22 ವರ್ಷಗಳ ಬಳಿಕ ಮಹಿಳಾ ಜೋಡಿ

ಬೆಂಗಳೂರು: ಮೇಯರ್ ಹಾಗೂ ಉಪಮೇಯರ್ ಹುದ್ದೆಗಳೆರಡೂ ಮತ್ತೆ ಮಹಿಳೆಯರಿಗೆ ದಕ್ಕಿದ್ದು 22 ವರ್ಷಗಳ ಬಳಿಕ. 1996–97ರಲ್ಲಿ ಪದ್ಮಾವತಿ ಗಂಗಾಧರ ಗೌಡ ಮೇಯರ್ ಹಾಗೂ ವೆಂಕಟಲಕ್ಷ್ಮೀ ಅವರು ಉಪಮೇಯರ್ ಆಗಿದ್ದರು.

. ಗಂಗಾಂಬಿಕೆ ಮೇಯರ್ ಆಗುವುದರೊಂದಿಗೆ 33 ವರ್ಷಗಳ ಬಳಿಕ ಬಿಬಿಎಂಪಿ ಆಡಳಿತ ಚುಕ್ಕಾಣಿ ಮತ್ತೆ ಲಿಂಗಾಯತರ ಕೈಗೆ ಸಿಕ್ಕಂತಾಗಿದೆ. 1986ರಲ್ಲಿ ಬಿ.ವಿ.ಪುಟ್ಟೇಗೌಡ ಅವರು ಮೇಯರ್ ಆದ ಬಳಿಕ ಲಿಂಗಾಯತ ಸಮುದಾಯದ ಯಾರೂ ಇದುವರೆಗೆ ಮೇಯರ್ ಆಗಿರಲಿಲ್ಲ.

. ಯಾರಿಂದ ನಾಮಪತ್ರ?: ಮೇಯರ್ ಸ್ಥಾನಕ್ಕೆ ಕಾಂಗ್ರೆಸ್ನಿಂದ ಗಂಗಾಂಬಿಕೆ ಹಾಗೂ ಬಿಜೆಪಿಯಿಂದ ಪದ್ಮನಾಭನಗರ ವಾರ್ಡ್ ಸದಸ್ಯೆ ಶೋಭಾ ಆಂಜನಪ್ಪ, ಉಪಮೇಯರ್ ಸ್ಥಾನಕ್ಕೆ ಜೆಡಿಎಸ್ನಿಂದ ರಮೀಳಾ ಉಮಾಶಂಕರ್ ಹಾಗೂ ಧರ್ಮರಾಯ ಸ್ವಾಮಿ ದೇವಸ್ಥಾನ ವಾರ್ಡ್ನ ಪ್ರತಿಭಾ ಧನರಾಜ್ ನಾಮಪತ್ರ ಸಲ್ಲಿಸಿದ್ದರು.

. ಮೇಯರ್ ಸ್ಥಾನಕ್ಕೆ ನಡೆದ ಮತದಾನದಲ್ಲಿ ಗಂಗಾಂಬಿಕೆ ಪರ 130 ಹಾಗೂ ಉಪಮೇಯರ್ ಸ್ಥಾನಕ್ಕೆ ನಡೆದ ಮತದಾನದಲ್ಲಿ ರಮೀಳಾ ಪರ 129 ಮತಗಳು ಚಲಾವಣೆಯಾದವು.

. ಜೆಡಿಎಸ್ನ ಮಂಜುಳಾ ನಾರಾಯಣಸ್ವಾಮಿ ಅವರು ಗಂಗಾಂಬಿಕೆ ಪರ ಮತ ಚಲಾಯಿಸಿದರು. ಉಪಮೇಯರ್ ಆಯ್ಕೆಗೆ ಮತದಾನ ನಡೆಯುವಾಗ ಸಭಾಂಗಣದಿಂದ ಹೊರ ನಡೆದರು. ಹಾಗಾಗಿ ರಮೀಳಾ ಅವರು ಗಂಗಾಂಬಿಕೆ ಅವರಿಗಿಂತ ಒಂದು ಮತ ಕಡಿಮೆ ಪಡೆದರು.

. **

. ‘ಹೈಕೋರ್ಟ್ ಮಧ್ಯಪ್ರವೇಶದ ಸ್ಥಿತಿ ಬಾರದು’

. ಬೆಂಗಳೂರು: ‘ರಸ್ತೆ ಗುಂಡಿ ಮುಚ್ಚುವುದೂ ಸೇರಿದಂತೆ, ಪಾಲಿಕೆ ಅಭಿವೃದ್ಧಿ ಕಾರ್ಯಗಳ ವಿಚಾರದಲ್ಲಿ ಹೈಕೋರ್ಟ್ ಮಧ್ಯಪ್ರವೇಶ ಮಾಡುವ ಪರಿಸ್ಥಿತಿ ನನ್ನ ಅವಧಿಯಲ್ಲಿ ಉಂಟಾಗದು’

. ನೂತನ ಮೇಯರ್ ಗಂಗಾಂಬಿಕೆ ಅವರ ವಾಗ್ದಾನವಿದು.

