ಅಸಂಘಟಿತ ಕಾರ್ಮಿಕರ ಪಟ್ಟಿಗೆ ಸೇರಿಸಲು ಪತ್ರಿಕಾ ವಿತರಕರ ಹಕ್ಕೊತ್ತಾಯ

ಬೆಂಗಳೂರು: ಬೆಳಿಗ್ಗೆ ಬಾಗಿಲು ತೆರೆಯುವ ಮುನ್ನ ದಿನ ಪತ್ರಿಕೆಗಳು ಮನೆ ಬಾಗಿಲಿಗೆ ತಲುಪಿರುತ್ತವೆ. ಎಲ್ಲರೂ ನಿದ್ರೆಯಿಂದ ಎಚ್ಚರವಾಗುವ ವೇಳೆಗೆ ಅವರ ಕೈಗೆ ಪತ್ರಿಕೆ ಸೇರುವಂತೆ ಮಾಡುವುದರ ಹಿಂದಿನ ಶ್ರಮ ಪತ್ರಿಕೆ ವಿತರಕರದ್ದು.

. ಮಧ್ಯರಾತ್ರಿ ವೇಳೆಗೆ ಬಂದಿಳಿಯುವ ಪತ್ರಿಕೆಗಳನ್ನು ಬೆಳಗಿನ ಜಾವದ ಹೊತ್ತಿಗೆ ಮನೆ–ಮನೆಗಳಿಗೆ ತಲುಪಿಸುವ ಕೆಲಸವನ್ನು ಪತ್ರಿಕಾ ವಿತರಕರು ಮಾಡುತ್ತಿದ್ದಾರೆ. ಬೈಸಿಕಲ್ನ ಎರಡೂ ಕಡೆಯ ಹ್ಯಾಂಡಲ್ಗಳಿಗೆ ಪತ್ರಿಕೆಗಳು ತುಂಬಿದ ಬ್ಯಾಗ್ ನೇತು ಹಾಕಿಕೊಂಡು ಹೊರಟರೆ ಗುರಿ ತಲುಪುವುದೊಂದೇ ತವಕ.

. ಕೊರೆವ ಚಳಿ ಇರಲಿ, ಸುರಿವ ಮಳೆಯಿರಲಿ ಲೆಕ್ಕಿಸದೆ ಮುನ್ನುಗುವ ಈ ಕಾಯಕ ನಿಷ್ಠರ ತೊಟ್ಟಿಕ್ಕುವ ಬೆವರ ಹನಿಗಳಿಗೆ ಲೆಕ್ಕವಿಲ್ಲ. ಮನೆ–ಮನೆಗೆ ಪತ್ರಿಕೆ ಹಂಚಿ ಮುಂದೆ ಸಾಗಿದಷ್ಟು ಸೈಕಲ್ ಮೇಲಿನ ಭಾರ ಮತ್ತು ಎದೆ ಭಾರ ಎರಡೂ ಇಳಿಯುತ್ತಾ ಸಾಗುತ್ತದೆ.

. ದಾರಿಯಲ್ಲಿ ಸೈಕಲ್ ಚಕ್ರದ ಗಾಳಿ ಹೋಗಲಿ, ಚೈನು ತುಂಡಾಗಲಿ ಓದುಗ ನಿದ್ರೆಯಿಂದೇಳುವ ಹೊತ್ತಿಗೆ ಅವರ ಕೈಗೆ ಪತ್ರಿಕೆ ಮುಟ್ಟಿಸುವುದಷ್ಟೇ ವಿತರಕನ ಗುರಿ. ತನ್ನ ಗುರಿ ತುಲುಪುವ ತನಕ ಉಸಿರುಗಟ್ಟಿ ಸೈಕಲ್ ತುಳಿಯುವ ಈ ಪತ್ರಿಕಾ ವಿತರಕರ ಬುದುಕಿಗೆ ಭದ್ರತೆಯೇ ಇಲ್ಲ. ಈಗ ಕೆಲವರು ದ್ವಿಚಕ್ರ ವಾಹನಗಳನ್ನು ಬಳಸಿದರೂ ದುಡಿದ ಹಣದಲ್ಲಿ ಬಹುಪಾಲು ಪೆಟ್ರೋಲ್ ಖರ್ಚಿಗೆ ಸಮವಾಗುತ್ತಿದೆ.

