<p><strong>ಬೆಂಗಳೂರು</strong>: ‘ಕನ್ನಡ ಭಾಷೆಯ ಜತೆಗೆ ರಾಜಿ ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಕೊಂಕಣಿ ಹೊರತುಪಡಿಸಿ ಇಲ್ಲಿನ ಉಳಿದ ಭಾಷೆಗಳಿಗಿದೆ. ಭಾಷಾ ಅಕಾಡೆಮಿಗಳ ಸ್ಥಾಪನೆ ಸೇರಿ ವಿವಿಧ ಕ್ರಮಗಳಿಂದ ತುಳು, ಕೊಡವ ಮತ್ತು ಬ್ಯಾರಿ ಭಾಷೆಗಳ ಬಳಕೆಯ ವ್ಯಾಪ್ತಿ ವಿಸ್ತರಿಸಿಕೊಳ್ಳುತ್ತಿದೆ...’</p>.<p>ಬುಕ್ ಬ್ರಹ್ಮ ಸಾಹಿತ್ಯೋತ್ಸವದಲ್ಲಿ ನಡೆದ ‘ತುಳು–ಕೊಂಕಣಿ–ಕೊಡವ–ಬ್ಯಾರಿ ಸೊಗಡು’ ಗೋಷ್ಠಿಯಲ್ಲಿ ಭಾಷಾ ತಜ್ಞರ ಮನದಾಳದ ಮಾತುಗಳಿವು.</p>.<p>ಬ್ಯಾರಿ ಭಾಷೆ ಬಗ್ಗೆ ಮಾತನಾಡಿದ ಬಿ.ಎ. ಮುಹಮ್ಮದ್ ಅಲಿ, ‘ಬ್ಯಾರಿ ಭಾಷೆ ಉಳಿಸಲು ಸಾಮುದಾಯಿಕ ಪ್ರಯತ್ನಗಳು ನಡೆದಿವೆ. ಬ್ಯಾರಿಗಳಿಗೆ 1,500 ವರ್ಷಗಳ ಇತಿಹಾಸವಿದೆ. ಈ ಭಾಷೆ ಬಳಸುವವರು ಸುಮಾರು 25 ಲಕ್ಷ ಜನರಿದ್ದಾರೆ. ಕೊಂಕಣಿ ಭಾಷೆಗೆ ಹೋಲಿಸಿದರೆ ಬ್ಯಾರಿ, ಕೊಡವ ಹಾಗೂ ತುಳು ಭಾಷೆಗಳು ಬಹಳ ಕೆಳಗಿವೆ’ ಎಂದರು. </p>.<p>ತುಳು ಭಾಷೆ ಕುರಿತು ವಿಜಯಾ ಶೆಟ್ಟಿ ಸಾಲೆತ್ತೂರು, ‘ತುಳು ಭಾಷೆಯನ್ನು ಸುಮಾರು 20 ಲಕ್ಷದಷ್ಟು ಜನರು ಮಾತನಾಡುತ್ತಾರೆ. ಪಶ್ಚಿಮಘಟ್ಟದಿಂದ ಅರಬ್ಬಿ ಸಮದ್ರದವರೆಗಿನ ಪ್ರದೇಶ ತುಳುನಾಡು. ಈ ಪ್ರದೇಶವನ್ನು ಕನ್ನಡಿಗರು ಆಳ್ವಿಕೆ ಮಾಡಿದರು. ಇದರಿಂದ ಅಲ್ಲಿಯವರು ಕನ್ನಡದಲ್ಲಿಯೇ ಬರೆದರು. ರಾಜಾಶ್ರಯ ಇಲ್ಲದೆ ನಮ್ಮ ಭಾಷೆ ಸೊರಗಿತು’ ಎಂದು ಬೇಸರ ವ್ಯಕ್ತಪಡಿಸಿದರು. </p>.