<p><strong>ಬೆಂಗಳೂರು:</strong> ಸ್ಟೇಷನರಿ ವಸ್ತು ಖರೀದಿಸಿದ ಗ್ರಾಹಕರೊಬ್ಬರಿಗೆ ಉಚಿತ ಕೈಚೀಲ ನೀಡಲು ನಿರಾಕರಿಸಿ, ಪ್ರತ್ಯೇಕ ಶುಲ್ಕ ವಿಧಿಸಿದ ಗಾಂಧಿನಗರದ ಪ್ರಖ್ಯಾತ ಮಾರಾಟ ಮಳಿಗೆದಾರರಿಗೆಬೆಂಗಳೂರಿನ 4ನೇ ಹೆಚ್ಚುವರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ₹ 15 ಸಾವಿರ ಪರಿಹಾರವನ್ನು ದಂಡದ ರೂಪದಲ್ಲಿ ವಿಧಿಸಿದೆ.</p>.<p>ಈ ಕುರಿತಂತೆ ಗಾಂಧಿನಗರ ನಿವಾಸಿ ವಕೀಲ ವಿ.ಕಾಂತರಾಜ್ ಸಲ್ಲಿಸಿದ್ದ ದೂರಿನ ವಿಚಾರಣೆ ನಡೆಸಿದ ಆಯೋಗದ ಅಧ್ಯಕ್ಷ ಎಂ.ಎಸ್.ರಾಮಚಂದ್ರ ಹಾಗೂ ಸದಸ್ಯರಾದ ನಂದಿನಿ ಎಚ್.ಕುಂಬಾರ ಮತ್ತು ಚಂದ್ರಶೇಖರ ಎಸ್.ನೂಲಾ ಅವರಿದ್ದ ಪೀಠವು 2022ರ ಮೇ 16ರಂದು ತನ್ನ ಆದೇಶ ಪ್ರಕಟಿಸಿದೆ.</p>.<p>ದೂರುದಾರ ಕಾಂತರಾಜ್ ತಮ್ಮ ಸ್ನೇಹಿತರ ಜೊತೆ 2019ರ ಡಿಸೆಂಬರ್ 17ರಂದು ಮಳಿಗೆಯಲ್ಲಿ ಒಂಬತ್ತು ಬಗೆಯ ವಿವಿಧ ನಿತ್ಯ ಉಪಯೋಗಿ ಸಾಮಾನುಗಳನ್ನು ಖರೀದಿಸಿದ್ದರು. ಇದಕ್ಕೆ ₹ 775 ಪಾವತಿಸಿದ್ದರು. ಸಾಮಾನುಗಳನ್ನು ಭರ್ತಿ ಮಾಡಿ ಒಯ್ಯಲು ಕೈಚೀಲ ಕೇಳಿದ್ದಕ್ಕೆ ಅಂಗಡಿಯವರು ಉಚಿತವಾಗಿ ನೀಡಲು ನಿರಾಕರಿಸಿದ್ದರು. ಈ ಧೋರಣೆಯನ್ನು ಪ್ರತಿಭಟಿಸಿದಾಗ್ಯೂ ಪ್ರತ್ಯೇಕವಾಗಿ ₹ 16 ಶುಲ್ಕ ವಿಧಿಸಿದ್ದರು.</p>.<p>ಇದರ ವಿರುದ್ಧ ಕಾಂತರಾಜ್ ಆಯೋಗಕ್ಕೆ 2019ರ ಡಿಸೆಂಬರ್ 21ರಂದು ದೂರು ನೀಡಿದ್ದರು. ವಿಚಾರಣೆ ನಡೆಸಿದ ಆಯೋಗವು ಗ್ರಾಹಕರ ರಕ್ಷಣಾ ಕಾಯ್ದೆ–1986ರ ಕಲಂ 12ರ ಅನುಸಾರ; ದೂರುದಾರರಿಗೆ ₹ 16, ಕೈಚೀಲ ನೀಡಲು ನಿರಾಕರಿಸಿದ್ದಕ್ಕೆ ₹ 5 ಸಾವಿರ, ಗ್ರಾಹಕರಿಗೆ ನೀಡಲಾಗುವ ಸೇವೆಯಲ್ಲಿ ಉಂಟಾದ ವ್ಯತ್ಯಯಕ್ಕೆ ₹ 3 ಸಾವಿರ, ದೂರುದಾರರಿಗೆ ಆಗಿರುವ ಮಾನಸಿಕ ನೋವು ಮತ್ತು ದಾವೆಗೆ ತಗುಲಿದ ವೆಚ್ಚಕ್ಕೆ ₹ 2 ಸಾವಿರ ಹಾಗೂ ಗ್ರಾಹಕ ಕಾನೂನು ಸೇವೆಗಳ ನೆರವಿಗೆ ₹ 5 ಸಾವಿರ ಸೇರಿ ಒಟ್ಟು 15,061 ಮೊತ್ತದ ಪರಿಹಾರ ನೀಡುವಂತೆ ಪ್ರತಿವಾದಿಗಳಿಗೆ ಆದೇಶಿಸಿದೆ.</p>.<p>‘ಆದೇಶ ಪ್ರಕಟವಾದ 45 ದಿನಗಳ ಒಳಗೆ ಈ ಪರಿಹಾರ ನೀಡಬೇಕು. ದೂರು ದಾಖಲಾದ ದಿನದಿಂದ ಪ್ರಾರಂಭಿಸಿ ಪರಿಹಾರ ವಿತರಿಸುವ ದಿನಕ್ಕೆ ಸರಿಯಾಗಿ ಒಟ್ಟು ಮೊತ್ತಕ್ಕೆ ವಾರ್ಷಿಕ ಶೇ 6ರಷ್ಟು ಬಡ್ಡಿ ನೀಡಬೇಕು‘ ಎಂದು ಆದೇಶದಲ್ಲಿ ವಿವರಿಸಲಾಗಿದೆ. ದೂರುದಾರರ ಪರ ವಿ.ಶಿವಕುಮಾರ್ ವಾದ ಮಂಡಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಸ್ಟೇಷನರಿ ವಸ್ತು ಖರೀದಿಸಿದ ಗ್ರಾಹಕರೊಬ್ಬರಿಗೆ ಉಚಿತ ಕೈಚೀಲ ನೀಡಲು ನಿರಾಕರಿಸಿ, ಪ್ರತ್ಯೇಕ ಶುಲ್ಕ ವಿಧಿಸಿದ ಗಾಂಧಿನಗರದ ಪ್ರಖ್ಯಾತ ಮಾರಾಟ ಮಳಿಗೆದಾರರಿಗೆಬೆಂಗಳೂರಿನ 4ನೇ ಹೆಚ್ಚುವರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ ₹ 15 ಸಾವಿರ ಪರಿಹಾರವನ್ನು ದಂಡದ ರೂಪದಲ್ಲಿ ವಿಧಿಸಿದೆ.</p>.<p>ಈ ಕುರಿತಂತೆ ಗಾಂಧಿನಗರ ನಿವಾಸಿ ವಕೀಲ ವಿ.ಕಾಂತರಾಜ್ ಸಲ್ಲಿಸಿದ್ದ ದೂರಿನ ವಿಚಾರಣೆ ನಡೆಸಿದ ಆಯೋಗದ ಅಧ್ಯಕ್ಷ ಎಂ.ಎಸ್.ರಾಮಚಂದ್ರ ಹಾಗೂ ಸದಸ್ಯರಾದ ನಂದಿನಿ ಎಚ್.ಕುಂಬಾರ ಮತ್ತು ಚಂದ್ರಶೇಖರ ಎಸ್.ನೂಲಾ ಅವರಿದ್ದ ಪೀಠವು 2022ರ ಮೇ 16ರಂದು ತನ್ನ ಆದೇಶ ಪ್ರಕಟಿಸಿದೆ.</p>.