<p><strong>ಬೆಂಗಳೂರು: </strong>ವಿಶ್ವ ಭೂ ದಿನಾಚರಣೆಯನ್ನು ನಗರದಲ್ಲಿಸೋಮವಾರ ಸಂಭ್ರಮದಿಂದ ಆಚರಿಸಲಾಯಿತು. ಜಾಥಾ, ಸೈಕಲ್ ಸವಾರಿ, ನೃತ್ಯ ಹಾಗೂ ಕಲಾಕೃತಿ ಪ್ರದರ್ಶನದ ಮೂಲಕ ಪರಿಸರ ಪ್ರೇಮಿಗಳು ಜಾಗೃತಿ ಮೂಡಿಸಿದರು.</p>.<p>ಅವನಿ ರೋಟರಿ ಕ್ಲಬ್ ಪಂಚಭೂತಗಳ ಕುರಿತು ಜಾಗೃತಿ ಮೂಡಿಸಲು ಬೆಂಗಳೂರು ಅಂತರರಾಷ್ಟ್ರೀಯ ಕೇಂದ್ರದಲ್ಲಿ 45 ದಿನಗಳ‘ಪರಿಸರ ಉತ್ಸವ’ವನ್ನು ಹಮ್ಮಿಕೊಂಡಿದೆ. ನಟ ಯಶ್ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಹುಲಿ ಮುಖವಾಡ ಹೊತ್ತ ಸೈಕಲ್ ಹತ್ತಿ, ಜಾಗೃತಿ ಮೂಡಿಸಿದರು. ಮಕ್ಕಳು ಸೆಲ್ಫಿ ತೆಗೆದುಕೊಂಡು ಸಂಭ್ರಮಿಸಿದರು.</p>.<p>ಬಳಿಕ ಮಾತನಾಡಿದ ಯಶ್,‘ಸರ್ಕಾರಗಳಿಗೆ ಪರಿಸರ ಸಂರಕ್ಷಣೆ ಮುಖ್ಯವಾಗುವುದಿಲ್ಲ. ಬೇಡವಾದ ಕೆಲಸಗಳಲ್ಲಿ ತೊಡಗಿರುತ್ತವೆ. ಆದ ಕಾರಣ ಜನರೇ ಪರಿಸರ ಸಂರಕ್ಷಣೆಗೆ ಮುಂದಾಗಬೇಕು.ಮನುಷ್ಯ ಸತ್ತ ಮೇಲೆ ತನ್ನನ್ನು ಸುಡಲಾದರೂ ಎರಡು ಮರ ಬೆಳೆಸಬೇಕು. ತಮ್ಮಮಕ್ಕಳನ್ನು ಬೆಳೆಸುವ ರೀತಿ ಮರಗಳನ್ನೂ ಪೋಷಕರುಪಾಲನೆ ಮಾಡಬೇಕು’ ಎಂದು ಹೇಳಿದರು.</p>.<p>ಮೇಯರ್ ಗಂಗಾಂಬಿಕೆ ಮಲ್ಲಿಕಾರ್ಜುನ ಮಾತನಾಡಿ,‘ಆಧುನೀಕರಣದ ಹೆಸರಿನಲ್ಲಿ ಇಂದು ನಾವು ಬೆಂಗಳೂರಿನ ಪರಿಸರವನ್ನು ನಾಶ ಮಾಡುತ್ತಿದ್ದೇವೆ. ಬೆಂಗಳೂರು ದೆಹಲಿಯಂತೆ ಮಾಲಿನ್ಯ ನಗರವಾಗುವುದನ್ನು ತಪ್ಪಿಸಲು ಹೆಚ್ಚು ಹೆಚ್ಚು ಗಿಡಗಳನ್ನು ನೆಡಬೇಕು’ ಎಂದು ಹೇಳಿದರು.</p>.<p>27 ಕಲಾವಿದರು ರಚಿಸಿದ ಪಂಚಭೂತಗಳಿಗೆ ಸಂಬಂಧಿಸಿದ 50 ಕಲಾಕೃತಿಗಳ ಪ್ರದರ್ಶನವನ್ನುಏರ್ಪಡಿಸಲಾಗಿತ್ತು. ಕಲಾಕೃತಿಗಳು ಗಮನ ಸೆಳೆದವು.</p>.<p>‘ನಮ್ಮನ್ನು ಏನೂ ಮಾಡಲಾಗುವುದಿಲ್ಲ’</p>.<p>ಮುಖ್ಯಮಂತ್ರಿಗಳು ನಿಮ್ಮನ್ನು ಟಾರ್ಗೆಟ್ ಮಾಡುತ್ತಿದ್ದಾರೆಯೇ ಎನ್ನುವ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದ ನಟ ಯಶ್, ‘ನಾವು ಸಾರ್ವಜನಿಕರ ಆಸ್ತಿ. ನಮ್ಮನ್ನು ಏನೂ ಮಾಡಲಾಗುವುದಿಲ್ಲ.ಹಾಗೇನಾದರೂ ನಮ್ಮ ತಂಟೆಗೆ ಬಂದರೆ ಸುಮ್ಮನಿರುವುದಿಲ್ಲ’ ಎಂದು ಉತ್ತರಿಸಿದರು.</p>.<p>‘ಮಂಡ್ಯದಲ್ಲಿ ಶೇ 80ರಷ್ಟು ಮತದಾನವಾಗಿರುವುದು ಖುಷಿ ತಂದಿದೆ. ಒಳ್ಳೆಯ ಫಲಿಂತಾಶ ಬರಬಹುದು ಕಾದುನೋಡೋಣ, ಶಿವರಾಮೇಗೌಡರಂಥ ವ್ಯಕ್ತಿಗಳ ಹೇಳಿಕೆಯ ಕುರಿತು ನಾನು ಮಾತನಾಡುವುದಿಲ್ಲ’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ವಿಶ್ವ ಭೂ ದಿನಾಚರಣೆಯನ್ನು ನಗರದಲ್ಲಿಸೋಮವಾರ ಸಂಭ್ರಮದಿಂದ ಆಚರಿಸಲಾಯಿತು. ಜಾಥಾ, ಸೈಕಲ್ ಸವಾರಿ, ನೃತ್ಯ ಹಾಗೂ ಕಲಾಕೃತಿ ಪ್ರದರ್ಶನದ ಮೂಲಕ ಪರಿಸರ ಪ್ರೇಮಿಗಳು ಜಾಗೃತಿ ಮೂಡಿಸಿದರು.</p>.<p>ಅವನಿ ರೋಟರಿ ಕ್ಲಬ್ ಪಂಚಭೂತಗಳ ಕುರಿತು ಜಾಗೃತಿ ಮೂಡಿಸಲು ಬೆಂಗಳೂರು ಅಂತರರಾಷ್ಟ್ರೀಯ ಕೇಂದ್ರದಲ್ಲಿ 45 ದಿನಗಳ‘ಪರಿಸರ ಉತ್ಸವ’ವನ್ನು ಹಮ್ಮಿಕೊಂಡಿದೆ. ನಟ ಯಶ್ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಹುಲಿ ಮುಖವಾಡ ಹೊತ್ತ ಸೈಕಲ್ ಹತ್ತಿ, ಜಾಗೃತಿ ಮೂಡಿಸಿದರು. ಮಕ್ಕಳು ಸೆಲ್ಫಿ ತೆಗೆದುಕೊಂಡು ಸಂಭ್ರಮಿಸಿದರು.</p>.