<p><strong>ಕೋಲಾರ: </strong>‘ದಲಿತ ಸಾಹಿತಿಗಳಿಗೆ ಈಗ ಸನ್ಮಾನ ಸಿಗುತ್ತಿವೆ. ಆದರೆ, ಹಿಂದೆ ಪ್ರಾಣ ಒತ್ತೆಯಿಟ್ಟು ದಲಿತ ಹೋರಾಟ ಮಾಡಬೇಕಾದ ಕಾಲವಿತ್ತು’ ಎಂದು ಕವಿ ಸಿದ್ದಲಿಂಗಯ್ಯ ದಲಿತ ಚಳವಳಿಯ ನೆನಪಿನ ಬುತ್ತಿ ತೆರೆದಿಟ್ಟರು.</p>.<p>ದಲಿತ ಸಾಹಿತ್ಯ ಸಮ್ಮೇಳನದಲ್ಲಿ ಮಾತನಾಡಿ, ದಶಕಗಳ ಹಿಂದಿನ ಹೋರಾಟದಲ್ಲಿ ಕೋಲಾರ ಜಿಲ್ಲೆಯಲ್ಲೇ ತಾವು ಹೇಗೆಲ್ಲಾ ಗಲಾಟೆ ಮತ್ತು ಮೂರ್ನಾಲ್ಕು ಬಾರಿ ಕೊಲೆ ಪ್ರಯತ್ನ ಎದುರಿಸಿದ್ದನ್ನು ಸ್ಮರಿಸಿಕೊಂಡರು.</p>.<p>ಸಮ್ಮೇಳನ ಆರಂಭವಾಗುವ ಹೊತ್ತಿಗೆ ತುಂತುರು ಮಳೆ ಬೀಳುತ್ತಿರುವುದನ್ನು ಗಮನಿಸಿ, ‘ಸಮ್ಮೇಳನದಲ್ಲಿ ದಲಿತ ಸಾಹಿತ್ಯದ ಸುರಿಮಳೆ ಆಗುತ್ತಿದೆ’ ಎಂದು ಸಂದರ್ಭೋಚಿತವಾಗಿ ನಗೆಚಟಾಕಿ ಸಿಡಿಸಿದರು.</p>.<p>‘ದಲಿತ ಸಾಹಿತ್ಯ ಸಮ್ಮೇಳನವು ಚಾರಿತ್ರಿಕ ದಾಖಲೆ. ಇದಕ್ಕೆ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಮನು ಬಳಿಗಾರ್ ಕಾರಣಕರ್ತರು. ಅವರ ಪ್ರಯತ್ನದಿಂದಲೇ ಅಂಬೇಡ್ಕರ್ರ ಸಾಹಿತ್ಯ 22 ಸಂಪುಟಗಳಲ್ಲಿ ಏಕಕಾಲಕ್ಕೆ ಪ್ರಕಟಗೊಂಡು ಇಂದಿಗೂ ಕಡಿಮೆ ಬೆಲೆಯಲ್ಲಿ ಓದುಗರಿಗೆ ಲಭ್ಯವಾಗುತ್ತಿದೆ’ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.</p>.<p>‘ದಲಿತ ಚಳವಳಿಗೆ ಬೂಸಾ ಚಳವಳಿ ಮೂಲವಾದರೆ, ದಲಿತ ಸಾಹಿತ್ಯಕ್ಕೆ ದಲಿತ ಚಳವಳಿ ಕಾರಣವಾಯಿತು. ಬೂಸಾ ಚಳವಳಿ ಸಂದರ್ಭದಲ್ಲಿ ಭದ್ರಾವತಿಯಲ್ಲಿ ಬಿ.ಕೃಷ್ಣಪ್ಪರ ನೇತೃತ್ವದಲ್ಲಿ ದಲಿತ ಲೇಖಕ ಕಲಾವಿದರ ಸಂಘಟನೆ ಆರಂಭವಾಯಿತು. ಬೂಸಾ ಚಳವಳಿಗೆ ಕಾರಣರಾಗಿದ್ದ ಬಿ.ಬಸವಲಿಂಗಪ್ಪ ಅವರೇ ಈ ಸಂಘಟನೆಗೆ ಚಾಲನೆ ನೀಡಿದ್ದರು. ಮುಂದೆ ದಲೇಕ ಸಂಘಟನೆ ದಲಿತ ಚಳವಳಿಯಾಗಿ ಮಾರ್ಪಟ್ಟಿತ್ತು’ ಎಂದು ವಿವರಿಸಿದರು.</p>.<p><strong>ಸ್ಪಷ್ಟ ವ್ಯತ್ಯಾಸವಿದೆ:</strong> ‘ಮಹಾರಾಷ್ಟ್ರ ಮತ್ತು ದೇಶದ ಇತರೆಡೆ ಆರಂಭವಾಗಿರುವ ದಲಿತ ಚಳವಳಿಗೂ ಕರ್ನಾಟಕದಲ್ಲಿ ಆರಂಭವಾದ ದಲಿತ ಚಳವಳಿಗೂ ಸ್ಪಷ್ಟವಾದ ವ್ಯತ್ಯಾಸವಿದೆ. ಇತರೆಡೆ ದಲಿತ ಚಳವಳಿಯು ದಲಿತರನ್ನಷ್ಟೇ ಒಳಗೊಂಡರೆ, ಕರ್ನಾಟಕದಲ್ಲಿ ಪ್ರಗತಿಪರರೆಲ್ಲರನ್ನು ಒಳಗೊಂಡು ದಲಿತ ಚಳವಳಿಯಾಗಿ ರೂಪುಗೊಂಡಿತು. ಈ ಕಾರಣಕ್ಕಾಗಿ ಕರ್ನಾಟಕದ ದಲಿತ ಚಳವಳಿಯು ಜಾತಿವಾದಿ ಚಳವಳಿಯಾಗಿರಲಿಲ್ಲ. ಹೀಗಾಗಿ ಈ ಚಳವಳಿ ಇಡೀ ದೇಶಕ್ಕೆ ಮಾದರಿಯಾಗಿತ್ತು’ ಎಂದರು.</p>.<p>‘ದಲಿತರ ಮುಖದಲ್ಲಿ ನಗುವಿದ್ದರೂ ಅಂತರಾಳದಲ್ಲಿ ಅಪಾರ ನೋವಿದೆ. ಈ ವೇದನೆ ಕಟ್ಟಿಕೊಡುವುದೇ ದಲಿತ ಸಾಹಿತ್ಯವಾಗಿದ್ದು, ಇದೀಗ ದಲಿತ ಸಾಹಿತ್ಯ ಸಮ್ಮೇಳನ ನಡೆಯುತ್ತಿರುವುದು ಸ್ವಾಗತಾರ್ಹ. ದಲಿತರಿಗೆ ಸ್ವಾಭಿಮಾನ ಬರಬೇಕು. ಇತರರು ಗೌರವ ಕೊಡುವಂತೆ ದಲಿತರು ಬದುಕಬೇಕು. ಇದಕ್ಕೆ ಈ ಸಮ್ಮೇಳನ ಸ್ಫೂರ್ತಿಯಾಗಲಿ. ದಲಿತ ಚಳವಳಿ ದುರ್ಬಲವಾಗಿದ್ದು, ಹಂಚಿ ಹೋಗಿರುವ ಸಂಘಟನೆಗಳು ಒಂದೇ ವೇದಿಕೆಗೆ ಬರಬೇಕು’ ಎಂದು ಆಶಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೋಲಾರ: </strong>‘ದಲಿತ ಸಾಹಿತಿಗಳಿಗೆ ಈಗ ಸನ್ಮಾನ ಸಿಗುತ್ತಿವೆ. ಆದರೆ, ಹಿಂದೆ ಪ್ರಾಣ ಒತ್ತೆಯಿಟ್ಟು ದಲಿತ ಹೋರಾಟ ಮಾಡಬೇಕಾದ ಕಾಲವಿತ್ತು’ ಎಂದು ಕವಿ ಸಿದ್ದಲಿಂಗಯ್ಯ ದಲಿತ ಚಳವಳಿಯ ನೆನಪಿನ ಬುತ್ತಿ ತೆರೆದಿಟ್ಟರು.</p>.<p>ದಲಿತ ಸಾಹಿತ್ಯ ಸಮ್ಮೇಳನದಲ್ಲಿ ಮಾತನಾಡಿ, ದಶಕಗಳ ಹಿಂದಿನ ಹೋರಾಟದಲ್ಲಿ ಕೋಲಾರ ಜಿಲ್ಲೆಯಲ್ಲೇ ತಾವು ಹೇಗೆಲ್ಲಾ ಗಲಾಟೆ ಮತ್ತು ಮೂರ್ನಾಲ್ಕು ಬಾರಿ ಕೊಲೆ ಪ್ರಯತ್ನ ಎದುರಿಸಿದ್ದನ್ನು ಸ್ಮರಿಸಿಕೊಂಡರು.</p>.<p>ಸಮ್ಮೇಳನ ಆರಂಭವಾಗುವ ಹೊತ್ತಿಗೆ ತುಂತುರು ಮಳೆ ಬೀಳುತ್ತಿರುವುದನ್ನು ಗಮನಿಸಿ, ‘ಸಮ್ಮೇಳನದಲ್ಲಿ ದಲಿತ ಸಾಹಿತ್ಯದ ಸುರಿಮಳೆ ಆಗುತ್ತಿದೆ’ ಎಂದು ಸಂದರ್ಭೋಚಿತವಾಗಿ ನಗೆಚಟಾಕಿ ಸಿಡಿಸಿದರು.</p>.<p>‘ದಲಿತ ಸಾಹಿತ್ಯ ಸಮ್ಮೇಳನವು ಚಾರಿತ್ರಿಕ ದಾಖಲೆ. ಇದಕ್ಕೆ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಮನು ಬಳಿಗಾರ್ ಕಾರಣಕರ್ತರು. ಅವರ ಪ್ರಯತ್ನದಿಂದಲೇ ಅಂಬೇಡ್ಕರ್ರ ಸಾಹಿತ್ಯ 22 ಸಂಪುಟಗಳಲ್ಲಿ ಏಕಕಾಲಕ್ಕೆ ಪ್ರಕಟಗೊಂಡು ಇಂದಿಗೂ ಕಡಿಮೆ ಬೆಲೆಯಲ್ಲಿ ಓದುಗರಿಗೆ ಲಭ್ಯವಾಗುತ್ತಿದೆ’ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.</p>.<p>‘ದಲಿತ ಚಳವಳಿಗೆ ಬೂಸಾ ಚಳವಳಿ ಮೂಲವಾದರೆ, ದಲಿತ ಸಾಹಿತ್ಯಕ್ಕೆ ದಲಿತ ಚಳವಳಿ ಕಾರಣವಾಯಿತು. ಬೂಸಾ ಚಳವಳಿ ಸಂದರ್ಭದಲ್ಲಿ ಭದ್ರಾವತಿಯಲ್ಲಿ ಬಿ.ಕೃಷ್ಣಪ್ಪರ ನೇತೃತ್ವದಲ್ಲಿ ದಲಿತ ಲೇಖಕ ಕಲಾವಿದರ ಸಂಘಟನೆ ಆರಂಭವಾಯಿತು. ಬೂಸಾ ಚಳವಳಿಗೆ ಕಾರಣರಾಗಿದ್ದ ಬಿ.ಬಸವಲಿಂಗಪ್ಪ ಅವರೇ ಈ ಸಂಘಟನೆಗೆ ಚಾಲನೆ ನೀಡಿದ್ದರು. ಮುಂದೆ ದಲೇಕ ಸಂಘಟನೆ ದಲಿತ ಚಳವಳಿಯಾಗಿ ಮಾರ್ಪಟ್ಟಿತ್ತು’ ಎಂದು ವಿವರಿಸಿದರು.</p>.<p><strong>ಸ್ಪಷ್ಟ ವ್ಯತ್ಯಾಸವಿದೆ:</strong> ‘ಮಹಾರಾಷ್ಟ್ರ ಮತ್ತು ದೇಶದ ಇತರೆಡೆ ಆರಂಭವಾಗಿರುವ ದಲಿತ ಚಳವಳಿಗೂ ಕರ್ನಾಟಕದಲ್ಲಿ ಆರಂಭವಾದ ದಲಿತ ಚಳವಳಿಗೂ ಸ್ಪಷ್ಟವಾದ ವ್ಯತ್ಯಾಸವಿದೆ. ಇತರೆಡೆ ದಲಿತ ಚಳವಳಿಯು ದಲಿತರನ್ನಷ್ಟೇ ಒಳಗೊಂಡರೆ, ಕರ್ನಾಟಕದಲ್ಲಿ ಪ್ರಗತಿಪರರೆಲ್ಲರನ್ನು ಒಳಗೊಂಡು ದಲಿತ ಚಳವಳಿಯಾಗಿ ರೂಪುಗೊಂಡಿತು. ಈ ಕಾರಣಕ್ಕಾಗಿ ಕರ್ನಾಟಕದ ದಲಿತ ಚಳವಳಿಯು ಜಾತಿವಾದಿ ಚಳವಳಿಯಾಗಿರಲಿಲ್ಲ. ಹೀಗಾಗಿ ಈ ಚಳವಳಿ ಇಡೀ ದೇಶಕ್ಕೆ ಮಾದರಿಯಾಗಿತ್ತು’ ಎಂದರು.</p>.<p>‘ದಲಿತರ ಮುಖದಲ್ಲಿ ನಗುವಿದ್ದರೂ ಅಂತರಾಳದಲ್ಲಿ ಅಪಾರ ನೋವಿದೆ. ಈ ವೇದನೆ ಕಟ್ಟಿಕೊಡುವುದೇ ದಲಿತ ಸಾಹಿತ್ಯವಾಗಿದ್ದು, ಇದೀಗ ದಲಿತ ಸಾಹಿತ್ಯ ಸಮ್ಮೇಳನ ನಡೆಯುತ್ತಿರುವುದು ಸ್ವಾಗತಾರ್ಹ. ದಲಿತರಿಗೆ ಸ್ವಾಭಿಮಾನ ಬರಬೇಕು. ಇತರರು ಗೌರವ ಕೊಡುವಂತೆ ದಲಿತರು ಬದುಕಬೇಕು. ಇದಕ್ಕೆ ಈ ಸಮ್ಮೇಳನ ಸ್ಫೂರ್ತಿಯಾಗಲಿ. ದಲಿತ ಚಳವಳಿ ದುರ್ಬಲವಾಗಿದ್ದು, ಹಂಚಿ ಹೋಗಿರುವ ಸಂಘಟನೆಗಳು ಒಂದೇ ವೇದಿಕೆಗೆ ಬರಬೇಕು’ ಎಂದು ಆಶಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
