ಒಟ್ಟು 23 ಸದಸ್ಯ ಬಲ ಹೊಂದಿರುವ ಮಾಗಡಿ ಪುರಸಭೆ ಜೆಡಿಎಸ್ 12 ಸದಸ್ಯರು, ಬಿಜೆಪಿ ಒಬ್ಬರು ಹಾಗೂ ಕಾಂಗ್ರೆಸ್ 10 ಸದಸ್ಯರನ್ನು ಒಳಗೊಂಡಿದ್ದು, ಜೆಡಿಎಸ್ ಪುರಸಭೆ ಸದಸ್ಯ ಮಾಜಿ ಉಪಾಧ್ಯಕ್ಷ ರಹಮತ್ ಕಾಂಗ್ರೆಸ್ ಪಕ್ಷದಲ್ಲಿ ಗುರುತಿಸಿಕೊಂಡಿದ್ದರಿಂದ ಜೆಡಿಎಸ್ ಸಂಖ್ಯೆ 11 ಕ್ಕೆ ಇಳಿದಿದೆ. ಬಿಜೆಪಿ ಸದಸ್ಯರು ಹಾಗೂ ಸಂಸದ ಡಾ.ಸಿ.ಎನ್.ಮಂಜುನಾಥ್ ಅವರ ಮತ ಸೇರಿ 13 ಕ್ಕೆ ಏರಿಕೆಯಾಗಿದೆ. ಕಾಂಗ್ರೆಸ್ನಲ್ಲಿ 10 ಸದಸ್ಯರ ಜೊತೆ ಜೆಡಿಎಸ್ ಒಬ್ಬ ಸದಸ್ಯ ಹಾಗೂ ಶಾಸಕ ಎಚ್.ಸಿ.ಬಾಲಕೃಷ್ಣ ಅವರ ಮತ ಸೇರಿ ಕಾಂಗ್ರೆಸ್ 12 ಸ್ಥಾನವಾಗಿದ್ದು, ಅಧ್ಯಕ್ಷ ಗಾದಿ ಪಡೆಯಲು ಕಾಂಗ್ರೆಸ್ ಗೆ ಒಂದು ಮತ ಹೆಚ್ಚುವಾರಿಯಾಗಿ ಬೇಕಾಗಿದ್ದು ಈಗ ಜೆಡಿಎಸ್ ನ ಕೆಲ ಸದಸ್ಯರು ಮಾಜಿ ಶಾಸಕರ ಸಂಪರ್ಕಕ್ಕೆ ಸಿಗದೆ ಪೋನ್ ಸ್ವೀಚ್ ಆಫ್ ಮಾಡಿಕೊಡಿರುವುದು ಜೆಡಿಎಸ್ ನಲ್ಲಿ ಅಂತಕ ಮೂಡಿಸಿದೆ.