ಚನ್ನಮ್ಮನ ಕಿತ್ತೂರು: ಕಿಲಾರಿ, ಜವಾರಿ ಎತ್ತುಗಳ ಭರ್ಜರಿ ಸಂತೆ

ಚನ್ನಮ್ಮನ ಕಿತ್ತೂರು: ಕಿಲಾರಿ, ಜವಾರಿ ತಳಿಯ ಹೋರಿಗಳು ಮತ್ತು ಎತ್ತುಗಳ ಮಾರಾಟಕ್ಕೆ ಇಲ್ಲಿನ ಸೋಮವಾರದ ಜಾನುವಾರು ಸಂತೆ ನಾಡಿನಲ್ಲಿಯೇ ಪ್ರಸಿದ್ಧಿ ಪಡೆದಿದೆ. ರಾಷ್ಟ್ರೀಯ ಹೆದ್ದಾರಿ 4ಕ್ಕೆ ಹೊಂದಿಕೊಂಡಿರುವ ಕೃಷಿ ಉಪ ಮಾರುಕಟ್ಟೆ ಪ್ರಾಂಗಣದಲ್ಲಿ ನಡೆಯುವ ಈ ಸಂತೆಗೆ ಕಿತ್ತೂರು ಕರ್ನಾಟಕದ ವಿವಿಧ ಜಿಲ್ಲೆಗಳಿಂದ ಹಸು, ಎತ್ತು, ಎಮ್ಮೆ ಕೊಳ್ಳಲು ಆಗಮಿಸುತ್ತಾರೆ.

. ಸದ್ಯ ಹೊಲದ ಕೆಲಸಗಳು ಪೂರ್ಣಗೊಂಡಿವೆ. ಬಿತ್ತನೆಗೆ ರೈತರು ಭೂಮಿ ಸಿದ್ಧಗೊಳಿಸಿದ್ದಾರೆ. ಬಿತ್ತುವುದನ್ನು ಬಿಟ್ಟರೆ ಎತ್ತುಗಳ ಅಗತ್ಯ ಈಗ ಹೆಚ್ಚಾಗಿ ಕಂಡುಬರುವುದಿಲ್ಲ. ಹೀಗಾಗಿ ಇಲ್ಲಿನ ದನದ ಪೇಟೆ ಜಾನುವಾರು, ಮಾರಾಟಗಾರರು ಮತ್ತು ಕೊಳ್ಳುವವರಿಂದ ಕಿಕ್ಕಿರಿದು ತುಂಬಿದೆ.

. ಕಿಲಾರಿ, ಜವಾರಿ:

. ‘ಕಿತ್ತೂರು ಪೇಟೆಯಲ್ಲಿ ದೇಸಿಯ ತಳಿಗಳಾದ ಕಿಲಾರಿ, ಜವಾರಿ ಹೋರಿ ಮತ್ತು ಎತ್ತುಗಳು ಹೆಚ್ಚು ಮಾರಾಟವಾಗುತ್ತವೆ. ಮೂಡಲ್, ಘೀರ್, ಜರ್ಸಿ, ಡೈರಿ, ಮೈಸೂರು ಕಿಲಾರಿ ತಳಿಯ ದನಗಳೂ ಈ ಪೇಟೆಯಲ್ಲಿ ಕಾಣಸಿಗುತ್ತವೆ’ ಎನ್ನುತ್ತಾರೆ ರೈತರು ಮತ್ತು ವ್ಯಾಪಾರಸ್ಥರು ಆಗಿರುವ ನಾಗಪ್ಪ ಬಬ್ಲಿ ಮತ್ತು ರಾಜು ಭಂಡಾರಿ.

