<p><strong>ಬೆಂಗಳೂರು:</strong> ತ್ಯಾಜ್ಯ ಸಮಸ್ಯೆ ನಿರ್ವಹಣೆಗೆ ಜನರ ಸಹಕಾರ ಅಗತ್ಯ ಎಂದು ಪ್ರತಿಪಾದಿಸಿದ ಉಪಮುಖ್ಯಮಂತ್ರಿ ಜಿ.ಪರಮೇಶ್ವರ, ಕಸ ಹಾಕುವವರಿಗೆ ವಿಧಿಸುವ ದಂಡದ ಪ್ರಮಾಣ ಹೆಚ್ಚಿಸುವ ಬಗೆಗೆ ಚಿಂತನೆ ನಡೆಸಿದ್ದೇವೆ ಎಂದು ಹೇಳಿದರು.</p>.<p>ಡೆಕ್ಕನ್ ಹೆರಾಲ್ಡ್ ಪತ್ರಿಕೆ ಆಶ್ರಯದಲ್ಲಿ ಶನಿವಾರ ಹಮ್ಮಿಕೊಂಡ ನಗರದ ತ್ಯಾಜ್ಯ ಸಂಗ್ರಹ ಮತ್ತು ವಿಲೇವಾರಿ ಬಿಕ್ಕಟ್ಟಿನ ಕುರಿತ ಸಂವಾದದಲ್ಲಿ ಅವರು ಮಾತನಾಡಿದರು.</p>.<p class="Subhead"><strong>ನೋವೆನಿಸಿದ್ದು...:</strong> ‘ಬೆಂಗಳೂರು ಗಾರ್ಬೇಜ್ ಸಿಟಿ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದಾಗ, ಬೆಂಗಳೂರಿನಲ್ಲಿ ಜೀವಿಸಲು ಅಸಾಧ್ಯ ಎಂದು ಯಾರೋ ಹೇಳಿದಾಗ ಸಾಕಷ್ಟು ನೋವೆನಿಸುತ್ತದೆ. ಇಲ್ಲಿ ಈ ವ್ಯವಸ್ಥೆಯನ್ನೇ ಸರಿಪಡಿಸಬೇಕಿದೆ’ ಎಂದು ಅವರು ಹೇಳಿದರು.</p>.<p>‘ಕಸ ವಿಲೇವಾರಿ ಸಂಬಂಧಿಸಿದಂತೆ ಕೆ.ಆರ್.ಮಾರುಕಟ್ಟೆಯಲ್ಲೇ ದೊಡ್ಡ ಮಾಫಿಯಾ ಇದೆ. ಪ್ರತಿದಿನ 50 ಟನ್ ಕಸ ಅಲ್ಲಿಯೇ ಉತ್ಪತ್ತಿಯಾಗುತ್ತದೆ. ಕಸ ವಿಲೇವಾರಿಗೆ ಹಣದ ಸಮಸ್ಯೆ ಅಲ್ಲ. ಮೊದಲು ಮನಸ್ಸಿನೊಳಗಿನ ಕಸ ಸ್ವಚ್ಛಗೊಳಿಸಬೇಕಿದೆ’ ಎಂದರು.</p>.<p>‘ಹಿಂದೆ ಪಾಲಿಕೆಯಲ್ಲಿ 40 ಸಾವಿರ ಪೌರಕಾರ್ಮಿಕರಿದ್ದರು. ಬಯೋಮೆಟ್ರಿಕ್ ವ್ಯವಸ್ಥೆ ತಂದ ಬಳಿಕ ಅದು 18 ಸಾವಿರಕ್ಕೆ ಇಳಿಯಿತು. 5 ಸಾವಿರ ಕಸ ಸಾಗಿಸುವ ವಾಹನಗಳಿದ್ದವು. ಜಿಪಿಎಸ್ ವ್ಯವಸ್ಥೆ ಬಂದ ಬಳಿಕ ಆ ಸಂಖ್ಯೆ 2,600ಕ್ಕೆ<br />ಇಳಿಯಿತು. ಹಾಗಿದ್ದರೆ ನಾವು ಕಸ ವಿಲೇವಾರಿಗಾಗಿ ಎಷ್ಟೊಂದು ಹಣ ವ್ಯಯಿಸುತ್ತಿದ್ದೆವು? ಅದು ಎಲ್ಲಿಗೆ ಹೋಗುತ್ತಿತ್ತು’ ಎಂದು ಪ್ರಶ್ನಿಸಿದರು.