<p><strong>ಬೆಂಗಳೂರು:</strong> ಸೀಸದ ನಾಣ್ಯಗಳಿಂದ ಆದಿಯಾಗಿ ಚಿನ್ನ ಲೇಪಿತ ನಾಣ್ಯಗಳು ಕರ್ನಾಟಕದಲ್ಲಿ ಚಾಲ್ತಿಯಲ್ಲಿದ್ದವುಎಂಬುದನ್ನು ಕೇಳಿದ್ದೇವೆ. ಅಂತಹ ಅಪರೂಪದ ನಾಣ್ಯಗಳನ್ನು ನೋಡಬೇಕೆಂದರೆ ನಗರದ ಶಿಕ್ಷಕರ ಸದನಕ್ಕೆ ಭೇಟಿ ನೀಡಿ... ಕರುನಾಡಿನ ಪ್ರಾಚೀನ ನಾಣ್ಯಗಳ ಕಣಜವೇ ಇಲ್ಲಿ ತೆರೆದುಕೊಂಡಿದೆ.</p>.<p>ಭಾನುವಾರದ ತನಕ ಇಲ್ಲಿ ನಡೆಯಲಿರುವ ನಾಣ್ಯಗಳ ಪ್ರದರ್ಶನದಲ್ಲಿ ಹುಣಸೂರಿನ ಪಿ.ಕೆ. ಕೇಶವಮೂರ್ತಿ ಸಂಗ್ರಹಿಸಿರುವ ನಾಣ್ಯಗಳನ್ನು ನೋಡಿದರೆ ಕನ್ನಡ ನಾಡಿನ ಇತಿಹಾಸವೇ ಕಣ್ಮುಂದೆ ಬರುತ್ತದೆ.</p>.<p>ಕದಂಬ, ಚಾಲುಕ್ಯ,ಹೊಯ್ಸಳ, ವಿಜಯನಗರ, ಬಹುಮನಿ ಸುಲ್ತಾನರ ಸಾಮ್ರಾಜ್ಯದಲ್ಲಿ ಚಾಲ್ತಿಯಲ್ಲಿದ್ದ ಚಿನ್ನ ಮತ್ತು ತಾಮ್ರದ ನಾಣ್ಯಗಳು ಇಲ್ಲಿವೆ. ಮೈಸೂರು ರಾಜ್ಯದಲ್ಲಿ ಹೈದರಾಲಿ ಕಾಲದಲ್ಲಿದ್ದ ಶಿವ–ಪಾರ್ವತಿ ಚಿತ್ರ ಇರುವ ನಾಣ್ಯಗಳು, ಟಿಪ್ಪು ಸುಲ್ತಾನ ಕಾಲದಲ್ಲಿ ಉರ್ದುವಿನಲ್ಲಿ ಬರೆದಿರುವ ನಾಣ್ಯಗಳನ್ನು ಕೇಶವಮೂರ್ತಿ ಪ್ರದರ್ಶನಕ್ಕೆ ಇಟ್ಟಿದ್ದಾರೆ.</p>.<p>ಆಲಿ ಆದಿಲ್ ಷಾ ಕಾಲದಲ್ಲಿ (1657–75 ಅವಧಿ) ಚಾಲ್ತಿಯಲ್ಲಿದ್ದಹೇರ್ಪಿನ್ ಮಾದರಿಯ ನಾಣ್ಯ, ಮೈಸೂರಿನ ಒಡೆಯರ ಆಡಳಿತದಲ್ಲಿದ್ದ ಒಂದು ಕಡೆ ಆನೆಯ ಚಿತ್ರ ಮತ್ತೊಂದು ಕಡೆ ‘ಶ್ರೀಕೃಷ್ಣರಾಜ’ ಎಂದು ಬರೆದಿರುವ ತಾಮ್ರದ ನಾಣ್ಯವನ್ನೂ ಕೇಶವಮೂರ್ತಿ ಸಂಗ್ರಹಿಸಿದ್ದಾರೆ. ‘ಆರು ಕಾಲು ಕಾಸು ಮುಖಬೆಲೆಯ ಈ ನಾಣ್ಯದ ಲಭ್ಯತೆ ಕಡಿಮೆ ಇರುವ ಕಾರಣ ಬೇಡಿಕೆ ಹೆಚ್ಚಿದ್ದು, ₹15 ಸಾವಿರಕ್ಕೆ ಒಮ್ಮೆ ಮಾರಾಟವಾಗಿತ್ತು’ ಎಂದು ಕೇಶವಮೂರ್ತಿ ಹೇಳಿದರು.