<p><strong>ಕಾರವಾರ:</strong> ಕಳೆದ ಐದು ವರ್ಷಗಳಿಂದ ಆಯೋಜನೆಗೊಳ್ಳದ, ಜಿಲ್ಲೆಯ ಅದ್ದೂರಿ ಆಚರಣೆಯಲ್ಲಿ ಒಂದೆನಿಸಿದ ‘ಕರಾವಳಿ ಉತ್ಸವ’ ಈ ಬಾರಿಯಾದರೂ ನಡೆಯಬಹುದು ಎಂಬ ಜನರ ನಿರೀಕ್ಷೆ ಕೈಗೂಡುವ ಲಕ್ಷಣ ಗೋಚರಿಸುತ್ತಿಲ್ಲ. ಜಿಲ್ಲೆಯ 11 ತಾಲ್ಲೂಕುಗಳಲ್ಲಿ ಎದುರಾಗಿರುವ ಬರಗಾಲದ ಸ್ಥಿತಿ, ಮುಖ್ಯಮಂತ್ರಿ ಆಗಮನಕ್ಕೆ ಜಿಲ್ಲಾ ಉಸ್ತುವಾರಿ ಸಚಿವರು ಪಟ್ಟು ಹಿಡಿರುವುದರಿಂದ ಉತ್ಸವ ಆಚರಣೆಗೆ ಅಡ್ಡಿಯಾಗಬಹುದಾದ ಸಾಧ್ಯತೆ ಇದೆ.</p>.<p>ಬಹುತೇಕ ಬಾರಿ ಕರಾವಳಿ ಉತ್ಸವ ಡಿಸೆಂಬರ್ ಅಥವಾ ಜನವರಿ ತಿಂಗಳಿನಲ್ಲಿ ನಡೆದಿದೆ. ಈ ಬಾರಿಯೂ ಅದ್ಧೂರಿ ಉತ್ಸವ ಆಚರಿಸಲು ಸಚಿವ ಮಂಕಾಳ ವೈದ್ಯ ಆಸಕ್ತಿ ತೋರಿದ್ದಾರೆ. ಸಿದ್ಧತೆ ಕೈಗೊಳ್ಳಲು ಅಧಿಕಾರಿಗಳಿಗೂ ಸೂಚಿಸಿದ್ದಾರೆ. ಉತ್ಸವಕ್ಕೆ ಸಿ.ಎಂ ಸಿದ್ದರಾಮಯ್ಯ ಅವರನ್ನು ಕರೆಯಿಸಲು ಅವರು ಪ್ರಯತ್ನ ನಡೆಸುತ್ತಿದ್ದಾರೆ.</p>.<p>‘ಕರಾವಳಿ ಉತ್ಸವ ಆಚರಣೆಗೆ ಹಲವು ದಿನಗಳಿಂದಲೂ ಸಿದ್ಧತೆ ಮಾಡಿಟ್ಟುಕೊಳ್ಳಲಾಗುತ್ತಿದೆ. ಟೆಂಡರ್ ಪ್ರಕ್ರಿಯೆಗಳನ್ನೂ ಮಾಡಿಕೊಳ್ಳಲಾಗುತ್ತಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಂದಲೇ ಉತ್ಸವ ಉದ್ಘಾಟಿಸಲು ಸಚಿವರು ಆಸಕ್ತಿ ತೋರಿದ್ದಾರೆ. ಮುಖ್ಯಮಂತ್ರಿ ಒಪ್ಪಿಗೆ ಸಿಕ್ಕ ಬಳಿಕ ಕಾರ್ಯಕ್ರಮದ ದಿನ ನಿಗದಿಪಡಿಸಲಾಗುವುದು’ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ಕರಾವಳಿ ಉತ್ಸವ ಆಚರಣೆ ಸಿದ್ಧತೆಗೆ ಕನಿಷ್ಠ ಹದಿನೈದು