ಚಪ್ಪಲಿ ತೂರಿದ ಓಲಾ ಚಾಲಕನ ಬಂಧನ

ಬೆಂಗಳೂರು : ವಿನಾಕಾರಣ ಶುಲ್ಕ ವಿಧಿಸಿದ್ದನ್ನು ಪ್ರಶ್ನಿಸಿದ ಯುವತಿ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ ಆರೋಪದಡಿ, ಓಲಾ ಕ್ಯಾಬ್ ಚಾಲಕ ಮಹಾದೇವಯ್ಯ (30) ಎಂಬುವರನ್ನು ಪೊಲೀಸರು ಬಂಧಿಸಿದ್ದಾರೆ.

. ಜುಲೈ 10ರಂದು ನಡೆದ ಘಟನೆ ಬಗ್ಗೆ 22 ವರ್ಷದ ಯುವತಿ ದೂರು ನೀಡಿದ್ದರು. ಲೈಂಗಿಕ ದೌರ್ಜನ್ಯ ಹಾಗೂ ಜೀವ ಬೆದರಿಕೆ ಆರೋಪದಡಿ ಪ್ರಕರಣ ದಾಖಲಿಸಿಕೊಳ್ಳಲಾಗಿತ್ತು ಎಂದು ಉಪ್ಪಾರಪೇಟೆ ಪೊಲೀಸರು ಹೇಳಿದರು.

. ಕೆಂಗೇರಿ ನಿವಾಸಿ ಮಹಾದೇವಯ್ಯ, ಕೃತ್ಯದ ಬಳಿಕ ತಲೆಮರೆಸಿಕೊಂಡಿದ್ದರು. ಮರುದಿನ ಬೆಳಿಗ್ಗೆ ಅವರನ್ನು ಬಂಧಿಸಲಾಯಿತು ಎಂದರು.

. ಪ್ರಕರಣದ ವಿವರ: ‘ತಾಯಿ ಜತೆ ಕೆ.ಜಿ. ರಸ್ತೆಯಿಂದ ಮಲ್ಲೇಶ್ವರಕ್ಕೆ ಹೋಗಲು ಓಲಾ ಕ್ಯಾಬ್ (ಕೆಎ 41 ಸಿ 0101) ಕಾಯ್ದಿರಿಸಿದ್ದೆ. ಕೆಲವೇ ನಿಮಿಷಗಳಲ್ಲೇ ಓಲಾ ಆ್ಯಪ್ ಖಾತೆಗೆ ಕಾಯುವಿಕೆಯ ಶುಲ್ಕ (ವೇಟಿಂಗ್ ಚಾರ್ಜ್) ಬೀಳಲಾರಂಭಿಸಿತ್ತು’ ಎಂದು ಸಂತ್ರಸ್ತೆಯು ತಿಳಿಸಿದ್ದರು ಎಂದು ಪೊಲೀಸರು ಹೇಳಿದರು.

. ‘ಆ ಬಗ್ಗೆ ವಿಚಾರಿಸಲೆಂದು ಮಹಾದೇವಯ್ಯ ಅವರಿಗೆ ಕರೆ ಮಾಡಿದ್ದೆ. ‘ನೀವಿರುವ ಸ್ಥಳದ ಹತ್ತಿರದ ಸಿಗ್ನಲ್ನಲ್ಲಿ ಇದ್ದೇನೆ. ಬೇಗನೇ ಬರುತ್ತೇನೆ’ ಎಂದಿದ್ದರು. ‘ನೀವು ಸ್ಥಳಕ್ಕೆ ಬಂದಿಲ್ಲ. ಅಷ್ಟಾದರೂಕಾಯುವಿಕೆಯ ಶುಲ್ಕ ಬೀಳುತ್ತಿರುವುದು ಏಕೆ’ ಎಂದಿದ್ದೆ’.

. ‘ಅಷ್ಟಕ್ಕೇ ಕೋಪಗೊಂಡ ಚಾಲಕ, ಅವಾಚ್ಯ ಶಬ್ದಗಳಿಂದ ನಿಂದಿಸಲಾರಂಭಿಸಿದ್ದರು. ಕ್ಯಾಬ್ ಬುಕ್ಕಿಂಗ್ ರದ್ದು ಮಾಡಿದರು. ನಂತರ, ಕ್ಯಾಬ್ ಸಮೇತ ಸ್ಥಳಕ್ಕೆ ಬಂದು ಜಗಳ ತೆಗೆದರು’ ಎಂದು ದೂರಿನಲ್ಲಿ ಹೇಳಿರುವುದಾಗಿ ಪೊಲೀಸರು ವಿವರಿಸಿದರು.

. ‘ನಡುರಸ್ತೆಯಲ್ಲೇ ನಮ್ಮ ಜತೆ ಅಸಭ್ಯವಾಗಿ ವರ್ತಿಸಿದ ಚಾಲಕ, ಸಾರ್ವಜನಿಕರ ಎದುರೇ ನಮ್ಮ ಮೇಲೆ ತಮ್ಮ ಚಪ್ಪಲಿ ತೂರಿದರು. ನಮ್ಮ ಗೌರವಕ್ಕೆ ಧಕ್ಕೆ ತಂದರು. ನಿನ್ನನ್ನು ಮುಗಿಸಿ ಬಿಡುತ್ತೇನೆ ಎಂದು ಜೀವ ಬೆದರಿಕೆ ಹಾಕಿದರು’ ಎಂದು ಯುವತಿ ಹೇಳಿರುವುದಾಗಿ ಪೊಲೀಸರು ಮಾಹಿತಿ ನೀಡಿದರು.

. ಅಕ್ರಮ ಚಾಲನೆ ವಿಶಾಲ್ ಪರೇಕ್ ಎಂಬುವರ ಹೆಸರಿಗೆ ಕ್ಯಾಬ್ ನೋಂದಣಿ ಆಗಿದೆ. ಅವರೇ ಆ ಕ್ಯಾಬ್ ಚಲಾಯಿಸಬೇಕಿತ್ತು. ಆದರೆ, ಮಹಾದೇವಯ್ಯ ಅದರ ಚಾಲಕರಾಗಿದ್ದಾರೆ. ಇದು ಅಕ್ರಮ.ಓಲಾ ಕಂಪನಿಗೆ ನೋಟಿಸ್ ನೀಡಲಿದ್ದೇವೆ ಎಂದು ಪೊಲೀಸರು ಹೇಳಿದರು.

. ಓಲಾ ಕಂಪನಿ ಪ್ರತಿನಿಧಿ, ‘ತಪ್ಪಿತಸ್ಥರನ್ನು ಕಂಪನಿಯಿಂದ ಹೊರಗಿಡುತ್ತೇವೆ. ತನಿಖೆಗೆ ಸಹಕರಿಸುತ್ತೇವೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚಪ್ಪಲಿ ತೂರಿದ ಓಲಾ ಚಾಲಕನ ಬಂಧನ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು