<p><strong>ಕೊರಟಗೆರೆ</strong>: ತಾಲ್ಲೂಕಿನ ಕ್ಯಾಮೇನಹಳ್ಳಿ ಆಂಜನೇಯ ದನಗಳ ಜಾತ್ರೆ ಎರಡು ದಿನಗಳಿಂದ ಕಳೆಗಟ್ಟಿದ್ದು, ತಾಲ್ಲೂಕು ಸೇರಿದಂತೆ ಜಿಲ್ಲೆಯ ವಿವಿಧ ಭಾಗಗಳಿಂದ ರಾಸುಗಳು ಬಂದು ಸೇರುತ್ತಿವೆ.</p><p>ತಾಲ್ಲೂಕಿನ ಹೊಳವನಹಳ್ಳಿಗೆ ಸೇರುವ ಕ್ಯಾಮೇನಹಳ್ಳಿ ದನಗಳ ಜಾತ್ರೆ ಪ್ರತಿ ವರ್ಷ ಸಂಕ್ರಾಂತಿ ಹಬ್ಬದ ಆಸುಪಾಸಿನಲ್ಲಿ ನಡೆಯುತ್ತದೆ. ರಾಜ್ಯದ ವಿವಿಧ ಜಿಲ್ಲೆಗಳಿಂದ ರಾಸುಗಳನ್ನು ಖರೀದಿಸಲು, ಮಾರಾಟ ಮಾಡಲು ನೂರಾರು ಜನರು ಈ ಜಾತ್ರೆಗೆ ಬರುತ್ತಾರೆ. ಮೂರ್ನಾಲ್ಕು ವರ್ಷಗಳಿಂದ ಕೋವಿಡ್ನಿಂದ ಕಳೆಗುಂದಿದ್ದ ಜಾತ್ರೆ, ಈ ಬಾರಿ ಮತ್ತೆ ಕಳೆಗಟ್ಟಿದೆ.</p><p>₹25 ಸಾವಿರದಿಂದ ಹಿಡಿದು ₹3 ಲಕ್ಷ ಬೆಲೆ ಮೌಲ್ಯದ ರಾಸುಗಳು ಜಾತ್ರೆಯಲ್ಲಿವೆ. ಆದಾಗ್ಯೂ ವರ್ಷದಿಂದ ವರ್ಷಕ್ಕೆ ಜಾತ್ರೆಗೆ ಬರುವ ಉತ್ತಮ ತಳಿ ರಾಸುಗಳ ಸಂಖ್ಯೆ ಕಡಿಮೆಯಾಗುತ್ತಿದ್ದು, ಜಾತ್ರೆಯ ಈ ಹಿಂದಿನ ವೈಭವ ಇಲ್ಲವಾಗಿದೆ.</p><p>ಜಾತ್ರೆಯಲ್ಲಿ ಹಳ್ಳಿಕಾರ್ ತಳಿ ರಾಸುಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ಅಮೃತ್ ಮಹಲ್ ಜಾತಿಯ ಹೋರಿ ವಿರಳವಾಗಿ ಕಾಣಸಿಗುತ್ತವೆ.</p><p>ಬಳ್ಳಾರಿ, ದಾವಣಗೆರೆ, ಹೂವಿನಹಡಗಲಿ, ರಾಯಚೂರು, ಬಿಜಾಪುರ, ಹುಬ್ಬಳ್ಳಿ, ದಾರವಾಡ, ವಿಜಯಪುರ, ಕಲಬುರಗಿ ಸೇರಿದಂತೆ ನೆರೆಯ ಆಂಧ್ರಪ್ರದೇಶ, ತಮಿಳುನಾಡಿನಿಂದಲೂ ರಾಸುಗಳ ಖರೀದಿಗೆ ರೈತರು ಈ ಜಾತ್ರೆಗೆ ಬರುತ್ತಾರೆ.</p><p>ಸಂಕ್ರಾಂತಿ ಮಾರನೇ ದಿನದಿಂದ ದನಗಳ ಜಾತ್ರೆ ಪ್ರಾರಂಭಗೊಂಡಿದೆ. ಜಾತ್ರೆ ತುಂಬೆಲ್ಲಾ ಉತ್ತರ ಕರ್ನಾಟಕ ಭಾಗದ ರೈತರು ಉತ್ತಮ ರಾಸು ಕೊಳ್ಳಲು ಓಡಾಡುತ್ತಿದ್ದಾರೆ. ಇನ್ನೂ ಹೆಚ್ಚಿನ ದನಗಳು ಬರಲಿವೆ ಎಂಬ ನಿರೀಕ್ಷೆಯಲ್ಲಿದ್ದೇವೆ. ಘಾಟಿ ಜಾತ್ರೆಗೆ ಹೋಲಿಕೆ ಮಾಡಿದರೆ ಈ ಜಾತ್ರೆಯ ದನಗಳ ಬೆಲೆ ತುಸು ಹೆಚ್ಚಾಗಿದೆ. ಅಲ್ಲಿ ₹50 ಸಾವಿರ ಇದ್ದ ಬೆಲೆ ಈ ಜಾತ್ರೆಯಲ್ಲಿ ₹75ರಿಂದ 80 ಸಾವಿರ ನಿಗದಿಯಾಗುತ್ತಿವೆ ಎಂದು ಸಿರಗುಪ್ಪದಿಂದ ರಾಸು ಖರೀದಿಗೆ ಬಂದಿದ್ದ ರೈತ ಸಂಗಪ್ಪ ಹೇಳಿದರು.</p><p>ಹಳ್ಳಿಕಾರ್ ತಳಿಯ ಜೋಡೆತ್ತುಗಳಿಗೆ ₹80 ಸಾವಿರದಿಂದ ₹4 ಲಕ್ಷದವರೆಗೆ ಬೆಲೆ ಇದೆ. ಇತ್ತೀಚಿನ ದಿನಗಳಲ್ಲಿ ಉತ್ತಮ ರಾಸುಗಳನ್ನು ಸಾಕುವುದು ಕಷ್ಟವಾಗುತ್ತಿದೆ. ಸಕಾಲದಲ್ಲಿ ಮಳೆ-ಬೆಳೆಯಾಗದೆ ಮೇವಿನ ಕೊರತೆ ಹೆಚ್ಚಾಗಿದೆ. ವ್ಯವಸಾಯಕ್ಕೆ ಎತ್ತುಗಳ ಅವಲಂಬನೆ ಕಡಿಮೆಯಾಗುತ್ತಿದೆ. ಎತ್ತುಗಳ ಜಾಗವನ್ನು ಯಂತ್ರಗಳು ಆಕ್ರಮಿಸಿಕೊಂಡಿವೆ. ಯುವಕರಿಗೆ ರಾಸುಗಳ ಸಾಕಾಣಿಕೆಯಲ್ಲಿ ಆಸಕ್ತಿಯಿಲ್ಲ. ಅಪ್ಪನ ಕಾಲದಿಂದಲೂ ಹಳ್ಳಿಕಾರ್ ತಳಿಯ ಎತ್ತುಗಳನ್ನು ಸಾಕಿ ಈ ಜಾತ್ರೆಯಲ್ಲಿ ಮಾರಾಟ ಮಾಡುತ್ತಿದ್ದೆವು. ಈ ಸಂಸ್ಕೃತಿ ಬಹುಶಃ ನನ್ನ ತಲೆಮಾರಿಗೆ ಕೊನೆಯಾಗುತ್ತದೆ’ ಎನ್ನುತ್ತಾರೆ ರೈತ ದೊಡ್ಡಪಾಳ್ಯದ ಜಗಣ್ಣ.</p><p><strong>ವ್ಯವಸಾಯಕ್ಕೆ ಉತ್ತಮ</strong></p><p>ಈ ಭಾಗದ ಜಾನುವಾರುಗಳು ವ್ಯವಸಾಯಕ್ಕೆ ಉತ್ತಮವಾಗಿರುತ್ತವೆ. ಹಾಗಾಗಿ ನಮ್ಮ ಕಡೆಯಿಂದ 25 ಮಂದಿ ಈ ಜಾತ್ರೆಗೆ ಬಂದಿದ್ದೇವೆ. ಉತ್ತಮ ದನಕ್ಕಾಗಿ ಹುಡುಕುತ್ತಿದ್ದೇವೆ. ಒಮ್ಮೆ ಖರೀದಿಸಿದರೆ ಐದಾರು ವರ್ಷ ಬೇಸಾಯ ಮಾಡುತ್ತೇವೆ. ಕೆಲವೊಮ್ಮೆ ಹತ್ತು ವರ್ಷವಾದರೂ ಮಾರಾಟ ಮಾಡುವುದಿಲ್ಲ - ದುರ್ಗಪ್ಪ, ಸಿರಿಗೇರಿ, ಬಳ್ಳಾರಿ</p><p><strong>ಜೋರು ಜಾತ್ರೆ</strong></p><p>ಜಾತ್ರೆ ತುಂಬಾ ಜೋರು ಇದೆ. ಘಾಟಿ ಜಾತ್ರೆಗಿಂತ ಇಲ್ಲಿ ಹೆಚ್ಚು ಬೆಲೆ ಇದೆ. ಈ ಜಾತ್ರೆಯಲ್ಲಿ ವ್ಯಾಪಾರ ತುಸು ಹೆಚ್ಚಾಗಿದೆ. ಒಳ್ಳೆಯ ಮಾಲು ಜಾತ್ರಿಗೆ ಬಂದಿದೆ- ರಾಮಾಂಜಪ್ಪ, ಸಿರಗುಪ್ಪ</p><p><strong>ಪೋಷಿಸುವವರೇ ಇಲ್ಲ</strong></p><p>ನಮ್ಮ ಭಾಗದ ನಾಟಿ ದನಕ್ಕೆ ಬೇರೆ ಕಡೆ ಹೆಚ್ಚು ಬೇಡಿಕೆ ಇದೆ. ಆದರೆ ಅವುಗಳನ್ನು ಪೋಷಿಸಿ, ನಿರ್ವಹಿಸುವವರೆ ಇಲ್ಲ. ಹಳ್ಳಿಗಾಡಿನಲ್ಲಿ ದನಕರು ಕಟ್ಟುವವವರ ಸಂಖ್ಯೆ ಕಡಿಮೆಯಾಗುತ್ತಿದೆ. ಈ ಮೊದಲು ಗ್ರಾಮದ ಪ್ರತಿ ಮನೆಯಲ್ಲೂ ಕನಿಷ್ಠ ಒಂದು ಹಳ್ಳಿಕಾರ್ ಜೋಡೆತ್ತು ಇರುತ್ತಿದ್ದವು. ಈಗ ಆ ಜಾಗವನ್ನು ಸೀಮೆ ಹಸುಗಳು ಆಕ್ರಮಿಸಿಕೊಂಡಿವೆ. ಹಾಲು ಉತ್ಪಾದನೆ ದೃಷ್ಟಿಯಿಂದ ಸೀಮೆ ಹಸುಗಳನ್ನು ಕಟ್ಟುವವರ ಸಂಖ್ಯೆ ಜಾಸ್ತಿಯಾಗಿದೆ - ಶಿವರುದ್ರಮೂರ್ತಿ, ಶೀಥಕಲ್ಲು, ತುಮಕೂರು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೊರಟಗೆರೆ</strong>: ತಾಲ್ಲೂಕಿನ ಕ್ಯಾಮೇನಹಳ್ಳಿ ಆಂಜನೇಯ ದನಗಳ ಜಾತ್ರೆ ಎರಡು ದಿನಗಳಿಂದ ಕಳೆಗಟ್ಟಿದ್ದು, ತಾಲ್ಲೂಕು ಸೇರಿದಂತೆ ಜಿಲ್ಲೆಯ ವಿವಿಧ ಭಾಗಗಳಿಂದ ರಾಸುಗಳು ಬಂದು ಸೇರುತ್ತಿವೆ.</p><p>ತಾಲ್ಲೂಕಿನ ಹೊಳವನಹಳ್ಳಿಗೆ ಸೇರುವ ಕ್ಯಾಮೇನಹಳ್ಳಿ ದನಗಳ ಜಾತ್ರೆ ಪ್ರತಿ ವರ್ಷ ಸಂಕ್ರಾಂತಿ ಹಬ್ಬದ ಆಸುಪಾಸಿನಲ್ಲಿ ನಡೆಯುತ್ತದೆ. ರಾಜ್ಯದ ವಿವಿಧ ಜಿಲ್ಲೆಗಳಿಂದ ರಾಸುಗಳನ್ನು ಖರೀದಿಸಲು, ಮಾರಾಟ ಮಾಡಲು ನೂರಾರು ಜನರು ಈ ಜಾತ್ರೆಗೆ ಬರುತ್ತಾರೆ. ಮೂರ್ನಾಲ್ಕು ವರ್ಷಗಳಿಂದ ಕೋವಿಡ್ನಿಂದ ಕಳೆಗುಂದಿದ್ದ ಜಾತ್ರೆ, ಈ ಬಾರಿ ಮತ್ತೆ ಕಳೆಗಟ್ಟಿದೆ.</p><p>₹25 ಸಾವಿರದಿಂದ ಹಿಡಿದು ₹3 ಲಕ್ಷ ಬೆಲೆ ಮೌಲ್ಯದ ರಾಸುಗಳು ಜಾತ್ರೆಯಲ್ಲಿವೆ. ಆದಾಗ್ಯೂ ವರ್ಷದಿಂದ ವರ್ಷಕ್ಕೆ ಜಾತ್ರೆಗೆ ಬರುವ ಉತ್ತಮ ತಳಿ ರಾಸುಗಳ ಸಂಖ್ಯೆ ಕಡಿಮೆಯಾಗುತ್ತಿದ್ದು, ಜಾತ್ರೆಯ ಈ ಹಿಂದಿನ ವೈಭವ ಇಲ್ಲವಾಗಿದೆ.