ಕಾಲದೊಂದಿಗೆ ಕಾವ್ಯದ ಮುಖಾಮುಖಿ

ಬೆಂಗಳೂರು: ಅಲ್ಲಲ್ಲಿ ಇಣುಕುತ್ತಿದ್ದ ಸೂರ್ಯನ ಕಿರಣಗಳು, ಹಿತವಾದ ಚಳಿಯಿಂದ ರೂಪುಗೊಂಡಿದ್ದ ಆಹ್ಲಾದಕರ ವಾತಾವರಣದ ನಡುವೆ ಭಾನುವಾರ ನಡೆದ ‘ಕಾಲದೊಂದಿಗೆ ಕವಿತೆ’ ಗೋಷ್ಠಿ ಸಹೃದಯರ ಮನಗೆದ್ದಿತು.

. ‘ನಾವು ಹುಡುಗಿಯರೇ ಹೀಗೆ’ ಎಂದು ನಲ್ವತ್ತು ವರ್ಷಗಳ ಹಿಂದೆ ಕನ್ನಡ ಕಾವ್ಯ ಲೋಕ ಪ್ರವೇಶಿಸಿದ್ದ ಪ್ರತಿಭಾ ನಂದ ಕುಮಾರ್ ಅವರು ‘ಮುದುಕಿಯರಿಗಿದು ಕಾಲವಲ್ಲ...’ ಎಂಬ ಕವಿತೆ ವಾಚಿಸುವ ಮೂಲಕ ಗೋಷ್ಠಿಗೆ ಚಾಲನೆ ನೀಡಿದರು.

. ಲೇಖಕ ವಿವೇಕ ಶಾನಭಾಗ ಅವರು ಪೇಜಾವರ ಸದಾಶಿವರಾಯರಿಂದ ಹಿಡಿದು ಕವಿ ಸಿದ್ದಲಿಂಗಯ್ಯ ಅವರವರೆಗೆ ವಿವಿಧ ಕವಿಗಳ ಬಗ್ಗೆ ಪುಟ್ಟ ಟಿಪ್ಪಣಿಗಳನ್ನು ನೀಡುತ್ತಾ ನೆರೆದವರಿಗೆ ಕನ್ನಡ ಕವಿ–ಕಾವ್ಯ ಲೋಕದ ಪರಿಚಯ ಮಾಡಿಕೊಟ್ಟರು.

. ಕನ್ನಡದ ಅನೇಕ ಲೇಖಕ–ಕವಿಗಳು ಪ್ರತಿಭಾ ಅವರ ಬರಹಗಳಿಂದ ಪ್ರಭಾವಿತರಾಗಿದ್ದಾರೆ ಎಂದು ಅವರು ಅಭಿಪ್ರಾಯಪಟ್ಟರು. ಕನ್ನಡ ಕಾವ್ಯ ಲೋಕಕ್ಕೆ ಚಂದ್ರಶೇಖರ ಕಂಬಾರರಿಂದ ಜಾನಪದ ಸಂಗೀತದ ಸ್ಪರ್ಶವಾಯಿತು. ಕೆ.ವಿ. ತಿರುಮಲೇಶ್, ಗೋಪಾಲಕೃಷ್ಣ ಅಡಿಗರಿಂದ ಕನ್ನಡ ಕಾವ್ಯಲೋಕ ಹೊಸ ತಿರುವು ಪಡೆಯಿತು ಎಂದರು.

. ಗೋಷ್ಠಿಯ ಕೊನೆಯಲ್ಲಿ ಪ್ರತಿಭಾ ನಂದಕುಮಾರ್ ಅವರು ಓದಿದ ‘ಅಡುಗೆ ಮಾಡುತ್ತಿದ್ದೇನೆ’ ಕವಿತೆ ಪ್ರೇಕ್ಷಕರು ನಗೆಗಡಲಿನಲ್ಲಿ ತೇಲುವಂತೆ ಮಾಡಿತು.

. ‘ಲ್ಯಾಂಬ್ರೆಟಾ ಸ್ಕೂಟರ್’ ಕವಿತೆ ಹುಟ್ಟಿದ ಬಗೆ!: ನಳಿನಿ ದೇಶಪಾಂಡೆ ಹೆಸರಿನಲ್ಲಿ ಬೇರೊಬ್ಬರು ‘ಲ್ಯಾಬ್ರೆಂಟಾ ಸ್ಕೂಟರ್’ ಎನ್ನುವ ಕವಿತೆ ಬರೆದ ಬಗೆಯನ್ನು ಕವಯತ್ರಿ ಪ್ರತಿಭಾ ನಂದಕುಮಾರ್ ಗೋಷ್ಠಿಯಲ್ಲಿ ನೆನಪಿಸಿಕೊಂಡರು.