<p>ಬಳಿಕ ಮಾತನಾಡಿದ ಯಶ್,‘ಸರ್ಕಾರಗಳಿಗೆ ಪರಿಸರ ಸಂರಕ್ಷಣೆ ಮುಖ್ಯವಾಗುವುದಿಲ್ಲ. ಬೇಡವಾದ ಕೆಲಸಗಳಲ್ಲಿ ತೊಡಗಿರುತ್ತವೆ. ಆದ ಕಾರಣ ಜನರೇ ಪರಿಸರ ಸಂರಕ್ಷಣೆಗೆ ಮುಂದಾಗಬೇಕು.ಮನುಷ್ಯ ಸತ್ತ ಮೇಲೆ ತನ್ನನ್ನು ಸುಡಲಾದರೂ ಎರಡು ಮರ ಬೆಳೆಸಬೇಕು. ತಮ್ಮಮಕ್ಕಳನ್ನು ಬೆಳೆಸುವ ರೀತಿ ಮರಗಳನ್ನೂ ಪೋಷಕರುಪಾಲನೆ ಮಾಡಬೇಕು’ ಎಂದು ಹೇಳಿದರು.</p>.<p>ಮೇಯರ್ ಗಂಗಾಂಬಿಕೆ ಮಲ್ಲಿಕಾರ್ಜುನ ಮಾತನಾಡಿ,‘ಆಧುನೀಕರಣದ ಹೆಸರಿನಲ್ಲಿ ಇಂದು ನಾವು ಬೆಂಗಳೂರಿನ ಪರಿಸರವನ್ನು ನಾಶ ಮಾಡುತ್ತಿದ್ದೇವೆ. ಬೆಂಗಳೂರು ದೆಹಲಿಯಂತೆ ಮಾಲಿನ್ಯ ನಗರವಾಗುವುದನ್ನು ತಪ್ಪಿಸಲು ಹೆಚ್ಚು ಹೆಚ್ಚು ಗಿಡಗಳನ್ನು ನೆಡಬೇಕು’ ಎಂದು ಹೇಳಿದರು.</p>.<p>27 ಕಲಾವಿದರು ರಚಿಸಿದ ಪಂಚಭೂತಗಳಿಗೆ ಸಂಬಂಧಿಸಿದ 50 ಕಲಾಕೃತಿಗಳ ಪ್ರದರ್ಶನವನ್ನುಏರ್ಪಡಿಸಲಾಗಿತ್ತು. ಕಲಾಕೃತಿಗಳು ಗಮನ ಸೆಳೆದವು.</p>.<p>‘ನಮ್ಮನ್ನು ಏನೂ ಮಾಡಲಾಗುವುದಿಲ್ಲ’</p>.<p>ಮುಖ್ಯಮಂತ್ರಿಗಳು ನಿಮ್ಮನ್ನು ಟಾರ್ಗೆಟ್ ಮಾಡುತ್ತಿದ್ದಾರೆಯೇ ಎನ್ನುವ ಪತ್ರಕರ್ತರ ಪ್ರಶ್ನೆಗೆ ಉತ್ತರಿಸಿದ ನಟ ಯಶ್, ‘ನಾವು ಸಾರ್ವಜನಿಕರ ಆಸ್ತಿ. ನಮ್ಮನ್ನು ಏನೂ ಮಾಡಲಾಗುವುದಿಲ್ಲ.ಹಾಗೇನಾದರೂ ನಮ್ಮ ತಂಟೆಗೆ ಬಂದರೆ ಸುಮ್ಮನಿರುವುದಿಲ್ಲ’ ಎಂದು ಉತ್ತರಿಸಿದರು.</p>.<p>‘ಮಂಡ್ಯದಲ್ಲಿ ಶೇ 80ರಷ್ಟು ಮತದಾನವಾಗಿರುವುದು ಖುಷಿ ತಂದಿದೆ. ಒಳ್ಳೆಯ ಫಲಿಂತಾಶ ಬರಬಹುದು ಕಾದುನೋಡೋಣ, ಶಿವರಾಮೇಗೌಡರಂಥ ವ್ಯಕ್ತಿಗಳ ಹೇಳಿಕೆಯ ಕುರಿತು ನಾನು ಮಾತನಾಡುವುದಿಲ್ಲ’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
