<p><strong>ಬೆಂಗಳೂರು: </strong>ಲಂಡನ್ ಪ್ರಜೆ ಎಂದು ಹೇಳಿಕೊಂಡು ‘ಫೇಸ್ಬುಕ್’ ಮೂಲಕ ಪರಿಚಯವಾದ ವ್ಯಕ್ತಿಯೊಬ್ಬ, ನಗರದ ಮಹಿಳೆಯೊಬ್ಬರಿಗೆ ಉಡುಗೊರೆ ಆಸೆ ತೋರಿಸಿ ₹ 2.50 ಲಕ್ಷ ಪಡೆದು ವಂಚಿಸಿದ್ದಾನೆ.</p>.<p>ಆ ಸಂಬಂಧ ಮಹಿಳೆ, ಚನ್ನಮ್ಮನಕೆರೆ ಅಚ್ಚುಕಟ್ಟು ಠಾಣೆಗೆ ದೂರು ನೀಡಿದ್ದಾರೆ. ಆರೋಪಿ ಕೆ. ಸುಬಿನ್ಸ್ ಎಂಬಾತನ ವಿರುದ್ಧ ಎಫ್ಐಆರ್ ದಾಖಲಾಗಿದೆ.</p>.<p>‘ಲಂಡನ್ನಿಂದ ಬೆಲೆಬಾಳುವ ಉಡುಗೊರೆ ಹಾಗೂ ₹ 27 ಲಕ್ಷ ಹಣವನ್ನು ಪಾರ್ಸಲ್ ಕಳುಹಿಸುವುದಾಗಿ ಹೇಳಿದ್ದ ಸುಬಿನ್ಸ್, ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಣ ಹಾಕಿಸಿಕೊಂಡು ವಂಚಿಸಿದ್ದಾನೆ’ ಎಂದು ಮಹಿಳೆ ದೂರಿದ್ದಾರೆ.</p>.<p class="Subhead"><strong>ಎರಡೇ ದಿನದಲ್ಲಿ ವಂಚನೆ:</strong> ‘ಫೇಸ್ಬುಕ್ನಲ್ಲಿ ಖಾತೆ ಹೊಂದಿದ್ದ ಆರೋಪಿ, ಏಪ್ರಿಲ್ 11ರಂದು ಬೆಳಿಗ್ಗೆ ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸಿದ್ದ. ಅದನ್ನು ಮಹಿಳೆ ಸ್ವೀಕರಿಸಿದ್ದರು. ಆನಂತರ, ಆರೋಪಿ ಚಾಟಿಂಗ್ ಆರಂಭಿಸಿದ್ದ. ಮಹಿಳೆಯೂ ಪ್ರತಿಕ್ರಿಯಿಸಲಾರಂಭಿಸಿದ್ದರು’ ಎಂದು ಪೊಲೀಸರು ಹೇಳಿದರು.</p>.<p>‘ಪರಿಚಯವಾದ ಎರಡನೇ ದಿನಕ್ಕೆ ಉಡುಗೊರೆ ಹಾಗೂ ಹಣದ ಬಾಕ್ಸ್ನ ಫೋಟೊವನ್ನು ಮಹಿಳೆಗೆ ಕಳುಹಿಸಿದ್ದ ಆರೋಪಿ, ‘ಬಾಕ್ಸ್ನ್ನು ಭಾರತಕ್ಕೆ ಕೋರಿಯರ್ ಮಾಡಲು ₹ 1 ಲಕ್ಷ ಬೇಕು’ ಎಂದಿದ್ದ. ಅದನ್ನು ನಂಬಿದ್ದ ಮಹಿಳೆ, ಆರೋಪಿ ತಿಳಿಸಿದ್ದ ಯೂನಿಯನ್ ಬ್ಯಾಂಕ್ ಖಾತೆಗೆ ಹಣ ಜಮಾ ಮಾಡಿದ್ದರು.’</p>.<p>‘ಮರುದಿನ ಕಸ್ಟಮ್ಸ್ ಅಧಿಕಾರಿ ಸೋಗಿನಲ್ಲಿ ಕರೆ ಮಾಡಿದ್ದ ಆರೋಪಿ, ‘ಲಂಡನ್ನಿಂದ ನಿಮ್ಮ ಗೆಳೆಯ ಕಳುಹಿಸಿರುವ ಕೋರಿಯರ್, ವಿಮಾನ ನಿಲ್ದಾಣಕ್ಕೆ ಬಂದಿದೆ. ಅದನ್ನು ನಿಮ್ಮ ವಿಳಾಸಕ್ಕೆ ಕಳುಹಿಸಲು ₹1.50 ಲಕ್ಷ ಶುಲ್ಕ ಭರಿಸಬೇಕು’ ಎಂದಿದ್ದ. ಅದನ್ನೂ ನಂಬಿ ಮಹಿಳೆ, ಆರೋಪಿ ಖಾತೆಗೆ ಹಣ ಹಾಕಿದ್ದರು’</p>.<p>‘ಕೆಲ ಹೊತ್ತಿನಲ್ಲೇ ಆರೋಪಿ, ತನ್ನ ಫೇಸ್ಬುಕ್ ಖಾತೆಯಿಂದ ಮಹಿಳೆಯನ್ನು ಬ್ಲಾಕ್ ಮಾಡಿದ್ದಾನೆ. ಎಷ್ಟೇ ಪ್ರಯತ್ನಪಟ್ಟರೂ ಆರೋಪಿಯನ್ನು ಸಂಪರ್ಕಿಸಲು ಆಗಿರಲಿಲ್ಲ. ಅದರಿಂದ ನೊಂದ ಮಹಿಳೆ ಠಾಣೆಗೆ ಬಂದು ದೂರು ನೀಡಿದ್ದಾರೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ಲಂಡನ್ ಪ್ರಜೆ ಎಂದು ಹೇಳಿಕೊಂಡು ‘ಫೇಸ್ಬುಕ್’ ಮೂಲಕ ಪರಿಚಯವಾದ ವ್ಯಕ್ತಿಯೊಬ್ಬ, ನಗರದ ಮಹಿಳೆಯೊಬ್ಬರಿಗೆ ಉಡುಗೊರೆ ಆಸೆ ತೋರಿಸಿ ₹ 2.50 ಲಕ್ಷ ಪಡೆದು ವಂಚಿಸಿದ್ದಾನೆ.