ಕೆರೂರ: ಸಾಲ ಬಾಧೆಯಿಂದ ಈಚೆಗೆ ವಿಷ ಸೇವಿಸಿದ್ದ ಲಕ್ಕಸಕೊಪ್ಪ ಗ್ರಾಮದ ರೈತರೊಬ್ಬರು ಚಿಕಿತ್ಸೆಗೆ ಸ್ಪಂದಿಸದೇ ಗುರುವಾರ ಮೃತಪಟ್ಟಿದ್ದಾರೆ.
ರೈತ ಹನಮಂತ ಭೀಮಪ್ಪ ಮುರನಾಳ (52) ಅವರು ಜಮ್ಮನಕಟ್ಟಿ ಗ್ರಾಮದ ಪ್ರಾಥಮಿಕ ಕೃಷಿ ಪತ್ತಿನ ಬ್ಯಾಂಕಿನಲ್ಲಿ ₹ 50 ಸಾವಿರ ಹಾಗೂ ಕಟಗೇರಿ ಗ್ರಾಮದ ಕೆವಿಜಿ ಬ್ಯಾಂಕ್ನಲ್ಲಿ ₹ 1 ಲಕ್ಷ ಸಾಲ ಮಾಡಿದ್ದರು.
ಸರಿಯಾಗಿ ಮಳೆ ಹಾಗೂ ಬೆಳೆ ಬಾರದ ಕಾರಣ ಸಾಲ ತೀರಿಸಲಾಗದೇ ನೊಂದು ಜುಲೈ 7 ರಂದು ತಮ್ಮ ಜಮೀನಿನಲ್ಲಿ ವಿಷ ಸೇವನೆ ಮಾಡಿದ್ದರು. ಚಿಕಿತ್ಸೆಗಾಗಿ ಬಾಗಲಕೋಟೆಯ ದಡ್ಡೆನ್ನವರ ಆಸ್ಪತ್ರೆಗೆ ಸೇರಿಸಲಾಗಿತ್ತು. ಮೃತರ ಪತ್ನಿ ರೇಣವ್ವ ಮುರನಾಳ ಕೆರೂರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.