<p><strong>ಬೆಂಗಳೂರು</strong>: ‘ಆನುವಂಶಿಕತೆ ಹಾಗೂ ನಾವು ಬದುಕುವ ವಾತಾವರಣದ ಪ್ರಭಾವದಿಂದ ನಮ್ಮ ಎಲ್ಲಾ ಚಿಂತನೆಗಳು ಅಶುದ್ಧವಾಗಿವೆ. ಹಾಗಾಗಿ ಶುದ್ಧ ಮನಸ್ಸು ಎನ್ನುವುದು ಇಲ್ಲವೇ ಇಲ್ಲ’ ಎಂದು ವಿದ್ವಾಂಸ ಬನ್ನಂಜೆ ಗೋವಿಂದಾಚಾರ್ಯ ಅಭಿಪ್ರಾಯ ವ್ಯಕ್ತಪಡಿಸಿದರು.</p>.<p>ಬನ್ನಂಜೆ ಗೋವಿಂದಾಚಾರ್ಯ ಪ್ರತಿಷ್ಠಾನ ಬುಧವಾರ ಹಮ್ಮಿಕೊಂಡಿದ್ದ ಬನ್ನಂಜೆ ಪುರಸ್ಕಾರ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ನಾವು ಹುಟ್ಟಿದ ವಾತಾವರಣದಲ್ಲಿ ಪೋಷಕರ ಪ್ರಭಾವ, ಮತದ ಪ್ರಭಾವ ಇರುತ್ತದೆ. ಪ್ರತಿಯೊಬ್ಬರಿಗೂ ತಮ್ಮ ಪರಂಪರೆ, ಜಾತಿ, ಮತವೇ ಶ್ರೇಷ್ಠ ಎನ್ನುವ ಭ್ರಮೆ ಇರುತ್ತದೆ’ ಎಂದು ಹೇಳಿದರು.</p>.<p>‘ಸತ್ಯವನ್ನು ಗ್ರಹಿಸುವ ಶುದ್ಧ ಬುದ್ಧಿ ಬೇಕು. ಅದು ಯಾರಲ್ಲೂ ಇಲ್ಲ. ಏನೂ ಗೊತ್ತಿಲ್ಲದವರು, ಅರ್ಧ ತಿಳಿದವರು ಕ್ಯಾಮೆರಾ ಎದುರು ಅಭಯಹಸ್ತ ಹಿಡಿದು ದೇಶಕ್ಕೆ ಉಪದೇಶ ನೀಡುತ್ತಿ<br /> ದ್ದಾರೆ. ಸತ್ಯದ ಅರಿವು ಬಹಳ ಕಷ್ಟ. ಹಾಗಾಗಿ ದೇವರ ಬಗ್ಗೆ ಗೊತ್ತಿದೆ ಎಂದು ಹೇಳುವವರಿಂದ ದೂರ ಇರಿ’ ಎಂದು ಕಿವಿಮಾತು ಹೇಳಿದರು. </p>.<p>ದೇವರ ಬಗ್ಗೆ ಗೊತ್ತಿದ್ದರೆ ಅದನ್ನು ಅಭಿವ್ಯಕ್ತಿಸಲು ಸಾಧ್ಯವಿಲ್ಲ. ಏಕೆಂದರೆ ಅನುಭವವನ್ನು ಯಾವತ್ತು ಭಾಷೆ ಮೂಲಕ ಮತ್ತೊಬ್ಬರಿಗೆ ಸಂವಹನ ಮಾಡಲು ಸಾಧ್ಯವಿಲ್ಲ. ಒಂದು ಶಬ್ದಕ್ಕೆ ನಿಯತವಾದ ಅರ್ಥ ಇರುತ್ತದೆ. ಆ ಅರ್ಥ ಗೊತ್ತಿದ್ದರೆ ಮಾತ್ರ ಭಾಷೆ ಅರ್ಥ ಆಗುತ್ತದೆ. ಇಲ್ಲದಿದ್ದರೆ ಭಾಷೆ ಏನನ್ನೂ ಸಂವಹನ ಮಾಡುವುದಿಲ್ಲ ಎಂದು ತಿಳಿಸಿದರು.</p>.