<p><strong>ಬೆಂಗಳೂರು:</strong> ಹೆಸರಘಟ್ಟ ಗ್ರಾಮದ ರೈತರ ಸೇವಾ ಸಹಕಾರ ಸಂಘದ ಉಪಾಧ್ಯಕ್ಷ ಚಂದ್ರಪ್ಪ ಎಂಬುವವರು ತಾವು ನೀಡಿದ್ದ ಸಾಲಕ್ಕೆ ಹೆಚ್ಚಿನ ಬಡ್ಡಿ ಕೊಡಲು ಒಪ್ಪದ ಮಹಿಳೆಯನ್ನು ಅಪಹರಿಸಿ ಹಲ್ಲೆ ನಡೆಸಿರುವ ಬಗ್ಗೆ ಸೋಲದೇವನಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.<br />ಹೆಸರಘಟ್ಟ ಗ್ರಾಮದ ನಿವಾಸಿ ಮುನಿರತ್ನಮ್ಮ ಎಂಬುವರು ಚಂದ್ರಪ್ಪ ಅವರಿಂದ ₹ 5 ಲಕ್ಷ ಸಾಲವನ್ನು ತೆಗೆದುಕೊಂಡಿದ್ದರು.</p>.<p>ಹಣ ಕೊಡುವುದು ತಡವಾದಾಗ ಶೇ 10ರಷ್ಟು ಹೆಚ್ಚಿನ ಬಡ್ಡಿ ಹಣ ನೀಡಬೇಕೆಂದು ಚಂದ್ರಪ್ಪ ಮುನಿರತ್ನಮ್ಮ ಅವರಿಗೆ ಕೇಳಿದ್ದಾರೆ. ಇದಕ್ಕೆ ಅವರು ಒಪ್ಪದಿದ್ದಾಗ ನಾಲ್ಕು ಜನ ಸ್ನೇಹಿತರ ಜೊತೆ ಬಂದ ಚಂದ್ರಪ್ಪ, ಮುನಿರತ್ನಮ್ಮ ಮನೆಯಲ್ಲಿದ್ದ ಚಿನ್ನದ ಒಡವೆ ₹ 6 ಸಾವಿರ ನಗದು ಹಣವನ್ನು ಬೆದರಿಸಿ ಕಿತ್ತುಕೊಂಡಿದ್ದಾರೆ. ಅಲ್ಲದೇ ಬೆದರಿಸಿ ಚೆಕ್ ಮತ್ತು ಬಿಳಿ ಹಾಳೆಯ ಮೇಲೆ ಹೆಬ್ಬೆಟ್ಟು ಗುರುತು ಹಾಕಿಸಿಕೊಂಡಿದ್ದಾರೆ ಎಂದು ದೂರುದಾರರು ಹೇಳಿದ್ದಾರೆ.</p>.<p>ಮುನಿರತ್ನಮ್ಮ ಅವರನ್ನು ತಾವು ತಂದಿದ್ದ ವಾಹನದಲ್ಲಿ ಕೂರಿಸಿಕೊಂಡು ಆರೋಪಿಗಳು ಹಲ್ಲೆ ಮಾಡಿ ಯಲಹಂಕದ ಬಸ್ ನಿಲ್ದಾಣದ ಬಳಿ ಇಳಿಸಿ ಹೋಗಿದ್ದಾರೆ.</p>.<p>ಹಲ್ಲೆಗೆ ಒಳಗಾದ ಮಹಿಳೆ ಮುನಿರತ್ನಮ್ಮ ಯಲಹಂಕದಿಂದ ಬಂದು ಸೋಲದೇವನಹಳ್ಳಿಗೆ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಚಂದ್ರಪ್ಪ ಅವರ ಜೊತೆಯಲ್ಲಿ ಭಾಗಿಯಾದ ಮಂಜುನಾಥ್, ಪಿಳ್ಳಪ್ಪ, ಪರಮೇಶ್, ಧನುಷ್ ಅವರ ಮೇಲೆ ಸೋಲದೇವನಹಳ್ಳಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.</p>.<p class="Subhead"><strong>ಅಲ್ಲಿ ಸಾಲಗಾರ ಇಲ್ಲಿ ಮೀಟರ್ ಬಡ್ಡಿದಾರ:</strong> ಆರೋಪಿ ಚಂದ್ರಪ್ಪ ಹೆಸರಘಟ್ಟ ರೈತರ ಸೇವಾ ಸಹಕಾರ ಸಂಘದಲ್ಲಿ ಉಪಾಧ್ಯಕ್ಷ. ಇದೇ ಬ್ಯಾಂಕಿನಲ್ಲಿ ₹ 5 ಲಕ್ಷ ಸಾಲವನ್ನು 2018ರ ಮೇ ತಿಂಗಳಿನಲ್ಲಿ ಪಡೆದಿದ್ದಾರೆ. ಅವರ ಮಗ ಸಿ.ದಿವಾಕರ ₹ 2 ಲಕ್ಷ ಸಾಲವನ್ನು 2017ರ ಜನವರಿಯಲ್ಲಿ ಪಡೆದಿದ್ದರು.</p>.