ಸುಲ್ತಾನೋವ್‌ ಕಲಬುರಗಿ ಓಪನ್‌ ‘ಸುಲ್ತಾನ್’

ಕಲಬುರಗಿ: ಮನಮೋಹಕ ಆಟವಾಡಿದ ಉಜ್ಬೇಕಿಸ್ತಾನದ ಖುಮೋಯುನ್ ಸುಲ್ತಾನೋವ್ ಅವರು ಕಲಬುರಗಿ ಓಪನ್ ಪುರುಷರ ಐಟಿಎಫ್ ಟೆನಿಸ್ ಟೂರ್ನಿಯ ಚಾಂಪಿಯನ್ ಕಿರೀಟ ಮುಡಿಗೇರಿಸಿಕೊಂಡರು. ಅಗ್ರಶ್ರೇಯಾಂಕದ ಈ ಆಟಗಾರ ರಷ್ಯಾದ ಬಾಗ್ದಾನ್ ಬಾಬ್ರೋವ್ ವಿರುದ್ಧ ಗೆದ್ದು ಪ್ರಶಸ್ತಿಗೆ ಮುತ್ತಿಕ್ಕಿದರು. ಸುಲ್ತಾನೋವ್ಗೆ ಇದು ಈ ಋತುವಿನ ಐದನೇ ಪ್ರಶಸ್ತಿಯಾಗಿದೆ. ಭಾರತದಲ್ಲಿ ಗೆದ್ದ ಎರಡನೇ ಪ್ರಶಸ್ತಿಯಾಗಿದೆ. ಇದೇ ವರ್ಷಾರಂಭದಲ್ಲಿ ಚಂಡೀಗಡದಲ್ಲಿ ನಡೆದ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದಿದ್ದರು.

. ಮುಂಬೈ ಐಟಿಎಫ್ ಟೂರ್ನಿಯಲ್ಲಿ ಪ್ರಶಸ್ತಿ ಹಂತದಲ್ಲಿ ಎಡವಿದ್ದ ಸುಲ್ತಾನೋವ್, ಇಲ್ಲಿ ತಪ್ಪುಗಳನ್ನು ತಿದ್ದಿಕೊಂಡರು. ಟ್ರೋಫಿಯೊಂದಿಗೆ ₹ 3 ಲಕ್ಷ ಬಹುಮಾನ ಹಾಗೂ 25 ಎಟಿಪಿ ಅಂಕಗಳು ಅವರ ಖಾತೆಗೆ ಸೇರಿದವು. ರನ್ನರ್ ಅಪ್ ಬಾಬ್ರೋವ್, ₹ 1.79 ಲಕ್ಷ ನಗದು ಹಾಗೂ 16 ಎಟಿಪಿ ಅಂಕಗಳನ್ನು ಗಳಿಸಿದರು. ಕಳೆದ ಬಾರಿ ತಮಿಳುನಾಡಿನ ರಾಮಕುಮಾರ್ ರಾಮನಾಥನ್ ಚಾಂಪಿಯನ್ ಆಗಿದ್ದರು.

. ಇಲ್ಲಿಯ ಚಂದ್ರಶೇಖರ ಪಾಟೀಲ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಸಿಂಗಲ್ಸ್ ಪ್ರಶಸ್ತಿ ಸುತ್ತಿನ ಸೆಣಸಾಟದಲ್ಲಿ ಸುಲ್ತಾನೋವ್ ಅವರಿಗೆ ಬಾಬ್ರೋವ್ ಸುಲಭ ತುತ್ತಾದರು. ಅವರು 6–2, 6–1ರಿಂದ ಎರಡನೇ ಶ್ರೇಯಾಂಕದ ಆಟಗಾರರನ್ನು ಮಣಿಸಿದರು. ಪಂದ್ಯದಲ್ಲಿ ಸುಲ್ತಾನೋವ್ ಸತತ 9 ಗೇಮ್ಗಳನ್ನು ಗೆದ್ದು ಪ್ರಾಬಲ್ಯ ಮೆರೆದರು.

. ಮುಂಬೈ ಟೂರ್ನಿಯ ಸೋಲಿನ ಸೇಡನ್ನು ಇಲ್ಲಿ ತೀರಿಸಬೇಕೆಂಬ ಹುಮ್ಮಸ್ಸಿನಿಂದ ಅಂಗಣಕ್ಕಿಳಿದ ಬಾಬ್ರೋವ್ ಆಸೆ ಈಡೇರಲಿಲ್ಲ. ಸುಲ್ತಾನೋವ್ ಬಿರುಸಿನ ಹೊಡೆತಗಳಿಗೆ ಮಾರುತ್ತರ ನೀಡುವಲ್ಲಿ ಬಾಬ್ರೋವ್ ಅವರಿಗೆ ಸಾಧ್ಯವಾಗಲಿಲ್ಲ.

. ಆರಂಭಿಕ ಸೆಟ್ನ ಮೊದಲ ನಾಲ್ಕು ಗೇಮ್ಗಳಲ್ಲಿ ಇಬ್ಬರೂ ಸಮಬಲ ಸಾಧಿಸಿದರು. ನಂತರ ಬಾಬ್ರೋವ್ ಅವರು ಮೇಲಿಂದ ಮೇಲೆ ತಪ್ಪುಗಳನ್ನು ಎಸಗಿದರು. ಈ ಹಂತದಲ್ಲಿ ಅವರಿಗೆ ಆತ್ಮವಿಶ್ವಾಸದ ಕೊರತೆ ಕಾಡಿತು. ಇದರ ಫಲವಾಗಿ ಎದುರಾಳಿ ಸುಲ್ತಾನೋವ್ ಸತತವಾಗಿ 4 ಗೇಮ್ಗಳಲ್ಲಿ ಗೆದ್ದು ಮೊದಲ ಸೆಟ್ ತಮ್ಮದಾಗಿಸಿಕೊಂಡರು.

. ಎರಡನೇ ಸೆಟ್ನಲ್ಲಿಯೂ ರಷ್ಯಾದ ಆಟಗಾರ ಲಯಕ್ಕೆ ಮರಳಲಿಲ್ಲ. ಹತಾಶೆ ಮತ್ತು ಒತ್ತಡಕ್ಕೊಳಗಾದಂತೆ ಕಂಡುಬಂದರು ಬಾಬ್ರೋವ್. ಪ್ರಾಬಲ್ಯ ಮುಂದುವರಿಸಿದ ಸುಲ್ತಾನೋವ್ ಸೆಟ್ ಗೆದ್ದು ಪಂದ್ಯವನ್ನೂ ತಮ್ಮದಾಗಿಸಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸುಲ್ತಾನೋವ್‌ ಕಲಬುರಗಿ ಓಪನ್‌ ‘ಸುಲ್ತಾನ್’

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ವಾರ ಭವಿಷ್ಯ: ಸಂಗಾತಿಯ ಕೆಲವೊಂದು ಮಾತು ನಿಮ್ಮನ್ನು ಚುಚ್ಚುವಂತಿರುತ್ತದೆ

ಟೆಸ್ಟ್ ಕ್ರಿಕೆಟ್‌ನಲ್ಲಿ 30ನೇ ಶತಕ ಸಿಡಿಸಿದ ಕೊಹ್ಲಿ; ಆಸಿಸ್‌ಗೆ 534 ರನ್ ಗುರಿ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!