ಬೆಂಗಳೂರು: ಕೆರೆ ಸ್ವಚ್ಛತೆಗೆ ಸಿದ್ಧವಾದ ‘ಜಲದೋಸ್ತ್‌’

ಬೆಂಗಳೂರು: ಕೆರೆಗಳಲ್ಲಿರುವ ಜೊಂಡು, ತ್ಯಾಜ್ಯಗಳನ್ನು ತೆರವು ಮಾಡಿ ಪುನರುಜ್ಜೀವನಗೊಳಿಸಲು ಸಿಎಸ್ಐಆರ್–ಎನ್ಎಎಲ್ ‘ಜಲದೋಸ್ತ್’ ಏರ್ಬೋಟ್ ಯಂತ್ರವನ್ನು ತಯಾರಿಸಿದೆ. ಬಿಬಿಎಂಪಿ ವ್ಯಾಪ್ತಿಯ ಕೆರೆಗಳ ಸ್ವಚ್ಛತೆಗೆ ಈ ಯಂತ್ರಗಳು ಬಳಕೆಯಾಗಲಿವೆ.

. ಜಲದೋಸ್ತ್ ಯಂತ್ರ ನೀರಲ್ಲಿ ತೇಲುತ್ತಾ ತ್ಯಾಜ್ಯಗಳನ್ನು ಸಂಗ್ರಹಿಸುತ್ತದೆ. ಒಂದು ಬಾರಿಗೆ ನಾಲ್ಕು ಟನ್ನಿನಷ್ಟು ಜಲಕಳೆಯನ್ನು ಸಂಗ್ರಹಿಸಿ ಹೊರ ಹಾಕುತ್ತದೆ. ಪ್ರತಿ 15 ನಿಮಿಷಕ್ಕೆ ಒಂದು ಟ್ರಿಪ್ನಂತೆ ಕಸ ವಿಲೇವಾರಿ ಕೆಲಸ ಮಾಡುತ್ತದೆ. ಎಂಟು ಗಂಟೆಯಲ್ಲಿ ಈ ಯಂತ್ರವು 120 ಟನ್ ಜಲಸಸ್ಯವನ್ನು ಹೊರಗೆ ಹಾಕುತ್ತದೆ. ಒಂದು ದಿನಕ್ಕೆ 2 ಎಕರೆ ಜಲಪ್ರದೇಶ ಸ್ವಚ್ಛಗೊಳ್ಳಲಿದೆ ಎಂಬುದು ವೈಜ್ಞಾನಿಕ ಹಾಗೂ ಕೈಗಾರಿಕಾ ಸಂಶೋಧನಾ ಮಂಡಳಿ (ಸಿಎಸ್ಐಆರ್)– ರಾಷ್ಟ್ರೀಯ ವೈಮಾಂತರೀಕ್ಷ ಪ್ರಯೋಗಾಲಯದ (ಎನ್ಎಎಲ್) ವಿಜ್ಞಾನಿಗಳ ವಿವರಣೆ.

. ತ್ಯಾಜ್ಯ ವಿಲೇವಾರಿಯನ್ನು ಟನ್ಗಳ ಬದಲಿಗೆ ಕ್ಯೂಬ್ಗಳಲ್ಲಿ ಮಾಪನ ಮಾಡಲಾಗುತ್ತದೆ. ಒಂದು ಟ್ರಿಪ್ಗೆ 15 ಮೀಟರ್ ಕ್ಯೂಬ್ ಸಂಗ್ರಹಿಸುವ ಸಾಮರ್ಥ್ಯವನ್ನು ‘ಜಲದೋಸ್ತ್’ ಹೊಂದಿದೆ.

. ಗಂಟೆಗೆ 5 ರಿಂದ 6 ಲೀಟರ್ ಡೀಸೆಲ್ ಸಾಕಾಗುತ್ತದೆ. ಈಗಾಗಲೇ ಈ ಯಂತ್ರದಿಂದ ಹಲಸೂರು ಕೆರೆಯಲ್ಲಿ ಜಲಕಳೆ ಮತ್ತು ತ್ಯಾಜ್ಯವನ್ನು ತೆಗೆದು ಸ್ವಚ್ಛ ಮಾಡಲಾಗಿದೆ. ಮಂಚನಬೆಲೆ ಜಲಾಶಯ ಮತ್ತು ಕನ್ನಮಂಗಲ ಕೆರೆಗಳನ್ನು ಸ್ವಚ್ಛಗೊಳಿಸಲಾಗಿದೆ.

