ಕಿನ್ನರದಲ್ಲಿ ‘ಮತ್ಸ್ಯ ಬೇಟೆ’ಯ ಹಬ್ಬ!

ಕಾರವಾರ: ತಾಲ್ಲೂಕಿನ ಸಮೀಪದ ಕಿನ್ನರ ಗ್ರಾಮದಲ್ಲಿ ಬುಧವಾರ ಹಬ್ಬದ ವಾತಾವರಣ ಸೃಷ್ಟಿಯಾಗಿತ್ತು. ಹಿರಿಯರು– ಕಿರಿಯರು, ಪುರುಷ– ಮಹಿಳೆಯರೆನ್ನದೇ ಗ್ರಾಮಸ್ಥರ ದಂಡು ನದಿಗೆ ಇಳಿದಿತ್ತು! ಸುಮಾರು ಒಂದೂವರೆ ತಾಸಿನ ಬಳಿಕ ಎಲ್ಲರೂ ಖುಷಿಯಿಂದಲೇ ತಮ್ಮ ಮನೆಗಳಿಗೆ ವಾಪಸ್ ಆಗಿದ್ದರು.

. ಇದು ಕಾಳಿ ನದಿಯ ಹಿನ್ನೀರಿನಲ್ಲಿ ಪ್ರತಿವರ್ಷ ನಡೆಯುವ ಸಾಂಪ್ರದಾಯಿಕ ‘ಮತ್ಸ್ಯ ಬೇಟೆ’ಯ ಚಿತ್ರಣವಿದು. ಗ್ರಾಮದಲ್ಲಿನ ಗಿಂಡಿ ಮಹಾದೇವಿ ದೇವಸ್ಥಾನದಲ್ಲಿಪೂಜೆನಡೆದ ನಂತರಗ್ರಾಮಸ್ಥರೆಲ್ಲ ಕಾಳಿ ನದಿಯ ಹಿನ್ನೀರಿನ ಸುತ್ತಲೂ ನೆರೆದರು. ಬಲೆಗಳನ್ನು ಹಿಡಿದು ನೀರಿಗಿಳಿದವರು ಕೈಗೆ ಸಿಕ್ಕಷ್ಟು ಮೀನುಗಳನ್ನು ಬಾಚಿಕೊಂಡರು.ದಂಡೆಯ ಮೇಲೆ ನಿಂತ ಕೆಲವರು ಬೇಟೆಗಾರರ ಬಲೆಗೆ ಬಿದ್ದಿದ್ದ ಮೀನುಗಳನ್ನು ಮೇಲೆತ್ತಿ ಚೀಲಕ್ಕೆ ತುಂಬಿಕೊಂಡರು.

. ನಂತರ ಬೇಟೆಯಾಡಿದ ಮೀನುಗಳನ್ನು ಕೊಂಡು ಮನೆಗೆ ತೆರಳಿ, ಅದರಲ್ಲೇ ಅಡುಗೆ ತಯಾರಿಸಿ ಹಬ್ಬದೂಟ ಸವಿದರು. ಸುಮಾರು ಐದು ಎಕರೆಗಳಷ್ಟು ವಿಸ್ತಾರ ಹೊಂದಿರುವ ಈ ಹಿನ್ನೀರಿನಲ್ಲಿ ಮತ್ಸ್ಯ ಬೇಟೆ ನಡೆಯುವುದು ಒಂದು ಕಡೆಯಾದರೆ, ಇದನ್ನು ನೋಡಲೆಂದೇ ಸುತ್ತಮುತ್ತಲಿನ ಗ್ರಾಮಗಳಿಂದ ನೂರಾರು ಜನರು ಸೇರಿದ್ದರು.

. ವರ್ಷಕ್ಕೆ ಒಮ್ಮೆ ಮೀನುಗಾರಿಕೆ

. ‘ಮಳೆಗಾಲದ ಅವಧಿಯಲ್ಲಿ ನದಿ ತುಂಬಿ ಹರಿಯುತ್ತದೆ. ಮಳೆಗಾಲ ಮುಗಿದು ಅಕ್ಟೋಬರ್ ಬರುತ್ತಿದ್ದಂತೆ ಇಲ್ಲಿ ಮೀನು ಬೇಟೆಗೆ ನಿಷೇಧ ಹೇರಲಾಗುತ್ತದೆ. ನಂತರದ ಏಪ್ರಿಲ್ ತಿಂಗಳವರೆಗೆ ಇಲ್ಲಿ ಯಾರೂ ಮೀನುಗಾರಿಕೆಗೆ ನಡೆಸುವ ಹಾಗಿಲ್ಲ. ಮೇ ತಿಂಗಳಿನಲ್ಲಿ ಒಂದು ದಿನವನ್ನು ಮೀನು ಬೇಟೆಗೆ ಎಂದು ನಿಗದಿಪಡಿಸಲಾಗುತ್ತದೆ. ಗ್ರಾಮದ ಹಿರಿಯರ ಈ ಸಂಪ್ರದಾಯವನ್ನು ಯಾರೂ ಮೀರುವುದಿಲ್ಲ’ ಎನ್ನುತ್ತಾರೆ ಗ್ರಾಮಸ್ಥ ಉಮೇಶ್ ಗುನಗಿ.

. ದೇವರಿಗೂ ಪಾಲು

. ‘ಮತ್ಸ್ಯ ಬೇಟೆಯಲ್ಲಿ ದೊರೆತ ಅಷ್ಟೂ ಮೀನುಗಳನ್ನು ಮನೆಗೆ ತೆಗೆದುಕೊಂಡು ಹೋಗುವಂತಿಲ್ಲ. ಇದರಲ್ಲಿ ಎರಡು ಪಾಲುಗಳನ್ನಾಗಿ ವಿಂಗಡಿಸಲಾಗುತ್ತದೆ. ಒಂದನ್ನು ದೇವರಿಗೆ, ಇನ್ನೊಂದನ್ನು ತಾವು ಕೊಂಡಯ್ಯುತ್ತಾರೆ. ದೇವರಿಗೆ ನೀಡಿದ ಪಾಲನ್ನು ದೇವಸ್ಥಾನದ ಸಮಿತಿಯಿಂದಹರಾಜು ಹಾಕಲಾಗುತ್ತದೆ.ಇದರಿಂದಸಂಗ್ರಹಗೊಂಡ ಹಣವನ್ನು ದೇವಸ್ಥಾನದ ಅಭಿವೃದ್ಧಿಗೆ ಬಳಸಲಾಗುತ್ತದೆ’ ಎಂದು ಅವರು ವಿವರಿಸಿದರು.

. ನಾಲ್ಕು ಗಂಟೆ ವಿಳಂಬ:ಪ್ರತಿ ವರ್ಷ ಬೆಳಿಗ್ಗೆ ಸುಮಾರುಒಂಬತ್ತುಗಂಟೆಯ ವೇಳೆಗೆ ಆರಂಭವಾಗಬೇಕಿದ್ದ ‘ಮತ್ಸ್ಯ ಬೇಟೆ’, ಈ ಬಾರಿ ನಾಲ್ಕುತಾಸುವಿಳಂಬವಾಗಿ ನಡೆಯಿತು.ಹಿನ್ನೀರಿನಲ್ಲಿಇಳಿತ ಉಂಟಾಗುವುದು ತಡವಾಯಿತು. ಹೀಗಾಗಿ ಮಧ್ಯಾಹ್ನ ಸುಮಾರು ಒಂದು ಗಂಟೆಯ ವೇಳೆಗೆ ಪ್ರಾರಂಭವಾಯಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಿನ್ನರದಲ್ಲಿ ‘ಮತ್ಸ್ಯ ಬೇಟೆ’ಯ ಹಬ್ಬ!

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

ಚುರುಮುರಿ: ಎಲೆಕ್ಷನ್‌ ಹರಾಜು!

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