ದಿನದಿಂದ ಒಂದು ತಿಂಗಳ ಕಾಲಾವಕಾಶ ತಗುಲಲಿದೆ. ಈ ಹಿಂದಿನ ಉತ್ಸವಗಳೆಲ್ಲವೂ ಡಿಸೆಂಬರ್ ಅಥವಾ ಜನವರಿ ತಿಂಗಳಿನಲ್ಲಿಯೇ ನಡೆದಿದೆ. ಫೆಬ್ರವರಿಯಲ್ಲಿ ಕದಂಬೋತ್ಸವ ಆಚರಣೆಯೂ ಇರುವುದರಿಂದ ಕರಾವಳಿ ಉತ್ಸವ ಆಚರಣೆಗೆ ಸಮಯ ನಿಗದಿಗೆ ಅಡ್ಡಿಯಾಗಬಹುದು. ಹೀಗಾಗಿ ಈ ಬಾರಿ ಉತ್ಸವ ನಡೆಸುವುದು ಅನುಮಾನ’ ಎಂದು ಎಂಟಕ್ಕೂ ಹೆಚ್ಚು ಕರಾವಳಿ ಉತ್ಸವ ಆಯೋಜನೆಗೆ ಕೆಲಸ ಮಾಡಿದ್ದ ನಿವೃತ್ತ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು. </p>.<p>2018ರ ಡಿಸೆಂಬರ್ ತಿಂಗಳಿನಲ್ಲಿ ಅಂದಿನ ಕಾಂಗ್ರೆಸ್–ಜೆಡಿಎಸ್ ಸಮ್ಮಿಶ್ರ ಸರ್ಕಾರದ ಅವಧಿಯಲ್ಲಿ ಇಲ್ಲಿನ ಟ್ಯಾಗೋರ್ ಕಡಲತೀರದ ಮಯೂರವರ್ಮ ವೇದಿಕೆಯಲ್ಲಿ ಕರಾವಳಿ ಉತ್ಸವ ಆಯೋಜನೆಗೊಂಡಿತ್ತು. ತದನಂತರ ನೆರೆ ಹಾವಳಿ, ಕೋವಿಡ್ ಕಾರಣಕ್ಕೆ ಉತ್ಸವ ಆಚರಣೆ ಕೈಗೂಡಿರಲಿಲ್ಲ.</p>.<p>ಪ್ರವಾಸೋದ್ಯಮ ಇಲಾಖೆಯ ಅನುದಾನ, ದಾನಿಗಳ ನೆರವಿನಿಂದ 1990ರ ದಶಕದಿಂದಲೂ ಕರಾವಳಿ ಉತ್ಸವ ಸಾಂಪ್ರದಾಯಿಕ ಉತ್ಸವವಾಗಿ ಆಚರಣೆಯಲ್ಲಿದೆ. ಈವರೆಗೆ ಸುಮಾರು 14ಕ್ಕೂ ಹೆಚ್ಚು ಬಾರಿ ಉತ್ಸವ ಆಯೋಜನೆಗೊಂಡಿದೆ. ಬಾಲಿವುಡ್, ಸ್ಯಾಂಡಲ್ವುಡ್ ಗಾಯಕರು ಪ್ರದರ್ಶನ ನೀಡುವ ಕಾರಣಕ್ಕೆ ಉತ್ಸವ ಹೆಚ್ಚು ಮೆರಗು ಪಡೆದುಕೊಂಡಿದೆ. </p>.<p>ಕರಾವಳಿ ಉತ್ಸವಕ್ಕೆ ಬೇಕಿರುವ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗುತ್ತಿದೆ. ಸೂಕ್ತ ದಿನವನ್ನು ಉಸ್ತುವಾರಿ ಸಚಿವರ ಜತೆ ಚರ್ಚಿಸಿ ನಿಗದಿಪಡಿಸಲಿದ್ದೇವೆ </p><p>-ಗಂಗೂಬಾಯಿ ಮಾನಕರ ಜಿಲ್ಲಾಧಿಕಾರಿ </p>.