ಜಾನಪದ ಕಲಾ ವಾಹಿನಿಯಲ್ಲಿ ಭಾಗಿಯಾದ ಕಲಾ ತಂಡಗಳು ನೋಡುಗರನ್ನು ರಂಜಿಸಿದವು. ಮೂಡಲಗಿ ಕಲಾವಿದ ಗೂಳಪ್ಪ ವಿಜಯ ನಗರದ ಪುರವಂತಿಕೆ ಶಿವನಪ್ಪ ಚಂದರಗಿ ಡೊಳ್ಳು ಕುಣಿತ ಅಥಣಿ ಶಶಿಧರ ಭಜಂತ್ರಿ ಮಹಿಳಾ ಡೊಳ್ಳು ಕುಣಿತ ರಾಮದುರ್ಗ ಶಂಕರೆವ್ವ ಮುಗಳಿ ಮಹಿಳಾ ಡೊಳ್ಳು ಕುಣಿತ ಗಂಗಪ್ಪ ಮೂಡಲಗಿ ಪುರವಂತಿಕೆ ಮಾರುತಿ ಪ್ಯಾಟಿ ಜಗ್ಗಲಗಿ ಭೀಮಪ್ಪ ನೆಜಕರ ಕರಡಿ ಮಜಲು ಲಕ್ಷ್ಮಣ ಮುಗಳಿ ಗೊಂಬೆ ಕುಣಿತ ಮಹಾಂತೇಶ ಹೂಗಾರ ಸಂಬಳ ವಾದನ ಮಿಲಿಂದ ಸಂಗನ್ನವರ ಹಲಿಗೆ ವಾದನ ಯಮನಪ್ಪ ಬೆಳಗಂಟಿ ಹೆಜ್ಜೆ ಮೇಳ ಸೇರಿದಂತೆ ವಿವಿಧ ಕಲಾವಿದರ ಕಲೆಗಳು ರಂಜಿಸಿದವು. ಕನ್ನಡಪರ ಸಂಘಟನೆಗಳ ಕಾರ್ಯಕರ್ತರು ಯುವಕರು ಡಿಜೆ ಸಂಗೀತ ನಾದಕ್ಕೆ ಕುಣಿದು ಕುಪ್ಪಳಿಸಿದರು. ಸುಮಾರು 23ಕ್ಕೂ ಹೆಚ್ಚು ಕಲಾ ತಂಡಗಳು ಮೆರವಣಿಗೆಯಲ್ಲಿ ಭಾಗವಹಿಸಿದ್ದವು. ಗ್ರಾಮಸ್ಥರು ಹಣೆಗೆ ತಿಲಕ ಪೇಠ ತೊಟ್ಟು ಮೆರವಣಿಗೆಯಲ್ಲಿ ಸಾಗಿದರು. ಮಹಿಳೆಯರು ಪೂರ್ಣಕುಂಭ ಹೊತ್ತು ಸಾಗಿ ಕಲಾಮೇಳದ ಮೆರುಗು ಹೆಚ್ಚಿಸಿದರು. ಉತ್ಸವದ ಮುಖ್ಯ ವೇದಿಕೆ ಪಕ್ಕದಲ್ಲಿ ವಸ್ತು ಪ್ರದರ್ಶನ ನಡೆಯಿತು.