ಇಂದು ಪತ್ರಿಕಾ ವಿತರಕರ ದಿನ: ಜಗತ್ತಿನ ಸಮಾಚಾರ ತಲುಪಿಸುವ ಸುದ್ದಿ ವಾಹಕರು

ಜಗತ್ತಿನ ಸುದ್ದಿಗಳನ್ನು ಹೊತ್ತ ಪತ್ರಿಕೆಯನ್ನು ಓದುಗರಿಗೆ ತಲುಪಿಸುವುದರಲ್ಲಿ ತೃಪ್ತಿ ಇದೆ. 25 ವರ್ಷದಿಂದ ಈ ಕೆಲಸ ಮಾಡುತ್ತಿರುವ ನನ್ನನ್ನು ಜನ ಪೇಪರ್‌ನವರು ಎಂದು ಗುರುತಿಸುವಾಗ ಹೆಮ್ಮೆ ಎನಿಸುತ್ತದೆ

ಪತ್ರಿಕೆ ವಿತರಣೆ ಕೆಲಸ ಪವಿತ್ರವಾದುದು. ಬೆಳಗ್ಗಿನ ಜಾವ ಮನೆ ಮನೆಗೆ ಪತ್ರಿಕೆ ತಲುಪಿಸಿ ಮುಗಿಸಿದಾಗ ಜಗತ್ತಿನ ಸುದ್ದಿಯನ್ನು ಜನರಿಗೆ ಒದಗಿಸಿದ ಸಾರ್ಥಕ ಭಾವ ಮನಸ್ಸಿನಲ್ಲಿ ಮೂಡುತ್ತದೆ.

ಬೆಳಿಗ್ಗೆಯೇ ಎದ್ದು ಮನೆ ಮನೆಗೆ ಪೇಪರ್ ಹಾಕುವ ಕೆಲಸವು ನನ್ನನ್ನು ದೈಹಿಕವಾಗಿಯಷ್ಟೇ ಅಲ್ಲದೆ ಮಾನಸಿಕವಾಗಿಯೂ ಚನ್ನಾಗಿಟ್ಟಿದೆ. ‘ಪ್ರಜಾವಾಣಿ’ ವಿತರಕ ಎನ್ನಿಸಿಕೊಳ್ಳಲು ಖುಷಿಯಾಗುತ್ತದೆ.

ಪತ್ರಿಕೆ ತಲುಪಿಸುವ ವಿತರಕರು ಸುದ್ದಿ ವಾಹಕರಿದ್ದಂತೆ. ಸರ್ಕಾರ ನಮ್ಮ ಸೇವೆಯನ್ನು ಗುರುತಿಸಿ ವಿಮೆ ಸೌಲಭ್ಯ ಕಲ್ಪಿಸಬೇಕು. ಸರ್ಕಾರಿ ಬಸ್‌ನಲ್ಲಿ ಉಚಿತವಾಗಿ ಪ್ರಯಾಣಿಸಲು ಪಾಸ್ ನೀಡಬೇಕು.