. ಅಧಿಕಾರ ವಹಿಸಿಕೊಂಡ ಬಳಿಕ ಅವರು ಸುದ್ದಿಗಾರರ ಜೊತೆ ಮಾತನಾಡಿದರು.

. * ನಿಮ್ಮ ಆದ್ಯತೆ ಯಾವುದಕ್ಕೆ?

. ನಗರದ ಸ್ವಚ್ಛತೆ ಕಾಪಾಡುವುದು, ಆರೋಗ್ಯ ಮತ್ತು ಪರಿಸರ ರಕ್ಷಣೆ. ಬೆಂಗಳೂರು ಮತ್ತೆ ಉದ್ಯಾನ ನಗರ, ಹಸಿರು ನಗರ ಹಾಗೂ ಕಸಮುಕ್ತ ನಗರ ಆಗಬೇಕೆಂಬುದು ನನ್ನ ಆಶಯ.

. * ಕಸ ವಿಂಗಡಣೆಯಲ್ಲಿ ಪಾಲಿಕೆ ಪರಿಪೂರ್ಣತೆ ಸಾಧಿಸುವುದು ಯಾವಾಗ?

. ಇದಕ್ಕೆ ಜನರ ಸಹಭಾಗಿತ್ವ ಮುಖ್ಯ. 198 ಸದಸ್ಯರಿಂದಲೂ ಸಲಹೆ ಪಡೆದು ಈ ನಿಟ್ಟಿನಲ್ಲಿ ಶಾಶ್ವತ ಪರಿಹಾರ ರೂಪಿಸುತ್ತೇನೆ. ಈ ವಿಚಾರದಲ್ಲಿ ಪಾಲಿಕೆ ಸದಸ್ಯರೇ ಮೇಲ್ಪಂಕ್ತಿ ಹಾಕಿಕೊಡುವ ಮೂಲಕ ಮಾದರಿಯಾಗಲಿದ್ದಾರೆ.

. * ರಾಜಕಾಲುವೆ ಒತ್ತುವರಿ ತೆರವು ಅರ್ಧಕ್ಕೆ ನಿಂತಿದೆಯಲ್ಲಾ?

. ಒತ್ತುವರಿ ಬಗ್ಗೆ ಸರ್ವೆ ನಡೆದಿದೆ. ತೆರವು ಕಾರ್ಯ ಕೆಲವು ಕಡೆ ಪ್ರಗತಿಯಲ್ಲಿದ್ದು, ಇದನ್ನು ಇನ್ನಷ್ಟು ಚುರುಕುಗೊಳಿಸುತ್ತೇವೆ

. * ಪಾಲಿಕೆಯನ್ನು ಆರ್ಥಿಕವಾಗಿ ಸದೃಢ ಮಾಡಲು ಯೋಜನೆಗಳೇನು?

. ಪಾಲಿಕೆ ಸಮಗ್ರ ಅಭಿವೃದ್ಧಿ ನನ್ನ ಗುರಿ. ಇದಕ್ಕಾಗಿ ಸಂಪನ್ಮೂಲ ಕ್ರೋಡೀಕರಣಕ್ಕೆ ಒತ್ತು ನೀಡಬೇಕಾಗಿದೆ. ವರಮಾನ ಸೋರಿಕೆ ಪತ್ತೆ ಹಚ್ಚಿ ಸರಿಪಡಿಸಲು ಕ್ರಮ ಕೈಗೊಳ್ಳುತ್ತೇನೆ.

. * ಎರಡು ಜಡೆ ಸೇರಿದರೆ ಜಗಳ ಜಾಸ್ತಿ ಎಂಬ ಮಾತಿದೆಯಲ್ಲ?

. ಅದು ಸಂಸಾರಕ್ಕೆ ಮಾತ್ರ ಅನ್ವಯ. ನಾನು ಹಾಗೂ ಉಪಮೇಯರ್ ಪರಸ್ಪರ ಸಮನ್ವಯದಿಂದ ಕೆಲಸ ಮಾಡುತ್ತೇವೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

22 ವರ್ಷಗಳ ಬಳಿಕ ಮಹಿಳಾ ಜೋಡಿ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಪ್ರೊ ಕಬಡ್ಡಿ: ಯೋಧಾಸ್‌ಗೆ ಜಯ

ಏಕದಿನ ಪಂದ್ಯ: ಜಿಂಬಾಬ್ವೆಗೆ ಮಣಿದ ಪಾಕಿಸ್ತಾನ

IPL Auction | ರಿಷಭ್ ಪಂತ್ ದಾಖಲೆ ವೀರ : ₹27 ಕೋಟಿಗೆ ಲಖನೌ ಪಾಲು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

IPL Auction: ಅತಿ ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು