<p><strong>ಬೆಂಗಳೂರು</strong>: ‘ಕನ್ನಡದ ವಿಮರ್ಶಾ ಪರಂಪರೆಯಲ್ಲಿ ಸಿನಿಮಾವನ್ನು ಸಾಹಿತ್ಯದ ವಿಸ್ತೃತ ರೂಪವಾಗಿ ನೋಡಲಾಗುತ್ತಿದೆ. ಸಿನಿಮಾ, ಸಾಹಿತ್ಯದ ವಿಸ್ತೃತ ರೂಪವಲ್ಲ. ಮೂಲ ಕೃತಿಯನ್ನು ಸಿನಿಮಾಕ್ಕೆ ಹೋಲಿಸಿ ನೋಡುವುದೂ ಸರಿಯಾದ ಕ್ರಮವಲ್ಲ’ ಎಂದು ಸಿನಿಮಾ ನಿರ್ದೇಶಕ ಗಿರೀಶ ಕಾಸರವಳ್ಳಿ ಅಭಿಪ್ರಾಯಪಟ್ಟರು.</p>.<p>ಭಾನುವಾರ ನಗರದಲ್ಲಿ ನಡೆದ ಸಿನಿಮಾ ನಿರ್ದೇಶಕ ಪಿ.ಶೇಷಾದ್ರಿ ಅವರ ‘ಸಿನಿಮಾವಲೋಕನ’ ಕಾರ್ಯಕ್ರಮದಲ್ಲಿ ಅವರ ‘ಚಿತ್ರ–ಮಂಥನ’, ‘ಕಣ್ಣು ಕಂಡ ಕ್ಷಣಗಳು’, ‘ದಕ್ಕಿದ್ದು–ಮಿಕ್ಕಿದ್ದು’ ಹಾಗೂ ‘ಫ್ರೇಮ್ಸ್ ಆಫ್ ಕನ್ಸೈನ್ಸ್’ ಕೃತಿಗಳ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ಎಲ್ಲ ಕಲೆಗಳಿಗೂ ಅದರದ್ದೇ ಆದ ಶ್ರೇಷ್ಠತೆ ಇದೆ. ಹಾಗೆಯೇ ಮಿತಿಯೂ ಇದೆ. ಹಾಗಾಗಿ, ಕಲೆಗಳಲ್ಲಿ ಸಾಹಿತ್ಯವೇ ಶ್ರೇಷ್ಠ ಎಂಬ ನಂಬಿಕೆ ಸರಿಯಲ್ಲ’ ಎಂದು ಹೇಳಿದರು.</p>.<p>‘ಸಿನಿಮಾದ ಉದ್ದೇಶ ಕತೆ ಹೇಳುವುದಲ್ಲ. ಕತೆಯನ್ನು ರೂಪಕವಾಗಿ ಇಟ್ಟುಕೊಂಡು ಚಿಂತನೆ ಹಂಚಿಕೊಳ್ಳುವುದು’ ಎಂದರು.</p>.<p>ಸರ್ಕಾರದ ಮುಖ್ಯ ಕಾರ್ಯದರ್ಶಿ ಶಾಲಿನಿ ರಜನೀಶ್ ಕೃತಿ ಬಿಡುಗಡೆ ಮಾಡಿ, ‘ಸಿನಿಮಾಗಳು, ಕಾಯ್ದೆ, ಕಾನೂನುಗಳಂತಹ ಕ್ಲಿಷ್ಟ ಹಾಗೂ ಗಂಭೀರ ವಿಷಯಗಳನ್ನು ಸರಳವಾಗಿ ತಿಳಿಸುತ್ತವೆ’ ಎಂದು ಹೇಳಿದರು.</p>.<p>ನಿರ್ದೇಶಕ ಟಿ.ಎನ್.ಸೀತಾರಾಮ್, ‘ಶೇಷಾದ್ರಿಯವರು ತಮ್ಮ ಸಿನಿಮಾಗಳ ಮೂಲಕ ಬದುಕಿನ ಅಸಹಾಯಕತೆ, ಸಂಕಟವನ್ನು ಸಮರ್ಥವಾಗಿ ವೀಕ್ಷಕರಿಗೆ ಮುಟ್ಟಿಸಿದ್ದಾರೆ’ ಎಂದು ಹೇಳಿದರು.</p>.<p>ಪಿ.ಶೇಷಾದ್ರಿ ಮಾತನಾಡಿ, ‘ಬದುಕಿನ ಆರಂಭದ ದಿನಗಳು ಸಂಕಷ್ಟವಾಗಿದ್ದವು. ಒಳ್ಳೆಯ ಯೋಚನೆ ಜೊತೆಗೆ, ಅದೃಷ್ಟವೂ ಪ್ರೇರಕ ಶಕ್ತಿಯಾಯಿತು. ನನ್ನೊಂದಿಗೆ ಸ್ನೇಹಿತರು, ತಂತ್ರಜ್ಞರು, ನಿರ್ಮಾಪಕರು ನೆರವಾಗಿದ್ದಾರೆ. ಅವರಿಗೆ ಋಣಿಯಾಗಿದ್ದೇನೆ’ ಎಂದರು.</p>.<p>ನಿರ್ದೇಶಕರಾದ ರಾಜೇಂದ್ರಸಿಂಗ್ ಬಾಬು, ಟಿ.ಎಸ್.