. ಬಹುತೇಕ ಬೆಳಗಾಗುವಷ್ಟರಲ್ಲಿ ಪತ್ರಿಕೆ ಹಂಚಿ ಮರೆಯಾಗುವ ಈ ಶ್ರಮ ಜೀವಿಗಳ ಬದುಕು ಮತ್ತು ಬವಣೆ ಸಮಾಜ ಮತ್ತು ಸರ್ಕಾರದ ಅರಿವಿಗೆ ಬರುವುದೇ ಇಲ್ಲ. ಅರಿವಿಗೆ ಬಂದರೂ ಕಿವಿಗೊಡುವ, ಜೊತೆಗೂಡುವ ಮನಗಳಿಲ್ಲ. ಪತ್ರಿಕೆಗಳ ಆರಂಭವಾದ ದಿನದಿಂದ ಈ ವೃತ್ತಿ ನಿರ್ವಹಿಸುತ್ತಿದ್ದರೂ, ಈ ಕಾಯಕ ಯೋಗಿಗಳು ಈ ತನಕ ಅಸಂಘಟಿತ ಕಾರ್ಮಿಕರ ಪಟ್ಟಿಯಲ್ಲೂ ಸೇರಿಲ್ಲ. ಅಸಂಘಟಿತ ಕಾರ್ಮಿಕರ ಪಟ್ಟಿಗೆ ಸೇರಿಸಬೇಕು ಎಂಬ ಕೂಗು ಈ ವಲಯದಿಂದ ಆರಂಭವಾಗಿದೆ.

. * ಪತ್ರಿಕಾ ವಿತರಕರ ಬಗ್ಗೆ ಸರ್ಕಾರಕ್ಕೆ ಕಿಂಚಿತ್ತು ಕಾಳಜಿ ಇಲ್ಲ. ಲಾಕ್ಡೌನ್ ಸಂದರ್ಭದಲ್ಲೂ ಯಾವ ಸಹಾಯ ದೊರಕಲಿಲ್ಲ. ಕೂಲಿ ಕಾರ್ಮಿಕರ ರೀತಿ ಕಾರ್ಡ್ ಕೊಟ್ಟರೆ ಸರ್ಕಾರದಿಂದ ಸೌಲಭ್ಯ ಪಡೆದುಕೊಳ್ಳಲು ಸಾಧ್ಯ. -ಸಂತೋಷ್ ಶೆಟ್ಟಿ, ವಿದ್ಯಾರಣ್ಯಪುರ

. * 1970ನೇ ಇಸವಿಯಿಂದ ಪತ್ರಿಕೆ ವಿತರಕನ ಕೆಲಸ ಮಾಡುತ್ತಿದ್ದೇನೆ. ಅಂದಿನಿಂದ ಈವರೆಗೆ ಸರ್ಕಾರದಿಂದ ಯಾವುದೇ ಸವಲತ್ತು ನಮಗೆ ದೊರೆತಿಲ್ಲ. ನಮ್ಮ ವೃತ್ತಿ ಮತ್ತು ಕಷ್ಟಗಳನ್ನೂ ಸರ್ಕಾರ ಗುರುತಿಸಬೇಕು. -ಆರ್. ಮುದ್ದುವೀರಯ್ಯ, ಬಸವನಗುಡಿ

. * ಈ ಕೆಲಸವನ್ನೇ ನಂಬಿದ ಸಾಕಷ್ಟು ಜನರಿದ್ದಾರೆ. ಆಟೋ ರಿಕ್ಷಾದವರಿಗೆ ನೀಡಿದಂತೆ ಪತ್ರಿಕಾ ವಿತರಿಕರಿಗೂ ಪ್ರೋತ್ಸಾಹಧನ ನೀಡಿದ್ದರೆ ಅನುಕೂಲ ಆಗು ತ್ತಿತ್ತು. ವಿಮಾ ಸೌಲಭ್ಯ ನೀಡಿದರೆ ಕುಟುಂಬಕ್ಕೆ ಅನುಕೂಲ ಆಗಲಿದೆ. -ಎಂ.ಗೋಪಾಲಪ್ಪ, ಇಂದಿರಾನಗರ

. * ಪತ್ರಿಕಾ ವಿತರಕರನ್ನು ಮುಖ್ಯವಾಹಿನಿಗೆ ತರುವ ಕೆಲಸ ಈವರೆಗೆ ಆಗಿಲ್ಲ. ಅವರ ಬದುಕು,ವೃತ್ತಿಗೆ ಯಾವುದೇ ಭದ್ರತೆ ಇಲ್ಲ. ಬೆಳಗಿನ ಜಾವ ನಾಯಿ ಕಚ್ಚಿದರೂ ವೈದ್ಯಕೀಯ ನೆರವು ದೊರೆಯುತ್ತಿಲ್ಲ. ಕನಿಷ್ಠ ವಿಮಾ ಸೌಲಭ್ಯವನ್ನಾದರೂ ಸರ್ಕಾರ ಕಲ್ಪಿಸಬೇಕು. -ನಾಗೇಶ್, ವೈಟ್ಫೀಲ್ಡ್

