‘ಲಂಚಾವತಾರ ಮೂಲಕ ಭ್ರಷ್ಟರಿಗೆ ಸಿಂಹಸ್ವಪ್ನ’

ಚಾಮರಾಜನಗರ: ‘ರಾಜಕೀಯ ವಿಡಂಬನಾತ್ಮಕ ನಾಟಕ ‘ಲಂಚಾವತಾರ’ದ ಮೂಲಕ ಮಾಸ್ಟರ್ ಹಿರಣ್ಣಯ್ಯ ಅವರು ಭ್ರಷ್ಟ ರಾಜಕಾರಣಿಗಳ ಎದೆಯಲ್ಲಿ ನಡುಕ ಹುಟ್ಟಿಸುತ್ತಿದ್ದರು’ ಎಂದು ಹಿರಿಯ ರಂಗಕರ್ಮಿ ಕೆ.ವೆಂಕಟರಾಜು ಅವರು ಅಭಿಪ್ರಾಯಪಟ್ಟರು.

. ನಗರದ ಚಾಮರಾಜೇಶ್ವರಸ್ವಾಮಿ ದೇವಸ್ಥಾನದ ಮುಂಭಾಗ ಜನಾರ್ದನ ಪ್ರತಿಷ್ಠಾನ ಗುರುವಾರ ಹಮ್ಮಿಕೊಂಡಿದ್ದ ಮಾಸ್ಟರ್ ಹಿರಣ್ಣಯ್ಯ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

. ‘ಹಿರಣ್ಣಯ್ಯ ಅವರ 'ಲಂಚಾವತಾರ' ನಾಟಕ ರಾಜ್ಯದ ಮನೆ ಮಾತಾಗಿ ಜನಮಾನಸದಲ್ಲಿ ನೆಲೆಯೂರಿತ್ತು. ಅವರು ಅತ್ಯಾದ್ಭುತ ಕನ್ನಡ ಮಾತುಗಳಿಂದಎಲ್ಲರನ್ನು ಸೆಳೆದಿದ್ದರು. 60ರ ದಶಕದಲ್ಲಿ ಈ ನಾಟಕ ಅವರ ಬದುಕಿಗೆ ತಿರುವು ನೀಡಿತು’ ಎಂದರು.

. ‘ನಾಟಕದ ಮೂಲಕವೇ ಅಂದಿನ ರಾಜ್ಯ ಹಾಗೂ ಕೇಂದ್ರ ಸರ್ಕಾರವನ್ನು ಹಿರಣ್ಣಯ್ಯ ಮೂರು ದಶಕಗಳ ಕಾಲ ಎಲ್ಲಿಲ್ಲದಂತೆ ಕಾಡಿದ್ದರು. ಲಂಚಾವತಾರ ನಾಟಕದಲ್ಲಿ ಮಾಸ್ಟರ್ ಹಿರಣ್ಣಯ್ಯ ಹಾಗೂ ಅವರ ಮಗ ಬಾಬು ಹಿರಣ್ಣಯ್ಯ ಅದ್ಭುತವಾಗಿ ನಟನೆ ಮಾಡಿದ್ದರು ಎಂದು ಹೇಳಿದರು.

. ನಾಟಕ ಕಂಪೆನಿಯ ಜವಾಬ್ದಾರಿ: ‘ ಮಾಸ್ಟರ್ ಹಿರಣ್ಣಯ್ಯ ಕನ್ನಡ ಚಿತ್ರರಂಗದ ಪ್ರತಿಭಾನ್ವಿತ ನಟ, ನಿರ್ದೇಶಕ, ಚಿತ್ರ ಸಾಹಿತಿ ಮತ್ತು ರಂಗಕರ್ಮಿ. ಬಾಲ್ಯದಿಂದಲೇ ರಂಗಭೂಮಿಯತ್ತ ಆಕರ್ಷಿತರಾಗಿದ್ದರು. ತಂದೆಯವರ ಅಕಾಲಿಕ ನಿಧನ ನಂತರ ‘ಕೆ.ಹಿರಣ್ಣಯ್ಯ ಮಿತ್ರಮಂಡಳಿ' ನಾಟಕ ಮಂಡಳಿಯನ್ನು ಮುನ್ನಡೆಸುವ ಜವಾಬ್ದಾರಿ ಹೊತ್ತರು.

. ಬಳಿಕಇವರು ನಾಟಕ ರಚನೆ, ನಿರ್ದೇಶನದಲ್ಲಿ ತೊಡಗಿಕೊಂಡರು. ಅದೇ ಸಂದರ್ಭದಲ್ಲಿ ತಮ್ಮ ಪ್ರಸಿದ್ಧ ನಾಟಕ ‘ಲಂಚಾವತಾರ'ದ ಮೂಲಕ ಸಮಾಜದಲ್ಲಿರುವ ಲಂಚದ ಪಿಡುಗನ್ನು ಕಟುವಾಗಿ ಟೀಕಿಸಿದ್ದರು’ ಎಂದು ತಿಳಿಸಿದರು.

