ಮಂಗಳೂರು | ಎನ್‌ಐಟಿಕೆ ಘಟಿಕೋತ್ಸವ: 2,013 ವಿದ್ಯಾರ್ಥಿಗಳಿಗೆ ಪದವಿ ಪ್ರದಾನ

138 ಮಂದಿಗೆ ಪಿಎಚ್‌.ಡಿ ಎಂ.ಟೆಕ್ ಎಂ.ಟೆಕ್‌ (ರಿಸರ್ಚ್‌) ಎಂ.ಎಸ್ಸಿ ಎಂಸಿಎ ಎಂಬಿಎ ಪೂರ್ಣಗೊಳಿಸಿದ 961 ಮಂದಿ ಬಿ.ಟೆಕ್ ಪೂರೈಸಿದ 914 ಮಂದಿಗೆ ಪದವಿ ಪ್ರದಾನ ಮಾಡಲಾಯಿತು. 242 ವಿದ್ಯಾರ್ಥಿಗಳಿಗೆ ಬಿ.ಟೆಕ್ ಪದವಿಯೊಂದಿಗೆ ಇತರ ವಿಭಾಗಗಳಲ್ಲಿ ಮೈನರ್ ಪ್ರಶಸ್ತಿ 21 ಜನರಿಗೆ ಬಿ.ಟೆಕ್ ಆನರ್ಸ್ ಪದವಿ ಒಂಬತ್ತು ಬಿ.ಟೆಕ್ ಮತ್ತು 30 ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ ವಿವಿಧ ಏಜೆನ್ಸಿಗಳ ಪ್ರಾಯೋಜಕತ್ವದ ಚಿನ್ನದ ಪದಕಗಳನ್ನು ವಿತರಿಸಲಾಯಿತು. ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ ಎಂಜಿನಿಯರಿಂಗ್ ವಿಭಾಗದ ವಿದ್ಯಾರ್ಥಿ ಸಿದ್ಧಾರ್ಥ್ ಎಸ್. ಅಯ್ಯರ್ 10 ಸಿಜಿಪಿಎ ಪಡೆದಿದ್ದನ್ನು ಅವರ ಅನುಪಸ್ಥಿತಿಯಲ್ಲಿ ಸಭೆಯಲ್ಲಿ ಉಲ್ಲೇಖಿಸಿ ಶ್ಲಾಘಿಸಲಾಯಿತು.

‘ಎನ್ಐಟಿಕೆಯಲ್ಲಿರುವ ಕೋರ್ಸ್‌ಗಳು ಪಠ್ಯಕ್ರಮಗಳು ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಸ್ಪರ್ಧೆಗೆ ಅಣಿಯಾಗಲು ಪೂರಕವಾಗಿವೆ. ಕೋವಿಡ್ ಸಂದರ್ಭದಲ್ಲಿ ಮೊದಲ ಸೆಮಿಸ್ಟರ್ ಆನ್‌ಲೈನ್ ಕ್ಲಾಸ್‌ಗಳಾದರೂ ನಂತರ ಆಫ್‌ಲೈನ್ ತರಗತಿಗಳು ಶಿಕ್ಷಕರ ಮಾರ್ಗದರ್ಶನ ಸಾಧನೆಗೆ ಮೆಟ್ಟಿಲಾಯಿತು’ ಎಂದು ಎಂ.ಟೆಕ್‌ನಲ್ಲಿ (ಪವರ್ ಅಂಡ್ ಎನರ್ಜಿ ಸಿಸ್ಟಮ್ಸ್‌) ಚಿನ್ನದ ಪದಕ ಪಡೆದ ಮಹಾರಾಷ್ಟ್ರದ ಶಿಕ್ಷಕ ದಂಪತಿಯ ಪುತ್ರಿ ಸ್ನೇಹಾ ಶಿವಾಜಿ ಸಾವಂತ ಅಭಿಪ್ರಾಯ ವ್ಯಕ್ತಪಡಿಸಿದರು. ಪ್ರಸ್ತುತ ಅವರು ಬಜಾಜ್ ಆಟೊ ಕಂಪನಿಯಲ್ಲಿ ಉದ್ಯೋಗ ಪಡೆದಿದ್ದಾರೆ.

‘ಅಧ್ಯಯನದ ವೇಳೆ ಕಠಿಣ ಶ್ರಮದ ಜೊತೆಗೆ ಬುದ್ಧಿವಂತಿಕೆ ಕ್ರಿಯಾಶೀಲತೆ ಇದ್ದರೆ ಬದುಕಿನಲ್ಲಿ ಏನನ್ನೂ ಸಾಧಿಸಬಹುದು’ ಎಂದು ಎರಡು ಬಂಗಾರದ ಪದಕ ಕೊರಳಿಗೇರಿಸಿಕೊಂಡ ದೆಹಲಿಯ ಮಯಾಂಕ್ ದುವಾ ಸಂತಸ ಹಂಚಿಕೊಂಡರು. ಸಾಫ್ಟ್‌ವೇರ್ ಡೆವಲಪರ್ ಆಗಿರುವ ಅವರು ಬೆಂಗಳೂರಿನ ಸಾಫ್ಟ್‌ವೇರ್‌ ಕಂಪನಿಯ ಉದ್ಯೋಗಿ.