</p><p>ಜಾತ್ರೆಯಲ್ಲಿ ಹಳ್ಳಿಕಾರ್ ತಳಿ ರಾಸುಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ಅಮೃತ್ ಮಹಲ್ ಜಾತಿಯ ಹೋರಿ ವಿರಳವಾಗಿ ಕಾಣಸಿಗುತ್ತವೆ.</p><p>ಬಳ್ಳಾರಿ, ದಾವಣಗೆರೆ, ಹೂವಿನಹಡಗಲಿ, ರಾಯಚೂರು, ಬಿಜಾಪುರ, ಹುಬ್ಬಳ್ಳಿ, ದಾರವಾಡ, ವಿಜಯಪುರ, ಕಲಬುರಗಿ ಸೇರಿದಂತೆ ನೆರೆಯ ಆಂಧ್ರಪ್ರದೇಶ, ತಮಿಳುನಾಡಿನಿಂದಲೂ ರಾಸುಗಳ ಖರೀದಿಗೆ ರೈತರು ಈ ಜಾತ್ರೆಗೆ ಬರುತ್ತಾರೆ.</p><p>ಸಂಕ್ರಾಂತಿ ಮಾರನೇ ದಿನದಿಂದ ದನಗಳ ಜಾತ್ರೆ ಪ್ರಾರಂಭಗೊಂಡಿದೆ. ಜಾತ್ರೆ ತುಂಬೆಲ್ಲಾ ಉತ್ತರ ಕರ್ನಾಟಕ ಭಾಗದ ರೈತರು ಉತ್ತಮ ರಾಸು ಕೊಳ್ಳಲು ಓಡಾಡುತ್ತಿದ್ದಾರೆ. ಇನ್ನೂ ಹೆಚ್ಚಿನ ದನಗಳು ಬರಲಿವೆ ಎಂಬ ನಿರೀಕ್ಷೆಯಲ್ಲಿದ್ದೇವೆ. ಘಾಟಿ ಜಾತ್ರೆಗೆ ಹೋಲಿಕೆ ಮಾಡಿದರೆ ಈ ಜಾತ್ರೆಯ ದನಗಳ ಬೆಲೆ ತುಸು ಹೆಚ್ಚಾಗಿದೆ. ಅಲ್ಲಿ ₹50 ಸಾವಿರ ಇದ್ದ ಬೆಲೆ ಈ ಜಾತ್ರೆಯಲ್ಲಿ ₹75ರಿಂದ 80 ಸಾವಿರ ನಿಗದಿಯಾಗುತ್ತಿವೆ ಎಂದು ಸಿರಗುಪ್ಪದಿಂದ ರಾಸು ಖರೀದಿಗೆ ಬಂದಿದ್ದ ರೈತ ಸಂಗಪ್ಪ ಹೇಳಿದರು.</p><p>ಹಳ್ಳಿಕಾರ್ ತಳಿಯ ಜೋಡೆತ್ತುಗಳಿಗೆ ₹80 ಸಾವಿರದಿಂದ ₹4 ಲಕ್ಷದವರೆಗೆ ಬೆಲೆ ಇದೆ. ಇತ್ತೀಚಿನ ದಿನಗಳಲ್ಲಿ ಉತ್ತಮ ರಾಸುಗಳನ್ನು ಸಾಕುವುದು ಕಷ್ಟವಾಗುತ್ತಿದೆ. ಸಕಾಲದಲ್ಲಿ ಮಳೆ-ಬೆಳೆಯಾಗದೆ ಮೇವಿನ ಕೊರತೆ ಹೆಚ್ಚಾಗಿದೆ. ವ್ಯವಸಾಯಕ್ಕೆ ಎತ್ತುಗಳ ಅವಲಂಬನೆ ಕಡಿಮೆಯಾಗುತ್ತಿದೆ. ಎತ್ತುಗಳ ಜಾಗವನ್ನು ಯಂತ್ರಗಳು ಆಕ್ರಮಿಸಿಕೊಂಡಿವೆ. ಯುವಕರಿಗೆ ರಾಸುಗಳ ಸಾಕಾಣಿಕೆಯಲ್ಲಿ ಆಸಕ್ತಿಯಿಲ್ಲ. ಅಪ್ಪನ ಕಾಲದಿಂದಲೂ ಹಳ್ಳಿಕಾರ್ ತಳಿಯ ಎತ್ತುಗಳನ್ನು ಸಾಕಿ ಈ ಜಾತ್ರೆಯಲ್ಲಿ ಮಾರಾಟ ಮಾಡುತ್ತಿದ್ದೆವು. ಈ ಸಂಸ್ಕೃತಿ ಬಹುಶಃ ನನ್ನ ತಲೆಮಾರಿಗೆ ಕೊನೆಯಾಗುತ್ತದೆ’ ಎನ್ನುತ್ತಾರೆ ರೈತ ದೊಡ್ಡಪಾಳ್ಯದ ಜಗಣ್ಣ.