‘ಎಡಪಂಥ ಪ್ರತಿಪಾದಿಸುವ ಮೂಲ ರಾಮಾಯಣ’

ಬೆಂಗಳೂರು: ಮೂಲ ರಾಮಾಯಣವು ಎಡಪಂಥ ಮತ್ತು ಸಮಾನತೆಯನ್ನು ಪ್ರತಿಪಾದಿಸುತ್ತದೆ ಎಂದು ರಂಗಕರ್ಮಿ ಪ್ರಸನ್ನ ಹೇಳಿದರು.

. ಸಾಹಿತ್ಯ ಉತ್ಸವದಲ್ಲಿ ‘ಮೂಲ ರಾಮಾಯಣ’ ಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘2 ಸಾವಿರ ವರ್ಷ ಹಳೆಯದಾದ ಮತ್ತು ಸಂಸ್ಕೃತದಲ್ಲಿರುವ ರಾಮಾಯಣ ಒಂದು ಸಮುದಾಯದ ವಶದಲ್ಲೇ ಇತ್ತು. ಆ ಸಮುದಾಯ ತನ್ನ ಇಚ್ಛೆ ಮತ್ತು ಒತ್ತಾಸೆಗಳನ್ನು ಅದರಲ್ಲಿ ತುರುಕುತ್ತಾ ಹೋಯಿತು’ ಎಂದರು.

. ‘ಮರ್ಯಾದಾ ಪುರುಷೋತ್ತಮ ರಾಮನನ್ನು ದೇವರೆಂದು ಬಿಂಬಿಸಲಾಯಿತು. ಶಂಬೂಕನ ವಧೆಯನ್ನು ರಾಮಾಯಣದಲ್ಲಿ ತೂರಿಸಲಾಯಿತು. ಬೇಟೆಗಾರನಾದ ವಾಲ್ಮೀಕಿ ಮತ್ತು ಕ್ಷತ್ರಿಯನಾದ ವಿಶ್ವಾಮಿತ್ರನನ್ನು ಬ್ರಾಹ್ಮಣ ಎಂದು ತಿರುಚಲಾಯಿತು. ಇದರ ಫಲವಾಗಿ ಇಂದು ರಾಮಾಯಣ ಎಂದರೆ ಮಹಿಳೆಯರು ಮತ್ತು ದಲಿತರ ವಿರೋಧಿ ಎನ್ನುವಂತಾಗಿದೆ’ ಎಂದು ಕಳವಳ ವ್ಯಕ್ತಪಡಿಸಿದರು.

. ‘ಮೂಲ ರಾಮಾಯಣವು ಬಲಪಂಥೀಯರು ಚಿತ್ರಿಸಿರುವ ರಾಮಾಯಣಕ್ಕೆ ಸಂಪೂರ್ಣ ತದ್ವಿರುದ್ಧವಾಗಿದೆ. ಪ್ರತ್ಯೇಕತೆಯನ್ನು ಎಲ್ಲಿಯೂ ಪ್ರತಿಪಾದಿಸಿಲ್ಲ. ದುಡಿದು ಬದುಕುವುದು, ಸಮಾನತೆ ಮತ್ತು ಸಹಜೀವನವನ್ನು ಪ್ರತಿಪಾದಿಸಿದೆ’ ಎಂದರು.

. ‘ಸರಳ ಜೀವನದ ಬಗ್ಗೆಯೂ ಮೂಲ ರಾಮಾಯಣ ಪಾಠ ಮಾಡುತ್ತದೆ. ರಾವಣನ ಹತ್ತು ತಲೆಗಳು ಆಸೆಯನ್ನು ಪ್ರತಿನಿಧಿಸುತ್ತವೆ. ಆ ಆಸೆ ತನ್ನನ್ನೇ ನಾಶ ಮಾಡುತ್ತದೆ ಎಂಬುದಕ್ಕೆ ಆ ಪಾತ್ರವನ್ನು ವಾಲ್ಮೀಕಿ ಉದಾಹರಣೆಯಾಗಿ ನೀಡಿದ್ದಾರೆ’ ಎಂದು ವಿವರಿಸಿದರು.

