ಮುಸ್ಲಿಮರಿಲ್ಲದ ಊರಲ್ಲಿ ಹಿಂದೂಗಳಿಂದ ಮೊಹರಂ; ಪುರಾತನ ಕಾಲದಿಂದ ನಡೆದು ಬಂದ ಆಚರಣೆ

ಮಾಯಕೊಂಡ: ಹಿಂದೂ ಮುಸ್ಲಿಮರ ಸೌಹಾರ್ದಕ್ಕೆ ಸಾಕ್ಷಿಯಾದ ಗ್ರಾಮಸಮೀಪದ ದೊಡ್ಡಮಾಗಡಿ.ಮುಸ್ಲಿಮರಿಲ್ಲದ ಈ ಊರಿನಲ್ಲಿ ಪುರಾತನ ಕಾಲದಿಂದಲೂ ಹಿಂದುಗಳೇ ಮೊಹರಂ ಆಚರಿಸುತ್ತಿರುವುದು ವಿಶೇಷ.

. ಹಿಂದುಗಳೇ ಇರುವ ಪುಟ್ಟ ಗ್ರಾಮಕೊಡಗನೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ದೊಡ್ಡಮಾಗಡಿ. ಮೊಹರಂ ಆಚರಿಸುತ್ತಾ ಭಾವೈಕ್ಯ ಹಾಗೂ ಮತೀಯ ಸೌಹಾರ್ದಕ್ಕೆ ಸಾಕ್ಷಿಯಾಗಿದ್ದಾರೆ ಗ್ರಾಮಸ್ಥರು.

. ಸಂಪ್ರದಾಯದಂತೆ ಮೊಹರಂ ಆಚರಿಸುವ ಗ್ರಾಮಸ್ಥರು,ಪ್ರತಿ ವರ್ಷ ಗ್ರಾಮವನ್ನು ತಳಿರು ತೋರಣಗಳಿಂದ ಸಿಂಗರಿಸಿ, ಶ್ರಾವಣ ಮಾಸದ ಅಮಾವಾಸ್ಯೆಯಂದು ಕೆಂಡದ ಗುಂಡಿಗೆ ಭೂಮಿಪೂಜೆ ನೆರವೇರಿಸುವ ಮೂಲಕ ಹಬ್ಬಕ್ಕೆ ಚಾಲನೆ ನೀಡುತ್ತಾರೆ.

. ಕತ್ತಲರಾತ್ರಿ (ಮೊಹರಂ ಹಿಂದಿನ) ದಿನ ವಿಶೇಷ ಸವಾಲು ಕಾರ್ಯಕ್ರಮ ನಡೆಯುತ್ತದೆ. ನಂತರ ಒಂಭತ್ತನೇ ದಿನ ಮುಂಜಾನೆ ಕೆಂಡ ತುಳಿಯಲಾಗುತ್ತದೆ. ರಾತ್ರಿ ಪೀರ್ ಸ್ವಾಮಿಗೆ ಶ್ರದ್ಧಾ, ಭಕ್ತಿಗಳಿಂದ ವಿಶೇಷ ಪೂಜೆ ಸಲ್ಲಿಸಿ ಸಕ್ಕರೆ ಹಂಚಲಾಗುತ್ತದೆ. ಸಂಜೆ ಪೂಜೆ ನೆರವೇರಿಸುವ ಮೂಲಕ ಮೊಹರಂ ಅನ್ನು ಸಂಪ್ರದಾಯದಂತೆ ಆಚರಿಸಲಾಗುತ್ತದೆ ಎನ್ನುತ್ತಾರೆ ದೇವಸ್ಥಾನದ ಪೂಜಾರಿ ರಾಮನಾಯ್ಕ ಮತ್ತು ಹುಸೇನ್ ನಾಯ್ಕ.

. ಮಾಯಕೊಂಡ ಹಾಗೂ ದೊಡ್ಡಮಾಗಡಿ ಎರಡೂ ಗ್ರಾಮಗಳಲ್ಲೂ ಮೊಹರಂ ಆಚರಣೆ ನಡೆಯುತ್ತಿತ್ತು. ಆದರೆ ಕೆಲ ದಶಕಗಳಿಂದ ಮಾಯಕೊಂಡದಲ್ಲಿ ಆಚರಣೆ ಮಾಡುತ್ತಿಲ್ಲ. ಆದರೆ ಮಾಗಡಿ ಗ್ರಾಮದಲ್ಲಿ ಆಚರಣೆ ಮುಂದುವರಿಸಿಕೊಂಡು ಬರುತ್ತಿದ್ದಾರೆ. ಗ್ರಾಮದ ಸರ್ವರೂ ಒಂದೆಡೆ ಸೇರಿ ಸಂಭ್ರಮಿಸುವ ಆಚರಣೆ ಇದು ಎನ್ನುತ್ತಾರೆ ಮುಖಂಡರಾದ ಶಿವಗಾನಾಯ್ಕ, ಚಂದ್ರು, ಜಯಾನಾಯ್ಕ, ಬಾಬು ನಾಯ್ಕ, ಅರುಣ, ಈರಾನಾಯ್ಕ, ಸಂತೋಷ.

. ಪೀರ್ ದೇವರ ಮೊಹರಂನಲ್ಲಿ ಕೆಂಡ ತುಳಿಯುವುದು ವಿಶೇಷ. ಕೆಂಡದ ದಿನದಂದು ಮಾಯಕೊಂಡ ಹೋಬಳಿಯ ವಿವಿಧ ಗ್ರಾಮಗಳಿಂದ ಭಕ್ತರು ಬಂದು ಕೆಂಡ ತುಳಿದು, ಸಕ್ಕರೆ ಹರಕೆ ಸಲ್ಲಿಸುವುದು ವಿಶೇಷ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮುಸ್ಲಿಮರಿಲ್ಲದ ಊರಲ್ಲಿ ಹಿಂದೂಗಳಿಂದ ಮೊಹರಂ; ಪುರಾತನ ಕಾಲದಿಂದ ನಡೆದು ಬಂದ ಆಚರಣೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್‌: ಸಾತ್ವಿಕ್‌–ಚಿರಾಗ್‌ ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು