ಕಾಂಕ್ರೀಟ್‌ ಕಾಡಿನಲ್ಲಿ ಬಿಚ್ಚಿಕೊಂಡ ಕಾನನ ಕಥನ

ಬೆಂಗಳೂರು: ಇವರ ಮಾತುಕತೆಯ ನಡುವೆ ಪೂರ್ಣಚಂದ್ರ ತೇಜಸ್ವಿ ಬಂದು ಹೋದರು, ವೀರಪ್ಪನ್ ಇಣುಕಿ ಮರೆಯಾದ, ಚೆನ್ನ, ಕೃಷ್ಣ ಆಗಾಗ ಬರುತ್ತಿದ್ದರು. ಆದರೆ, ಇಡೀ ಮಾತಿನ ಜತೆಗೆ ಇದ್ದಿದ್ದು ಬೊಮ್ಮ ಮತ್ತು ಕಾಡು!

. ವನ್ಯಜೀವಿ ಛಾಯಾಗ್ರಾಹಕರಾದ ಕೃಪಾಕರ ಸೇನಾನಿ ಜೋಡಿ ತಮ್ಮ ಅನುಭವಗಳ ಮೂಲಕ ಕನ್ನಡ ಭವನದ ನಯನ ಸಭಾಂಗಣದಲ್ಲಿ ಕಾಡನ್ನೇ ಅನಾವರಣಗೊಳಿಸಿದರು.

. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ನಗರದಲ್ಲಿ ಶನಿವಾರ ಆಯೋಜಿಸಿದ್ದ ‘ಮನೆಯಂಗಳದಲ್ಲಿ ಮಾತುಕತೆ’ ಕಾರ್ಯಕ್ರಮದಲ್ಲಿ ಕೃಪಾಕರ ಸೇನಾನಿ ತಮ್ಮ ಮಾತುಗಳ ಮೂಲಕ ಪ್ರೇಕ್ಷಕರನ್ನು ಕಾಡುಮೇಡಲ್ಲಿ ಅಲೆದಾಡಿಸಿದರು.

. ಶ್ರೀರಂಗಪಟ್ಟಣದ ಬಳಿಯ ದರಸಗುಪ್ಪೆಯಿಂದ ಬಿಚ್ಚಿಕೊಂಡ ಈ ಜಗತ್ತು ಬಂಡೀಪುರ, ಮಧುಮಲೈ, ಕರ್ನಾಟಕದ ಬಯಲು ಸೀಮೆ, ಉತ್ತರ ಕರ್ನಾಟಕದಲ್ಲೆಲ್ಲಾ ಸುತ್ತಾಡಿ ಕೊನೆಗೆ ಗ್ರೀನ್ ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭದ ಅಂಗಳಕ್ಕೆ ಬಂದು ನಿಂತಿತು.

. ಪಕ್ಷಿ ವೀಕ್ಷಣೆ, ಪಕ್ಷಿಗಳ ಛಾಯಾಗ್ರಹಣದಿಂದ ಆರಂಭಗೊಂಡ ವನ್ಯಜೀವಿ ಛಾಯಾಗ್ರಹಣದ ಹುಚ್ಚು ಹೇಗೆ ತೋಳಗಳ ಬೆನ್ನತ್ತುವರೆಗಿನ ಸುದೀರ್ಘ ಪಯಣವನ್ನು ಈ ಇಬ್ಬರು ರೋಚಕವಾಗಿ ತೆರೆದಿಟ್ಟರು.

. ‘ಛಾಯಾಗ್ರಹಣದಲ್ಲಿ ಆಸಕ್ತಿ ಇರುವವರೆಲ್ಲರೂ ಹಕ್ಕಿ ಅಥವಾ ಯಾವುದೋ ಪ್ರಾಣಿಯ ಚಿತ್ರವನ್ನು ಕ್ಲಿಕ್ಕಿಸುವುದು ಸುಲಭ. ಆದರೆ, ಆ ಚಿತ್ರದ ಹಿಂದಿರುವ ಕಥೆ ಮತ್ತು ಜ್ಞಾನ ಮುಖ್ಯವಾಗುತ್ತದೆ’ ಎಂದು ಸೇನಾನಿ ಹೇಳಿದರು.