<p>ಕೊಂಕಣಿ ಬಗ್ಗೆ ಮಾತನಾಡಿದ ರೇಮಂಡ್ ಡಿಕೂನಾ ತಾಕೊಡೆ, ‘ಕೊಂಕಣಿ ಭಾಷೆಯು ಗೋವಾ ರಾಜ್ಯದ ಅಧಿಕೃತ ಭಾಷೆಯಾಗಿದೆ. ನಮ್ಮ ರಾಜ್ಯದಲ್ಲಿ ಈ ಭಾಷೆಗೆ ಅಕಾಡೆಮಿಯಿದೆ. ಕೊಂಕಣಿಯಲ್ಲಿ ಅಪಾರ ಸಾಹಿತ್ಯವಿದೆ. ಈ ಭಾಷೆಯನ್ನು ಉಳಿಸಿ, ಬೆಳೆಸಲು ಎಲ್ಲ ಕೆಲಸಗಳು ನಡೆಯುತ್ತಿವೆ’ ಎಂದು ಹೇಳಿದರು.</p>.<p>ಕೊಡವ ಭಾಷೆ ಕುರಿತು ಮಾತನಾಡಿದ ರೇಖಾ ವಸಂತ, ‘ಕೊಡವ ಭಾಷೆ ಮತ್ತು ಸಂಸ್ಕೃತಿಗೆ 2,000 ವರ್ಷಕ್ಕಿಂತ ಹೆಚ್ಚು ದೀರ್ಘ ಇತಿಹಾಸವಿದೆ. ಕೊಡವ ಅಕಾಡೆಮಿ ಸ್ಥಾಪನೆ ಬಳಿಕ ಈ ಭಾಷೆ ಕಲಿಸುವ ಪ್ರಯತ್ನ ಹೆಚ್ಚಿತು. ಅಮೆರಿಕ, ಇಂಗ್ಲೆಂಡ್ನಲ್ಲಿ ಕೊಡವ ಸಂಘವಿದ್ದು, ಭಾಷೆ ಬಳಕೆಯ ವ್ಯಾಪ್ತಿ ಹೆಚ್ಚುತ್ತಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ‘ಕನ್ನಡ ಭಾಷೆಯ ಜತೆಗೆ ರಾಜಿ ಮಾಡಿಕೊಳ್ಳಬೇಕಾದ ಅನಿವಾರ್ಯತೆ ಕೊಂಕಣಿ ಹೊರತುಪಡಿಸಿ ಇಲ್ಲಿನ ಉಳಿದ ಭಾಷೆಗಳಿಗಿದೆ. ಭಾಷಾ ಅಕಾಡೆಮಿಗಳ ಸ್ಥಾಪನೆ ಸೇರಿ ವಿವಿಧ ಕ್ರಮಗಳಿಂದ ತುಳು, ಕೊಡವ ಮತ್ತು ಬ್ಯಾರಿ ಭಾಷೆಗಳ ಬಳಕೆಯ ವ್ಯಾಪ್ತಿ ವಿಸ್ತರಿಸಿಕೊಳ್ಳುತ್ತಿದೆ...’</p>.<p>ಬುಕ್ ಬ್ರಹ್ಮ ಸಾಹಿತ್ಯೋತ್ಸವದಲ್ಲಿ ನಡೆದ ‘ತುಳು–ಕೊಂಕಣಿ–ಕೊಡವ–ಬ್ಯಾರಿ ಸೊಗಡು’ ಗೋಷ್ಠಿಯಲ್ಲಿ ಭಾಷಾ ತಜ್ಞರ ಮನದಾಳದ ಮಾತುಗಳಿವು.</p>.<p>ಬ್ಯಾರಿ ಭಾಷೆ ಬಗ್ಗೆ ಮಾತನಾಡಿದ ಬಿ.