<p>ದೂರುದಾರ ಕಾಂತರಾಜ್ ತಮ್ಮ ಸ್ನೇಹಿತರ ಜೊತೆ 2019ರ ಡಿಸೆಂಬರ್ 17ರಂದು ಮಳಿಗೆಯಲ್ಲಿ ಒಂಬತ್ತು ಬಗೆಯ ವಿವಿಧ ನಿತ್ಯ ಉಪಯೋಗಿ ಸಾಮಾನುಗಳನ್ನು ಖರೀದಿಸಿದ್ದರು. ಇದಕ್ಕೆ ₹ 775 ಪಾವತಿಸಿದ್ದರು. ಸಾಮಾನುಗಳನ್ನು ಭರ್ತಿ ಮಾಡಿ ಒಯ್ಯಲು ಕೈಚೀಲ ಕೇಳಿದ್ದಕ್ಕೆ ಅಂಗಡಿಯವರು ಉಚಿತವಾಗಿ ನೀಡಲು ನಿರಾಕರಿಸಿದ್ದರು. ಈ ಧೋರಣೆಯನ್ನು ಪ್ರತಿಭಟಿಸಿದಾಗ್ಯೂ ಪ್ರತ್ಯೇಕವಾಗಿ ₹ 16 ಶುಲ್ಕ ವಿಧಿಸಿದ್ದರು.</p>.<p>ಇದರ ವಿರುದ್ಧ ಕಾಂತರಾಜ್ ಆಯೋಗಕ್ಕೆ 2019ರ ಡಿಸೆಂಬರ್ 21ರಂದು ದೂರು ನೀಡಿದ್ದರು. ವಿಚಾರಣೆ ನಡೆಸಿದ ಆಯೋಗವು ಗ್ರಾಹಕರ ರಕ್ಷಣಾ ಕಾಯ್ದೆ–1986ರ ಕಲಂ 12ರ ಅನುಸಾರ; ದೂರುದಾರರಿಗೆ ₹ 16, ಕೈಚೀಲ ನೀಡಲು ನಿರಾಕರಿಸಿದ್ದಕ್ಕೆ ₹ 5 ಸಾವಿರ, ಗ್ರಾಹಕರಿಗೆ ನೀಡಲಾಗುವ ಸೇವೆಯಲ್ಲಿ ಉಂಟಾದ ವ್ಯತ್ಯಯಕ್ಕೆ ₹ 3 ಸಾವಿರ, ದೂರುದಾರರಿಗೆ ಆಗಿರುವ ಮಾನಸಿಕ ನೋವು ಮತ್ತು ದಾವೆಗೆ ತಗುಲಿದ ವೆಚ್ಚಕ್ಕೆ ₹ 2 ಸಾವಿರ ಹಾಗೂ ಗ್ರಾಹಕ ಕಾನೂನು ಸೇವೆಗಳ ನೆರವಿಗೆ ₹ 5 ಸಾವಿರ ಸೇರಿ ಒಟ್ಟು 15,061 ಮೊತ್ತದ ಪರಿಹಾರ ನೀಡುವಂತೆ ಪ್ರತಿವಾದಿಗಳಿಗೆ ಆದೇಶಿಸಿದೆ.</p>.<p>‘ಆದೇಶ ಪ್ರಕಟವಾದ 45 ದಿನಗಳ ಒಳಗೆ ಈ ಪರಿಹಾರ ನೀಡಬೇಕು. ದೂರು ದಾಖಲಾದ ದಿನದಿಂದ ಪ್ರಾರಂಭಿಸಿ ಪರಿಹಾರ ವಿತರಿಸುವ ದಿನಕ್ಕೆ ಸರಿಯಾಗಿ ಒಟ್ಟು ಮೊತ್ತಕ್ಕೆ ವಾರ್ಷಿಕ ಶೇ 6ರಷ್ಟು ಬಡ್ಡಿ ನೀಡಬೇಕು‘ ಎಂದು ಆದೇಶದಲ್ಲಿ ವಿವರಿಸಲಾಗಿದೆ. ದೂರುದಾರರ ಪರ ವಿ.ಶಿವಕುಮಾರ್ ವಾದ ಮಂಡಿಸಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