</p>.<p>‘ಸ್ವಚ್ಛತೆಗೆ ವ್ಯಯಿಸುವ ₹1,600 ಕೋಟಿಯನ್ನು ನಗರದ 20 ಲಕ್ಷ ಮನೆಗಳಿಗೆ ಹಂಚಿದ್ದರೆ ಅವರವರ ತ್ಯಾಜ್ಯ ಅವರೇ ವಿಲೇ ಮಾಡಿ ಸ್ವಚ್ಛಗೊಳಿಸುತ್ತಿದ್ದರೇನೋ’ ಎಂದಾಗ ಸಭೆಯಲ್ಲಿ ಸಮ್ಮತಿಯ ಚಪ್ಪಾಳೆ ಕೇಳಿಬಂದಿತು.</p>.<p>ಪಾಲಿಕೆ ಆಯುಕ್ತ ಎನ್. ಮಂಜುನಾಥಪ್ರಸಾದ್ ಮಾತನಾಡಿ, ‘ಹೊಸ ಬದಲಾವಣೆ ತರಲು ಮುಂದಾದಾಗ ಸಾಕಷ್ಟು ಆರೋಪ, ಟೀಕೆ ಎದುರಿಸಬೇಕಾಗುತ್ತದೆ. ಉದಾಹರಣೆಗೆ ಕಸ ಸಂಗ್ರಹಿಸುವ ವಾಹನಗಳು ಆಟೊ ಟಿಪ್ಪರ್ಗಳಾಗಿರಬೇಕು. ಇಂಥ 555 ವಾಹನಗಳಿಗೆ 4 ಬಾರಿ ಟೆಂಡರ್ ಕರೆದಿದ್ದೇವೆ. ಇನ್ನೂ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಂಡಿಲ್ಲ. ಏಕೆಂದರೆ ಪೂರ್ಣಗೊಳಿಸಲು ಕೆಲವು ಹಿತಾಸಕ್ತಿಗಳು ಬಿಡುವುದಿಲ್ಲ’ ಎಂದು ಅಸಹಾಯಕತೆ ವ್ಯಕ್ತಪಡಿಸಿದರು. ಜನರು ಸಹಕರಿಸದಿದ್ದರೆ 1 ಲಕ್ಷ ಪೌರ ಕಾರ್ಮಿಕರಿದ್ದರೂ ನಿರ್ವಹಣೆ ಅಸಾಧ್ಯ ಎಂದರು.</p>.<p>‘ಸಾಹಸ್ ಜೀರೋ ವೇಸ್ಟ್’ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ವಿಲ್ಮಾ ರೋಡ್ರಿಗಸ್, ‘ತ್ಯಾಜ್ಯವನ್ನು ಉತ್ಪನ್ನವಾಗಿಸುವ ಉದ್ಯಮ ಕ್ಷೇತ್ರದಲ್ಲಿ ಸಾಕಷ್ಟು ಅವಕಾಶಗಳಿವೆ. ಅದಕ್ಕೆ ಪೂರಕ ವಾತಾವರಣ ರೂಪಿಸಬೇಕು. ಆಗ ಕಸ ನಿರ್ವಹಣೆಯ ಮಾಫಿಯಾವನ್ನು ನಿಯಂತ್ರಿಸಬಹುದು’ ಎಂದರು.</p>.<p>‘ಆಡಳಿತ ವ್ಯವಸ್ಥೆ, ನಾಗರಿಕರು ಮತ್ತು ಕಾರ್ಪೊರೇಟ್ ಸಂಸ್ಥೆಗಳು ಒಟ್ಟಾಗಿ ಶ್ರಮಿಸಿದಾಗ ಈ ಸಮಸ್ಯೆಯನ್ನು ನಿಭಾಯಿಸಬಹುದು’ ಎಂದರು.