</p>.<p>‘31 ವರ್ಷ ಆಡಳಿತ ನಡೆಸಿದ್ದ ಚಿಕ್ಕದೇವರಾಯನ ಕಾಲದ 31 ನಾಣ್ಯಗಳು ಇವೆ. 30 ವರ್ಷಗಳಿಂದ ನಾಣ್ಯಗಳನ್ನು ಸಂಗ್ರಹಿಸುವ ಹವ್ಯಾಸ ಬೆಳೆಸಿಕೊಂಡಿದ್ದು, ದೇಶ–ವಿದೇಶದ ಲಕ್ಷಕ್ಕೂ ಹೆಚ್ಚು ನಾಣ್ಯಗಳು ನನ್ನ ಬಳಿ ಇವೆ’ ಎಂದು ತಿಳಿಸಿದರು.</p>.<p>‘ದೇಶದಾದ್ಯಂತ ನಾಣ್ಯಗಳ ಪ್ರದರ್ಶನದಲ್ಲಿ ಭಾಗವಹಿಸಿದ್ದು, 145ನೇ ಪ್ರದರ್ಶನ ಇದಾಗಿದೆ. ಕ್ರಿ.ಪೂ 5ನೇ ಶತಮಾನದಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ಚಾಲ್ತಿಗೆ ಬಂದ ‘ಪಂಚ್ ಮಾರ್ಕ್’ ನಾಣ್ಯಗಳನ್ನೂ ಸಂಗ್ರಹಿಸಿದ್ದೇನೆ’ ಎಂದು ಅವರು ವಿವರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಸೀಸದ ನಾಣ್ಯಗಳಿಂದ ಆದಿಯಾಗಿ ಚಿನ್ನ ಲೇಪಿತ ನಾಣ್ಯಗಳು ಕರ್ನಾಟಕದಲ್ಲಿ ಚಾಲ್ತಿಯಲ್ಲಿದ್ದವುಎಂಬುದನ್ನು ಕೇಳಿದ್ದೇವೆ. ಅಂತಹ ಅಪರೂಪದ ನಾಣ್ಯಗಳನ್ನು ನೋಡಬೇಕೆಂದರೆ ನಗರದ ಶಿಕ್ಷಕರ ಸದನಕ್ಕೆ ಭೇಟಿ ನೀಡಿ... ಕರುನಾಡಿನ ಪ್ರಾಚೀನ ನಾಣ್ಯಗಳ ಕಣಜವೇ ಇಲ್ಲಿ ತೆರೆದುಕೊಂಡಿದೆ.</p>.<p>ಭಾನುವಾರದ ತನಕ ಇಲ್ಲಿ ನಡೆಯಲಿರುವ ನಾಣ್ಯಗಳ ಪ್ರದರ್ಶನದಲ್ಲಿ ಹುಣಸೂರಿನ ಪಿ.ಕೆ. ಕೇಶವಮೂರ್ತಿ ಸಂಗ್ರಹಿಸಿರುವ ನಾಣ್ಯಗಳನ್ನು ನೋಡಿದರೆ ಕನ್ನಡ ನಾಡಿನ ಇತಿಹಾಸವೇ ಕಣ್ಮುಂದೆ ಬರುತ್ತದೆ.</p>.