‘ಕರಾವಳಿ ಉತ್ಸವ’ಕ್ಕೆ ‘ಶಿರೂರು ದುರಂತ’ ಅಡ್ಡಿ?

ಈವರೆಗೆ ನಡೆದ ಕರಾವಳಿ ಉತ್ಸವ ಬಹುತೇಕ ಡಿಸೆಂಬರ್ ಮತ್ತು ಜನವರಿ ತಿಂಗಳಿನಲ್ಲಿಯೇ ನಡೆದಿದೆ. ಉತ್ಸವದ ಆಚರಣೆಗೆ ಮೂರು ತಿಂಗಳು ಹಿಂದಿನಿಂದಲೇ ಸಿದ್ಧತೆ ನಡೆಯುತ್ತಿತ್ತು. ಹಳಿಯಾಳ ಶಾಸಕರಾಗಿರುವ ಆರ್.ವಿ.ದೇಶಪಾಂಡೆ ಸಚಿವರಾಗಿದ್ದ ಅವಧಿಯಲ್ಲೆಲ್ಲ ಉತ್ಸವ ನಡೆದಿದೆ ಎಂಬುದನ್ನು ಹಲವರು ಸ್ಮರಿಸುತ್ತಾರೆ. ‘ಶಿರೂರು ದುರಂತದ ಛಾಯೆ ಇನ್ನೂ ಮಾಸಿಲ್ಲ. ಕರಾವಳಿ ಉತ್ಸವ ಸರ್ಕಾರದಿಂದ ಆಚರಣೆಯಾಗುವ ಅಧಿಕೃತ ಉತ್ಸವ ಅಂತೂ ಅಲ್ಲ. ಗ್ಯಾರಂಟಿ ಯೋಜನೆ ಕಾರಣದಿಂದ ಅಧಿಕೃತ ಅಲ್ಲದ ಉತ್ಸವಗಳಿಗೆ ಅನುದಾನ ಹೊಂದಾಣಿಕೆ ಸವಾಲಾಗಬಹುದು. ಇವೆಲ್ಲ ಕಾರಣದಿಂದ ಉತ್ಸವ ಆಚರಣೆಗೆ ಅಡ್ಡಿ ಆಗಬಹುದು’ ಎಂದು ಹಿರಿಯ ಅಧಿಕಾರಿಯೊಬ್ಬರು ಹೇಳಿದರು.