</p>.<p>ದಿ ಪ್ರಿಂಟರ್ಸ್ ಮೈಸೂರು ಪ್ರೈವೇಟ್ ಲಿಮಿಟೆಡ್ನ ಜಂಟಿ ವ್ಯವಸ್ಥಾಪಕ ನಿರ್ದೇಶಕ ಕೆ.ಎನ್. ತಿಲಕ್ ಕುಮಾರ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಡೆಕ್ಕನ್ ಹೆರಾಲ್ಡ್ ಡೆಪ್ಯುಟಿ ಎಡಿಟರ್ ಬಿ.ಎಸ್. ಅರುಣ್ ಸ್ವಾಗತಿಸಿದರು.</p>.<p><strong>ಜನರು ಏನೆಂದರು?</strong></p>.<p>* ತ್ಯಾಜ್ಯ ಸಂಗ್ರಹ ಮತ್ತು ಸಂಸ್ಕರಣೆಯನ್ನು ವಿಕೇಂದ್ರೀಕರಣಗೊಳಿಸಿ</p>.<p><strong>–ನರೇಂದ್ರಬಾಬು</strong></p>.<p>* ಎಲ್ಲ ಅಪಾರ್ಟ್ಮೆಂಟ್ಗಳಲ್ಲಿ ಅವರದ್ದೇ ಆದ ಸಾವಯವ ಪರಿವರ್ತಕ (ಆರ್ಗ್ಯಾನಿಕ್ ಕನ್ವರ್ಟರ್) ಇರಬೇಕು. ಅದನ್ನು ಕಡ್ಡಾಯಗೊಳಿಸಬೇಕು.</p>.<p><strong>–ಸಂದೀಪ್</strong></p>.<p>* ತ್ಯಾಜ್ಯ ಸಂಗ್ರಹಣಾ ಪ್ರದೇಶಕ್ಕೆ ಭೇಟಿ ನೀಡಲು ಮುಂದಾದಾಗ ಗುತ್ತಿಗೆದಾರರು ಹಲ್ಲೆ ಮಾಡಲು ಮುಂದಾಗಿದ್ದಾರೆ. ಇಂಥ ಮಾಫಿಯಾಕ್ಕೆ ಕಡಿವಾಣ ಹಾಕಬೇಕು.</p>.<p><strong>–ಗುರು</strong></p>.<p>* ನಾನು ಖರೀದಿಸಿದ ಬಿಡಿಎ ಸೈಟ್ನ ಅರ್ಧ ಭಾಗದಲ್ಲಿ ಮಳೆ ನೀರು ಕಾಲುವೆ ನಿರ್ಮಾಣವಾಗಿದೆ. ಮನೆ ಕಟ್ಟಲು ಅಸಾಧ್ಯವಾಗಿದೆ.</p>.<p><strong>–ರಾಜೇಂದ್ರ</strong></p>.<p>* ಕಲ್ಯಾಣ ಮಂಟಪಗಳಲ್ಲಿ ಬಾಳೆ ಎಲೆ ಬದಲು ಸ್ಟೀಲ್ ತಟ್ಟೆಯಲ್ಲೇ ಊಟ ಬಡಿಸುವುದು ಕಡ್ಡಾಯ ಮಾಡಬೇಕು. ತ್ಯಾಜ್ಯ ಸಂಗ್ರಹವಾಗುವುದೇ ನಿಲ್ಲುತ್ತದೆ.</p>.