ಮೀನು ಮರಿ ಮಾರಾಟದ ಯಶೋಗಾಥೆ

ಹರಪನಹಳ್ಳಿ: ಆರು ಎಕರೆ ಜೌಗು(ಸವುಳು) ಭೂಮಿಯಲ್ಲಿ ಬಿತ್ತಿದ ಬೀಜಗಳು ಮೊಳಕೆಯೊಡೆಯದೆ ನಷ್ಟ ಅನುಭವಿಸಿ ಕೊನೆಗೆ ಹೊಂಡಗಳನ್ನು ನಿರ್ಮಿಸಿ, ಮೀನುಕೃಷಿಯಲ್ಲಿಯೇ ಯುವಕರು ಯಶ ಕಂಡಿದ್ದಾರೆ.

. ತಾಲ್ಲೂಕಿನ ಮಾದಾಪುರ ಗ್ರಾಮದ ಬಳಿ ಆರು ಎಕರೆ ಪ್ರದೇಶದಲ್ಲಿ ಪವಾಡಿ ಕುಟುಂಬ 24 ಹೊಂಡಗಳನ್ನು ನಿರ್ಮಿಸಿದೆ. ದೇವೇಂದ್ರ, ಆಂಜಿನಪ್ಪ, ಭರತ್ ಮತ್ತು ರವಿಕುಮಾರ್ ಎಂಬ ಯುವಕರು ಎರಡು ದಶಕಗಳಿಂದ ಮೀನು ಮರಿಗಳ ಕೃಷಿ ಮಾಡಿಕೊಂಡು ಬಂದಿದ್ದಾರೆ.

. ‘ದೇವೇಂದ್ರ ಮೀನು ಮರಿ ಮಾರಾಟ ಕೇಂದ್ರ’ ಎಂಬ ಖಾಸಗಿ ಸಂಸ್ಥೆ ಯನ್ನು ಯುವಕರು ಸ್ಥಾಪಿಸಿದ್ದಾರೆ. ಹಾವೇರಿ, ಹಾನಗಲ್, ಮುಂಡಗೋಡು, ಬ್ಯಾಡಗಿ, ರಾಣೆಬೆನ್ನೂರು, ಹಿರೇಕೆರೂರೂ, ಗಂಗಾವತಿ, ಹರಪನಹಳ್ಳಿ ತಾಲ್ಲೂಕುಗಳಿಂದ ಮೀನು ಮರಿಗಳ ಖರೀದಿಗೆ ಬರುತ್ತಾರೆ.

. ಮೀನು ಮರಿ ಉತ್ಪಾದನಾ ಕೇಂದ್ರಗಳಾದ ಬಿ.ಆರ್.ಪ್ರಾಜೆಕ್ಟ್ ಶಿವಮೊಗ್ಗ, ಹೊಸಪೇಟೆ ಟಿ.ಬಿ.ಡ್ಯಾಂ ನಿಂದ ಮೊಟ್ಟೆಗಳನ್ನು ಖರೀದಿಸುತ್ತಾರೆ. ನಂತರ ಹೊಂಡಗಳಲ್ಲಿ ಮರಿ ಮಾಡಿ ಬೆಳೆಸಿ ಮಾರಾಟ ಮಾಡುತ್ತಾರೆ.

. ಮೂರು ಲಕ್ಷ ಲಾಭ: ಪ್ರತಿ ವರ್ಷ 1.5 ಕೋಟಿಗೂ ಹೆಚ್ಚು ಮೊಟ್ಟೆಗಳನ್ನು ಖರೀದಿಸುತ್ತಾರೆ. ಈ ಭಾಗದಲ್ಲಿ ಕಾರ್ಪ್, ಕಟ್ಲಾ, ರೋವು, ಮೃಗಾಲ್, ಹುಲ್ಲುಗಂಡೆ ಮುಂತಾದ ಜಾತಿ ಮರಿಗಳಿಗೆ ಬೇಡಿಕೆ ಇದೆ. ಚಿನ್ನುಕುಮಾರ್ ಮತ್ತು ಶಂಕರಗೌಡ ಎಂಬವರು ರಾತ್ರಿ ಸಮಯದಲ್ಲಿ ಕಾವಲಿರುತ್ತಾರೆ. ಎಲ್ಲಾ ಖರ್ಚು ವೆಚ್ಚಗಳನ್ನು ಕಳೆದು, ಆರು ತಿಂಗಳಲ್ಲಿ ಕನಿಷ್ಠ ₹ 3 ಲಕ್ಷ ಆದಾಯ ಗಳಿಸುತ್ತಾರೆ.

. ‘ಎರಡು ಕೊಳವೆಬಾವಿಗಳಿಂದ ಹೊಂಡಗಳಲ್ಲಿ ನೀರು ಸಂಗ್ರಹಿಸಿದ್ದು, ಸುಮಾರು 50 ಲಕ್ಷಕ್ಕೂ ಹೆಚ್ಚು ಮರಿಗಳನ್ನು ಸಾಕಿದ್ದೇವೆ. ಉತ್ತಮ ಮಳೆಯಾಗಿ ಕೆರೆಗಳು ತುಂಬಿದಲ್ಲಿ ಮೀನು ಸಾಕಣೆದಾರರಿಂದ ಹೆಚ್ಚು ಬೇಡಿಕೆ ಬರಲಿದೆ. ಆದಾಯವೂ ಹೆಚ್ಚಾಗಲಿದೆ. ಬರಗಾಲದಿಂದ ಕೆರೆಗಳಲ್ಲಿ ನೀರಿಲ್ಲ. ಈ ವರ್ಷ ಮೀನು ಮರಿಗಳ ಬೇಡಿಕೆ ಕುಸಿದಿದೆ’ ಎನ್ನುತ್ತಾರೆ ಭರತ್

. ಹಾನಗಲ್ ತಾಲ್ಲೂಕಿನ ಹೊಂಕಣ ಎಂಬಲ್ಲಿ ಸಹೋದರ ಮಲ್ಲಿಕಾರ್ಜುನ ‘ದುರ್ಗಾ ಮೀನು ಮರಿ ಕೇಂದ್ರ’ ಸ್ಥಾಪಿಸಲಾಗಿದೆ. ಇದು ಉತ್ತಮ ಲಾಭದಲ್ಲಿದೆ ಎಂದು ಪವಾಡಿ ದೇವೇಂದ್ರ ಮತ್ತು ಭರತ್ ಮಾಹಿತಿ ನೀಡಿದರು.

. ದುರ್ಗಾ ಅಕ್ವೇರಿಯಂ: ಮೀನು ಮರಿಗಳ ಮಾರಾಟ ಮುಗಿದ ನಂತರ ಸಂಜೆ ಬಿಡುವಿನ ವೇಳೆ ಅಲಂಕಾರಿಕ ಮೀನುಗಳ ಮಾರಾಟ ಮಾಡಲಾಗುತ್ತದೆ. ಪಟ್ಟಣದಲ್ಲಿ ಮಾರಾಟ ಕೇಂದ್ರ ಆರಂಭಿಸಿದ್ದು, ಅದು ಯಶಸ್ವಿಯಾಗಿ ನಡೆಯುತ್ತಿದೆ.

. ಸಾವಿರ ಕಾಟ್ಲ ಮೀನು ಮರಿಗಳಿಗೆ ₹250 ಹಾಗೂ ಗ್ಲಾಸ್ ಕಾರ್ಪ್ ಮೀನಿಗೆ ₹ 400ಗೆ ಮಾರಾಟ ಮಾಡಲಾಗುತ್ತದೆ. ಜಮೀನಿನಲ್ಲಿ ಎರಡು ಕೊಳವೆಬಾವಿಗ ಳಿರುವುದಿಂದ ನೀರು ಪೂರೈಕೆಗೆ ಯಾವುದೇ ತೊಂದರೆಯಾಗಿಲ್ಲ. ಎನ್ನುತ್ತಾರೆ ದೇವೇಂದ್ರ. ಹೆಚ್ಚಿನ ಮಾಹಿತಿಗೆ 9986122770, 9900550025 ಸಂಪರ್ಕಿಸಬಹುದು.

. ***

. ಈಗೀಗ ಮೀನು ಕೃಷಿ ಬಗ್ಗೆ ಜನರಲ್ಲಿ ಜಾಗೃತಿ ಮೂಡುತ್ತಿದೆ. ಕಾಟ್ಲ ಹಾಗೂ ಗೌರಿ ಮೀನು ಮರಿಗಳಿಗೆ ಹೆಚ್ಚಿನ ಬೇಡಿಕೆ ಇದೆ ಪವಡಿ ದೇವೇಂದ್ರ, ಮೀನು ಕೃಷಿಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೀನು ಮರಿ ಮಾರಾಟದ ಯಶೋಗಾಥೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ನ.19ರಿಂದ ಹೊನ್ನಾವರದಲ್ಲಿ ರಾಷ್ಟ್ರೀಯ ಮಟ್ಟದ ಅಂಧರ ಚೆಸ್ ಟೂರ್ನಿ

Ranji Trophy: ಕರ್ನಾಟಕ 221ಕ್ಕೆ ಆಲೌಟ್; ಮೊದಲ ಇನಿಂಗ್ಸ್ ಹಿನ್ನಡೆ

ಫುಟ್‌ಬಾಲ್ | ಇಸ್ರೇಲ್ ಅಭಿಮಾನಿಗಳ ಮೇಲೆ ದಾಳಿ: ಪಿಎಂ ನೆತನ್ಯಾಹು ಹೇಳಿದ್ದೇನು?

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!