. ‘ಬುಡಕಟ್ಟು ಜನರ ಮುಗ್ಧತೆ, ಕಾಡಿನ ಜ್ಞಾನ ಅನನ್ಯವಾದುದು. ಸದ್ದುಗಳ ಮೂಲಕ ಕಾಡಿನಲ್ಲಿ ಸಂದೇಶಗಳನ್ನು ಗ್ರಹಿಸುವ ಶಕ್ತಿ ಬುಡಕಟ್ಟು ಜನರಿಗಿದೆ. ಆದರೆ, ಅವರೂ ಮನುಷ್ಯರು. ಮನುಷ್ಯರಿಗಿರುವ ಮಿತಿಗಳೆಲ್ಲವೂ ಅವರಿಗೂ ಇದೆ’ ಎಂದರು.

. ‘ನದೀ ಮೂಲಗಳನ್ನು ಗೌರವಿಸುವುದನ್ನು ನಾವು ಕಲಿಯಬೇಕು. ನದಿ ನೀರು ಸಮುದ್ರ ಸೇರಿ ಪೋಲಾಗುತ್ತದೆ ಎಂಬ ಮಾತೇ ತಪ್ಪು. ನದಿ ನೀರು ಸಮುದ್ರ ಸೇರುವ ಜಾಗ ಜೀವ ವೈವಿಧ್ಯದ ಅತ್ಯಂತ ಸೂಕ್ಷ್ಮವಾದ ಪ್ರದೇಶ. ನದಿ ತಿರುವು ಯೋಜನೆಗಳು ಈ ಜೀವ ವೈವಿಧ್ಯಕ್ಕೆ ಧಕ್ಕೆ ತರುತ್ತವೆ’ ಎಂದು ಕೃಪಾಕರ ತಿಳಿಸಿದರು.

. ‘ನಮ್ಮಲ್ಲಿರುವ ಅರಣ್ಯದ ಪ್ರಮಾಣ ತುಂಬಾ ಕಡಿಮೆ. ಕಾಡುಗಳು ದ್ವೀಪಗಳಂತಾಗಿವೆ. ದ್ವೀಪದಂತಾಗಿರುವ ಕಾಡುಗಳನ್ನು ಬೆಸೆಯುವ ಕೆಲಸವಾಗಬೇಕು. ಜೀವವೈವಿಧ್ಯದ ಸಮತೋಲನ ಕಾಪಾಡಲು ಹೆಚ್ಚಾಗಿರುವ ಪ್ರಾಣಿಗಳ ಸಂಖ್ಯೆಯನ್ನು ಕಡಿಮೆ ಮಾಡಬೇಕಾಗತ್ತದೆ. ಧರ್ಮ, ರಾಜಕೀಯವನ್ನು ಬದಿಗಿಟ್ಟು ಸರ್ಕಾರಗಳು ಈ ಕೆಲಸ ಮಾಡಬೇಕು’ ಎಂದು ಹೇಳಿದರು.

. ಬೊಮ್ಮ ಸಾಕಷ್ಟು ಬಾರಿ ನಮಗೆ ಕೈಕೊಟ್ಟಿದ್ದಾನೆ. ಆದರೆ, ಕಾಡಿನ ಬಗ್ಗೆ ಅವನು ನಮಗೆ ಕೊಟ್ಟ ಅಗಾಧ ಜ್ಞಾನವನ್ನು ನಾವೆಂದೂ ಮರೆಯುವುದಿಲ್ಲ – ಕೃಪಾಕರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಂಕ್ರೀಟ್‌ ಕಾಡಿನಲ್ಲಿ ಬಿಚ್ಚಿಕೊಂಡ ಕಾನನ ಕಥನ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಹ್ಯಾರಿಸ್‌, ಅಯೂಬ್ ಮಿಂಚು; ಪಾಕ್‌ಗೆ ಮಣಿದ ಆಸ್ಟ್ರೇಲಿಯಾ

ಮುನಿಸಿಕೊಂಡ ಬೌಲರ್ ಅಲ್ಜಾರಿ: 2 ಪಂದ್ಯಕ್ಕೆ ಅಮಾನತು

ಟೆಸ್ಟ್‌ನಲ್ಲಿ ರಾಹುಲ್, ಅಭಿಮನ್ಯು ಉತ್ತಮ ಆರಂಭ ನೀಡಬಲ್ಲರು: ರಾಬಿನ್ ಉತ್ತಪ್ಪ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024