<p><strong>–ವಿಜಯ್ ಕುಮಾರ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ತ್ಯಾಜ್ಯ ಸಮಸ್ಯೆ ನಿರ್ವಹಣೆಗೆ ಜನರ ಸಹಕಾರ ಅಗತ್ಯ ಎಂದು ಪ್ರತಿಪಾದಿಸಿದ ಉಪಮುಖ್ಯಮಂತ್ರಿ ಜಿ.ಪರಮೇಶ್ವರ, ಕಸ ಹಾಕುವವರಿಗೆ ವಿಧಿಸುವ ದಂಡದ ಪ್ರಮಾಣ ಹೆಚ್ಚಿಸುವ ಬಗೆಗೆ ಚಿಂತನೆ ನಡೆಸಿದ್ದೇವೆ ಎಂದು ಹೇಳಿದರು.</p>.<p>ಡೆಕ್ಕನ್ ಹೆರಾಲ್ಡ್ ಪತ್ರಿಕೆ ಆಶ್ರಯದಲ್ಲಿ ಶನಿವಾರ ಹಮ್ಮಿಕೊಂಡ ನಗರದ ತ್ಯಾಜ್ಯ ಸಂಗ್ರಹ ಮತ್ತು ವಿಲೇವಾರಿ ಬಿಕ್ಕಟ್ಟಿನ ಕುರಿತ ಸಂವಾದದಲ್ಲಿ ಅವರು ಮಾತನಾಡಿದರು.</p>.<p class="Subhead"><strong>ನೋವೆನಿಸಿದ್ದು...:</strong> ‘ಬೆಂಗಳೂರು ಗಾರ್ಬೇಜ್ ಸಿಟಿ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದಾಗ, ಬೆಂಗಳೂರಿನಲ್ಲಿ ಜೀವಿಸಲು ಅಸಾಧ್ಯ ಎಂದು ಯಾರೋ ಹೇಳಿದಾಗ ಸಾಕಷ್ಟು ನೋವೆನಿಸುತ್ತದೆ. ಇಲ್ಲಿ ಈ ವ್ಯವಸ್ಥೆಯನ್ನೇ ಸರಿಪಡಿಸಬೇಕಿದೆ’ ಎಂದು ಅವರು ಹೇಳಿದರು.</p>.<p>‘ಕಸ ವಿಲೇವಾರಿ ಸಂಬಂಧಿಸಿದಂತೆ ಕೆ.ಆರ್.ಮಾರುಕಟ್ಟೆಯಲ್ಲೇ ದೊಡ್ಡ ಮಾಫಿಯಾ ಇದೆ. ಪ್ರತಿದಿನ 50 ಟನ್ ಕಸ ಅಲ್ಲಿಯೇ ಉತ್ಪತ್ತಿಯಾಗುತ್ತದೆ. ಕಸ ವಿಲೇವಾರಿಗೆ ಹಣದ ಸಮಸ್ಯೆ ಅಲ್ಲ. ಮೊದಲು ಮನಸ್ಸಿನೊಳಗಿನ ಕಸ ಸ್ವಚ್ಛಗೊಳಿಸಬೇಕಿದೆ’ ಎಂದರು.</p>.<p>‘ಹಿಂದೆ ಪಾಲಿಕೆಯಲ್ಲಿ 40 ಸಾವಿರ ಪೌರಕಾರ್ಮಿಕರಿದ್ದರು. ಬಯೋಮೆಟ್ರಿಕ್ ವ್ಯವಸ್ಥೆ ತಂದ ಬಳಿಕ ಅದು 18 ಸಾವಿರಕ್ಕೆ ಇಳಿಯಿತು. 5 ಸಾವಿರ ಕಸ ಸಾಗಿಸುವ ವಾಹನಗಳಿದ್ದವು. ಜಿಪಿಎಸ್ ವ್ಯವಸ್ಥೆ ಬಂದ ಬಳಿಕ ಆ ಸಂಖ್ಯೆ 2,600ಕ್ಕೆ<br />ಇಳಿಯಿತು. ಹಾಗಿದ್ದರೆ ನಾವು ಕಸ ವಿಲೇವಾರಿಗಾಗಿ ಎಷ್ಟೊಂದು ಹಣ ವ್ಯಯಿಸುತ್ತಿದ್ದೆವು? ಅದು ಎಲ್ಲಿಗೆ ಹೋಗುತ್ತಿತ್ತು’ ಎಂದು ಪ್ರಶ್ನಿಸಿದರು.