗಿಲ್ಲ. 2013ರಲ್ಲಿ ಮಲ್ಯ ಈ ಪಟ್ಟಿಯಲ್ಲಿ 84ನೇ ಸ್ಥಾನದಲ್ಲಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಿಂಗಪುರ (ಪಿಟಿಐ): ಸತತ ಎಂಟನೇ ಬಾರಿಯೂ ವಿಶ್ವದ ಅತ್ಯಂತ ಸಿರಿವಂತ ಭಾರತೀಯ ಎಂಬ ಶ್ರೇಯಕ್ಕೆ ಮುಂಬೈ ಮೂಲದ ರಿಲಯನ್ಸ್ ಉದ್ಯಮಗಳ ಸಮೂಹದ ಮುಖ್ಯಸ್ಥ ಮುಕೇಶ್ ಅಂಬಾನಿ ಪಾತ್ರರಾಗಿದ್ದಾರೆ.<br /> <br /> ‘ಫೋಬ್ಸ್’ ನಿಯತಕಾಲಿಕೆ ಬಿಡುಗಡೆ ಮಾಡಿರುವ ಭಾರತದ 100 ಮಂದಿ ಶ್ರೀಮಂತರ ಪಟ್ಟಿಯಲ್ಲಿ ಮುಕೇಶ್ ಮೊದಲಿಗರಾಗಿದ್ದಾರೆ.<br /> ದಿಲೀಪ್ ಶಾಂಘ್ವಿ, ಅಜೀಂ ಪ್ರೇಮ್ಜಿ , ಪಲ್ಲೋಂಜಿ ಮಿಸ್ತ್ರಿ , ಲಕ್ಷ್ಮಿ ಮಿತ್ತಲ್ ನಂತರದ ಸ್ಥಾನದಲ್ಲಿದ್ದಾರೆ.<br /> <br /> ಮುಕೇಶ್ ₨1,43,960 ಕೋಟಿಗಳಷ್ಟು (23.6 ಶತಕೋಟಿ ಡಾಲರ್) ಆಸ್ತಿ ಹೊಂದುವ ಮೂಲಕ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ.<br /> ಸನ್ ಫಾರ್ಮಾ ಸಮೂಹ ಕಂಪೆನಿಗಳ ಒಡೆಯ ದಿಲೀಪ್ ಶಾಂಘ್ವಿ ₨1,09,800 ಕೋಟಿ ಸಂಪತ್ತು ಹೊಂದುವ ಮೂಲಕ ಎರಡನೇ ಸ್ಥಾನದಲ್ಲಿದ್ದಾರೆ.<br /> <br /> ವಿಪ್ರೊ ಅಧ್ಯಕ್ಷ ಅಜೀಂ ಪ್ರೇಮ್ಜೀ ಅವರು ₨1,00,040ಕೋಟಿ ಸಂಪತ್ತು ಹೊಂದುವ ಮೂಲಕ ಮೂರನೇ ಸ್ಥಾನಕ್ಕೆ ಜಿಗಿದಿದ್ದಾರೆ.<br /> ಷಪೂರ್ಜಿ ಪಲ್ಲೋಂಜಿ ಸಮೂಹದ ಅಧ್ಯಕ್ಷ ಪಲ್ಲೋಂಜಿ ಮಿಸ್ತ್ರಿ ಅವರು ₨96,990ಕೋಟಿ ಮೌಲ್ಯದ ಸಂಪತ್ತಿಗೆ ಒಡೆಯರಾಗಿದ್ದು, ನಾಲ್ಕನೇ ಸ್ಥಾನದಲ್ಲಿದ್ದಾರೆ.<br /> <br /> ಉಕ್ಕು ತಯಾರಿಕೆ ಲೋಕದ ದಿಗ್ಗಜ ಎನಿಸಿಕೊಂಡಿರುವ, ಆರ್ಸೆಲರ್ ಮಿತ್ತಲ್ ಕಂಪೆನಿಯ ಮಾಲೀಕ ಲಕ್ಷ್ಮಿ ಮಿತ್ತಲ್ ₨96,380 ಕೋಟಿ ಮೌಲ್ಯದ ಸಂಪತ್ತು ಹೊಂದುವ ಮೂಲಕ ಐದನೇ ಸ್ಥಾನದಲ್ಲಿದ್ದಾರೆ.<br /> <br /> ಉಳಿದಂತೆ ಹಿಂದುಜಾ ಸೋದರರು ₨81,130 ಕೋಟಿ ಶಿವ ನಾಡಾರ್ ₨75 ಸಾವಿರ ಕೋಟಿ, ಆದಿ ಗೋದ್ರೆಜ್ ಮತ್ತು ಕುಟುಂಬ ₨70,760 ಕೋಟಿ, ಕುಮಾರ್ ಬಿರ್ಲಾ ₨56,120 ಕೋಟಿ ಹಾಗೂ ಸುನೀಲ್ ಮಿತ್ತಲ್ ಮತ್ತು ಕುಟುಂಬ ₨48,068 ಕೋಟಿ ಮೌಲ್ಯದ ಸಂಪತ್ತು ಹೊಂದಿದ್ದಾರೆ.<br /> <br /> <strong>ಮಲ್ಯ ಹೊರಕ್ಕೆ</strong><br /> ಸಿಂಗಪುರ (ಪಿಟಿಐ): ಫೋಬ್ಸ್ ನಿಯತಕಾಲಿಕ ಪ್ರಕಟಿಸಿರುವ ಭಾರತದ 100 ಸಿರಿವಂತರ ಪಟ್ಟಿಯಿಂದ ಯುನೈಟೆಡ್ ಬ್ರಿವರೀಸ್ ಸಮೂಹದ (ಯುಬಿ) ಅಧ್ಯಕ್ಷ ವಿಜಯ ಮಲ್ಯ ಹೊರಬಿದ್ದಿದ್ದಾರೆ.<br /> <br /> ಸಾಲ ಮರುಪಾವತಿಸದ ಕಾರಣಕ್ಕಾಗಿ ಬ್ಯಾಂಕುಗಳು ‘ಉದ್ದೇಶ ಪೂರ್ವಕ ಸುಸ್ತಿದಾರ’ ಎಂದು ಘೋಷಿಸಿರುವುದರಿಂದ ಮಲ್ಯ ಅವರು ಫೋಬ್ಸ್ ಸಿರಿವಂತರ ಪಟ್ಟಿ ಸೇರಲು ಸಾಧ್ಯವಾಗಿಲ್ಲ. 2013ರಲ್ಲಿ ಮಲ್ಯ ಈ ಪಟ್ಟಿಯಲ್ಲಿ 84ನೇ ಸ್ಥಾನದಲ್ಲಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
