<p><strong>ಕೋಲಾರ: </strong>ತಾಲ್ಲೂಕಿನ ತಿಪ್ಪೇನಹಳ್ಳಿಯಲ್ಲಿ ರಾಜಕೀಯ ದುರುದ್ದೇಶದ ಕಾರಣಕ್ಕೆ ರೈತರ ಹಿಪ್ಪುನೇರಳೆ ಬೆಳೆಗೆ ಕಿಡಿಗೇಡಿಗಳು ಮಂಗಳವಾರ ವಿಷ ಸಿಂಪಡಣೆ ಮಾಡಿದ್ದು, ವಿಷಪೂರಿತ ಹಿಪ್ಪುನೇರಳೆ ಸೊಪ್ಪು ತಿಂದ ರೇಷ್ಮೆ ಹುಳುಗಳು ಮೃತಪಟ್ಟಿವೆ.</p>.<p>ತಿಪ್ಪೇನಹಳ್ಳಿ ಗ್ರಾಮದ ರೈತರಾದ ಸೀತಾರಾಮ, ಮಂಜುನಾಥ್, ಶಿವಾನಂದ, ರಮೇಶ್, ನಾಗರಾಜ್ ಮತ್ತು ಎಂ.ರಮೇಶ್ ಅವರ ಹಿಪ್ಪು ನೇರಳೆ ತೋಟಕ್ಕೆ ವಿರೋಧಿಗಳು ವಿಷ ಸಿಂಪಡಣೆ ಮಾಡಿದ್ದರು. ಈ ಸಂಗತಿ ತಿಳಿಯದ ರೈತರು ಹಿಪ್ಪುನೇರಳೆ ಸೊಪ್ಪ ಕತ್ತರಿಸಿಕೊಂಡು ಬಂದು ರೇಷ್ಮೆ ಹುಳುಗಳಿಗೆ ಹಾಕಿದ್ದರು. ಈ ಸೊಪ್ಪು ತಿಂದ ಹುಳುಗಳು ಕ್ಷಣ ಮಾತ್ರದಲ್ಲಿ ಮೃತಪಟ್ಟಿದ್ದು, ರೈತರಿಗೆ ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ.</p>.<p>ಘಟನೆಯ ವಿಷಯ ತಿಳಿದ ರೇಷ್ಮೆ ಇಲಾಖೆ ವೇಮಗಲ್ ವಿಸ್ತರ್ಣಾಧಿಕಾರಿ ಚಂದ್ರಶೇಖರ್ಗೌಡ ಅವರು ರೈತರ ಹುಳು ಸಾಕಾಣೆ ಮನೆ ಹಾಗೂ ಹಿಪ್ಪುನೇರಳೆ ತೋಟಗಳಿಗೆ ಭೇಟಿ ನೀಡಿ ಸೊಪ್ಪಿನ ಮಾದರಿ ಸಂಗ್ರಹಿಸಿದರು.</p>.<p>‘ನಾಲ್ಕನೇ ಜ್ವರಕ್ಕೆ ಬಂದಿದ್ದ ರೇಷ್ಮೆ ಹುಳುಗಳು 10 ದಿನದಲ್ಲಿ ಗೂಡು ಕಟ್ಟುವ ಹಂತದಲ್ಲಿದ್ದವು. ಬೆಳೆಗೆ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿದ್ದೆವು. ಇದೀಗ ಹುಳುಗಳು ಮೃತಪಟ್ಟಿರುವುದರಿಂದ ದಿಕ್ಕು ತೋಚದಂತಾಗಿದೆ’ ಎಂದು ರೈತರು ಅಳಲು ತೋಡಿಕೊಂಡರು.</p>.<p>‘ರೈತರ ಹಿಪ್ಪುನೇರಳೆ ತೋಟಗಳಿಗೆ ವಿಷ ಸಿಂಪಡಣೆ ಮಾಡಿರುವುದು ದೃಢಪಟ್ಟಿದೆ. ವಿಷಪೂರಿತ ಸೊಪ್ಪಿನ ಸೇವನೆಯಿಂದ ಹುಳುಗಳು ಮೃತಪಟ್ಟಿವೆ. ಬೆಳೆ ಕಳೆದುಕೊಂಡು ನಷ್ಟಕ್ಕೆ ಸಿಲುಕಿರುವ ರೈತರಿಗೆ ಪರಿಹಾರ ಕಲ್ಪಿಸುತ್ತೇವೆ’ ಎಂದು ಚಂದ್ರಶೇಖರ್ಗೌಡ ಭರವಸೆ ನೀಡಿದರು.</p>.<p>ಘಟನೆ ಸಂಬಂಧ ಬಗ್ಗೆ ರೈತರು ಜಿಲ್ಲಾಧಿಕಾರಿ, ರೇಷ್ಮೆ ಇಲಾಖೆ ಹಾಗೂ ವೇಮಗಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲಾರ: </strong>ತಾಲ್ಲೂಕಿನ ತಿಪ್ಪೇನಹಳ್ಳಿಯಲ್ಲಿ ರಾಜಕೀಯ ದುರುದ್ದೇಶದ ಕಾರಣಕ್ಕೆ ರೈತರ ಹಿಪ್ಪುನೇರಳೆ ಬೆಳೆಗೆ ಕಿಡಿಗೇಡಿಗಳು ಮಂಗಳವಾರ ವಿಷ ಸಿಂಪಡಣೆ ಮಾಡಿದ್ದು, ವಿಷಪೂರಿತ ಹಿಪ್ಪುನೇರಳೆ ಸೊಪ್ಪು ತಿಂದ ರೇಷ್ಮೆ ಹುಳುಗಳು ಮೃತಪಟ್ಟಿವೆ.</p>.<p>ತಿಪ್ಪೇನಹಳ್ಳಿ ಗ್ರಾಮದ ರೈತರಾದ ಸೀತಾರಾಮ, ಮಂಜುನಾಥ್, ಶಿವಾನಂದ, ರಮೇಶ್, ನಾಗರಾಜ್ ಮತ್ತು ಎಂ.ರಮೇಶ್ ಅವರ ಹಿಪ್ಪು ನೇರಳೆ ತೋಟಕ್ಕೆ ವಿರೋಧಿಗಳು ವಿಷ ಸಿಂಪಡಣೆ ಮಾಡಿದ್ದರು. ಈ ಸಂಗತಿ ತಿಳಿಯದ ರೈತರು ಹಿಪ್ಪುನೇರಳೆ ಸೊಪ್ಪ ಕತ್ತರಿಸಿಕೊಂಡು ಬಂದು ರೇಷ್ಮೆ ಹುಳುಗಳಿಗೆ ಹಾಕಿದ್ದರು. ಈ ಸೊಪ್ಪು ತಿಂದ ಹುಳುಗಳು ಕ್ಷಣ ಮಾತ್ರದಲ್ಲಿ ಮೃತಪಟ್ಟಿದ್ದು, ರೈತರಿಗೆ ಲಕ್ಷಾಂತರ ರೂಪಾಯಿ ನಷ್ಟವಾಗಿದೆ.</p>.<p>ಘಟನೆಯ ವಿಷಯ ತಿಳಿದ ರೇಷ್ಮೆ ಇಲಾಖೆ ವೇಮಗಲ್ ವಿಸ್ತರ್ಣಾಧಿಕಾರಿ ಚಂದ್ರಶೇಖರ್ಗೌಡ ಅವರು ರೈತರ ಹುಳು ಸಾಕಾಣೆ ಮನೆ ಹಾಗೂ ಹಿಪ್ಪುನೇರಳೆ ತೋಟಗಳಿಗೆ ಭೇಟಿ ನೀಡಿ ಸೊಪ್ಪಿನ ಮಾದರಿ ಸಂಗ್ರಹಿಸಿದರು.</p>.<p>‘ನಾಲ್ಕನೇ ಜ್ವರಕ್ಕೆ ಬಂದಿದ್ದ ರೇಷ್ಮೆ ಹುಳುಗಳು 10 ದಿನದಲ್ಲಿ ಗೂಡು ಕಟ್ಟುವ ಹಂತದಲ್ಲಿದ್ದವು. ಬೆಳೆಗೆ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿದ್ದೆವು. ಇದೀಗ ಹುಳುಗಳು ಮೃತಪಟ್ಟಿರುವುದರಿಂದ ದಿಕ್ಕು ತೋಚದಂತಾಗಿದೆ’ ಎಂದು ರೈತರು ಅಳಲು ತೋಡಿಕೊಂಡರು.</p>.<p>‘ರೈತರ ಹಿಪ್ಪುನೇರಳೆ ತೋಟಗಳಿಗೆ ವಿಷ ಸಿಂಪಡಣೆ ಮಾಡಿರುವುದು ದೃಢಪಟ್ಟಿದೆ. ವಿಷಪೂರಿತ ಸೊಪ್ಪಿನ ಸೇವನೆಯಿಂದ ಹುಳುಗಳು ಮೃತಪಟ್ಟಿವೆ. ಬೆಳೆ ಕಳೆದುಕೊಂಡು ನಷ್ಟಕ್ಕೆ ಸಿಲುಕಿರುವ ರೈತರಿಗೆ ಪರಿಹಾರ ಕಲ್ಪಿಸುತ್ತೇವೆ’ ಎಂದು ಚಂದ್ರಶೇಖರ್ಗೌಡ ಭರವಸೆ ನೀಡಿದರು.</p>.<p>ಘಟನೆ ಸಂಬಂಧ ಬಗ್ಗೆ ರೈತರು ಜಿಲ್ಲಾಧಿಕಾರಿ, ರೇಷ್ಮೆ ಇಲಾಖೆ ಹಾಗೂ ವೇಮಗಲ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