. ಕಡಿಮೆ ವೆಚ್ಚದಲ್ಲಿ ಯಂತ್ರ ತಯಾರಿ: ಇಷ್ಟೇ ಸಾಮರ್ಥ್ಯವಿರುವ ಯಂತ್ರಗಳನ್ನು ಅಮೆರಿಕ, ಕೆನಡಾ ಸೇರಿದಂತೆ, ಪಾಶ್ಚಿಮಾತ್ಯ ದೇಶಗಳಲ್ಲಿ ಕೆರೆ ಸ್ವಚ್ಛತೆಗೆ ಬಳಸುತ್ತಾರೆ. ಅಲ್ಲಿ ಒಂದು ಯಂತ್ರದ ಬೆಲೆ ₹ 2.5 ಕೋಟಿ ಇದೆ. ಭಾರತದಲ್ಲಿ ಸದ್ಯ ವಿದೇಶದ ಎರಡು–ಮೂರು ಯಂತ್ರಗಳು ಬಳಕೆಯಲ್ಲಿವೆ. ಇದನ್ನು ಮನಗಂಡು ಬಿಬಿಎಂಪಿಯವರು ಸ್ಥಳೀಯವಾಗಿ ಯಂತ್ರ ತಯಾರಿಸುವಂತೆ ಸಲಹೆ ನೀಡಿದ್ದರು. ಅದರಂತೆ ದೇಶೀಯ ಎಂಜಿನ್, ಬಿಡಿಭಾಗಗಳನ್ನು ಬಳಸಿ ‘ಜಲದೋಸ್ತ್’ ತಯಾರಿಸಲಾಗಿದೆ. ಯಂತ್ರದ ಬೆಲೆ ಜಿಎಸ್ಟಿ ಸೇರಿ ₹95 ಲಕ್ಷವಾಗುತ್ತದೆ‘ ಎಂದು ಸಿಎಸ್ಐಆರ್–ಎನ್ಎಎಲ್ನ ವೈಜ್ಞಾನಿಕ ಹಾಗೂ ಕೈಗಾರಿಕಾ ಸಂಶೋಧನಾ ವಿಭಾಗದ ಪ್ರಧಾನ ವಿಜ್ಞಾನಿ ಟಿ. ಕಾರ್ತಿಕೇಯನ್ ಮಾಹಿತಿ ನೀಡಿದರು.

. ಶ್ರೀವಾರಿ ಎಂಜಿನಿಯರಿಂಗ್ ಸಿಸ್ಟಮ್ಸ್ ಮೂಲಕ ಅಗತ್ಯ ಇದ್ದವರಿಗೆ ಯಂತ್ರ ಪೂರೈಸಲಾಗುತ್ತದೆ. ಬಾಡಿಗೆಗೆ ಬೇಕಾದರೂ ನೀಡಲು ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ವಿವರ ನೀಡಿದರು.

. ‘ಜಲದೋಸ್ತ್’ ಏರ್ಬೋಟ್ ಯಂತ್ರವನ್ನು ಖರೀದಿಸಲು ಬಿಬಿಎಂಪಿ ಜೊತೆಗೆ ಒಡಂಬಡಿಕೆ ಮಾಡಿಕೊಳ್ಳಲಾಗುತ್ತಿದೆ. ಈ ಪ್ರಕ್ರಿಯೆ ಅಧಿಕಾರಿಗಳ ಹಂತದಲ್ಲಿ ನಡೆಯುತ್ತಿದೆ - ಟಿ. ಕಾರ್ತಿಕೇಯನ್ ಸಿಎಸ್ಐಆರ್–ಎನ್ಎಎಲ್ನ ವೈಜ್ಞಾನಿಕ ಹಾಗೂ ಕೈಗಾರಿಕಾ ಸಂಶೋಧನಾ ವಿಭಾಗದ ಪ್ರಧಾನ ವಿಜ್ಞಾನಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬೆಂಗಳೂರು: ಕೆರೆ ಸ್ವಚ್ಛತೆಗೆ ಸಿದ್ಧವಾದ ‘ಜಲದೋಸ್ತ್‌’

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!