ಲಿಂಗಸುಗೂರು: ಬೆಲೆ ಏರಿಕೆ ಮಧ್ಯೆಯೂ ಖರೀದಿ ಭರಾಟೆ

ಲಿಂಗಸುಗೂರು: ತಾಲ್ಲೂಕು ಕೇಂದ್ರ ಸೇರಿದಂತೆ ಗ್ರಾಮೀಣ ಪ್ರದೇಶಗಳಲ್ಲಿ ಬೆಳಕಿನ ದೀಪಾವಳಿ ಹಬ್ಬದ ಸಂಭ್ರಮ ಮನೆಮಾಡಿದೆ. ಮನೆ, ಅಂಗಡಿ, ಮನೆಗಳನ್ನು ಸ್ವಚ್ಛಗೊಳಿಸಿ ಅಲಂಕಾರ ಮಾಡಿ ಪೂಜಾ ಕಾರ್ಯಕ್ಕೆ ಜನ ಸಜ್ಜಾಗಿದ್ದಾರೆ.

. ಗುರುವಾರದಿಂದ ಮೂರು ದಿನ ನರಕ ಚತುರ್ದಶಿ, ಲಕ್ಷ್ಮಿಪೂಜೆ, ಬಲಿಪಾಡ್ಯ ಆಚರಣೆ ನಡೆಯುತ್ತವೆ. ಹೀಗಾಗಿ ಮೇನ್ ಬಜಾರ್, ದೊಡ್ಡ ಹನುಮಂತ ದೇವಸ್ಥಾನ, ಪೊಲೀಸ್ ಠಾಣೆ, ಬಸ್ ನಿಲ್ದಾಣ ಮತ್ತು ಬಸವಸಾಗರ ವೃತ್ತಗಳ ಅಂಗಡಿಗಳ ಮುಂದೆ ಜನ ಖರೀದಿ ಭರಾಟೆ ಜೋರಾಗಿ ಕಂಡು ಬಂತು.

. ಬಟ್ಟೆ, ಬಂಗಾರ, ತಳಿರು ತೋರಣ, ಹಣತೆ, ಹಣ್ಣು, ಪೂಜಾ ಸಾಮಗ್ರಿ ಸೇರಿ ವಾಹನಗಳ ಶೋರೂಂ ಮಾಲೀಕರು ಉತ್ಸಾಹದಿಂದ ವಹಿವಾಟು ನಡೆಸಿದರು.

. ಜೋಡು ಬಾಳೆ ದಿಂಡು ₹40–₹100, ಜೋಡು ಟೆಂಗಿನ ಗರಿ ₹50–₹80, ಕುಂಬಳಕಾಯಿ ₹50–₹200, ಬಿಡಿ ಚಂಡು ಹೂವು ಕೆ.ಜಿಗೆ ₹80–₹120, ದಾಳಿಂಬೆ, ಸೀತಾಫಲ, ಪೇರಲ, ಕಿತ್ತಳೆ, ಬಾಳೆಹಣ್ಣು ಸೇರಿದಂತೆ ಪೂಜೆಗೆ ಬಳಸುವ ಹಣ್ಣು ಹೂಗಳು ದುಪ್ಪಟ್ಟು ದರದಲ್ಲಿ ಮಾರಾಟವಾದವು.

. ಸ್ಥಳೀಯವಾಗಿ ಕುಂಬಾರರು ಸಿದ್ಧಪಡಿಸುವ ಹಣತೆಗಳಿಗೆ ಅಷ್ಟೊಂದು ಬೇಡಿಕೆ ಕಂಡು ಬರಲಿಲ್ಲ. ಮಹಾರಾಷ್ಟ್ರ ಮೂಲದ ಬಣ್ಣ ಬಣ್ಣದ ಪ್ರಣತಿಗಳು ದುಬಾರಿ ಆಗಿದ್ದರೂ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಖರೀದಿಸಿದರು. ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಮೀಣ ಜನತೆ ಖರೀದಿಗೆ ಆಗಮಿಸಿದ್ದರಿಂದ ವಾಹನ ಮತ್ತು ಜನದಟ್ಟನೆ ಹೆಚ್ಚಾಗಿತ್ತು.

. ಪಟಾಕಿ ಮಾರಾಟ: ಸ್ಥಳೀಯ ತಾಲ್ಲೂಕು ಕ್ರೀಡಾಂಗಣದಲ್ಲಿ ತೆರೆಯಲಾದ ಐದು ಪಟಾಕಿ ಅಂಗಡಿಗಳಲ್ಲಿ ಹಸಿರು ಪಟಾಕಿ ಮಾರಾಟಕ್ಕೆ ತಾಲ್ಲೂಕು ಆಡಳಿತ ಪರವಾನಿಗೆ ನೀಡಿದೆ. ಸುರುಸುರು ಕಡ್ಡಿ, ಲಕ್ಷ್ಮಿಬಾಣ, ಸಣ್ಣ ಪಟಾಕಿ ಬಾಣದ ಸರಗಳು, ರಾಕೆಟ್, ಹಾವಿನ ಬಾಣ, ಉಕ್ಕಿನಗುಳ್ಳಿ ಸೇರಿದಂತೆ ಹಸಿರು ಪಟಾಕಿ ಖರೀದಿಗೆ ಗ್ರಾಹಕರು ಮುಗಿಬಿದ್ದಿದ್ದರು.

