ಏಪ್ರಿಲ್‌ ತಿಂಗಳ ಭೀಕರ ಬರದಲ್ಲಿ ಸರ್ಕಾರ ಕೆಆರ್‌ಎಸ್‌ ಜಲಾಶಯದ ನಾಲಾ ಆಧುನೀಕರಣ ಕಾಮಗಾರಿ ಕೈಗೆತ್ತಿಕೊಂಡಿತು. ಅದಕ್ಕೆ ಗುತ್ತಿಗೆದಾರ ಇದೇ ಸ್ಟಾರ್‌ ಚಂದ್ರು ಒಡೆತನದ ಕಂಪನಿ. ಕಾಮಗಾರಿ ಕಾರಣದಿಂದ ಜಲಾಶಯದಲ್ಲಿ 80 ಅಡಿ ನೀರಿದ್ದರೂ ನಾಲೆಗಳಿಗೆ ನೀರು ಹರಿಸಲಿಲ್ಲ. ಇದು ರೈತರ ಕೆಂಗಣ್ಣಿಗೆ ಗುರಿಯಾಯಿತು. ‘ಈ ಬಾರಿ ಬೆಳೆ ಹಾಕುವುದು ಬೇಡ’ ಎಂದು ಸಚಿವ ಚಲುವರಾಯಸ್ವಾಮಿ ಹೇಳಿದ್ದನ್ನೇ ಕುಮಾರಸ್ವಾಮಿ ಅಸ್ತ್ರವಾಗಿ ಬಳಸಿಕೊಂಡರು. ಬರದೊಳಗೆ ಕೃತಕ ಬರ ಸೃಷ್ಟಿಯಾಗಿದ್ದೂ ಮತದಾರರ ಮೇಲೆ ಪರಿಣಾಮ ಬೀರಿತು.