</p><p><strong>ವ್ಯವಸಾಯಕ್ಕೆ ಉತ್ತಮ</strong></p><p>ಈ ಭಾಗದ ಜಾನುವಾರುಗಳು ವ್ಯವಸಾಯಕ್ಕೆ ಉತ್ತಮವಾಗಿರುತ್ತವೆ. ಹಾಗಾಗಿ ನಮ್ಮ ಕಡೆಯಿಂದ 25 ಮಂದಿ ಈ ಜಾತ್ರೆಗೆ ಬಂದಿದ್ದೇವೆ. ಉತ್ತಮ ದನಕ್ಕಾಗಿ ಹುಡುಕುತ್ತಿದ್ದೇವೆ. ಒಮ್ಮೆ ಖರೀದಿಸಿದರೆ ಐದಾರು ವರ್ಷ ಬೇಸಾಯ ಮಾಡುತ್ತೇವೆ. ಕೆಲವೊಮ್ಮೆ ಹತ್ತು ವರ್ಷವಾದರೂ ಮಾರಾಟ ಮಾಡುವುದಿಲ್ಲ - ದುರ್ಗಪ್ಪ, ಸಿರಿಗೇರಿ, ಬಳ್ಳಾರಿ</p><p><strong>ಜೋರು ಜಾತ್ರೆ</strong></p><p>ಜಾತ್ರೆ ತುಂಬಾ ಜೋರು ಇದೆ. ಘಾಟಿ ಜಾತ್ರೆಗಿಂತ ಇಲ್ಲಿ ಹೆಚ್ಚು ಬೆಲೆ ಇದೆ. ಈ ಜಾತ್ರೆಯಲ್ಲಿ ವ್ಯಾಪಾರ ತುಸು ಹೆಚ್ಚಾಗಿದೆ. ಒಳ್ಳೆಯ ಮಾಲು ಜಾತ್ರಿಗೆ ಬಂದಿದೆ- ರಾಮಾಂಜಪ್ಪ, ಸಿರಗುಪ್ಪ</p><p><strong>ಪೋಷಿಸುವವರೇ ಇಲ್ಲ</strong></p><p>ನಮ್ಮ ಭಾಗದ ನಾಟಿ ದನಕ್ಕೆ ಬೇರೆ ಕಡೆ ಹೆಚ್ಚು ಬೇಡಿಕೆ ಇದೆ. ಆದರೆ ಅವುಗಳನ್ನು ಪೋಷಿಸಿ, ನಿರ್ವಹಿಸುವವರೆ ಇಲ್ಲ. ಹಳ್ಳಿಗಾಡಿನಲ್ಲಿ ದನಕರು ಕಟ್ಟುವವವರ ಸಂಖ್ಯೆ ಕಡಿಮೆಯಾಗುತ್ತಿದೆ. ಈ ಮೊದಲು ಗ್ರಾಮದ ಪ್ರತಿ ಮನೆಯಲ್ಲೂ ಕನಿಷ್ಠ ಒಂದು ಹಳ್ಳಿಕಾರ್ ಜೋಡೆತ್ತು ಇರುತ್ತಿದ್ದವು. ಈಗ ಆ ಜಾಗವನ್ನು ಸೀಮೆ ಹಸುಗಳು ಆಕ್ರಮಿಸಿಕೊಂಡಿವೆ. ಹಾಲು ಉತ್ಪಾದನೆ ದೃಷ್ಟಿಯಿಂದ ಸೀಮೆ ಹಸುಗಳನ್ನು ಕಟ್ಟುವವರ ಸಂಖ್ಯೆ ಜಾಸ್ತಿಯಾಗಿದೆ - ಶಿವರುದ್ರಮೂರ್ತಿ, ಶೀಥಕಲ್ಲು, ತುಮಕೂರು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