</p>.<p>ಆ ಸಂಬಂಧ ಮಹಿಳೆ, ಚನ್ನಮ್ಮನಕೆರೆ ಅಚ್ಚುಕಟ್ಟು ಠಾಣೆಗೆ ದೂರು ನೀಡಿದ್ದಾರೆ. ಆರೋಪಿ ಕೆ. ಸುಬಿನ್ಸ್ ಎಂಬಾತನ ವಿರುದ್ಧ ಎಫ್ಐಆರ್ ದಾಖಲಾಗಿದೆ.</p>.<p>‘ಲಂಡನ್ನಿಂದ ಬೆಲೆಬಾಳುವ ಉಡುಗೊರೆ ಹಾಗೂ ₹ 27 ಲಕ್ಷ ಹಣವನ್ನು ಪಾರ್ಸಲ್ ಕಳುಹಿಸುವುದಾಗಿ ಹೇಳಿದ್ದ ಸುಬಿನ್ಸ್, ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಣ ಹಾಕಿಸಿಕೊಂಡು ವಂಚಿಸಿದ್ದಾನೆ’ ಎಂದು ಮಹಿಳೆ ದೂರಿದ್ದಾರೆ.</p>.<p class="Subhead"><strong>ಎರಡೇ ದಿನದಲ್ಲಿ ವಂಚನೆ:</strong> ‘ಫೇಸ್ಬುಕ್ನಲ್ಲಿ ಖಾತೆ ಹೊಂದಿದ್ದ ಆರೋಪಿ, ಏಪ್ರಿಲ್ 11ರಂದು ಬೆಳಿಗ್ಗೆ ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸಿದ್ದ. ಅದನ್ನು ಮಹಿಳೆ ಸ್ವೀಕರಿಸಿದ್ದರು. ಆನಂತರ, ಆರೋಪಿ ಚಾಟಿಂಗ್ ಆರಂಭಿಸಿದ್ದ. ಮಹಿಳೆಯೂ ಪ್ರತಿಕ್ರಿಯಿಸಲಾರಂಭಿಸಿದ್ದರು’ ಎಂದು ಪೊಲೀಸರು ಹೇಳಿದರು.</p>.<p>‘ಪರಿಚಯವಾದ ಎರಡನೇ ದಿನಕ್ಕೆ ಉಡುಗೊರೆ ಹಾಗೂ ಹಣದ ಬಾಕ್ಸ್ನ ಫೋಟೊವನ್ನು ಮಹಿಳೆಗೆ ಕಳುಹಿಸಿದ್ದ ಆರೋಪಿ, ‘ಬಾಕ್ಸ್ನ್ನು ಭಾರತಕ್ಕೆ ಕೋರಿಯರ್ ಮಾಡಲು ₹ 1 ಲಕ್ಷ ಬೇಕು’ ಎಂದಿದ್ದ. ಅದನ್ನು ನಂಬಿದ್ದ ಮಹಿಳೆ, ಆರೋಪಿ ತಿಳಿಸಿದ್ದ ಯೂನಿಯನ್ ಬ್ಯಾಂಕ್ ಖಾತೆಗೆ ಹಣ ಜಮಾ ಮಾಡಿದ್ದರು.’</p>.<p>‘ಮರುದಿನ ಕಸ್ಟಮ್ಸ್ ಅಧಿಕಾರಿ ಸೋಗಿನಲ್ಲಿ ಕರೆ ಮಾಡಿದ್ದ ಆರೋಪಿ, ‘ಲಂಡನ್ನಿಂದ ನಿಮ್ಮ ಗೆಳೆಯ ಕಳುಹಿಸಿರುವ ಕೋರಿಯರ್, ವಿಮಾನ ನಿಲ್ದಾಣಕ್ಕೆ ಬಂದಿದೆ. ಅದನ್ನು ನಿಮ್ಮ ವಿಳಾಸಕ್ಕೆ ಕಳುಹಿಸಲು ₹1.50 ಲಕ್ಷ ಶುಲ್ಕ ಭರಿಸಬೇಕು’ ಎಂದಿದ್ದ. ಅದನ್ನೂ ನಂಬಿ ಮಹಿಳೆ, ಆರೋಪಿ ಖಾತೆಗೆ ಹಣ ಹಾಕಿದ್ದರು’</p>.<p>‘ಕೆಲ ಹೊತ್ತಿನಲ್ಲೇ ಆರೋಪಿ, ತನ್ನ ಫೇಸ್ಬುಕ್ ಖಾತೆಯಿಂದ ಮಹಿಳೆಯನ್ನು ಬ್ಲಾಕ್ ಮಾಡಿದ್ದಾನೆ. ಎಷ್ಟೇ ಪ್ರಯತ್ನಪಟ್ಟರೂ ಆರೋಪಿಯನ್ನು ಸಂಪರ್ಕಿಸಲು ಆಗಿರಲಿಲ್ಲ. ಅದರಿಂದ ನೊಂದ ಮಹಿಳೆ ಠಾಣೆಗೆ ಬಂದು ದೂರು ನೀಡಿದ್ದಾರೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