<p>ಮಾನವ ಏಕತಾ ಮಿಷನ್ನ ಸಂಸ್ಥಾಪಕ ಶ್ರೀ ಎಂ, ‘ಪೂಜಿಸುವುದಕ್ಕಿಂತ ಮನಸ್ಸಿನ ಗುಣಮಟ್ಟ ಕಾಯ್ದುಕೊಳ್ಳುವುದು ಆಚಾರ್ಯರಿಗೆ, ಯೋಗಿಗಳಿಗೆ ಬಹಳ ಮುಖ್ಯ. ಗ್ರಹಿಕೆಗಳನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು, ಎಲ್ಲಾ ಸಂದರ್ಭಗಳಲ್ಲೂ ಮನಸ್ಸನ್ನು ಪ್ರಶಾಂತವಾಗಿ, ಸಮತೋಲನವಾಗಿರುವುದು ಹಾಗೂ ಹೊಗಳಿಕೆಯಾಗಲಿ, ತೆಗಳಿಕೆಯಾಗಲಿ ಎಲ್ಲವನ್ನು ಸಮಚಿತ್ತದಿಂದ ಸ್ವೀಕರಿಸುವ ಮನಸ್ಸು... ಈ ರೀತಿಯ ಗುಣಗಳನ್ನು ಯೋಗಿಗಳು ಬೆಳೆಸಿಕೊಳ್ಳಬೇಕು’ ಎಂದು ಸಲಹೆ ನೀಡಿದರು.</p>.<p>ಸಂಸ್ಕೃತ ಚಿತ್ರಕಾವ್ಯ ರಚಿಸುವ ಅವಧಾನಿ ಡಾ. ಶಂಕರ ರಾಜಾರಾಮನ್ ಅವರಿಗೆ ಬನ್ನಂಜೆ ಪುರಸ್ಕಾರ ನೀಡಿ ಸನ್ಮಾನಿಸಲಾಯಿತು. ಪ್ರಶಸ್ತಿಯು ₹25 ಸಾವಿರ ನಗದು ಮತ್ತು ಸ್ಮರಣಿಕೆಯನ್ನು ಹೊಂದಿದೆ. ಪರಾಶರ ಕಂಡ ಪರಾತತ್ವ, ಇನ್ನಷ್ಟೇ ಹೇಳದೆ ಉಳಿದದ್ದು ಪುಸ್ತಕ<br /> ಗಳನ್ನು ಬಿಡುಗಡೆ ಮಾಡಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ‘ಆನುವಂಶಿಕತೆ ಹಾಗೂ ನಾವು ಬದುಕುವ ವಾತಾವರಣದ ಪ್ರಭಾವದಿಂದ ನಮ್ಮ ಎಲ್ಲಾ ಚಿಂತನೆಗಳು ಅಶುದ್ಧವಾಗಿವೆ. ಹಾಗಾಗಿ ಶುದ್ಧ ಮನಸ್ಸು ಎನ್ನುವುದು ಇಲ್ಲವೇ ಇಲ್ಲ’ ಎಂದು ವಿದ್ವಾಂಸ ಬನ್ನಂಜೆ ಗೋವಿಂದಾಚಾರ್ಯ ಅಭಿಪ್ರಾಯ ವ್ಯಕ್ತಪಡಿಸಿದರು.</p>.<p>ಬನ್ನಂಜೆ ಗೋವಿಂದಾಚಾರ್ಯ ಪ್ರತಿಷ್ಠಾನ ಬುಧವಾರ ಹಮ್ಮಿಕೊಂಡಿದ್ದ ಬನ್ನಂಜೆ ಪುರಸ್ಕಾರ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.</p>.<p>‘ನಾವು ಹುಟ್ಟಿದ ವಾತಾವರಣದಲ್ಲಿ ಪೋಷಕರ ಪ್ರಭಾವ, ಮತದ ಪ್ರಭಾವ ಇರುತ್ತದೆ. ಪ್ರತಿಯೊಬ್ಬರಿಗೂ ತಮ್ಮ ಪರಂಪರೆ, ಜಾತಿ, ಮತವೇ ಶ್ರೇಷ್ಠ ಎನ್ನುವ ಭ್ರಮೆ ಇರುತ್ತದೆ’ ಎಂದು ಹೇಳಿದರು.</p>.