<p>ಮೇಲುಕೋಟೆ: ವೈರಮುಡಿ ಬ್ರಹ್ಮೋತ್ಸವದ ಅಂಗವಾಗಿ ಇಲ್ಲಿನ ಚೆಲುವನಾರಾಯಣ ಸ್ವಾಮಿಗೆ ಗುರುವಾರ ಬ್ರಹ್ಮರಥೋತ್ಸವ ಸಂಭ್ರದಿಂದ ನೆರವೇರಿತು. ಸುಮಾರು ಐವತ್ತು ಸಾವಿರ ಭಕ್ತರು ತೇರಿಗೆ ಹಣ್ಣು, ದವನ ಎಸೆದರು. ರಥಾರೂಢನಾದ ಸ್ವಾಮಿಯ ದರ್ಶನ ಪಡೆದು ಹರಕೆ ತೀರಿಸಿದರು.</p>.<p>ತಿರುಪತಿ- ತಿರುಮಲ ದೇವಸ್ಥಾನದ ಪೆರಿಯ ಜೀಯರ್ ಸ್ವತಂತ್ರ ಪೂರ್ವದಲ್ಲಿ ಕೊಡುಗೆಯಾಗಿ ನೀಡಿದ ಬೃಹತ್ ರಥಕ್ಕೆ ಜಯವಿಜಯ ಸಾರಥಿಯೊಂದಿಗೆ ತಳಿರು ತೋರಣ, ಪುಷ್ಪಾಲಂಕಾರ ಮಾಡಲಾಗಿತ್ತು. ಮಹಾರಥ ನಾಲ್ಕುಬೀದಿಗಳಲ್ಲಿ ಸಾಗಿತು.</p>.<p>ಬೆಳಿಗ್ಗೆ 5ಕ್ಕೆ ಆರಂಭವಾದ ದೇವಾಲಯದ ನಿತ್ಯಪೂಜಾ ಕೈಂಕರ್ಯ 8ಗಂಟೆ ವರೆಗೆ ನಡೆದವು. ಅಮ್ಮನವರ ಸನ್ನಿಧಿಯ ಬಳಿ ವಜ್ರಖಚಿತ ರಾಜಮುಡಿ ಕಿರೀಟ ಧರಿಸಿ ಶ್ರೀದೇವಿ, ಭೂದೇವಿ ಕಲ್ಯಾಣನಾಯಕಿ ಸಮೇತ ವಿರಾಜಮಾನನಾದ ಚೆಲುವನಾರಾಯಣ ಸ್ವಾಮಿಗೆ ಯಾತ್ರಾದಾನ ನೆರವೇರಿತು.</p>.<p>ಬೆಳಿಗ್ಗೆ 9ಕ್ಕೆ ಸ್ವಾಮಿಯ ಉತ್ಸವ ಹೊರ ಪ್ರಾಕಾರದ ಮೂಲಕ ರಥಮಂಟಪ ತಲುಪಿತು. ರಥಕ್ಕೆ ಮೂರು ಪ್ರದಕ್ಷಿಣೆ ಬಳಿಕ ಜೋಯಿಸರಿಂದ ಮಹೂರ್ತ ಪಠಣ ನೆರವೇರಿತು. 10.30ರಿಂದ 3 ಗಂಟೆ ಚಲಿಸಿದ ರಥ ರಥಮಂಟಪದಲ್ಲಿ ನಿಂತಿತು.</p>.<p>ನಂತರ ದೇವಾಲಯದಲ್ಲಿ ಚೆಲುವನಾರಾಯಣಸ್ವಾಮಿಗೆ ಅಭಿಷೇಕ ನಡೆಯಿತು. ರಾತ್ರಿ ಪುಷ್ಪಾಲಂಕೃತ ಬಂಗಾರದ ಪಲ್ಲಕ್ಕಿ ಉತ್ಸವ ನೆರವೇರಿತು.</p>.<p>ಇಂದು ತೆಪ್ಪೋತ್ಸವ: ಚೆಲುವನಾರಾಯಣಸ್ವಾಮಿ ತೆಪ್ಪೋತ್ಸವ ಮಾರ್ಚ್ 18ರಂದು ರಾತ್ರಿ 7 ಗಂಟೆಗೆ ನೆರವೇರಲಿದೆ. ಕಲ್ಯಾಣಿಗೆ ದೀಪಾಲಂಕಾರ ಮಾಡಲಾಗಿದ್ದು, ಲೇಸರ್ ಷೋ ಆಯೋಜಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೇಲುಕೋಟೆ: ವೈರಮುಡಿ ಬ್ರಹ್ಮೋತ್ಸವದ ಅಂಗವಾಗಿ ಇಲ್ಲಿನ ಚೆಲುವನಾರಾಯಣ ಸ್ವಾಮಿಗೆ ಗುರುವಾರ ಬ್ರಹ್ಮರಥೋತ್ಸವ ಸಂಭ್ರದಿಂದ ನೆರವೇರಿತು. ಸುಮಾರು ಐವತ್ತು ಸಾವಿರ ಭಕ್ತರು ತೇರಿಗೆ ಹಣ್ಣು, ದವನ ಎಸೆದರು. ರಥಾರೂಢನಾದ ಸ್ವಾಮಿಯ ದರ್ಶನ ಪಡೆದು ಹರಕೆ ತೀರಿಸಿದರು.</p>.<p>ತಿರುಪತಿ- ತಿರುಮಲ ದೇವಸ್ಥಾನದ ಪೆರಿಯ ಜೀಯರ್ ಸ್ವತಂತ್ರ ಪೂರ್ವದಲ್ಲಿ ಕೊಡುಗೆಯಾಗಿ ನೀಡಿದ ಬೃಹತ್ ರಥಕ್ಕೆ ಜಯವಿಜಯ ಸಾರಥಿಯೊಂದಿಗೆ ತಳಿರು ತೋರಣ, ಪುಷ್ಪಾಲಂಕಾರ ಮಾಡಲಾಗಿತ್ತು. ಮಹಾರಥ ನಾಲ್ಕುಬೀದಿಗಳಲ್ಲಿ ಸಾಗಿತು.</p>.<p>ಬೆಳಿಗ್ಗೆ 5ಕ್ಕೆ ಆರಂಭವಾದ ದೇವಾಲಯದ ನಿತ್ಯಪೂಜಾ ಕೈಂಕರ್ಯ 8ಗಂಟೆ ವರೆಗೆ ನಡೆದವು. ಅಮ್ಮನವರ ಸನ್ನಿಧಿಯ ಬಳಿ ವಜ್ರಖಚಿತ ರಾಜಮುಡಿ ಕಿರೀಟ ಧರಿಸಿ ಶ್ರೀದೇವಿ, ಭೂದೇವಿ ಕಲ್ಯಾಣನಾಯಕಿ ಸಮೇತ ವಿರಾಜಮಾನನಾದ ಚೆಲುವನಾರಾಯಣ ಸ್ವಾಮಿಗೆ ಯಾತ್ರಾದಾನ ನೆರವೇರಿತು.</p>.<p>ಬೆಳಿಗ್ಗೆ 9ಕ್ಕೆ ಸ್ವಾಮಿಯ ಉತ್ಸವ ಹೊರ ಪ್ರಾಕಾರದ ಮೂಲಕ ರಥಮಂಟಪ ತಲುಪಿತು. ರಥಕ್ಕೆ ಮೂರು ಪ್ರದಕ್ಷಿಣೆ ಬಳಿಕ ಜೋಯಿಸರಿಂದ ಮಹೂರ್ತ ಪಠಣ ನೆರವೇರಿತು. 10.30ರಿಂದ 3 ಗಂಟೆ ಚಲಿಸಿದ ರಥ ರಥಮಂಟಪದಲ್ಲಿ ನಿಂತಿತು.</p>.<p>ನಂತರ ದೇವಾಲಯದಲ್ಲಿ ಚೆಲುವನಾರಾಯಣಸ್ವಾಮಿಗೆ ಅಭಿಷೇಕ ನಡೆಯಿತು. ರಾತ್ರಿ ಪುಷ್ಪಾಲಂಕೃತ ಬಂಗಾರದ ಪಲ್ಲಕ್ಕಿ ಉತ್ಸವ ನೆರವೇರಿತು.</p>.<p>ಇಂದು ತೆಪ್ಪೋತ್ಸವ: ಚೆಲುವನಾರಾಯಣಸ್ವಾಮಿ ತೆಪ್ಪೋತ್ಸವ ಮಾರ್ಚ್ 18ರಂದು ರಾತ್ರಿ 7 ಗಂಟೆಗೆ ನೆರವೇರಲಿದೆ. ಕಲ್ಯಾಣಿಗೆ ದೀಪಾಲಂಕಾರ ಮಾಡಲಾಗಿದ್ದು, ಲೇಸರ್ ಷೋ ಆಯೋಜಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
