ಮಾಸ್ಟರ್‌ ಹಿರಣ್ಣಯ್ಯ ಕಾಫಿನಾಡಿನ ಬೇಸುಗೆ

ಚಿಕ್ಕಮಗಳೂರು: ರಂಗಕರ್ಮಿ ಮಾಸ್ಟರ್ ಹಿರಣ್ಣಯ್ಯ ಅವರಿಗೂ ಕಾಫಿನಾಡಿಗೂ ಅವಿನಾಭಾವ ನಂಟು ಇತ್ತು, ಅವರ ತಾಯಿ ತವರೂರು ಸಖರಾಯಪಟ್ಟಣ. ಜಿಲ್ಲೆಯಲ್ಲಿ ನಾಟಕ ಪ್ರದರ್ಶನ, ಕಲಾವಿದರ ಒಡನಾಟದ ಮೂಲಕ ಜನಮಾನಸದಲ್ಲಿ ಅಚ್ಚಳಿಯದೇ ಉಳಿದಿದ್ದಾರೆ.

. ಸಖರಾಯಪಟ್ಟಣದ ನಿವೃತ್ತ ಉಪನ್ಯಾಸಕ ಚಂದ್ರಮೌಳಿ, ಹಾರ್ಮೋನಿಯಂ ಮಾಸ್ಟರ್ ಶಾಮಣ್ಣ, ಹಿರೇಮಗಳೂರಿನ ಕಣ್ಣನ್, ಚಿಕ್ಕಮಗಳೂರಿನ ಕಲಾಸೇವಾಸಂಘದ ಮೋಹನ್ ಮೊದಲಾದವರ ಒಡನಾಡಿಯಾಗಿದ್ದರು. ‘ಲಂಚಾವತಾರ’, ‘ಭ್ರಷ್ಟಾಚಾರ’, ‘ನಡುಬೀದಿ ನಾರಾಯಣ’, ‘ಮಕ್ಮಲ್ ಟೋಪಿ’ ಮೊದಲಾದ ನಾಟಕಗಳು ಇಲ್ಲಿ ಪ್ರದರ್ಶನವಾಗಿವೆ. ಹಾಸ್ಯದ ಹೊನಲಿನಲ್ಲಿ ಜನರನ್ನು ರಂಜಿಸಿದ್ದಾರೆ.

. ಒಡನಾಡಿ ಚಂದ್ರಮೌಳಿ ‘ಪ್ರಜಾವಾಣಿ’ಯೊಂದಿಗೆ ಮಾತನಾಡಿ, ‘ಸಖರಾಯಪಟ್ಟಣದ ಹಾರ್ಮೋನಿಯಂ ಮಾಸ್ಟರ್ ಮತ್ತು ಕಲಾವಿದ ಶಾಮಣ್ಣ (92) ಅವರು ಮಾಸ್ಟರ್ ಹಿರಣ್ಣಯ್ಯ ಅವರ ಕಂಪನಿಯಲ್ಲಿ ಇದ್ದರು. ಹಾರ್ಮೋನಿಯಂ ನುಡಿಸುವುದಷ್ಟೇ ಅಲ್ಲ, ಅವರು ಪಾತ್ರಗಳನ್ನು ಮಾಡಿದ್ದಾರೆ. ಬಹಳಷ್ಟು ಕಲಾವಿದರನ್ನು ಪ್ರೋತ್ಸಾಹಿಸಿ ಬೆಳೆಸಿದರು’ ಎಂದು ನೆನಪಿಸಿಕೊಂಡರು.

. ‘ರಾಜು ಸಖರಾಯಪಟ್ಟಣ ಎಂದೇ ಖ್ಯಾತರಾಗಿದ್ದ ಕಲಾವಿದ ಬಸವರಾಜು ಅವರನ್ನೂ ಬೆಳೆಸಿದ್ದೂ ಮಾಸ್ಟರ್ ಹಿರಣ್ಣಯ್ಯ ಅವರೇ. ರಾಜು ಅವರು ಕೆಲವರ್ಷಗಳ ಹಿಂದೆ ತೀರಿಕೊಂಡರು’ ಎಂದರು.

. ‘ಚಿಕ್ಕಮಗಳೂರಿನಲ್ಲಿ ಸುಮಾರು 18ವರ್ಷಗಳ ಹಿಂದೆ ಕಲಾಮಂದಿರದಲ್ಲಿ ‘ಭ್ರಷ್ಟಾಚಾರ’ ನಾಟಕವಾಡಿದ್ದರು. ಸಖರಾಯಪಟ್ಟಣದಲ್ಲಿ 2004ರಲ್ಲಿ ‘ಲಂಚಾವತಾರ’ ನಾಟಕ ಪ್ರದರ್ಶಿಸಿದ್ದರು. ಕಡೂರು ತಾಲ್ಲೂಕಿನ ಚಟ್ನಳ್ಳಿ, ಬೀರೂರು ಇತರ ಕಡೆಗಳಲ್ಲಿಯೂ ನಾಟಕ ಪ್ರದರ್ಶಿಸಿದ್ದರು. ಹಾಸ್ಯದ ಹೊನಲಿನ ಮೂಲಕ ಎಚ್ಚರಿಕೆಯ ಸಂದೇಶವನ್ನು ನೀಡುತ್ತಿದ್ದರು’ ಎಂದು ಸ್ಮರಿಸಿಕೊಂಡರು.

