ಸಾಧಕಿ | ಬಯಾಪ್ಸಿ ಪರೀಕ್ಷೆಗೆ ನೇರಳೆ ಹಣ್ಣಿನ ಸ್ಟೈನ್‌

ಬೆಂಗಳೂರು: ಜೀವಕಣ, ದ್ರವಗಳನ್ನು ದೇಹದಿಂದ ಬೇರ್ಪಡಿಸಿ ರೋಗಪತ್ತೆ ಮಾಡುವ ವಿಧಾನಕ್ಕೆ (ಬಯಾಪ್ಸಿ) ತಗಲುವ ವೆಚ್ಚವನ್ನು ಶೇ 70ರಷ್ಟು ತಗ್ಗಿಸುವ ನೇರಳೆ ಹಣ್ಣಿನ ಕಲೆಯೊಂದನ್ನು (ಸ್ಟೈನ್) ಬೆಂಗಳೂರಿನ ಸಂಶೋಧಕಿಯೊಬ್ಬರು ಅಭಿವೃದ್ಧಿಪಡಿಸಿದ್ದಾರೆ.

. ಜೀವಕಣ ಸಂಶೋಧನೆಯಲ್ಲಿ ದೇಶದ ಪ್ರಥಮ ಹಕ್ಕುಸ್ವಾಮ್ಯ ಪಡೆಯುವ ಹಂತದಲ್ಲಿ ಈ ಸಂಶೋಧನೆ ಇದ್ದು,ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯದ (ಆರ್ಜಿಯುಎಚ್ಎಸ್) ಮಟ್ಟಿಗೂ ಇದು ಪ್ರಥಮ ಹಕ್ಕುಸ್ವಾಮ್ಯ ಪ್ರಕಟಣೆಯಾಗಿ ಹೊರಹೊಮ್ಮಲಿದೆ.

. ನಗರದ ಡಾ. ಬಿ. ಆರ್. ಅಂಬೇಡ್ಕರ್ ವೈದ್ಯಕೀಯ ಕಾಲೇಜಿನ ಸಂಶೋಧಕಿ ಡಾ. ವಸುಧಾ ಕುಲಕರ್ಣಿ ಅವರು ಈ ಸಾಧನೆ ಮಾಡಿದವರು. ಕ್ಯಾನ್ಸರ್ನಂತಹ ಪರೀಕ್ಷೆಗಳಲ್ಲಿ ಬಯಾಪ್ಸಿ ಪರೀಕ್ಷೆ ಬಹಳ ಮುಖ್ಯವಾದುದು. ಸದ್ಯ ಹೆಮಾಟಾಕ್ಸಿಲಿನ್ ಮತ್ತು ಇಒಸಿನ್ ಎಂಬ ಎರಡು ಸ್ಟೈನಿಂಗ್ ಸೆಲ್ಗಳನ್ನು ಬಳಸಲಾಗುತ್ತದೆ. ಇಒಸಿನ್ ಒಂದು ರಾಸಾಯನಿಕವಾಗಿದ್ದು, ಸಿಟೋಪ್ಲಾಸ್ಮ್ ಅನ್ನು ಸ್ಟೈನ್ ಮಾಡಲು ಬಳಸಲಾಗುತ್ತದೆ. ಜೀವಕಣದ ನ್ಯೂಕ್ಲಿಯಸ್ ಅನ್ನು ಸ್ಟೈನ್ ಮಾಡುವುದಕ್ಕೆ ಹೆಮಟಾಕ್ಸಿಲಿನ್ ಬಳಕೆಯಾಗುತ್ತದೆ.

. ‘ಪಾಶ್ಚಿಮಾತ್ಯ ದೇಶಗಳಲ್ಲಿ ಬೆಳೆಯುವ ಮರವೊಂದರಿಂದ ಹೆಮಟಾಕ್ಸಿಲಿನ್ ಬಳಸಲಾಗುತ್ತದೆ. ಇದರಿಂದಾಗಿ ಭಾರತದಲ್ಲಿ ಇದು ಬಹಳ ದುಬಾರಿ. 25 ಗ್ರಾಂಗೆ ₹2,500ರಿಂದ 5 ಸಾವಿರದ ತನಕ ದರ ಇದೆ. ಆದರೆ ನೇರಳೆ ಹಣ್ಣು ಕೆ.ಜಿ.ಗೆ ₹ 750 ರಲ್ಲೇ ನಮಗೆ ಸಿಗುತ್ತದೆ. ಹೀಗಾಗಿ ಮುಂದೆ ನೇರಳೆ ಹಣ್ಣಿನಿಂದ ಸಿದ್ಧವಾದ ಸ್ಟೈನ್ ಬಳಕೆ ಶುರುವಾದರೆ ಬಯಾಪ್ಸಿಗೆ ಈಗ ತಗಲುವ ₹ 9 ಸಾವಿರ ವೆಚ್ಚದಲ್ಲಿ ಶೇ 70ರಷ್ಟು ಕಡಿತ ಉಂಟಾಗಬಹುದು’ ಎಂದು ವಸುಧಾ ಕುಲಕರ್ಣಿ ಹೇಳಿದರು.

. ಈ ಸಾಧನೆಗೆ ಹರ್ಷ ವ್ಯಕ್ತಪಡಿಸಿರುವ ಕುಲಪತಿ ಡಾ. ಎಸ್. ಸಚ್ಚಿದಾನಂದ, ‘ಸಮುದಾಯಕ್ಕೆ ಇದನ್ನು ಹೇಗೆ ಸಮರ್ಥವಾಗಿ ಬಳಸಬಹುದು ಎಂಬುದನ್ನು ಕಂಡುಕೊಳ್ಳಬೇಕಾಗಿದೆ. ಇನ್ನೂ ಐದು ಹಕ್ಕುಸ್ವಾಮ್ಯಗಳನ್ನು ಸಾಧಿಸುವ ಹಂತದಲ್ಲಿದ್ದೇವೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಾಧಕಿ | ಬಯಾಪ್ಸಿ ಪರೀಕ್ಷೆಗೆ ನೇರಳೆ ಹಣ್ಣಿನ ಸ್ಟೈನ್‌

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