</p>.<p>‘ಸ್ವಚ್ಛತೆಗೆ ವ್ಯಯಿಸುವ ₹1,600 ಕೋಟಿಯನ್ನು ನಗರದ 20 ಲಕ್ಷ ಮನೆಗಳಿಗೆ ಹಂಚಿದ್ದರೆ ಅವರವರ ತ್ಯಾಜ್ಯ ಅವರೇ ವಿಲೇ ಮಾಡಿ ಸ್ವಚ್ಛಗೊಳಿಸುತ್ತಿದ್ದರೇನೋ’ ಎಂದಾಗ ಸಭೆಯಲ್ಲಿ ಸಮ್ಮತಿಯ ಚಪ್ಪಾಳೆ ಕೇಳಿಬಂದಿತು.</p>.<p>ಪಾಲಿಕೆ ಆಯುಕ್ತ ಎನ್. ಮಂಜುನಾಥಪ್ರಸಾದ್ ಮಾತನಾಡಿ, ‘ಹೊಸ ಬದಲಾವಣೆ ತರಲು ಮುಂದಾದಾಗ ಸಾಕಷ್ಟು ಆರೋಪ, ಟೀಕೆ ಎದುರಿಸಬೇಕಾಗುತ್ತದೆ. ಉದಾಹರಣೆಗೆ ಕಸ ಸಂಗ್ರಹಿಸುವ ವಾಹನಗಳು ಆಟೊ ಟಿಪ್ಪರ್ಗಳಾಗಿರಬೇಕು. ಇಂಥ 555 ವಾಹನಗಳಿಗೆ 4 ಬಾರಿ ಟೆಂಡರ್ ಕರೆದಿದ್ದೇವೆ. ಇನ್ನೂ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಂಡಿಲ್ಲ. ಏಕೆಂದರೆ ಪೂರ್ಣಗೊಳಿಸಲು ಕೆಲವು ಹಿತಾಸಕ್ತಿಗಳು ಬಿಡುವುದಿಲ್ಲ’ ಎಂದು ಅಸಹಾಯಕತೆ ವ್ಯಕ್ತಪಡಿಸಿದರು. ಜನರು ಸಹಕರಿಸದಿದ್ದರೆ 1 ಲಕ್ಷ ಪೌರ ಕಾರ್ಮಿಕರಿದ್ದರೂ ನಿರ್ವಹಣೆ ಅಸಾಧ್ಯ ಎಂದರು.</p>.<p>‘ಸಾಹಸ್ ಜೀರೋ ವೇಸ್ಟ್’ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ವಿಲ್ಮಾ ರೋಡ್ರಿಗಸ್, ‘ತ್ಯಾಜ್ಯವನ್ನು ಉತ್ಪನ್ನವಾಗಿಸುವ ಉದ್ಯಮ ಕ್ಷೇತ್ರದಲ್ಲಿ ಸಾಕಷ್ಟು ಅವಕಾಶಗಳಿವೆ. ಅದಕ್ಕೆ ಪೂರಕ ವಾತಾವರಣ ರೂಪಿಸಬೇಕು. ಆಗ ಕಸ ನಿರ್ವಹಣೆಯ ಮಾಫಿಯಾವನ್ನು ನಿಯಂತ್ರಿಸಬಹುದು’ ಎಂದರು.</p>.<p>‘ಆಡಳಿತ ವ್ಯವಸ್ಥೆ, ನಾಗರಿಕರು ಮತ್ತು ಕಾರ್ಪೊರೇಟ್ ಸಂಸ್ಥೆಗಳು ಒಟ್ಟಾಗಿ ಶ್ರಮಿಸಿದಾಗ ಈ ಸಮಸ್ಯೆಯನ್ನು ನಿಭಾಯಿಸಬಹುದು’ ಎಂದರು.</p>.<p>ದಿ ಪ್ರಿಂಟರ್ಸ್ ಮೈಸೂರು ಪ್ರೈವೇಟ್ ಲಿಮಿಟೆಡ್ನ ಜಂಟಿ ವ್ಯವಸ್ಥಾಪಕ ನಿರ್ದೇಶಕ ಕೆ.ಎನ್. ತಿಲಕ್ ಕುಮಾರ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಡೆಕ್ಕನ್ ಹೆರಾಲ್ಡ್ ಡೆಪ್ಯುಟಿ ಎಡಿಟರ್ ಬಿ.ಎಸ್. ಅರುಣ್ ಸ್ವಾಗತಿಸಿದರು.</p>.<p><strong>ಜನರು ಏನೆಂದರು?</strong></p>.<p>* ತ್ಯಾಜ್ಯ ಸಂಗ್ರಹ ಮತ್ತು ಸಂಸ್ಕರಣೆಯನ್ನು ವಿಕೇಂದ್ರೀಕರಣಗೊಳಿಸಿ</p>.<p><strong>–ನರೇಂದ್ರಬಾಬು</strong></p>.<p>* ಎಲ್ಲ ಅಪಾರ್ಟ್ಮೆಂಟ್ಗಳಲ್ಲಿ ಅವರದ್ದೇ ಆದ ಸಾವಯವ ಪರಿವರ್ತಕ (ಆರ್ಗ್ಯಾನಿಕ್ ಕನ್ವರ್ಟರ್) ಇರಬೇಕು. ಅದನ್ನು ಕಡ್ಡಾಯಗೊಳಿಸಬೇಕು.</p>.<p><strong>–ಸಂದೀಪ್</strong></p>.<p>* ತ್ಯಾಜ್ಯ ಸಂಗ್ರಹಣಾ ಪ್ರದೇಶಕ್ಕೆ ಭೇಟಿ ನೀಡಲು ಮುಂದಾದಾಗ ಗುತ್ತಿಗೆದಾರರು ಹಲ್ಲೆ ಮಾಡಲು ಮುಂದಾಗಿದ್ದಾರೆ. ಇಂಥ ಮಾಫಿಯಾಕ್ಕೆ ಕಡಿವಾಣ ಹಾಕಬೇಕು.</p>.<p><strong>–ಗುರು</strong></p>.<p>* ನಾನು ಖರೀದಿಸಿದ ಬಿಡಿಎ ಸೈಟ್ನ ಅರ್ಧ ಭಾಗದಲ್ಲಿ ಮಳೆ ನೀರು ಕಾಲುವೆ ನಿರ್ಮಾಣವಾಗಿದೆ. ಮನೆ ಕಟ್ಟಲು ಅಸಾಧ್ಯವಾಗಿದೆ.</p>.<p><strong>–ರಾಜೇಂದ್ರ</strong></p>.<p>* ಕಲ್ಯಾಣ ಮಂಟಪಗಳಲ್ಲಿ ಬಾಳೆ ಎಲೆ ಬದಲು ಸ್ಟೀಲ್ ತಟ್ಟೆಯಲ್ಲೇ ಊಟ ಬಡಿಸುವುದು ಕಡ್ಡಾಯ ಮಾಡಬೇಕು. ತ್ಯಾಜ್ಯ ಸಂಗ್ರಹವಾಗುವುದೇ ನಿಲ್ಲುತ್ತದೆ.</p>.<p><strong>–ವಿಜಯ್ ಕುಮಾರ್</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
