<p><strong>ಆಲೂರು</strong>: ಕಳೆದ ಒಂದು ವಾರದಿಂದ ಸುರಿಯುತ್ತಿರುವ ಸೋನೆ ಮಳೆಯಿಂದಾಗಿ ಬುಧವಾರ ನಡೆದ ವಾರದ ಸಂತೆ ಗ್ರಾಹಕರಿಲ್ಲದೆ ಭಣಗುಡುತ್ತಿತ್ತು.</p>.<p>ಮಂಗಳವಾರ ರಾತ್ರಿಯಿಂದ ಸುರಿಯುತ್ತಿದ್ದ ಮಳೆ ಬುಧವಾರವೂ ಮುಂದುವರಿದಿದ್ದರಿಂದ ಸಂತೆ ದಿನದಂದು ಮಾತ್ರ ನಡೆಯುವ ನಾಟಿ ಕೋಳಿ, ಬೆಣ್ಣೆ ವ್ಯಾಪಾರ ಮಂಕಾಗಿತ್ತು.</p>.<p>ವಾರದ ಹಿಂದೆ ಆಷಾಢ ಮಾಸವಾಗಿದ್ದರಿಂದ ನಾಟಿ ಕೋಳಿಗಳನ್ನು ಕೊಳ್ಳಲು ಗ್ರಾಹಕರು ಮುಗಿಬಿದ್ದಿದ್ದರು. ಈ ವಾರ ನಾಟಿಕೋಳಿ, ಬೆಣ್ಣೆ ಸಂತೆಗೆ ಬಂದಿದ್ದರೂ ಗ್ರಾಹಕರ ಸಂಖ್ಯೆ ಕಡಿಮೆ ಇತ್ತು.</p>.<p>ಟೊಮೆಟೊ ಮತ್ತು ಹಸಿ ಮೆಣಸಿನಕಾಯಿ ದರ ಕೆ.ಜಿ.ಗೆ ₹100 ಇತ್ತು. ಮೂಲಂಗಿ, ಗೆಡ್ಡೆಕೋಸು, ನುಗ್ಗೆಕಾಯಿ, ಹೂಕೋಸು, ಬೀನ್ಸ್, ಎಲೆಕೋಸು, ಸೊಪ್ಪಿನ ಬೆಲೆ ಇಳಿಮುಖವಾಗಿತ್ತು. ಹೂವಿನ ವ್ಯಾಪಾರ ಕಡಿಮೆಯಾಗಿತ್ತು.</p>.<p>ಹಾಸನ ಸೇರಿದಂತೆ ವಿವಿಧೆಡೆ ಬಂದಿದ್ದ ವ್ಯಾಪಾರಿಗಳು ತಾವು ತಂದಿದ್ದ ತರಕಾರಿ, ಹಣ್ಣು, ಆಹಾರ ಪದಾರ್ಥಗಳನ್ನು ವಾಪಸ್ ಕೊಂಡೊಯ್ಯುವ ಸ್ಥಿತಿ ನಿರ್ಮಾಣವಾಗಿತ್ತು.</p>.<p>‘ನಿರಂತರವಾಗಿ ಮಳೆ ಸುರಿಯುತ್ತಿರುವುದರಿಂದ ಸಂತೆ ದಿನ ವ್ಯಾಪಾರ ಕುಂಠಿತವಾಗಿದೆ. ತರಕಾರಿ, ಸೊಪ್ಪು ಉಳಿದಿದ್ದು, ನಷ್ಟ ಉಂಟಾಗಿದೆ’ ಎಂದು ತರಕಾರಿ ವ್ಯಾಪಾರಿ ಇರ್ಫಾನ್ ಅಳಲು ತೋಡಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಆಲೂರು</strong>: ಕಳೆದ ಒಂದು ವಾರದಿಂದ ಸುರಿಯುತ್ತಿರುವ ಸೋನೆ ಮಳೆಯಿಂದಾಗಿ ಬುಧವಾರ ನಡೆದ ವಾರದ ಸಂತೆ ಗ್ರಾಹಕರಿಲ್ಲದೆ ಭಣಗುಡುತ್ತಿತ್ತು.</p>.<p>ಮಂಗಳವಾರ ರಾತ್ರಿಯಿಂದ ಸುರಿಯುತ್ತಿದ್ದ ಮಳೆ ಬುಧವಾರವೂ ಮುಂದುವರಿದಿದ್ದರಿಂದ ಸಂತೆ ದಿನದಂದು ಮಾತ್ರ ನಡೆಯುವ ನಾಟಿ ಕೋಳಿ, ಬೆಣ್ಣೆ ವ್ಯಾಪಾರ ಮಂಕಾಗಿತ್ತು.</p>.<p>ವಾರದ ಹಿಂದೆ ಆಷಾಢ ಮಾಸವಾಗಿದ್ದರಿಂದ ನಾಟಿ ಕೋಳಿಗಳನ್ನು ಕೊಳ್ಳಲು ಗ್ರಾಹಕರು ಮುಗಿಬಿದ್ದಿದ್ದರು. ಈ ವಾರ ನಾಟಿಕೋಳಿ, ಬೆಣ್ಣೆ ಸಂತೆಗೆ ಬಂದಿದ್ದರೂ ಗ್ರಾಹಕರ ಸಂಖ್ಯೆ ಕಡಿಮೆ ಇತ್ತು.</p>.<p>ಟೊಮೆಟೊ ಮತ್ತು ಹಸಿ ಮೆಣಸಿನಕಾಯಿ ದರ ಕೆ.ಜಿ.ಗೆ ₹100 ಇತ್ತು. ಮೂಲಂಗಿ, ಗೆಡ್ಡೆಕೋಸು, ನುಗ್ಗೆಕಾಯಿ, ಹೂಕೋಸು, ಬೀನ್ಸ್, ಎಲೆಕೋಸು, ಸೊಪ್ಪಿನ ಬೆಲೆ ಇಳಿಮುಖವಾಗಿತ್ತು. ಹೂವಿನ ವ್ಯಾಪಾರ ಕಡಿಮೆಯಾಗಿತ್ತು.</p>.<p>ಹಾಸನ ಸೇರಿದಂತೆ ವಿವಿಧೆಡೆ ಬಂದಿದ್ದ ವ್ಯಾಪಾರಿಗಳು ತಾವು ತಂದಿದ್ದ ತರಕಾರಿ, ಹಣ್ಣು, ಆಹಾರ ಪದಾರ್ಥಗಳನ್ನು ವಾಪಸ್ ಕೊಂಡೊಯ್ಯುವ ಸ್ಥಿತಿ ನಿರ್ಮಾಣವಾಗಿತ್ತು.</p>.<p>‘ನಿರಂತರವಾಗಿ ಮಳೆ ಸುರಿಯುತ್ತಿರುವುದರಿಂದ ಸಂತೆ ದಿನ ವ್ಯಾಪಾರ ಕುಂಠಿತವಾಗಿದೆ. ತರಕಾರಿ, ಸೊಪ್ಪು ಉಳಿದಿದ್ದು, ನಷ್ಟ ಉಂಟಾಗಿದೆ’ ಎಂದು ತರಕಾರಿ ವ್ಯಾಪಾರಿ ಇರ್ಫಾನ್ ಅಳಲು ತೋಡಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