<p>ಬ್ಯಾಂಕಿನಲ್ಲಿ ಕಡಿಮೆ ಬಡ್ಡಿಗೆ ಸಾಲ ತೆಗೆದುಕೊಂಡು ಜನರಿಗೆ ಮೀಟರ್ ಬಡ್ಡಿ ಕೊಡುವ ವ್ಯವಹಾರ ಮಾಡುತ್ತಾರೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಹೆಸರಘಟ್ಟ ಗ್ರಾಮದ ರೈತರ ಸೇವಾ ಸಹಕಾರ ಸಂಘದ ಉಪಾಧ್ಯಕ್ಷ ಚಂದ್ರಪ್ಪ ಎಂಬುವವರು ತಾವು ನೀಡಿದ್ದ ಸಾಲಕ್ಕೆ ಹೆಚ್ಚಿನ ಬಡ್ಡಿ ಕೊಡಲು ಒಪ್ಪದ ಮಹಿಳೆಯನ್ನು ಅಪಹರಿಸಿ ಹಲ್ಲೆ ನಡೆಸಿರುವ ಬಗ್ಗೆ ಸೋಲದೇವನಹಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.<br />ಹೆಸರಘಟ್ಟ ಗ್ರಾಮದ ನಿವಾಸಿ ಮುನಿರತ್ನಮ್ಮ ಎಂಬುವರು ಚಂದ್ರಪ್ಪ ಅವರಿಂದ ₹ 5 ಲಕ್ಷ ಸಾಲವನ್ನು ತೆಗೆದುಕೊಂಡಿದ್ದರು.</p>.<p>ಹಣ ಕೊಡುವುದು ತಡವಾದಾಗ ಶೇ 10ರಷ್ಟು ಹೆಚ್ಚಿನ ಬಡ್ಡಿ ಹಣ ನೀಡಬೇಕೆಂದು ಚಂದ್ರಪ್ಪ ಮುನಿರತ್ನಮ್ಮ ಅವರಿಗೆ ಕೇಳಿದ್ದಾರೆ. ಇದಕ್ಕೆ ಅವರು ಒಪ್ಪದಿದ್ದಾಗ ನಾಲ್ಕು ಜನ ಸ್ನೇಹಿತರ ಜೊತೆ ಬಂದ ಚಂದ್ರಪ್ಪ, ಮುನಿರತ್ನಮ್ಮ ಮನೆಯಲ್ಲಿದ್ದ ಚಿನ್ನದ ಒಡವೆ ₹ 6 ಸಾವಿರ ನಗದು ಹಣವನ್ನು ಬೆದರಿಸಿ ಕಿತ್ತುಕೊಂಡಿದ್ದಾರೆ. ಅಲ್ಲದೇ ಬೆದರಿಸಿ ಚೆಕ್ ಮತ್ತು ಬಿಳಿ ಹಾಳೆಯ ಮೇಲೆ ಹೆಬ್ಬೆಟ್ಟು ಗುರುತು ಹಾಕಿಸಿಕೊಂಡಿದ್ದಾರೆ ಎಂದು ದೂರುದಾರರು ಹೇಳಿದ್ದಾರೆ.</p>.<p>ಮುನಿರತ್ನಮ್ಮ ಅವರನ್ನು ತಾವು ತಂದಿದ್ದ ವಾಹನದಲ್ಲಿ ಕೂರಿಸಿಕೊಂಡು ಆರೋಪಿಗಳು ಹಲ್ಲೆ ಮಾಡಿ ಯಲಹಂಕದ ಬಸ್ ನಿಲ್ದಾಣದ ಬಳಿ ಇಳಿಸಿ ಹೋಗಿದ್ದಾರೆ.</p>.<p>ಹಲ್ಲೆಗೆ ಒಳಗಾದ ಮಹಿಳೆ ಮುನಿರತ್ನಮ್ಮ ಯಲಹಂಕದಿಂದ ಬಂದು ಸೋಲದೇವನಹಳ್ಳಿಗೆ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಚಂದ್ರಪ್ಪ ಅವರ ಜೊತೆಯಲ್ಲಿ ಭಾಗಿಯಾದ ಮಂಜುನಾಥ್, ಪಿಳ್ಳಪ್ಪ, ಪರಮೇಶ್, ಧನುಷ್ ಅವರ ಮೇಲೆ ಸೋಲದೇವನಹಳ್ಳಿ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.</p>.<p class="Subhead"><strong>ಅಲ್ಲಿ ಸಾಲಗಾರ ಇಲ್ಲಿ ಮೀಟರ್ ಬಡ್ಡಿದಾರ:</strong> ಆರೋಪಿ ಚಂದ್ರಪ್ಪ ಹೆಸರಘಟ್ಟ ರೈತರ ಸೇವಾ ಸಹಕಾರ ಸಂಘದಲ್ಲಿ ಉಪಾಧ್ಯಕ್ಷ. ಇದೇ ಬ್ಯಾಂಕಿನಲ್ಲಿ ₹ 5 ಲಕ್ಷ ಸಾಲವನ್ನು 2018ರ ಮೇ ತಿಂಗಳಿನಲ್ಲಿ ಪಡೆದಿದ್ದಾರೆ. ಅವರ ಮಗ ಸಿ.ದಿವಾಕರ ₹ 2 ಲಕ್ಷ ಸಾಲವನ್ನು 2017ರ ಜನವರಿಯಲ್ಲಿ ಪಡೆದಿದ್ದರು.</p>.<p>ಬ್ಯಾಂಕಿನಲ್ಲಿ ಕಡಿಮೆ ಬಡ್ಡಿಗೆ ಸಾಲ ತೆಗೆದುಕೊಂಡು ಜನರಿಗೆ ಮೀಟರ್ ಬಡ್ಡಿ ಕೊಡುವ ವ್ಯವಹಾರ ಮಾಡುತ್ತಾರೆ ಎಂದು ಗ್ರಾಮಸ್ಥರು ಆರೋಪಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