<p>ಕದಂಬ, ಚಾಲುಕ್ಯ,ಹೊಯ್ಸಳ, ವಿಜಯನಗರ, ಬಹುಮನಿ ಸುಲ್ತಾನರ ಸಾಮ್ರಾಜ್ಯದಲ್ಲಿ ಚಾಲ್ತಿಯಲ್ಲಿದ್ದ ಚಿನ್ನ ಮತ್ತು ತಾಮ್ರದ ನಾಣ್ಯಗಳು ಇಲ್ಲಿವೆ. ಮೈಸೂರು ರಾಜ್ಯದಲ್ಲಿ ಹೈದರಾಲಿ ಕಾಲದಲ್ಲಿದ್ದ ಶಿವ–ಪಾರ್ವತಿ ಚಿತ್ರ ಇರುವ ನಾಣ್ಯಗಳು, ಟಿಪ್ಪು ಸುಲ್ತಾನ ಕಾಲದಲ್ಲಿ ಉರ್ದುವಿನಲ್ಲಿ ಬರೆದಿರುವ ನಾಣ್ಯಗಳನ್ನು ಕೇಶವಮೂರ್ತಿ ಪ್ರದರ್ಶನಕ್ಕೆ ಇಟ್ಟಿದ್ದಾರೆ.</p>.<p>ಆಲಿ ಆದಿಲ್ ಷಾ ಕಾಲದಲ್ಲಿ (1657–75 ಅವಧಿ) ಚಾಲ್ತಿಯಲ್ಲಿದ್ದಹೇರ್ಪಿನ್ ಮಾದರಿಯ ನಾಣ್ಯ, ಮೈಸೂರಿನ ಒಡೆಯರ ಆಡಳಿತದಲ್ಲಿದ್ದ ಒಂದು ಕಡೆ ಆನೆಯ ಚಿತ್ರ ಮತ್ತೊಂದು ಕಡೆ ‘ಶ್ರೀಕೃಷ್ಣರಾಜ’ ಎಂದು ಬರೆದಿರುವ ತಾಮ್ರದ ನಾಣ್ಯವನ್ನೂ ಕೇಶವಮೂರ್ತಿ ಸಂಗ್ರಹಿಸಿದ್ದಾರೆ. ‘ಆರು ಕಾಲು ಕಾಸು ಮುಖಬೆಲೆಯ ಈ ನಾಣ್ಯದ ಲಭ್ಯತೆ ಕಡಿಮೆ ಇರುವ ಕಾರಣ ಬೇಡಿಕೆ ಹೆಚ್ಚಿದ್ದು, ₹15 ಸಾವಿರಕ್ಕೆ ಒಮ್ಮೆ ಮಾರಾಟವಾಗಿತ್ತು’ ಎಂದು ಕೇಶವಮೂರ್ತಿ ಹೇಳಿದರು.</p>.<p>‘31 ವರ್ಷ ಆಡಳಿತ ನಡೆಸಿದ್ದ ಚಿಕ್ಕದೇವರಾಯನ ಕಾಲದ 31 ನಾಣ್ಯಗಳು ಇವೆ. 30 ವರ್ಷಗಳಿಂದ ನಾಣ್ಯಗಳನ್ನು ಸಂಗ್ರಹಿಸುವ ಹವ್ಯಾಸ ಬೆಳೆಸಿಕೊಂಡಿದ್ದು, ದೇಶ–ವಿದೇಶದ ಲಕ್ಷಕ್ಕೂ ಹೆಚ್ಚು ನಾಣ್ಯಗಳು ನನ್ನ ಬಳಿ ಇವೆ’ ಎಂದು ತಿಳಿಸಿದರು.</p>.<p>‘ದೇಶದಾದ್ಯಂತ ನಾಣ್ಯಗಳ ಪ್ರದರ್ಶನದಲ್ಲಿ ಭಾಗವಹಿಸಿದ್ದು, 145ನೇ ಪ್ರದರ್ಶನ ಇದಾಗಿದೆ. ಕ್ರಿ.ಪೂ 5ನೇ ಶತಮಾನದಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ಚಾಲ್ತಿಗೆ ಬಂದ ‘ಪಂಚ್ ಮಾರ್ಕ್’ ನಾಣ್ಯಗಳನ್ನೂ ಸಂಗ್ರಹಿಸಿದ್ದೇನೆ’ ಎಂದು ಅವರು ವಿವರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