. 70ರ ದಶಕದಲ್ಲಿ ಕನ್ನಡ ಕಾವ್ಯಲೋಕದ ಪ್ರಾತಿನಿಧಿಕ ಸಂಕಲನವೊಂದನ್ನು ಹೊರತರಬೇಕೆಂದು ಪಿ. ಲಂಕೇಶ್ ಬಯಸಿದ್ದರು. ಅಂತೆಯೇ ಅವರು ‘ಅಕ್ಷರ ಹೊಸ ಕಾವ್ಯ’ ಎಂಬ ಸಂಕಲನವನ್ನೂ ತಂದರು.

. ‘ಆ ಕಾಲದಲ್ಲಿ ಮಹಿಳೆಯರು ಅಷ್ಟಾಗಿ ಕವಿತೆ ಬರೆಯುತ್ತಿರಲಿಲ್ಲ. ಈ ಕೊರತೆ ನೀಗಿಸಬೇಕೆಂದು ಪೂರ್ಣಚಂದ್ರ ತೇಜಸ್ವಿಯೋ ಅಥವಾ ಸಮತೀಂದ್ರ ನಾಡಿಗರೋ ಯಾರು ಎಂದು ಸರಿಯಾಗಿ ನೆನಪಿಲ್ಲ, ನಳಿನಿ ದೇಶಪಾಂಡೆ ಎನ್ನುವ ಹೆಸರಿನಲ್ಲಿ ‘ಲ್ಯಾಂಬ್ರೆಟಾ ವೆಸ್ಪಾ ಸ್ಕೂಟರ್’ ಎನ್ನುವ ಕ್ರಾಂತಿಕಾರಿ ಕವಿತೆಯೊಂದನ್ನು ಬರೆದರು. ಈ ಕವಿತೆ ಕನ್ನಡ ಕಾವ್ಯ ಲೋಕದಲ್ಲಿ ಸಂಚಲನ ಸೃಷ್ಟಿಸಿತ್ತು’ ಎಂದು ಪ್ರತಿಭಾ ತಿಳಿಸಿದರು.

. ‘ಈಗ ಹಿಂದೂ ಧರ್ಮ ಎಂದು ಮಾತನಾಡುವವರಿಗೆ ಈ ಕವಿತೆ ಸೂಕ್ತವಾದ ಉತ್ತರ ನೀಡುತ್ತದೆ’ ಎಂದ ಪ್ರತಿಭಾ, ಲ್ಯಾಂಬ್ರೆಟಾ ಸ್ಕೂಟರ್ ಕವಿತೆಯನ್ನು ಓದಿದಾಗ ಪ್ರೇಕ್ಷಕರು ಚಪ್ಪಾಳೆಯ ಮಳೆ ಸುರಿಸಿ ಮೆಚ್ಚುಗೆ ವ್ಯಕ್ತಪಡಿಸಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಾಲದೊಂದಿಗೆ ಕಾವ್ಯದ ಮುಖಾಮುಖಿ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕ್ಷಮಿಸಿಬುಡಿ...

ವಲಸೆ ನೀತಿ; ಸರ್ಕಾರಿಂದ ತಪ್ಪಾಗಿದೆ ಎಂದ ಕೆನಡಾ ಪ್ರಧಾನಿ‌

ಕುಕ್ಕೆ ಸುಬ್ರಹ್ಮಣ್ಯಕ್ಕೆ ಕ್ರಿಕೆಟ್‌ ಆಟಗಾರ ಸೂರ್ಯ ಕುಮಾರ್ ಯಾದವ್ ಭೇಟಿ

PHOTOS | ಅಂದ-ಚೆಂದದ ಉಡುಗೆಯಲ್ಲಿ ಮಿಂಚಿದ ಸ್ಮೃತಿ ಮಂದಾನ

ಕ್ರಿಕೆಟ್‌ ತಂಡಕ್ಕೆ ಆಯ್ಕೆಯಾಗದ್ದಕ್ಕೆ ನೊಂದು ಪಿಯು ವಿದ್ಯಾರ್ಥಿ ಆತ್ಮಹತ್ಯೆ

ಗಾಯದ ನೋವು ಮರೆಯಲು ದೊಡ್ಡ ಸಾಧನೆಯೇ ಔಷಧ: ಬೌಲರ್ ಎಂ. ವೆಂಕಟೇಶ್ ಸಂದರ್ಶನ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಮಂಗಳವಾರ, ನವೆಂಬರ್ 19 2024

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕ್ಷಮಿಸಿಬುಡಿ...

ವಲಸೆ ನೀತಿ; ಸರ್ಕಾರಿಂದ ತಪ್ಪಾಗಿದೆ ಎಂದ ಕೆನಡಾ ಪ್ರಧಾನಿ‌