ಸಾಸ್ವೆಹಳ್ಳಿ: ಕಂಬಳಿ ಹುಳು ಕಾಟಕ್ಕೆ ಜನ ಹೈರಾಣು

ಸಾಸ್ವೆಹಳ್ಳಿ: ಸತತವಾಗಿ ಸುರಿಯುತ್ತಿರುವ ಮಳೆಗೆ ಹೋಬಳಿ ವ್ಯಾಪ್ತಿಯ ಕ್ಯಾಸಿನಕೆರೆ, ಹುಣಸಘಟ್ಟ, ತ್ಯಾಗದಕಟ್ಟೆ, ಕರಡಿ ಕ್ಯಾಂಪ್, ಚಿಲಾಪುರ ತಾಂಡಾಗಳಲ್ಲಿ ಎರಡು ವಾರಗಳಿಂದ ಕಪ್ಪು ಕಂಬಳಿ ಹುಳುಗಳ ಕಾಟ ಹೆಚ್ಚಿದ್ದು, ಜನರು ಹೈರಾಣಾಗಿದ್ದಾರೆ.

. ಕಪ್ಪು, ಕೆಂಪು ಹೆಂಚು, ಸಿಮೆಂಟ್ ಶೀಟ್, ತಗಡಿನ ಮನೆ, ಆರ್ಸಿಸಿ ಮನೆಗಳ ಸೂರುಗಳಲ್ಲಿ ಕಂಬಳಿ ಹುಳುಗಳು ಗುಂಪು ಗುಂಪಾಗಿ ಮೆತ್ತಿಕೊಂಡಿವೆ. ಪರಿಣಾಮವಾಗಿ ಗ್ರಾಮಸ್ಥರು ರಾತ್ರಿ ವೇಳೆಯಲ್ಲಿ ನಿದ್ದೆ ಮಾಡದಂತಾಗಿದೆ.

. ‘ಹುಳುಗಳು ಮಕ್ಕಳ ಮೈಮೇಲೆಲ್ಲಾ ಹರಿದಾಡುವುದರಿಂದ ಅರ್ಧ ನಿದ್ದೆಯಿಂದ ಎದ್ದು ಅಳುತ್ತವೆ’ ಎಂದು ಚಿಲಾಪುರ ತಾಂಡಾ ಗ್ರಾಮ ಪಂಚಾಯಿತಿ ಮಾಜಿ ಸದಸ್ಯ ಭೀಮಣಿಬಾಯಿ ತಿಳಿಸಿದರು.

. ‘ಕಂಬಳಿಹುಳುಗಳ ಜೊತೆಗೆ ಟ್ರೈನ್ ಹುಳುಗಳೂ ಮನೆಯ ಸುತ್ತಮುತ್ತ, ಒಳಗೆಲ್ಲ ಹರಿದಾಡುತ್ತಿವೆ. ಕುಡಿಯುವ ನೀರಿನ ಕೊಳಗ, ಅಡುಗೆ ಪಾತ್ರೆಗಳಲ್ಲೂ ಕಾಣಿಸಿಕೊಂಡಿವೆ. ಮಕ್ಕಳನ್ನು ಕಾಯುವುದೇ ಕೆಲಸವಾಗಿದೆ’ ಎನ್ನುತ್ತಾರೆ ಹುಣಸಘಟ್ಟ ಗ್ರಾಮದ ಗೌರಮ್ಮ.

. ಕೆಲವರು ಕಂಬಳಿಹುಳುಗಳನ್ನು ಕಸಬರಿಗೆಯಿಂದ ಗುಡಿಸಿ ತಿಪ್ಪೆ, ಚರಂಡಿಗಳಿಗೆ ಹಾಕಿದರೆ, ಮತ್ತೆ ಕೆಲವರು ರಾಸಾಯನಿಕ ಔಷಧ ಸಿಂಪಡಿಸುತ್ತಿದ್ದಾರೆ. ಇನ್ನೂ ಕೆಲವರು ಮೂಢನಂಬಿಕೆಗೆ ಶರಣಾಗಿ ಗ್ರಾಮದ ಶಕ್ತಿದೇವತೆಗಳ ಮೊರೆಹೋಗಿದ್ದಾರೆ. ಮನೆಯ ಮೇಲೆ ಸಾಸಿವೆಕಾಳು ಎರಚಿದರೆ, ಕಳ್ಳಿ ಕಡಿದು ಹಾಕಿದರೆ ಹುಳು ನಿಯಂತ್ರಣವಾಗುತ್ತದೆ ಎಂಬ ನಂಬಿಕೆ ಹಲವರಲ್ಲಿದೆ. ಗೌರಿ ಹಬ್ಬದ ಸಂದರ್ಭದಲ್ಲಿ ಕಂಡುಬರುವ ಹುಳುಗಳು ಗೌರಮ್ಮನ ಕರಿಮಣಿ ಇದ್ದಂತೆ. ಇವುಗಳಿಗೆ ತೊಂದರೆ ಕೊಡಬಾರದು. ಹಬ್ಬದ ನಂತರ ಕಡಿಮೆಯಾಗುತ್ತವೆ ಎಂಬ ನಂಬಿಕೆಯೂ ಇದೆ.