<p>‘ಸತ್ಯವನ್ನು ಗ್ರಹಿಸುವ ಶುದ್ಧ ಬುದ್ಧಿ ಬೇಕು. ಅದು ಯಾರಲ್ಲೂ ಇಲ್ಲ. ಏನೂ ಗೊತ್ತಿಲ್ಲದವರು, ಅರ್ಧ ತಿಳಿದವರು ಕ್ಯಾಮೆರಾ ಎದುರು ಅಭಯಹಸ್ತ ಹಿಡಿದು ದೇಶಕ್ಕೆ ಉಪದೇಶ ನೀಡುತ್ತಿ<br /> ದ್ದಾರೆ. ಸತ್ಯದ ಅರಿವು ಬಹಳ ಕಷ್ಟ. ಹಾಗಾಗಿ ದೇವರ ಬಗ್ಗೆ ಗೊತ್ತಿದೆ ಎಂದು ಹೇಳುವವರಿಂದ ದೂರ ಇರಿ’ ಎಂದು ಕಿವಿಮಾತು ಹೇಳಿದರು. </p>.<p>ದೇವರ ಬಗ್ಗೆ ಗೊತ್ತಿದ್ದರೆ ಅದನ್ನು ಅಭಿವ್ಯಕ್ತಿಸಲು ಸಾಧ್ಯವಿಲ್ಲ. ಏಕೆಂದರೆ ಅನುಭವವನ್ನು ಯಾವತ್ತು ಭಾಷೆ ಮೂಲಕ ಮತ್ತೊಬ್ಬರಿಗೆ ಸಂವಹನ ಮಾಡಲು ಸಾಧ್ಯವಿಲ್ಲ. ಒಂದು ಶಬ್ದಕ್ಕೆ ನಿಯತವಾದ ಅರ್ಥ ಇರುತ್ತದೆ. ಆ ಅರ್ಥ ಗೊತ್ತಿದ್ದರೆ ಮಾತ್ರ ಭಾಷೆ ಅರ್ಥ ಆಗುತ್ತದೆ. ಇಲ್ಲದಿದ್ದರೆ ಭಾಷೆ ಏನನ್ನೂ ಸಂವಹನ ಮಾಡುವುದಿಲ್ಲ ಎಂದು ತಿಳಿಸಿದರು.</p>.<p>ಮಾನವ ಏಕತಾ ಮಿಷನ್ನ ಸಂಸ್ಥಾಪಕ ಶ್ರೀ ಎಂ, ‘ಪೂಜಿಸುವುದಕ್ಕಿಂತ ಮನಸ್ಸಿನ ಗುಣಮಟ್ಟ ಕಾಯ್ದುಕೊಳ್ಳುವುದು ಆಚಾರ್ಯರಿಗೆ, ಯೋಗಿಗಳಿಗೆ ಬಹಳ ಮುಖ್ಯ. ಗ್ರಹಿಕೆಗಳನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು, ಎಲ್ಲಾ ಸಂದರ್ಭಗಳಲ್ಲೂ ಮನಸ್ಸನ್ನು ಪ್ರಶಾಂತವಾಗಿ, ಸಮತೋಲನವಾಗಿರುವುದು ಹಾಗೂ ಹೊಗಳಿಕೆಯಾಗಲಿ, ತೆಗಳಿಕೆಯಾಗಲಿ ಎಲ್ಲವನ್ನು ಸಮಚಿತ್ತದಿಂದ ಸ್ವೀಕರಿಸುವ ಮನಸ್ಸು... ಈ ರೀತಿಯ ಗುಣಗಳನ್ನು ಯೋಗಿಗಳು ಬೆಳೆಸಿಕೊಳ್ಳಬೇಕು’ ಎಂದು ಸಲಹೆ ನೀಡಿದರು.</p>.<p>ಸಂಸ್ಕೃತ ಚಿತ್ರಕಾವ್ಯ ರಚಿಸುವ ಅವಧಾನಿ ಡಾ. ಶಂಕರ ರಾಜಾರಾಮನ್ ಅವರಿಗೆ ಬನ್ನಂಜೆ ಪುರಸ್ಕಾರ ನೀಡಿ ಸನ್ಮಾನಿಸಲಾಯಿತು. ಪ್ರಶಸ್ತಿಯು ₹25 ಸಾವಿರ ನಗದು ಮತ್ತು ಸ್ಮರಣಿಕೆಯನ್ನು ಹೊಂದಿದೆ. ಪರಾಶರ ಕಂಡ ಪರಾತತ್ವ, ಇನ್ನಷ್ಟೇ ಹೇಳದೆ ಉಳಿದದ್ದು ಪುಸ್ತಕ<br /> ಗಳನ್ನು ಬಿಡುಗಡೆ ಮಾಡಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