. * ಸರ್ಕಾರದ ಯಾವುದೇ ಸವಲತ್ತುಗಳು ನಮಗೆ ಸಿಕ್ಕಿಲ್ಲ. ಯಾರಿಗೆ ಕೇಳಬೇಕು ಎಂಬುದೂ ಗೊತ್ತಿಲ್ಲ. ಸರ್ಕಾರ ಅನು ದಾನ ನಿಗದಿ ಮಾಡಿತ್ತು ಎಂಬುದು ಗೊತ್ತು. ಆದರೆ, ಅದರಿಂದ ನಮಗೆ ಯಾವುದೇ ಸವಲತ್ತು ಬಂದಿಲ್ಲ. -ಪುಟ್ಟರಾಜು, ಪದ್ಮನಾಭನಗರ

. * ಕೋವಿಡ್ ಸಂದರ್ಭದಲ್ಲಿ ಪತ್ರಿಕಾ ವಿತರಕರ ಆದಾಯಕ್ಕೆ ಹೊಡೆತ ಬಿದ್ದಿದೆ. ಎರಡು ವರ್ಷಗಳಿಂದ ಸಮಸ್ಯೆ ಹೇಳತೀರದಾಗಿದೆ. ಸರ್ಕಾರದಿಂದ ಯಾವುದೇ ಸಹಕಾರ ದೊರೆತಿಲ್ಲ. ಈಗಲಾದರೂ ಸರ್ಕಾರ ಪರಿಗಣಿಸಲಿ. -ಬಸವರಾಜ ಪಾಟೀಲ, ರಾಜರಾಜೇಶ್ವರಿನಗರ

. * ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿ ಆಗಿದ್ದಾಗ ಪತ್ರಿಕಾ ವಿತರಕರ ಕಲ್ಯಾಣ ಕಾರ್ಯಕ್ರಮಗಳಿಗೆ ಅನುದಾನ ನಿಗದಿ ಮಾಡಿದ್ದರು. ಆದರೆ, ಅದು ನಮ್ಮ ಸಮುದಾಯಕ್ಕೆ ತಲುಪಲೇ ಇಲ್ಲ. ನಮಗೂ ಸರ್ಕಾರ ಎಲ್ಲರಂತೆ ಸವಲತ್ತು ನೀಡಬೇಕು. –ರಾಘವೇಂದ್ರ, ಪ್ಯಾಲೇಸ್ ಗುಟ್ಟಹಳ್ಳಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಸಂಘಟಿತ ಕಾರ್ಮಿಕರ ಪಟ್ಟಿಗೆ ಸೇರಿಸಲು ಪತ್ರಿಕಾ ವಿತರಕರ ಹಕ್ಕೊತ್ತಾಯ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

Cartoon | ಚಿನಕುರುಳಿ: 25 ನವೆಂಬರ್ 2024

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

IPL Auction 2025 Day 2 LIVE Updates: ಆರ್‌ಸಿಬಿ ತೆಕ್ಕೆಗೆ ಕೃಣಾಲ್ ಪಾಂಡ್ಯ, ಭುವನೇಶ್ವರ್

IPL Auction: ಯಾರಿಗೂ ಬೇಡವಾದ ಕನ್ನಡಿಗ ಮಯಂಕ್‌, ನ್ಯೂಜಿಲೆಂಡ್‌ನ ವಿಲಿಯಮ್ಸನ್‌

AUS vs IND Test: ಆಸಿಸ್ ಎದುರು ಭಾರತಕ್ಕೆ ದಾಖಲೆ ಜಯ; ಪಂದ್ಯ ಶ್ರೇಷ್ಠ ಬೂಮ್ರಾ

ಆಳ–ಅಗಲ: ಗುಕೇಶ್‌ ಮುಡಿಗೇರುವುದೇ ವಿಶ್ವ ಚೆಸ್‌ ಕಿರೀಟ?

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

IPL Auction Day 1: ಆರ್‌ಸಿಬಿ ಖರೀದಿಸಿದ ಆಟಗಾರರ ಪಟ್ಟಿ ಇಲ್ಲಿದೆ

Cartoon | ಚಿನಕುರುಳಿ: 25 ನವೆಂಬರ್ 2024

ಮಹಾರಾಷ್ಟ್ರ ಚುನಾವಣೆ ಫಲಿತಾಂಶ: ಸೋತ ಮತ್ತು ಗೆದ್ದ ಪ್ರಮುಖರು

ಚಿನಕುರುಳಿ | ಭಾನುವಾರ, ನವೆಂಬರ್ 24 2024