ಎ. ಮುಹಮ್ಮದ್ ಅಲಿ, ‘ಬ್ಯಾರಿ ಭಾಷೆ ಉಳಿಸಲು ಸಾಮುದಾಯಿಕ ಪ್ರಯತ್ನಗಳು ನಡೆದಿವೆ. ಬ್ಯಾರಿಗಳಿಗೆ 1,500 ವರ್ಷಗಳ ಇತಿಹಾಸವಿದೆ. ಈ ಭಾಷೆ ಬಳಸುವವರು ಸುಮಾರು 25 ಲಕ್ಷ ಜನರಿದ್ದಾರೆ. ಕೊಂಕಣಿ ಭಾಷೆಗೆ ಹೋಲಿಸಿದರೆ ಬ್ಯಾರಿ, ಕೊಡವ ಹಾಗೂ ತುಳು ಭಾಷೆಗಳು ಬಹಳ ಕೆಳಗಿವೆ’ ಎಂದರು. </p>.<p>ತುಳು ಭಾಷೆ ಕುರಿತು ವಿಜಯಾ ಶೆಟ್ಟಿ ಸಾಲೆತ್ತೂರು, ‘ತುಳು ಭಾಷೆಯನ್ನು ಸುಮಾರು 20 ಲಕ್ಷದಷ್ಟು ಜನರು ಮಾತನಾಡುತ್ತಾರೆ. ಪಶ್ಚಿಮಘಟ್ಟದಿಂದ ಅರಬ್ಬಿ ಸಮದ್ರದವರೆಗಿನ ಪ್ರದೇಶ ತುಳುನಾಡು. ಈ ಪ್ರದೇಶವನ್ನು ಕನ್ನಡಿಗರು ಆಳ್ವಿಕೆ ಮಾಡಿದರು. ಇದರಿಂದ ಅಲ್ಲಿಯವರು ಕನ್ನಡದಲ್ಲಿಯೇ ಬರೆದರು. ರಾಜಾಶ್ರಯ ಇಲ್ಲದೆ ನಮ್ಮ ಭಾಷೆ ಸೊರಗಿತು’ ಎಂದು ಬೇಸರ ವ್ಯಕ್ತಪಡಿಸಿದರು. </p>.<p>ಕೊಂಕಣಿ ಬಗ್ಗೆ ಮಾತನಾಡಿದ ರೇಮಂಡ್ ಡಿಕೂನಾ ತಾಕೊಡೆ, ‘ಕೊಂಕಣಿ ಭಾಷೆಯು ಗೋವಾ ರಾಜ್ಯದ ಅಧಿಕೃತ ಭಾಷೆಯಾಗಿದೆ. ನಮ್ಮ ರಾಜ್ಯದಲ್ಲಿ ಈ ಭಾಷೆಗೆ ಅಕಾಡೆಮಿಯಿದೆ. ಕೊಂಕಣಿಯಲ್ಲಿ ಅಪಾರ ಸಾಹಿತ್ಯವಿದೆ. ಈ ಭಾಷೆಯನ್ನು ಉಳಿಸಿ, ಬೆಳೆಸಲು ಎಲ್ಲ ಕೆಲಸಗಳು ನಡೆಯುತ್ತಿವೆ’ ಎಂದು ಹೇಳಿದರು.</p>.<p>ಕೊಡವ ಭಾಷೆ ಕುರಿತು ಮಾತನಾಡಿದ ರೇಖಾ ವಸಂತ, ‘ಕೊಡವ ಭಾಷೆ ಮತ್ತು ಸಂಸ್ಕೃತಿಗೆ 2,000 ವರ್ಷಕ್ಕಿಂತ ಹೆಚ್ಚು ದೀರ್ಘ ಇತಿಹಾಸವಿದೆ. ಕೊಡವ ಅಕಾಡೆಮಿ ಸ್ಥಾಪನೆ ಬಳಿಕ ಈ ಭಾಷೆ ಕಲಿಸುವ ಪ್ರಯತ್ನ ಹೆಚ್ಚಿತು. ಅಮೆರಿಕ, ಇಂಗ್ಲೆಂಡ್ನಲ್ಲಿ ಕೊಡವ ಸಂಘವಿದ್ದು, ಭಾಷೆ ಬಳಕೆಯ ವ್ಯಾಪ್ತಿ ಹೆಚ್ಚುತ್ತಿದೆ’ ಎಂದು ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
