<p><strong>ಹುಬ್ಬಳ್ಳಿ:</strong> ಲಾಕ್ಡೌನ್ನಿಂದ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿರುವವಿದ್ಯುತ್ಚಾಲಿತ ಮಗ್ಗಗಳ ನೇಕಾರರಿಗೆ ರಾಜ್ಯ ಸರ್ಕಾರ ಘೋಷಣೆ ಮಾಡಿರುವ ಪರಿಹಾರವು ಶೇ 8.5ರಷ್ಟು ಫಲಾನುಭವಿಗಳಿಗೆ ಮಾತ್ರ ತಲುಪಿದೆ.</p>.<p>ರಾಜ್ಯದಲ್ಲಿರುವ 1.25 ಲಕ್ಷ ವಿದ್ಯುತ್ಚಾಲಿತ ಮಗ್ಗಗಳ ನೇಕಾರರಲ್ಲಿ ನೆರವು ಕೋರಿ 42,451 ಅರ್ಜಿಗಳು ಕೈಮಗ್ಗ ಮತ್ತು ಜವಳಿ ಇಲಾಖೆಗೆ ಸಲ್ಲಿಕೆಯಾಗಿದ್ದರೂ ಈವರೆಗೆ 10,544 ಮಂದಿಗೆ ನೆರವು ನೀಡಲಾಗಿದೆ.</p>.<p>ಕೈಮಗ್ಗ ನೇಕಾರರಿಗಾಗಿ ರಾಜ್ಯ ಸರ್ಕಾರ ‘ನೇಕಾರ ಸಮ್ಮಾನ’ ಯೋಜನೆಯಡಿ ಪ್ರತಿ ವರ್ಷ ₹2,000 ನೆರವು ನೀಡುತ್ತಿದೆ. ಕೋವಿಡ್ನಿಂದಾಗಿ ಸೀರೆಗಳ ತಯಾರಿಕೆ ಹಾಗೂ ಮಾರಾಟ ಇಲ್ಲದೆ ನಷ್ಟ ಅನುಭವಿಸಿದ ವಿದ್ಯುತ್ ಮಗ್ಗಗಳ ನೇಕಾರರಿಗೂ ಈ ಸೌಲಭ್ಯವನ್ನು ವಿಸ್ತರಿಸಲಾಗಿದ್ದು, ಅವರಿಗೆ ಒಂದು ಬಾರಿ ಮಾತ್ರ ₹2,000 ಸಾವಿರ ಆರ್ಥಿಕ ಬೆಂಬಲದ ತೀರ್ಮಾನ ಕೈಗೊಳ್ಳಲಾಗಿದೆ.</p>.<p class="Subhead"><strong>ತೊಡಕು ಹಲವು</strong>: ವಿದ್ಯುತ್ ಮಗ್ಗಗಳ ನೇಕಾರರ ಸಮಗ್ರ ಮಾಹಿತಿ ಇಲಾಖೆ ಬಳಿ ಇಲ್ಲದಿರುವುದೇ ಪರಿಹಾರ ವಿತರಣೆಗೆ ದೊಡ್ಡ ತೊಡಕಾಗಿದೆ. ಆಯಾ ಘಟಕಗಳ ಮಾಲೀಕರು ಕಾರ್ಮಿಕರ ಬ್ಯಾಂಕ್ ಖಾತೆ ವಿವರವನ್ನು ಸಲ್ಲಿಸಬೇಕಾಗಿದೆ. ಇದನ್ನು ಪರಿಶೀಲಿಸಿ ಫಲಾನುಭವಿಯ ಬ್ಯಾಂಕ್ ಖಾತೆಗೆ ನಗದು ವರ್ಗಾವಣೆ ಮಾಡಲಾಗುತ್ತಿದೆ.</p>.<p>ಮೂರು ತಿಂಗಳಾದರೂ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಚುರುಕು ಪಡೆದಿಲ್ಲ. ಆಯಾ ಘಟಕಗಳ ಮಾಲೀಕರು ಕಾರ್ಮಿಕರ ವಿವರ ಇನ್ನೂ ನೀಡಿಲ್ಲ. ಅರ್ಜಿ ಜತೆಗೆ ವಿದ್ಯುತ್ ಸಹಾಯಧನದ ಮಾಹಿತಿ, ಕಾರ್ಮಿಕರ ಸಂಖ್ಯೆ, ಮಜೂರಿಯ ಪ್ರತಿ, ನೇಕಾರರ ಗ್ರೂಪ್ ಫೊಟೊ ಇತ್ಯಾದಿ ವಿವರ ಸಲ್ಲಿಸಬೇಕಾಗಿದೆ.</p>.<p>‘ಲಾಕ್ಡೌನ್ಗೂ ಮುನ್ನ ಹಾಗೂ ನಂತರ ಉತ್ಪಾದನೆಯಾದ ಸರಕಿನ ವಿವರವನ್ನು ಸಲ್ಲಿಸಬೇಕು ಎಂಬ ವದಂತಿ ಹರಡಿದೆ. ಮಾರ್ಗಸೂಚಿಯಲ್ಲಿ ಅಂತಹ ಯಾವುದೇ ಷರತ್ತು ಇಲ್ಲ. ಈ ಗೊಂದಲ ನಿವಾರಣೆಗಾಗಿಯೇ ನೇಕಾರ ಮುಖಂಡರಿಗೆ ತಿಳಿವಳಿಕೆ ನೀಡಲಾಗುತ್ತಿದೆ‘ ಎಂದು ಕೈಮಗ್ಗ ಮತ್ತು ಜವಳಿ ಇಲಾಖೆಯ ಹೆಚ್ಚುವರಿ ನಿರ್ದೇಶಕ ಸಿ.ಎಸ್.ಯೋಗೀಶ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಬೆಳಗಾವಿ ಹಾಗೂ ಬಾಗಲಕೋಟೆ ಜಿಲ್ಲೆಗಳಲ್ಲಿ ಗರಿಷ್ಠ ಸಂಖ್ಯೆಯಲ್ಲಿ ಮಗ್ಗಗಳಿವೆ. ಸೀಲ್ಡೌನ್, ಲಾಕ್ಡೌನ್ನಿಂದಾಗಿ ಬಹಳಷ್ಟು ನೇಕಾರರು ಹೊರಬರಲು ಆಗಿಲ್ಲ’ ಎನ್ನುತ್ತಾರೆ ಅವರು.</p>.<p class="Subhead"><strong>ನೇಕಾರರು ಹೇಳುವುದೇನು: </strong>‘1ರಿಂದ 5 ಮಗ್ಗಗಳ ಸಣ್ಣ ಯುನಿಟ್ ನಡೆಸುವವರು ಸಾಮಾನ್ಯವಾಗಿ ಒಂದೇ ಕುಟುಂಬದ ಸದಸ್ಯರಾಗಿರುತ್ತಾರೆ. 10ಕ್ಕಿಂತ ಹೆಚ್ಚು ಮಗ್ಗಗಳನ್ನು ಹೊಂದಿರುವ ಮಾಲೀಕರು ಕಾರ್ಮಿಕರನ್ನು ಅವಲಂಬಿಸಿರುತ್ತಾರೆ. ಇವರೆಲ್ಲರ ಪರವಾಗಿ ಮಾಲೀಕರೇ ಅರ್ಜಿ ಸಲ್ಲಿಸಬೇಕಿದೆ. ಇದರ ಬದಲು ನೇರವಾಗಿ ಅರ್ಜಿ ಸಲ್ಲಿಕೆಗೆ ಅವಕಾಶ ನೀಡಬೇಕು’ ಎಂಬುದು ಹಲವರ ಆಗ್ರಹ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ:</strong> ಲಾಕ್ಡೌನ್ನಿಂದ ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿರುವವಿದ್ಯುತ್ಚಾಲಿತ ಮಗ್ಗಗಳ ನೇಕಾರರಿಗೆ ರಾಜ್ಯ ಸರ್ಕಾರ ಘೋಷಣೆ ಮಾಡಿರುವ ಪರಿಹಾರವು ಶೇ 8.5ರಷ್ಟು ಫಲಾನುಭವಿಗಳಿಗೆ ಮಾತ್ರ ತಲುಪಿದೆ.</p>.<p>ರಾಜ್ಯದಲ್ಲಿರುವ 1.25 ಲಕ್ಷ ವಿದ್ಯುತ್ಚಾಲಿತ ಮಗ್ಗಗಳ ನೇಕಾರರಲ್ಲಿ ನೆರವು ಕೋರಿ 42,451 ಅರ್ಜಿಗಳು ಕೈಮಗ್ಗ ಮತ್ತು ಜವಳಿ ಇಲಾಖೆಗೆ ಸಲ್ಲಿಕೆಯಾಗಿದ್ದರೂ ಈವರೆಗೆ 10,544 ಮಂದಿಗೆ ನೆರವು ನೀಡಲಾಗಿದೆ.</p>.<p>ಕೈಮಗ್ಗ ನೇಕಾರರಿಗಾಗಿ ರಾಜ್ಯ ಸರ್ಕಾರ ‘ನೇಕಾರ ಸಮ್ಮಾನ’ ಯೋಜನೆಯಡಿ ಪ್ರತಿ ವರ್ಷ ₹2,000 ನೆರವು ನೀಡುತ್ತಿದೆ. ಕೋವಿಡ್ನಿಂದಾಗಿ ಸೀರೆಗಳ ತಯಾರಿಕೆ ಹಾಗೂ ಮಾರಾಟ ಇಲ್ಲದೆ ನಷ್ಟ ಅನುಭವಿಸಿದ ವಿದ್ಯುತ್ ಮಗ್ಗಗಳ ನೇಕಾರರಿಗೂ ಈ ಸೌಲಭ್ಯವನ್ನು ವಿಸ್ತರಿಸಲಾಗಿದ್ದು, ಅವರಿಗೆ ಒಂದು ಬಾರಿ ಮಾತ್ರ ₹2,000 ಸಾವಿರ ಆರ್ಥಿಕ ಬೆಂಬಲದ ತೀರ್ಮಾನ ಕೈಗೊಳ್ಳಲಾಗಿದೆ.</p>.<p class="Subhead"><strong>ತೊಡಕು ಹಲವು</strong>: ವಿದ್ಯುತ್ ಮಗ್ಗಗಳ ನೇಕಾರರ ಸಮಗ್ರ ಮಾಹಿತಿ ಇಲಾಖೆ ಬಳಿ ಇಲ್ಲದಿರುವುದೇ ಪರಿಹಾರ ವಿತರಣೆಗೆ ದೊಡ್ಡ ತೊಡಕಾಗಿದೆ. ಆಯಾ ಘಟಕಗಳ ಮಾಲೀಕರು ಕಾರ್ಮಿಕರ ಬ್ಯಾಂಕ್ ಖಾತೆ ವಿವರವನ್ನು ಸಲ್ಲಿಸಬೇಕಾಗಿದೆ. ಇದನ್ನು ಪರಿಶೀಲಿಸಿ ಫಲಾನುಭವಿಯ ಬ್ಯಾಂಕ್ ಖಾತೆಗೆ ನಗದು ವರ್ಗಾವಣೆ ಮಾಡಲಾಗುತ್ತಿದೆ.</p>.<p>ಮೂರು ತಿಂಗಳಾದರೂ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಚುರುಕು ಪಡೆದಿಲ್ಲ. ಆಯಾ ಘಟಕಗಳ ಮಾಲೀಕರು ಕಾರ್ಮಿಕರ ವಿವರ ಇನ್ನೂ ನೀಡಿಲ್ಲ. ಅರ್ಜಿ ಜತೆಗೆ ವಿದ್ಯುತ್ ಸಹಾಯಧನದ ಮಾಹಿತಿ, ಕಾರ್ಮಿಕರ ಸಂಖ್ಯೆ, ಮಜೂರಿಯ ಪ್ರತಿ, ನೇಕಾರರ ಗ್ರೂಪ್ ಫೊಟೊ ಇತ್ಯಾದಿ ವಿವರ ಸಲ್ಲಿಸಬೇಕಾಗಿದೆ.</p>.<p>‘ಲಾಕ್ಡೌನ್ಗೂ ಮುನ್ನ ಹಾಗೂ ನಂತರ ಉತ್ಪಾದನೆಯಾದ ಸರಕಿನ ವಿವರವನ್ನು ಸಲ್ಲಿಸಬೇಕು ಎಂಬ ವದಂತಿ ಹರಡಿದೆ. ಮಾರ್ಗಸೂಚಿಯಲ್ಲಿ ಅಂತಹ ಯಾವುದೇ ಷರತ್ತು ಇಲ್ಲ. ಈ ಗೊಂದಲ ನಿವಾರಣೆಗಾಗಿಯೇ ನೇಕಾರ ಮುಖಂಡರಿಗೆ ತಿಳಿವಳಿಕೆ ನೀಡಲಾಗುತ್ತಿದೆ‘ ಎಂದು ಕೈಮಗ್ಗ ಮತ್ತು ಜವಳಿ ಇಲಾಖೆಯ ಹೆಚ್ಚುವರಿ ನಿರ್ದೇಶಕ ಸಿ.ಎಸ್.ಯೋಗೀಶ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಬೆಳಗಾವಿ ಹಾಗೂ ಬಾಗಲಕೋಟೆ ಜಿಲ್ಲೆಗಳಲ್ಲಿ ಗರಿಷ್ಠ ಸಂಖ್ಯೆಯಲ್ಲಿ ಮಗ್ಗಗಳಿವೆ. ಸೀಲ್ಡೌನ್, ಲಾಕ್ಡೌನ್ನಿಂದಾಗಿ ಬಹಳಷ್ಟು ನೇಕಾರರು ಹೊರಬರಲು ಆಗಿಲ್ಲ’ ಎನ್ನುತ್ತಾರೆ ಅವರು.</p>.<p class="Subhead"><strong>ನೇಕಾರರು ಹೇಳುವುದೇನು: </strong>‘1ರಿಂದ 5 ಮಗ್ಗಗಳ ಸಣ್ಣ ಯುನಿಟ್ ನಡೆಸುವವರು ಸಾಮಾನ್ಯವಾಗಿ ಒಂದೇ ಕುಟುಂಬದ ಸದಸ್ಯರಾಗಿರುತ್ತಾರೆ. 10ಕ್ಕಿಂತ ಹೆಚ್ಚು ಮಗ್ಗಗಳನ್ನು ಹೊಂದಿರುವ ಮಾಲೀಕರು ಕಾರ್ಮಿಕರನ್ನು ಅವಲಂಬಿಸಿರುತ್ತಾರೆ. ಇವರೆಲ್ಲರ ಪರವಾಗಿ ಮಾಲೀಕರೇ ಅರ್ಜಿ ಸಲ್ಲಿಸಬೇಕಿದೆ. ಇದರ ಬದಲು ನೇರವಾಗಿ ಅರ್ಜಿ ಸಲ್ಲಿಕೆಗೆ ಅವಕಾಶ ನೀಡಬೇಕು’ ಎಂಬುದು ಹಲವರ ಆಗ್ರಹ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