. ‘ದೀಪಾವಳಿ ಹಬ್ಬದ ನಿಮಿತ್ತ ಮಾರುಕಟ್ಟೆಯಲ್ಲಿ ವಸ್ತುಗಳ ಬೆಲೆ ಏರಿಕೆ ಕಂಡಿವೆ. ಗ್ರಾಹಕರು ಚೌಕಾಸಿ ಮಾಡಿ ಖರೀದಿ ಮಾಡುತ್ತಿದ್ದಾರೆ. ಪ್ರತಿ ವರ್ಷಕ್ಕಿಂತ ಈ ವರ್ಷ ವಹಿವಾಟು ಚೆನ್ನಾಗಿ ಆಗಿದೆ. ಮಳೆ ಬೆಳೆ ಚೆನ್ನಾಗಿ ಇದ್ದುದರಿಂದ ಗ್ರಾಹಕರು ಉತ್ಸಾಹದಿಂದ ಖರೀದಿಯಲ್ಲಿ ಭಾಗವಹಿಸಿದ್ದರು. ಬೆಲೆ ಏರಿಕೆಯಿಂದ ಲಾಭದ ಪ್ರಮಾಣ ಹೆಚ್ಚಿದೆ’ ಎಂದು ವರ್ತಕ ಗದ್ದೆಪ್ಪ ಭಜಂತ್ರಿ ಹೇಳಿಕೊಂಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಲಿಂಗಸುಗೂರು: ಬೆಲೆ ಏರಿಕೆ ಮಧ್ಯೆಯೂ ಖರೀದಿ ಭರಾಟೆ

‘ಹನುಮಂತ’ನಾಗಿ ಕಾಂತಾರ ಖ್ಯಾತಿಯ ರಿಷಬ್‌ ಶೆಟ್ಟಿ: ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆ

ಏಳು ಪೊಲೀಸ್ ಅಧಿಕಾರಿಗಳಿಗೆ ಗೃಹಮಂತ್ರಿ ದಕ್ಷತಾ ಪದಕ

ದರ್ಶನ್‌ಗೆ ಮಧ್ಯಂತರ ಜಾಮೀನು: ರೇಣುಕಸ್ವಾಮಿ ತಂದೆ ಕಾಶಿನಾಥಯ್ಯ ಪ್ರತಿಕ್ರಿಯೆ...

ನಾಲ್ವರು ಬಾಲಕಿಯರ ಮೇಲೆ ಒಂದು ವರ್ಷ ಅತ್ಯಾಚಾರ: ಮೊಬೈಲ್‌ನಲ್ಲಿ 30–40 ವಿಡಿಯೊಗಳು

312 ವಿಕೆಟ್: ಜಹೀರ್, ಇಶಾಂತ್ ಹಿಂದಿಕ್ಕಿದ ಜಡೇಜ ಟಾಪ್ 5ರ ಪಟ್ಟಿಗೆ ಲಗ್ಗೆ

IND vs NZ | ಜಡೇಜಗೆ ಮೂರು ವಿಕೆಟ್; ಟೀ ವಿರಾಮಕ್ಕೆ ನ್ಯೂಜಿಲೆಂಡ್ 192/6

IND vs NZ: ಭಾರತದ ವಿರುದ್ಧ ಟಾಸ್‌ ಗೆದ್ದ ನ್ಯೂಜಿಲೆಂಡ್ ಬ್ಯಾಟಿಂಗ್‌ ಆಯ್ಕೆ

ಮುಂಬೈ ಟೆಸ್ಟ್: ಆತಿಥೇಯರಿಗೆ ಕ್ಲಿನ್‌ಸ್ವೀಪ್ ತಪ್ಪಿಸಿಕೊಳ್ಳುವ ಸವಾಲು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

‘ಹನುಮಂತ’ನಾಗಿ ಕಾಂತಾರ ಖ್ಯಾತಿಯ ರಿಷಬ್‌ ಶೆಟ್ಟಿ: ಚಿತ್ರದ ಮೊದಲ ಪೋಸ್ಟರ್ ಬಿಡುಗಡೆ

ಏಳು ಪೊಲೀಸ್ ಅಧಿಕಾರಿಗಳಿಗೆ ಗೃಹಮಂತ್ರಿ ದಕ್ಷತಾ ಪದಕ

ದರ್ಶನ್‌ಗೆ ಮಧ್ಯಂತರ ಜಾಮೀನು: ರೇಣುಕಸ್ವಾಮಿ ತಂದೆ ಕಾಶಿನಾಥಯ್ಯ ಪ್ರತಿಕ್ರಿಯೆ...

ನಾಲ್ವರು ಬಾಲಕಿಯರ ಮೇಲೆ ಒಂದು ವರ್ಷ ಅತ್ಯಾಚಾರ: ಮೊಬೈಲ್‌ನಲ್ಲಿ 30–40 ವಿಡಿಯೊಗಳು