. ಅದ್ಭುತ ಮಾತುಗಾರ: ‘ಹಿರಣ್ಣಯ್ಯ ಅವರು ಅದ್ಭುತ ಮಾತುಗಾರ. ಮಾತುಗಾರಿಕೆಯಿಂದಲೇ ಅವರು ಪ್ರಸಿದ್ದರು. ಜನರು ಇವರ ಮಾತುಗಾರಿಕೆ ಹಾಗೂ ನಟನೆ ನೋಡುವ ಸಲುವಾಗಿಯೇ ನಾಟಕಕ್ಕೆ ಬರುತ್ತಿದ್ದರು. ಅವರ ಬಾಯಲ್ಲಿ ಕನ್ನಡ ಕೇಳುವುದೇ ಹಿತವಾಗಿತ್ತು. ಅಷ್ಟೊಂದು ಅದ್ಭುತವಾಗಿ ಕನ್ನಡ ನುಡಿಗಳು ಅವರಿಂದ ಹೊರಬರುತ್ತಿತ್ತು’ ಎಂದು ಹೇಳಿದರು.

. ಭ್ರಷ್ಟರ ಎದೆಯಲ್ಲಿನಡುಕ: ಉಪನ್ಯಾಸಕ ಸುರೇಶ್ ಎನ್.ಋಗ್ವೇದಿ ಮಾತನಾಡಿ, ‘ಹಿರಣ್ಣಯ್ಯ ಅವರು ರಾಜಕೀಯ ವಿಡಂಬನೆ ಮೂಲಕ ಮೌಲ್ಯಗಳನ್ನು ಎತ್ತಿಹಿಡಿಯುತ್ತಿದ್ದರು. ಭ್ರಷ್ಟಾಚಾರದ ಮೂಲವನ್ನು ಸಮಾಜದ ಮುಂದೆ ಇಡುತ್ತಿದ್ದರು. ಅವರ ನಾಟಕಗಳು ಭ್ರಷ್ಟ ರಾಜಕಾರಣಿಗಳ ಎದೆಯಲ್ಲಿ ನಡುಕ ಹುಟ್ಟಿಸುತ್ತಿತ್ತು’ ಎಂದು ಹೇಳಿದರು.

. ಜನಾರ್ಧನ ಪ್ರತಿಷ್ಠಾನದ ಅಧ್ಯಕ್ಷ ಅನಂತ ಪ್ರಸಾದ್ ಹಾಗೂ ಸಾರ್ವಜನಿಕರು ಪಾಲ್ಗೊಂಡಿದ್ದರು.

. ‘ಚಾಮರಾಜನಗರ ಸರಿಹೊಂದಲಿಲ್ಲ’ 1960ರ ದಶಕದ ಆರಂಭದಲ್ಲಿ ತಮ್ಮ ನಾಟಕ ಕಂಪೆನಿಯೊಂದಿಗೆ ಚಾಮರಾಜನಗರಕ್ಕೆ ಹಿರಣ್ಣಯ್ಯ ಬಂದಿದ್ದರು. ಆ ಸಂದರ್ಭದಲ್ಲಿ ಇಲ್ಲಿ ‘ಲಂಚಾವತಾರ’ ನಾಟಕ ಪ್ರದರ್ಶನ ಕೊಟ್ಟರು. ಮೊದಲ ಪ್ರದರ್ಶನ ಸುಲಲಿತವಾಗಿ ಮೂಡಿಬಂತು.

. ಎರಡನೇ ಪ್ರದರ್ಶನದ ವೇಳೆ ಗಲಾಟೆ ಶುರುವಾಯಿತು. ನೂಕು– ನುಗ್ಗಲು ಆರಂಭವಾಗಿ ಅನೇಕರು ಗಾಯಗೊಂಡರು. ಅಂದಿನಿಂದ ಇಂದಿನವರೆಗೂ ಅವರು ಹಾಗೂ ಅವರ ನಾಟಕ ಕಂಪೆನಿ ಗಡಿಜಿಲ್ಲೆಗೆ ಬರಲೇ ಇಲ್ಲ. ಅವರಿಗೂ ಚಾಮರಾಜನಗರಕ್ಕೂ ಸರಿ ಹೊಂದಲಿಲ್ಲ’ ಎಂದು ಕೆ.ವೆಂಕಟರಾಜು ಅವರು ಬೇಸರದ ನುಡಿಗಳನ್ನು ಬಿಚ್ಚಿಟ್ಟರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಲಂಚಾವತಾರ ಮೂಲಕ ಭ್ರಷ್ಟರಿಗೆ ಸಿಂಹಸ್ವಪ್ನ’

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