. ‘ಮಂದಿರ ಸಮಸಮಾಜದ ಸಂಕೇತ ಆಗಬೇಕು’ ‘ಅಯೋಧ್ಯೆಯಲ್ಲಿ ನಿರ್ಮಾಣವಾಗಲಿರುವ ರಾಮಮಂದಿರ ಸಮಸಮಾಜದ ಸಂಕೇತವಾಗಬೇಕು’ ಎಂದು ಪ್ರಸನ್ನ ಅಭಿಪ್ರಾಯಪಟ್ಟರು.

. ‘ಮಂದಿರ ನಿರ್ಮಿಸಲು ಅತೀ ಉತ್ಸಾಹ ತೋರುತ್ತಿರುವವನ್ನು ನೋಡಿದರೆ ಸರ್ದಾರ ವಲ್ಲಭಭಾಯಿ ಪಟೇಲರ ಪ್ರತಿಮೆಗೂ ದೊಡ್ಡದಾದ ಭವ್ಯ ಮಂದಿರ ಕಟ್ಟಬಹುದು. ಆದರೆ, ಅದು ಮುಖ್ಯವಲ್ಲ’ ಎಂದರು.

. ‘ದೇಗುಲಕ್ಕೆ ಪೂಜಾರಿ ಯಾರಿರುತ್ತಾರೆ, ದಲಿತರಿಗೆ ಪ್ರವೇಶ ಇರುತ್ತದೋ ಇಲ್ಲವೋ, ಸೀತೆಯ ಅಡುಗೆ ಮನೆ ಉಳಿಯುತ್ತದೋ, ಇಲ್ಲವೋ ಎಂಬ ಪ್ರಶ್ನೆಗಳು ಈಗ ಎದುರಾಗಿವೆ’ ಎಂದು ಹೇಳಿದರು.

. **

. ದಲಿತರು, ಶೂದ್ರರು, ರೈತರು ಮತ್ತು ಮಹಿಳೆಯರ ಪರವಾಗಿ ಮೂಲ ರಾಮಾಯಣ ಇದೆ. ಈಗ ನಿರ್ಮಾಣ ಆಗಲಿರುವ ಮಂದಿರ ಈ ನಾಲ್ಕು ಸಮುದಾಯಗಳಿಗೆ ಏನಾದರೂ ಸಹಾಯವಾಗುವಂತೆ ಇರಬೇಕು –ಪ್ರಸನ್ನ, ರಂಗಕರ್ಮಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಎಡಪಂಥ ಪ್ರತಿಪಾದಿಸುವ ಮೂಲ ರಾಮಾಯಣ’

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

SA vs IND T20: ಕಿಂಗ್ಸ್‌ಮೀಡ್‌ನಲ್ಲಿ ಟಾಸ್ ಸೋತ ಭಾರತ ಬ್ಯಾಟಿಂಗ್

ಹ್ಯಾರಿಸ್‌, ಅಯೂಬ್ ಮಿಂಚು; ಪಾಕ್‌ಗೆ ಮಣಿದ ಆಸ್ಟ್ರೇಲಿಯಾ

ಮುನಿಸಿಕೊಂಡ ಬೌಲರ್ ಅಲ್ಜಾರಿ: 2 ಪಂದ್ಯಕ್ಕೆ ಅಮಾನತು

ಟೆಸ್ಟ್‌ನಲ್ಲಿ ರಾಹುಲ್, ಅಭಿಮನ್ಯು ಉತ್ತಮ ಆರಂಭ ನೀಡಬಲ್ಲರು: ರಾಬಿನ್ ಉತ್ತಪ್ಪ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಶುಕ್ರವಾರ, 08 ನವೆಂಬರ್‌ 2024

ಚುರುಮುರಿ: ಉಲ್ಟಾ ಪಲ್ಟಾ!

ದಿನ ಭವಿಷ್ಯ: ಈ ರಾಶಿಯ ಸ್ವಂತ ಉದ್ಯೋಗಿಗಳಿಗೆ ಲಾಭದಾಯಕ ದಿನ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024