. ****

. ಕಂಬಳಿ ಹುಳುಗಳ ನಿಯಂತ್ರಣಕ್ಕೆ ಸಾಂಪ್ರದಾಯಿಕ ಪದ್ಧತಿ ಅನುಸರಿಸುವುದು ಉತ್ತಮ. ಪ್ರಾರಂಭಿಕ ಹಂತದಲ್ಲಿಯೇ ನಿಯಂತ್ರಿಸಬೇಕು. ಮನೆಗಳಲ್ಲಿ ರಾಸಾಯನಿಕ ಬಳುಸುವ ಮುನ್ನ ತಜ್ಞರ ಸಲಹೆ ಪಡೆಯಬೇಕು.

-ಕೆಂಚಪ್ಪ ಬಂತಿ, ತಾಲ್ಲೂಕು ವೈದ್ಯಾಧಿಕಾರಿ

. ****

. ಔಷಧ ಸಿಂಪಡಣೆ ಮುನ್ನ ಎಚ್ಚರ ಅಗತ್ಯ

. ಕಂಬಳಿ ಹುಳಗಳ ನಿಯಂತ್ರಣಕ್ಕೆ ಔಷಧ ಸಿಂಪಡಣೆ ಮಾಡುವ ಮೊದಲು ಎಚ್ಚರಿಕೆ ವಹಿಸಬೇಕು. ಔಷಧದಿಂದ ಅಪಾಯ ಜಾಸ್ತಿ. ಆದರ ಬದಲು ಹುಳುಗಳ ಮೊಟ್ಟೆ ಇರುವುದನ್ನು ಗಮನಿಸಿ ಅಲ್ಲಿ ಬೇವಿನ ಎಣ್ಣೆ ಸಿಂಪಡಿಸಬೇಕು. ಕೆಲವರು ಗೋಮೂತ್ರ, ಎಕ್ಕೆ ಎಲೆ, ಸುಣ್ಣ ಇತರ ಸಾಮಾಗ್ರಿಗಳನ್ನು ಬಳಸುತ್ತಾರೆ. ಮತ್ತೆ ಕೆಲವರು ಕಳ್ಳಿ ಹಾಕುತ್ತಾರೆ. ಇದರ ಉಪಯೋಗ ವೈಜ್ಞಾನಿಕವಾಗಿ ಸಾಬೀತಾಗಿಲ್ಲ. ಹುಳುಗಳು ಗುಂಪಾಗಿ ಇರುವುದರಿಂದ ಒಟ್ಟುಗೂಡಿಸಿ ಹೊರಗಡೆ ಬೆಂಕಿ ಹಾಕಬಹುದು ಅಥವಾ ರಾಸಾಯನಿಕ ಬಳಸಿ ನಾಶ ಮಾಡಬಹುದು ಎಂದು ಸಾಸ್ವೆಹಳ್ಳಿ ಕೃಷಿ ಅಧಿಕಾರಿ ಶಶಧರ್ ಸಲಹೆ ನೀಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಾಸ್ವೆಹಳ್ಳಿ: ಕಂಬಳಿ ಹುಳು ಕಾಟಕ್ಕೆ ಜನ ಹೈರಾಣು

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ವಾರ ಭವಿಷ್ಯ: ಸಂಗಾತಿಯ ಕೆಲವೊಂದು ಮಾತು ನಿಮ್ಮನ್ನು ಚುಚ್ಚುವಂತಿರುತ್ತದೆ

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

Jharkhand Election Results | ಜಾರ್ಖಂಡ್‌ ಗೆಲುವು ‘ಮಹಾ’ ಸೋಲಿಗೆ ಆಗದು ಮುಲಾಮು

ಸುಲ್ತಾನೋವ್‌ ಕಲಬುರಗಿ ಓಪನ್‌ ‘ಸುಲ್ತಾನ್’

IPL Mega Auction Highlights: ಪಂತ್, ಶ್ರೇಯಸ್, ವೆಂಕಟೇಶ್‌ಗೆ ಜಾಕ್‌ಪಾಟ್!

ಟೇಬಲ್‌ ಟೆನಿಸ್‌ ಟೂರ್ನಿ: ಸಿದ್ಧಾಂತ್‌ಗೆ ಪ್ರಶಸ್ತಿ ಡಬಲ್‌

Perth Test: ಯಶಸ್ವಿ, ಕೊಹ್ಲಿ ಆಟಕ್ಕೆ ಕಾಂಗರೂ ಪಡೆ ಕಂಗಾಲು

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಚಿನಕುರುಳಿ | ಭಾನುವಾರ, ನವೆಂಬರ್ 24 2024

ವಾರ ಭವಿಷ್ಯ: ಸಂಗಾತಿಯ ಕೆಲವೊಂದು ಮಾತು ನಿಮ್ಮನ್ನು ಚುಚ್ಚುವಂತಿರುತ್ತದೆ

ದಿನ ಭವಿಷ್ಯ: ಚಂಚಲ ಮನೋಭಾವವು ಅಭ್ಯುದಯಕ್ಕೆ ಅಡ್ಡಿಯಾಗಲಿದೆ

Jharkhand Election Results | ಜಾರ್ಖಂಡ್‌ ಗೆಲುವು ‘ಮಹಾ’ ಸೋಲಿಗೆ ಆಗದು ಮುಲಾಮು