<p>ಉತ್ಸವಕ್ಕೆ ಅಡ್ಡಿಯಾಗಬಹುದಾದ ಅಂಶಗಳೇನು? * ಮುಖ್ಯಮಂತ್ರಿ ಪಾಲ್ಗೊಳ್ಳುವ ಒಪ್ಪಿಗೆ ದೊರೆಯುವವರೆಗೆ ದಿನ ನಿಗದಿ ಕಷ್ಟ * ಫೆ.24 25 ರಂದು ಕದಂಬೋತ್ಸವ ಆಚರಣೆಯೂ ಆಗಬೇಕಿದ್ದು ಜಿಲ್ಲಾಡಳಿತಕ್ಕೆ ಸಿದ್ಧತೆಗೆ ಒತ್ತಡ ಬೀಳಬಹುದು * ಜಿಲ್ಲೆಯ 12 ತಾಲ್ಲೂಕುಗಳ ಪೈಕಿ 11 ಬರಪೀಡಿತ ಎಂದು ಘೋಷಿಸಿರುವುದು ಅದ್ದೂರಿ ಆಚರಣೆಗೆ ಅಡ್ಡಿಯಾಗಬಹುದು * ಅಲ್ಪ ಅವಧಿಯಲ್ಲಿ ಉತ್ಸವಕ್ಕೆ ಸಿದ್ಧತೆಗೆ ಸಮಸ್ಯೆ ಆಗುವ ಸಾಧ್ಯತೆ * ಎಸ್ಸೆಸ್ಸೆಲ್ಸಿ ಪಿಯುಸಿ ಪೂರ್ವಸಿದ್ಧತೆ ಪರೀಕ್ಷೆಗಳು ಆರಂಭಗೊಳ್ಳುವುದು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾರವಾರ:</strong> ಕಳೆದ ಐದು ವರ್ಷಗಳಿಂದ ಆಯೋಜನೆಗೊಳ್ಳದ, ಜಿಲ್ಲೆಯ ಅದ್ದೂರಿ ಆಚರಣೆಯಲ್ಲಿ ಒಂದೆನಿಸಿದ ‘ಕರಾವಳಿ ಉತ್ಸವ’ ಈ ಬಾರಿಯಾದರೂ ನಡೆಯಬಹುದು ಎಂಬ ಜನರ ನಿರೀಕ್ಷೆ ಕೈಗೂಡುವ ಲಕ್ಷಣ ಗೋಚರಿಸುತ್ತಿಲ್ಲ. ಜಿಲ್ಲೆಯ 11 ತಾಲ್ಲೂಕುಗಳಲ್ಲಿ ಎದುರಾಗಿರುವ ಬರಗಾಲದ ಸ್ಥಿತಿ, ಮುಖ್ಯಮಂತ್ರಿ ಆಗಮನಕ್ಕೆ ಜಿಲ್ಲಾ ಉಸ್ತುವಾರಿ ಸಚಿವರು ಪಟ್ಟು ಹಿಡಿರುವುದರಿಂದ ಉತ್ಸವ ಆಚರಣೆಗೆ ಅಡ್ಡಿಯಾಗಬಹುದಾದ ಸಾಧ್ಯತೆ ಇದೆ.</p>.<p>ಬಹುತೇಕ ಬಾರಿ ಕರಾವಳಿ ಉತ್ಸವ ಡಿಸೆಂಬರ್ ಅಥವಾ ಜನವರಿ ತಿಂಗಳಿನಲ್ಲಿ ನಡೆದಿದೆ. ಈ ಬಾರಿಯೂ ಅದ್ಧೂರಿ ಉತ್ಸವ ಆಚರಿಸಲು ಸಚಿವ ಮಂಕಾಳ ವೈದ್ಯ ಆಸಕ್ತಿ ತೋರಿದ್ದಾರೆ. ಸಿದ್ಧತೆ ಕೈಗೊಳ್ಳಲು ಅಧಿಕಾರಿಗಳಿಗೂ ಸೂಚಿಸಿದ್ದಾರೆ. ಉತ್ಸವಕ್ಕೆ ಸಿ.ಎಂ ಸಿದ್ದರಾಮಯ್ಯ ಅವರನ್ನು ಕರೆಯಿಸಲು ಅವರು ಪ್ರಯತ್ನ ನಡೆಸುತ್ತಿದ್ದಾರೆ.</p>.<p>‘ಕರಾವಳಿ ಉತ್ಸವ ಆಚರಣೆಗೆ ಹಲವು ದಿನಗಳಿಂದಲೂ ಸಿದ್ಧತೆ ಮಾಡಿಟ್ಟುಕೊಳ್ಳಲಾಗುತ್ತಿದೆ. ಟೆಂಡರ್ ಪ್ರಕ್ರಿಯೆಗಳನ್ನೂ ಮಾಡಿಕೊಳ್ಳಲಾಗುತ್ತಿದೆ. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಂದಲೇ ಉತ್ಸವ ಉದ್ಘಾಟಿಸಲು ಸಚಿವರು ಆಸಕ್ತಿ ತೋರಿದ್ದಾರೆ. ಮುಖ್ಯಮಂತ್ರಿ ಒಪ್ಪಿಗೆ ಸಿಕ್ಕ ಬಳಿಕ ಕಾರ್ಯಕ್ರಮದ ದಿನ ನಿಗದಿಪಡಿಸಲಾಗುವುದು’ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದರು.</p>.<p>‘ಕರಾವಳಿ ಉತ್ಸವ ಆಚರಣೆ ಸಿದ್ಧತೆಗೆ ಕನಿಷ್ಠ ಹದಿನೈದು ದಿನದಿಂದ ಒಂದು ತಿಂಗಳ ಕಾಲಾವಕಾಶ ತಗುಲಲಿದೆ. ಈ ಹಿಂದಿನ ಉತ್ಸವಗಳೆಲ್ಲವೂ ಡಿಸೆಂಬರ್ ಅಥವಾ ಜನವರಿ ತಿಂಗಳಿನಲ್ಲಿಯೇ ನಡೆದಿದೆ. ಫೆಬ್ರವರಿಯಲ್ಲಿ ಕದಂಬೋತ್ಸವ ಆಚರಣೆಯೂ ಇರುವುದರಿಂದ ಕರಾವಳಿ ಉತ್ಸವ ಆಚರಣೆಗೆ ಸಮಯ ನಿಗದಿಗೆ ಅಡ್ಡಿಯಾಗಬಹುದು. ಹೀಗಾಗಿ ಈ ಬಾರಿ ಉತ್ಸವ ನಡೆಸುವುದು ಅನುಮಾನ’ ಎಂದು ಎಂಟಕ್ಕೂ ಹೆಚ್ಚು ಕರಾವಳಿ ಉತ್ಸವ ಆಯೋಜನೆಗೆ ಕೆಲಸ ಮಾಡಿದ್ದ ನಿವೃತ್ತ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು. </p>.<p>2018ರ ಡಿಸೆಂಬರ್ ತಿಂಗಳಿನಲ್ಲಿ ಅಂದಿನ ಕಾಂಗ್ರೆಸ್–ಜೆಡಿಎಸ್ ಸಮ್ಮಿಶ್ರ ಸರ್ಕಾರದ ಅವಧಿಯಲ್ಲಿ ಇಲ್ಲಿನ ಟ್ಯಾಗೋರ್ ಕಡಲತೀರದ ಮಯೂರವರ್ಮ ವೇದಿಕೆಯಲ್ಲಿ ಕರಾವಳಿ ಉತ್ಸವ ಆಯೋಜನೆಗೊಂಡಿತ್ತು. ತದನಂತರ ನೆರೆ ಹಾವಳಿ, ಕೋವಿಡ್ ಕಾರಣಕ್ಕೆ ಉತ್ಸವ ಆಚರಣೆ ಕೈಗೂಡಿರಲಿಲ್ಲ.</p>.<p>ಪ್ರವಾಸೋದ್ಯಮ ಇಲಾಖೆಯ ಅನುದಾನ, ದಾನಿಗಳ ನೆರವಿನಿಂದ 1990ರ ದಶಕದಿಂದಲೂ ಕರಾವಳಿ ಉತ್ಸವ ಸಾಂಪ್ರದಾಯಿಕ ಉತ್ಸವವಾಗಿ ಆಚರಣೆಯಲ್ಲಿದೆ. ಈವರೆಗೆ ಸುಮಾರು 14ಕ್ಕೂ ಹೆಚ್ಚು ಬಾರಿ ಉತ್ಸವ ಆಯೋಜನೆಗೊಂಡಿದೆ. ಬಾಲಿವುಡ್, ಸ್ಯಾಂಡಲ್ವುಡ್ ಗಾಯಕರು ಪ್ರದರ್ಶನ ನೀಡುವ ಕಾರಣಕ್ಕೆ ಉತ್ಸವ ಹೆಚ್ಚು ಮೆರಗು ಪಡೆದುಕೊಂಡಿದೆ. </p>.<p>ಕರಾವಳಿ ಉತ್ಸವಕ್ಕೆ ಬೇಕಿರುವ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗುತ್ತಿದೆ. ಸೂಕ್ತ ದಿನವನ್ನು ಉಸ್ತುವಾರಿ ಸಚಿವರ ಜತೆ ಚರ್ಚಿಸಿ ನಿಗದಿಪಡಿಸಲಿದ್ದೇವೆ </p><p>-ಗಂಗೂಬಾಯಿ ಮಾನಕರ ಜಿಲ್ಲಾಧಿಕಾರಿ </p>.<p>ಉತ್ಸವಕ್ಕೆ ಅಡ್ಡಿಯಾಗಬಹುದಾದ ಅಂಶಗಳೇನು? * ಮುಖ್ಯಮಂತ್ರಿ ಪಾಲ್ಗೊಳ್ಳುವ ಒಪ್ಪಿಗೆ ದೊರೆಯುವವರೆಗೆ ದಿನ ನಿಗದಿ ಕಷ್ಟ * ಫೆ.24 25 ರಂದು ಕದಂಬೋತ್ಸವ ಆಚರಣೆಯೂ ಆಗಬೇಕಿದ್ದು ಜಿಲ್ಲಾಡಳಿತಕ್ಕೆ ಸಿದ್ಧತೆಗೆ ಒತ್ತಡ ಬೀಳಬಹುದು * ಜಿಲ್ಲೆಯ 12 ತಾಲ್ಲೂಕುಗಳ ಪೈಕಿ 11 ಬರಪೀಡಿತ ಎಂದು ಘೋಷಿಸಿರುವುದು ಅದ್ದೂರಿ ಆಚರಣೆಗೆ ಅಡ್ಡಿಯಾಗಬಹುದು * ಅಲ್ಪ ಅವಧಿಯಲ್ಲಿ ಉತ್ಸವಕ್ಕೆ ಸಿದ್ಧತೆಗೆ ಸಮಸ್ಯೆ ಆಗುವ ಸಾಧ್ಯತೆ * ಎಸ್ಸೆಸ್ಸೆಲ್ಸಿ ಪಿಯುಸಿ ಪೂರ್ವಸಿದ್ಧತೆ ಪರೀಕ್ಷೆಗಳು ಆರಂಭಗೊಳ್ಳುವುದು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