. ‘ಸಖರಾಯಪಟ್ಟಣಕ್ಕೆ ಬಂದಾಗ ತಪ್ಪದೇ ನಮ್ಮ ಮನೆಗೆ ಬರುತ್ತಿದ್ದರು. ಆತ್ಮೀಯರಾಗಿದ್ದರು. ಆಗ್ಗಾಗ್ಗೆ ಶುಭಾಶಯ ಪತ್ರಗಳನ್ನು ಕಳಿಸುತ್ತಿದ್ದರು’ ಎಂದು ನೆನಪಿಸಿಕೊಂಡರು.

. ‘ಶ್ರೀಕೋದಂಡರಾಮಚಂದ್ರಸ್ವಾಮಿ ನೋಡಲು ಬನ್ನಿ ಎಂದು ಮಾಸ್ಟರ್ ಹಿರಣ್ಣಯ್ಯ ಅವರಿಗೆ ಪತ್ರಿಸಿದ್ದೆ. 2015ರಲ್ಲಿ ಪುರಂದರ ಜಯಂತ್ಯುತ್ಸವಕ್ಕೆ ಬಂದಿದ್ದರು. ಕುವೆಂಪು ಅವರ ಸರಸ್ವತಿ ಕುರಿತ ಶೃಂಗೇರಿ ಸ್ತೋತ್ರವನ್ನು ಬಹುವಾಗಿ ಮಚ್ಚಿಕೊಂಡಿದ್ದರು’ ಎಂದು ಕನ್ನಡ ಪೂಜಾರಿ ಹಿರೇಮಗಳೂರು ಕಣ್ಣನ್ ನೆನಪಿಸಿಕೊಂಡರು.

. **

. ‘ಮಾಸ್ಟರ್ ಹಿರಣ್ಣಯ್ಯ ತಾಯಿ ತವರೂರು ಸಖರಾಯಪಟ್ಟಣ’ ‘ಮಾಸ್ಟರ್ ಹಿರಣ್ಣಯ್ಯ ತಾಯಿ ಶಾರದಮ್ಮ ಅವರ ತವರೂರು ಸಖರಾಯಪಟ್ಟಣ. ಹೀಗಾಗಿ, ಅವರಿಗೆ ಈ ಊರಿನ ಸೆಳೆತ ಆಪಾರ ಇತ್ತು’ ಎಂದು ನಿವೃತ್ತ ಉಪನ್ಯಾಸಕ ಚಂದ್ರಮೌಳಿ ತಿಳಿಸಿದರು.

. ‘ಶಾರದಮ್ಮ ಅವರು ಸಖರಾಯಪಟ್ಟಣದ ಶಾನುಭೋಗರ ಪುತ್ರಿ. ಗುಬ್ಬಿ ವೀರಣ್ಣ ನಾಟಕದ ಕಂಪನಿಯವರು ಕಡೂರಿನಲ್ಲಿ ಕ್ಯಾಂಪ್ ಹಾಕಿದ್ದರು. ಕ್ಯಾಂಪಿನಲ್ಲಿ ಕಲಾವಿದ ಕೆ.ಹಿರಣ್ಣಯ್ಯ (ಮಾಸ್ಟರ್ ಹಿರಣ್ಣಯ್ಯ ಅವರ ತಂದೆ) ಇದ್ದರು. ಆ ಸಂದರ್ಭದಲ್ಲಿ ವಿವಾಹ ವಿಚಾರ ಪ್ರಸ್ತಾಪವಾಗಿ ಶಾರದಮ್ಮ ಅವರೊಂದಿಗೆ ಮದುವೆಯಾಯಿತು. ಆ ಕಾಲದಲ್ಲಿ ನಾಟಕದವರಿಗೆ ಹೆಣ್ಣು ಕೊಡಲು ಹಿಂದೇಟು ಹಾಕುತ್ತಿದ್ದರು. ಶಾನುಭೋಗರು ಕಲಾವಿದನಿಗೆ ಮಗಳನ್ನು ಕೊಟ್ಟು ಮದುವೆ ಮಾಡಿದ್ದರು’ ಎಂದರು.

. ‘ಸಖರಾಯಪಟ್ಟಣದ ಗ್ರಾಮದೇವತೆ ಅಂತರಘಟ್ಟಮ್ಮ ದೇಗುಲದ ಆವರಣದಲ್ಲಿ ಕೆ.ಹಿರಣ್ಣಯ್ಯ ಅವರು ‘ದೇವದಾಸಿ’ ನಾಟಕ ರಚಿಸಿದ್ದರು. ಆ ನಾಟಕ ತುಂಬಾ ಪ್ರಸಿದ್ಧಿಯಾಗಿತ್ತು’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಾಸ್ಟರ್‌ ಹಿರಣ್ಣಯ್ಯ ಕಾಫಿನಾಡಿನ ಬೇಸುಗೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ICC Champions Trophy: ಪಾಕ್‌ಗೆ ತಂಡ ಕಳುಹಿಸಲು BCCI ನಕಾರ; ದುಬೈನತ್ತ ಒಲವು

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!