ನಾಗಾಭರಣ, ಹಿರಿಯ ನಟ ದತ್ತಣ್ಣ, ನಿರ್ಮಾಪಕ ಬಸಂತಕುಮಾರ್ ಪಾಟೀಲ್ ಮಾತನಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ‘ಕನ್ನಡದ ವಿಮರ್ಶಾ ಪರಂಪರೆಯಲ್ಲಿ ಸಿನಿಮಾವನ್ನು ಸಾಹಿತ್ಯದ ವಿಸ್ತೃತ ರೂಪವಾಗಿ ನೋಡಲಾಗುತ್ತಿದೆ. ಸಿನಿಮಾ, ಸಾಹಿತ್ಯದ ವಿಸ್ತೃತ ರೂಪವಲ್ಲ. ಮೂಲ ಕೃತಿಯನ್ನು ಸಿನಿಮಾಕ್ಕೆ ಹೋಲಿಸಿ ನೋಡುವುದೂ ಸರಿಯಾದ ಕ್ರಮವಲ್ಲ’ ಎಂದು ಸಿನಿಮಾ ನಿರ್ದೇಶಕ ಗಿರೀಶ ಕಾಸರವಳ್ಳಿ ಅಭಿಪ್ರಾಯಪಟ್ಟರು.</p>.<p>ಭಾನುವಾರ ನಗರದಲ್ಲಿ ನಡೆದ ಸಿನಿಮಾ ನಿರ್ದೇಶಕ ಪಿ.ಶೇಷಾದ್ರಿ ಅವರ ‘ಸಿನಿಮಾವಲೋಕನ’ ಕಾರ್ಯಕ್ರಮದಲ್ಲಿ ಅವರ ‘ಚಿತ್ರ–ಮಂಥನ’, ‘ಕಣ್ಣು ಕಂಡ ಕ್ಷಣಗಳು’, ‘ದಕ್ಕಿದ್ದು–ಮಿಕ್ಕಿದ್ದು’ ಹಾಗೂ ‘ಫ್ರೇಮ್ಸ್ ಆಫ್ ಕನ್ಸೈನ್ಸ್’ ಕೃತಿಗಳ ಬಿಡುಗಡೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ಎಲ್ಲ ಕಲೆಗಳಿಗೂ ಅದರದ್ದೇ ಆದ ಶ್ರೇಷ್ಠತೆ ಇದೆ. ಹಾಗೆಯೇ ಮಿತಿಯೂ ಇದೆ. ಹಾಗಾಗಿ, ಕಲೆಗಳಲ್ಲಿ ಸಾಹಿತ್ಯವೇ ಶ್ರೇಷ್ಠ ಎಂಬ ನಂಬಿಕೆ ಸರಿಯಲ್ಲ’ ಎಂದು ಹೇಳಿದರು.</p>.<p>‘ಸಿನಿಮಾದ ಉದ್ದೇಶ ಕತೆ ಹೇಳುವುದಲ್ಲ. ಕತೆಯನ್ನು ರೂಪಕವಾಗಿ ಇಟ್ಟುಕೊಂಡು ಚಿಂತನೆ ಹಂಚಿಕೊಳ್ಳುವುದು’ ಎಂದರು.</p>.<p>ಸರ್ಕಾರದ ಮುಖ್ಯ ಕಾರ್ಯದರ್ಶಿ ಶಾಲಿನಿ ರಜನೀಶ್ ಕೃತಿ ಬಿಡುಗಡೆ ಮಾಡಿ, ‘ಸಿನಿಮಾಗಳು, ಕಾಯ್ದೆ, ಕಾನೂನುಗಳಂತಹ ಕ್ಲಿಷ್ಟ ಹಾಗೂ ಗಂಭೀರ ವಿಷಯಗಳನ್ನು ಸರಳವಾಗಿ ತಿಳಿಸುತ್ತವೆ’ ಎಂದು ಹೇಳಿದರು.</p>.<p>ನಿರ್ದೇಶಕ ಟಿ.ಎನ್.ಸೀತಾರಾಮ್, ‘ಶೇಷಾದ್ರಿಯವರು ತಮ್ಮ ಸಿನಿಮಾಗಳ ಮೂಲಕ ಬದುಕಿನ ಅಸಹಾಯಕತೆ, ಸಂಕಟವನ್ನು ಸಮರ್ಥವಾಗಿ ವೀಕ್ಷಕರಿಗೆ ಮುಟ್ಟಿಸಿದ್ದಾರೆ’ ಎಂದು ಹೇಳಿದರು.</p>.<p>ಪಿ.ಶೇಷಾದ್ರಿ ಮಾತನಾಡಿ, ‘ಬದುಕಿನ ಆರಂಭದ ದಿನಗಳು ಸಂಕಷ್ಟವಾಗಿದ್ದವು. ಒಳ್ಳೆಯ ಯೋಚನೆ ಜೊತೆಗೆ, ಅದೃಷ್ಟವೂ ಪ್ರೇರಕ ಶಕ್ತಿಯಾಯಿತು. ನನ್ನೊಂದಿಗೆ ಸ್ನೇಹಿತರು, ತಂತ್ರಜ್ಞರು, ನಿರ್ಮಾಪಕರು ನೆರವಾಗಿದ್ದಾರೆ. ಅವರಿಗೆ ಋಣಿಯಾಗಿದ್ದೇನೆ’ ಎಂದರು.</p>.<p>ನಿರ್ದೇಶಕರಾದ ರಾಜೇಂದ್ರಸಿಂಗ್ ಬಾಬು, ಟಿ.ಎಸ್.ನಾಗಾಭರಣ, ಹಿರಿಯ ನಟ ದತ್ತಣ್ಣ, ನಿರ್ಮಾಪಕ ಬಸಂತಕುಮಾರ್ ಪಾಟೀಲ್ ಮಾತನಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