. ‘ಜವಾರಿ, ಜಾಫ್ರಿ, ಮಶಾನಾ, ಗೌಳಿ ತಳಿಯ ಹಸು ಮತ್ತು ಎಮ್ಮೆಗಳು ಮಾರಾಟಕ್ಕೆ ಬಂದಿರುತ್ತವೆ. ಸುಗ್ಗಿ ಆಧರಿಸಿ ಮಾರಾಟ ಹೆಚ್ಚು ಮತ್ತು ಕಡಿಮೆ ಪ್ರಮಾಣದಲ್ಲಿ ನಡೆಯುತ್ತಿರುತ್ತದೆ. ಕನಿಷ್ಠ ₹50 ಸಾವಿರದಿಂದ ₹1.25 ಲಕ್ಷದವರೆಗೂ ಜೋಡೆತ್ತು ಮಾರಾಟವಾಗುತ್ತವೆ. ಇದಕ್ಕಿಂತಲೂ ಹೆಚ್ಚಿನ ಧಾರಣಿಯಲ್ಲಿ ಮಾರಾಟವಾದ ಉದಾಹರಣೆಗಳೂ ಇವೆ’ ಎಂದು ಅವರು ಮಾಹಿತಿ ನೀಡುತ್ತಾರೆ.

. ದೂರದೂರಿನ ರೈತರು:

. ಬಾಗಲಕೋಟೆ ಜಿಲ್ಲೆಯ ಬಾದಾಮಿ ತಾಲ್ಲೂಕಿನ ಕೆರೂರ, ಹಾವೇರಿ, ಬೆಳಗಾವಿ ಜಿಲ್ಲೆಯ ಸಂಕೇಶ್ವರ, ಮೂಡಲಗಿ, ಯರಗಟ್ಟಿ, ಸವದತ್ತಿ, ಬೈಲಹೊಂಗಲ ಮತ್ತಿತರ ಕಡೆಗಳಿಂದ ರೈತರು ತಮ್ಮ ಜಾನುವಾರುಗಳನ್ನು ಈ ಪೇಟೆಗೆ ಮಾರಾಟಕ್ಕೆ ತೆಗೆದುಕೊಂಡು ಬರುತ್ತಾರೆ. ವ್ಯಾಪಾರಸ್ಥರೂ ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುತ್ತಾರೆ.

. ‘ಪರಿಚಯ ಇರುವವರು ಎತ್ತುಗಳನ್ನು ಕೊಂಡರೆ ರೈತರಿಗೆ ಅನುಕೂಲ. ಕೆಲವೊಂದು ಇರ್ಕಳಿ (ಹಾಯುವ), ಗಳೆ ಜಗ್ಗಲಾರದ ಮತ್ತು ಕಾಲೆಳೆಯುವ ಜೋಡಿಗಳು ಇರುತ್ತವೆ. ಪರಿಚಯದವರಿದ್ದರೆ ವಿಶ್ವಾಸದಿಂದ ಕೊಡುತ್ತಾರೆ. ಮಾರಾಟಗಾರದಿಂದ ಪಡೆದರೆ ಖರೀದಿಸಿದ ದರಕ್ಕಿಂತ, ಕಡಿಮೆ ದರಕ್ಕೆ ಅವರಿಗೆ ಮರಳಿ ಕೊಡುವ ಪರಿಸ್ಥಿತಿ ಬರುತ್ತದೆ’ ಎಂದು ಹೇಳುತ್ತಾರೆ ರೈತ ಸಂಜೀವ ನಿಚ್ಚಣಕಿ.

. ಎತ್ತು ಹಸುಗಳ ಮೈ ತೊಳೆದುಕೊಂಡು ಕೆಲವರು ಅವುಗಳಿಗೆ ಗುಲಾಲು ಹಚ್ಚಿ ಸಿಂಗರಿಸಿ ಪೇಟೆಗೆ ಮಾರಾಟಕ್ಕೆ ತರುತ್ತಾರೆ. ಕುರಿ ಸಂತೆಯೂ ಇಲ್ಲಿ ಹೆಚ್ಚು ಸೇರುತ್ತದೆ

-ಎಸ್. ಬಿ. ಅಂಟೀನ್ ಹಿರಿಯ ಮಾರುಕಟ್ಟೆ ಮೇಲ್ವಿಚಾರಕ ಚನ್ನಮ್ಮನ ಕಿತ್ತೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚನ್ನಮ್ಮನ ಕಿತ್ತೂರು: ಕಿಲಾರಿ, ಜವಾರಿ ಎತ್ತುಗಳ ಭರ್ಜರಿ ಸಂತೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು